Министерството за внатрешни работи го расчисти случајот со закани кон судија на Уставниот суд, соопшти денеска министерот Панче Тошковски.

На 24.06.2024 Претседателот на Уставниот суд, Д.К., пријави закани по животот и безбедноста на судија од страна на С.И. преку социјална мрежа. По пријавата, МВР презеде мерки и изврши разговор со С.И. во СВР Тетово. На 26.06.2024, Секторот за компјутерски криминал поднесе кривична пријава против С.И. за „загрозување на сигурноста“ според член 144 став 5 од Кривичниот законик. Сакам да истакнам дека МВР во иднина остро ќе реагира против било какви закани, особено против членови на највисокиот суд во Македонија, рече Тошковски.

The post Тошковски: Расчистен случајот со заканите кон уставниот судија, МВР во иднина остро ќе реагира против било какви закани appeared first on Република.

Претседателот на Уставниот суд Дарко Костадиновски, денеска поднесе пријава до Министерството за внатрешни работи, за упатени закани по животот и безбедноста на судии на Уставниот суд информираше судот.

Пријавата е поднесена поради директно упатени закани кон судија односно судии поврзани со постапување по конкретен предмет од страна на Судот. Претседателот Костадиновски најостро ги осудува ваквите закани упатени до судиите, истакнувајќи дека во едно демократско општество, вакви и слични закани претставуваат напад врз интегритетот на Уставниот суд, но и директен притисок врз независното и самостојно одлучување на сите судии. Поради сериозноста на упатените јавни закани и повици за насилство, Судот очекува надлежните органи професионално и навремено да ги превземат сите неопходни мерки и активности за расветлување на овој но и слични закани кон судиите, се вели во известувањето од Уставен.

The post Уставни судии добиле закани по живот околу конкретен судски предмет appeared first on Република.

„O2 Иницијатива“ упати апел до уставните судии кои гласале против поведување на постапка по предметот У.бр.52/2022 за оспорување на Одлука за донесување на ДУП за Градска четврт 3 05 помеѓу бул. Илинден, бул. 8 Септемри, бул. Партизански одреди и ул. Љубљанска во Општина Карпош-Скопје од 6.11.2013, дополнително да го разгледаат случајот и да поднесат друго мислење во најбрз можен рок, за предметот повторно да се стави на гласање, со оглед дека со реализација на овој урбанистички план ќе настанат тешки неотстранливи последици.

Уставниот судија известител по овој предмет, Дарко Костадиновски, е против поведување на постапка по овој предмет, иако основата за оспорување на Одлуката за донесување на ДУП за Градска четврт 3 05 е како и во бројните предмети на кои досега работел Уставниот суд, повел постапки по истите и ги укинал оспорените детални урбанистички планови, каде и самиот судија известител гласал за вакви одлуки на Судот. Вакви предмети се У.бр.95/2017-1 од 20.6.2018, У.бр.134/2017-1 од 9.7.2018, У.бр.136/2017-1 од 9.7.2018, У.бр.135/2017-1 од 05.12.2018, У.бр.123/2018-1 од 25.9.2019, У.бр.80/2019-1 од 13.11.2019, У.бр.34/2021-1 од 9.9.2021, У.бр.35/2021-1 од 2.2.2022 и У.бр.36/2021-1 од 9.2.2022.

-Инаку, врз основа на овој ДУП, кој е изгласан во ноември 2013 год. од советниците на ГРОМ и ВМРО-ДПМНЕ со коалицијата во тогашниот мандат на Стевчо Јакимовски во општина Карпош, каде е вцртана маркичка за 28 катница, се планира изградба на споени згради од 2, 11, 18 и 19 ката, вкупно 50 ката со 419 стана. Инвеститори се ЗСФ КОМ на еден од најмоќните градежници во земјава, озлогласениот Фатмир Етеми и Делта 2015 Констракшн, која до лани беше во сопственост на Орка Холдинг на семејството на Орце Камчев, кога се продава за 5 милиони евра и недвижен имот во вредност од 8 милиони евра од новата градба, што претставува 25 отсто од објектот, на Специјал Градба во сопственост на бизнисменот Кочо Стојчески.

