Секоја жена се прашува кое средство е најдобро за одржување вагинална хигиена. Сите сме слушнале дека доволно е само вода, но дали тоа навистина е така?

Дали треба да се користи благ шампон за одржување на интимната хигиена?

„Многу е важно дали жената се наоѓа во генеративен период или во менопауза, и зависно од тоа мора да се приспособи средството. Производите за генеративниот период се со појак состав и многу е важно тие средства да содржат млечна киселина, која навистина штити од потенцијални инфекции. Таа ја одржува pH-вредноста. Што се однесува до хигиената на надворешната кожа на гениталните органи кај жени во менопауза, апсолутно треба да се користат поблаги средства и апсолутно треба да се внимава на изборот, поради недостигот на хормонот естроген. Таа кожа се истанчува и е поподложна на инфекции. Најважно е да се одбегнуваат производи кои содржат парабени“, објаснуваат експертите.

Докторите ги советуваат жените да користат поприродни средства, како оние што содржат кантарион, кој е природен антисептик или такви што содржат жалфија.

Исто така, докторите тврдат дека водата не е доволна и дека таа денес се разликува по составот, па така потребно е да се користи и некакво средство за да се одржува правилна хигиена на вагиналната регија.

Околу користењето кисело млеко како превенција или за лекување на интимната регија, докторите велат:

„Порано, постарите генерации имале одредени ритуали што ги спроведувале, па ретко која баба немала иригатор, односно кантичка за вагинално плакнење. Навистина користеле млечна киселина, односно кисело млеко за да ја одржат pH-вредноста на вагината и точно е дека користеле масло од кантарион и жалфија. До 1980-тите години тоа било многу распространето. Не е грешка да се користи кисело млеко, а сега постојат и таблети на база на млечни киселини, кои се многу ефикасни, а има и кремови за жени во постменопауза“, тврдат експертите.

Извор: Убавина и здравје

The post Како правилно се одржува вагинална хигиена appeared first on Република.