Во меѓувреме Уставниот суд го укина регулацискиот план за оваа четврт, со кој беше ограничена висината на градбите. Подносител на иницијативата е адвокатот Бојан Милошевски, поранешен секретар на општина Карпош во изминатиот мандат на Стевчо Јакимовски, кој во овој мандат бил ангажиран за адвокатски услуги од општина Карпош, стои во соопштението од Иницијативата.

The post „О2 Иницијатива“ со апел до уставните судии: Кој сѐ има профит од зградата позади бензиската Макпетрол во Карпош? appeared first on Република.

Верувам дека довербата на граѓаните во Уставниот суд е зголемена, изјави на денешната завршна прес-конференција претседателката на Судот, Добрила Кацарска. Претставувајќи го работењето на Судот во текот на 2022 година, таа посочи дека годинава се одржани вкупно 42 седници и 130 решени предмети.

Навистина верувам во тоа затоа што и со овие бројки што сега ги кажав покажавме дека и кога сме во неполн состав, односно кога бевме само пет судии ние имаме одржано најмногу седници, а освен тоа сè почесто се случува да укинуваме одредби од закони, па веќе ќе се даде и поинаков третман и на барањата за заштита на слободите и правата. Така што, верувам дека граѓаните ќе ја направат разликата помеѓу оваа работа сега на Уставниот суд и претходно, посочи таа.

Одговарајќи на новинарски прашања, Кацарска рече дека смета оти во моментов нема потреба од средба со повисоки инстанци за да обезбеди мнозинство од уставни судии, и кажа дека е силен поддржувач на воведувањето на уставната жалба.

Ние го одиме патот кон Европа долги години, еве веќе почнавме и преговори. Ќе дојде и тој ден кога ќе побараат од нас воведување на уставна тужба и како што некаде се нарекува уставна жалба. И мој предлог е да час поскоро ја воведеме уставната жалба за да не се најдеме во ситуација да бидеме критикувани и повикувани зошто тој инструмент ние го немаме. Значи, секаде во секоја можност тоа и во секоја прилика го кажувам, но треба да се има во предвид дека е потребна промена на Уставот за да може да се воведе, рече таа.

Дополнувајќи дека во новиот акт кој што го имаат подготвено има одредби што се однесуваат токму на уставната жалба.

Но, повторно ви велам, сепак ние зависиме од пратениците. Доколку има волја кај нив ние би се комплетирале веднаш и би почнале после неколку месеци секако би биле спремни да отпочнеме со таа работа. Но, нагласувам дека е неопходно потребно час поскоро да ја воведеме уставната жалба. Посебно што и ние сме една од ретките земји што немаме уставна жалба. На таа тема веќе имам неколку средби со ИРЗ од германската фондација, разговараме, тие ни помагаат, што ќе биде не знам. Не зависи тоа од Уставниот суд во секој случај. Да зависи од нас веднаш ќе ја воведеме, рече Кацарска.

Како најстар предмет кој што не бил решен од 2012 година го издвои предметот промената на имињата на училиштата во Општина Чаир.

Имаме и други стари неколку предмети. Тука беше и предметот за изборот на претседателот на Собрание, Талат Џафери, од 2017 година и тој предмет е завршен. Но овие предмети што се сега останати стари се оние што се однесуваат за указите, за Преспанскиот договор и Законот за јазици за кој што сметавме ние пет судии дека треба да сме во комплетен состав за да можеме да одлучуваме затоа што навистина тоа се исклучително сериозни предмети. Таму се оспорени и указите и во целиот законите и знаете како, можеби ние би имале доволен број на гласови, можеби сите пет судии би гласале исто, но, друго е кога имаме ние дискусија од девет судии. За така сериозни предмети сметам дека треба комплетен состав. Веднаш штом се пополни Судот, штом се комплетираме секако дека тие предмети ќе имаат приоритет, рече таа.

Кацарска информираше дека со новиот акт се предвидени многу измени.

Многу работи кои што не се предвидени досега и токму заради тоа што нема закон за Уставниот суд гледаме тие празнини да ги пополниме со новиот акт. Тоа сепак треба да го одлучат политичарите дали е потребно да има закон или не, а во поглед на изборот на судиите очигледно е дека има многу критики околу оној термин „истакнат правник“ и можеби е сега крајно време точно да се дефинира што значи терминот „истакнат правник“. Но, за тоа не мора да има ни закон. Тоа може да се среди на друг начин, смета таа.

На денешната завршна прес-конференција, претседателката ја претстави работата на Уставниот суд за 2022 година и посочи дека темата со неизбирањето на судиите останува сериозен проблем за Судот.

The post Кацарска: Верувам дека довербата на граѓаните во Уставниот суд е зголемена appeared first on Република.

Уставниот суд од денеска работи со шест од предвидени девет судии поради завршување на мандатот на судијката Вангелина Маркудова.

Последната седница на којашто присуствуваше судијката Маркудова, како што информираат од Судот, се одржа во средата на 7 декември и тогаш завршија нејзините работни обврски во Уставниот суд. Последна иницијатива по којшто Маркудова работеше и ја реферираше на седницата е за Законот за плата и другите надоместоци на избрани и именувани лица и по овој предмет Уставниот суд поведе постапка, односно изрази сомнеж во уставноста на членот 22 кој им овозможува на разрешените функционери или оние кои сами си дале оставка да земаат плата (апанажа) и по завршувањето на мандатот.

По повод пензионирањето на судијката Маркудова , Уставниот суд приреди пригодна свеченост во рамки на којашто судиите и вработените се заблагодарија за нејзиниот придонес и активно учество во работата на Уставниот суд.

Ѝ благодарам на колешката Маркудова затоа што даде пример што значи да се биде професионален судија без дамка и афера во нејзината правосудна кариера, посветен работник кој сите овие години обврските ги завршуваше дисциплинирано во работно време без да пропушти ден на работа и особено ми е драго што до крајот на својот работен век остана мирољубива и толерантна личност од која многумина може да учат, кажа претседателката на Уставниот суд, Добрила Кацарска.

Вангелина Маркудова работи активно во правосудството од 1984 година, почнувајќи како приправник и стручен соработник во општинскиот суд Гевгелија во кој во 1986 година е избрана за судија. Во 1996 година е избрана за судија во Основниот Суд Скопје I во којшто од 2007 до 2013 постапува во одделението за организиран криминал и корупција. На 21 ноември 2013 година е избрана за уставна судијка како предлог на Судскиот совет, нејзиниот мандат почнува да тече од 7 декември 2013 и заврши на 7 декември 2022 година.

Ова е моја последна седница во Уставниот суд и сум горда што ќе се пензионирам и ќе си заминам со крената глава и чист образ. Го дадов својот максимум и секогаш, пред се и над се кога одлучував на ум ги имав граѓаните и нивните права, кажа Маркудова.

Вангелина Маркудова како уставна судијка во својот деветгодишен мандат работеше на 256 предмети како судија-известител.

The post Заврши мандатот на судијата Вангелина Маркудова, Уставен остана со 6 судии од предвидени 9 appeared first on Република.

Денеска во Уставниот суд почнаа со работа новоизбраните судии Татјана Васиќ Бозаџиева и Фатмир Скендер. Двајцата судии утрово беа примени од претседателката на Уставниот суд Добрила Кацарска, добија работни материјали за следната седница закажана за 9 ноември. Судиите Бозаџиева и Скендер се запознаа со вработените во службата на Уставниот суд и во наредниот период ќе им бидат распределени предмети за работа.

Двајцата новоизбрани уставни судии имаат мандат од девет години.

Уставниот суд и во оваа прилика апелира до пратениците да го почитуваат Уставот и да ги пополнат и останатите три судиски места за да може Судот да функционира во полн капацитет и да одлучува за сите предмети кои се од голема важност за државата и за граѓаните.

The post Новите уставни судии Бозаџиева и Скендер денеска почнаа со работни обврски appeared first on Република.

Новоизбраните судии Татјана Васиќ Бозаџиева и Фатмир Скендер денеска почнаа со работа во Уставниот суд.

Двајцата судии утрово беа примени од претседателката на Уставниот суд Добрила Кацарска, добија работни материјали за следната седница закажана за 9 ноември. Судиите Бозаџиева и Скендер се запознаа со вработените во службата на Уставниот суд и во наредниот период ќе им бидат распределени предмети за работа, информираат од Судот.

Двајцата новоизбрани уставни судии имаат мандат од девет години.

Уставниот суд во соопштението апелира до пратениците да го почитуваат Уставот и да ги пополнат и останатите три судиски места за, како што е посочено, да може Судот да функционира во полн капацитет и да одлучува за сите предмети кои се од голема важност за државата и за граѓаните

The post Новизбраните уставни судии Бозаџиева и Скендер денеска почнаа со работни обврски appeared first on Република.

Претседателот на Собранието Талат Џафери за утре во 11:00 часот го закажа продолжението на 88. седница на која се очекува да заврши расправата и да се гласа за избор на Ристо Пенов за нов министер за локална самоуправа, а потоа и на двата предлози за уставни судии.

На денешната средба со новинарите, одговарајќи на прашањето дали досега имало ваков случај на незавршена дебата во собраниска комисија да се отвори и да се гласа на пленарна седница, Џафери рече дека за кандидатите за уставни судии се гласа поединечно, но и дека во 2012 година за Буџетот извештајот од комисиската седница го потпишало мнозинството.

Претседателот на Собранието најави и дека оваа 88. седница, на која се и закони поврзани со мерките за справување со енергетската криза, но и законите за здруженија и фондации и за политичките партии, би требало да продолжи од понеделник.

Џафери на денешната средба со новинарите информира дека за утре закажал состанок во рамки на процесот „Жан Моне“, но од неговиот Кабинет подоцна соопштија дека состанокот е одложен поради продолжението на 88. седница. Дополнително ќе биде известено кога ќе биде закажан овој состанок, на којшто се разгледува Деловникот за работа на Собранието. Џафери истакна дека на Собранието му е потребен нов Деловник за работа.

The post Утре ќе се гласа за изборот на Пенов за министер и уставните судии appeared first on Република.

Пратениците мора да смогнат сила и да го почитуваат Уставот, да го комплетираат Уставниот суд затоа што Уставот предвидува девет судии, изјави претседателката на Уставниот суд Добрила Кацарска во интервју за „Слободна ТВ“, по повод актуелниот проблем со недостигот на уставни судии Кацарска.

-Колку што имам информација  веќе заврши дискусијата за двајца судии, тоа значи дека остануваат уште две непополнети места и според мене секако дека е добро што ќе се изберат двајца судии, но сметам дека пратениците мора да смогнат сила и да го почитуваат Уставот, да го комплетираат Уставниот суд затоа што Уставот предвидува девет судии, рече Кацарска.

По последните обвинувања во Собранието околу изборот и предлагањето на кандидатите за уставни судии Кацарска одговори дека таа веќе има свој став за тоа затоа што си ја знае работата, но вели, нема да коментира за да нe го кажува однапред  мислењето, тоа ќе го кажам во салата за седници”.

Во врска со темата околу довербата во судството, претседателката на Уставниот суд порача дека во земјава има судии, обвинители и адвокати со кои може да се гордее, но за жал има и такви на кои не им е местото во судството.

-Ако зборуваме постојано за корупција а немаме конкретни предмети тогаш како ќе ја вратиме довербата? Не значи дека еден судија треба да биде само разрешен поради нестручно постапување, јас секогаш велам дајте да видиме кој од нас со каков имот располага, кој како се однесува и какви средби има со политичари. Јас постојано велам, мора институциите да се позанимаваат со судството. Јас сум човек којшто зборува отворено и тврдам дека мора да се провери имотот на судиите, рече Кацарска.

Во однос на тоа како гледа на политичките напади, Кацарска со став дека тоа што зборуваат политичарите воопшто не допира до неа и оти тоа тие го прават за свои политички поени, за својата политичка кариера, која, вели, не допира до неа затоа што се лаги и невистини.

-Не е лесно да си судија, зборуваме за судии професионалци, чесни судии. За нас таквите е важно секој еден доказ да го ставаме пред нас. Треба да се аргументира секој доказ, вербален материјален сеедно, врз основа на тие докази ги носиме пресудите. Со оглед на големиот број на пресуди коишто сум ги донела тоа се илјадници пресуди, тоа значи многу ноќи непреспиени. Не е лесно да изречете казна затвор макар и од 30 дена, кога ги читам пресудите јас повеќе не размислувам за ништо затоа што веќе сум убедена дека мојата одлука е исправна, рече Кацарска на прашањето како се чувствувала кога гичитала пресудите на високите функицонери.

Кога ќе одлучите да бидете судија, додаде Кацарска, знаете дека тоа  може да има последици по вашата безбедност и оти мора да сте цврст, јак човек и не треба да се плашите.

-Но судијата треба да биде професионален, стручен да почитува закони и ништо повеќе од тоа. Има опасности, на пример додека ги судев предметите од СЈО имаше ризик за мојата безбедност и ден денска се случуваат непријатни ситуации, но во ниеден момент не се плашам. Единствено морам да бидам искрена и да признаам дека нелагодно се чувствував пред изрекување на тие пресуди, бидејќи многу знаење, многу труд, многу енергија вложив во тие предмети и не посакував да ми се случи нешто додека не ги објавам тие пресуди, затоа што граѓаните на Република Македонија заслужуваат да знаат што точно се случувало во тој период. Мора да има владеење на правото, заклучи Кацарска

The post Kaцарска побара да се изберат сите уставни судии appeared first on Република.

Претениците во рамки на денешното продолжение на 88-тата седница, кое траеше до доцна вечерва, ја завршија расправата за изборот на судии на Уставниот суд по што заменик-претседателот на Собранието Горан Мисовски најави дека дополнително ќе се закаже седницата на која ќе се гласа.

Во собраниската сала се дебатираше за изборот на Фатмир Скендер и Татјана Васиќ Бозаџиева за членови на Уставниот суд.

Во попладневниот дел од денешното продолжение на седницата во салата беа присутни мал број пратеници и главно пратениците од опозициската ВМРО-ДПМНЕ упатуваа критики за компетентноста на Татјана Васиќ Бозаџиева.

– Уставниот суд ќе продолжи да биде партиско собиралиште на членовите на СДСМ и ДУИ. Нема независен уставен суд, ако судиите се зависни, потенцираа од опозициската ВМРО-ДПМНЕ.

Според пратениците од опозициската ВМРО-ДПМНЕ одлуката со која се избрани уставните судии е незаконска. Посочија на Извештајот на ЕК каде, како што велат, за избор и именување на уставен судија се бара стручност и компетентност, а не изборот да се заснова на политичка основа.

Пратениците од владејачкото мнозинство, пак, потенцираа дека ВМРО-ДПМНЕ не сакаат да функционира судството и зад себе имаат, како што велат, голем криминален багаж. Според нив, целта на ВМРО-ДПМНЕ е да предизвика општа криза во државата, како парламентарна криза, политичка криза и сега сакаат да се предизвикаат и уставна криза.

Извор: МИА

The post Заврши расправата за уставните судии, гласањето ќе биде дополнително закажано appeared first on Република.

По дводневно заседание пратениците во Собранието го утврдија дневниот ред и започна расправата за изборот на двајца уставни судии.

На расправата по првиот предог Фатмир Скендер да биде избран за уставен судија, опозицијата реагираше дека никогаш не го видела, а најмногу критики упатија кон претседателката на комисијата за избор и именувања, Марија Георгиевска, која побара од спикерот Џафери гласањето на двајцата предложени уставни судии да биде ставени на пленарка, велат дека таа со тоа го погазила Уставот и собранискиот деловник.

Пратениците од власта се бранеа дека немаат намера да дозволи уставна криза, што ќе настане доколку во скоро време не се пополнат четирите празни места во судот, ако се има предвид дека во декември ќе нема ниту просто мнозинство за одржување седници.

Во празна собраниска сала опозицијата најавува преиспитување на постапката, кривични пријави и интерпелации за Георгиевска и Џафери. До сега се пријавени 28 говорници.

The post По дводневна расправа утврден дневниот ред и започна собраниската дебата за избор на двајца уставни судии appeared first on Република.

Избор на двајца уставни судии ќе се најде на дневен ред на утрешната собраниска седница. Според потпретседателот на ВМРО-ДПМНЕ, Александар Николоски, ова е незаконска одлука бидејќи расправата за именувањето сѐ уште не е завршена во матичната комисија.

-Морам да кажам дека ова што сакаат да го направат е печат злоупотреба на службена положба и овластување и карта во еден правец за осудителна пресуда за претседателот на Собранието и за претседателката на комисијата за избори и именување, рече Николоски во вечерашното гостување во Сител телевизија.

Николоски нагласи дека власта на дневен ред става избор на двајца уставни судии, во услови кога расправата во рамки на матичната комисија за избори и именување не е завршена и јасно е дека расправата треба да заврши за сите предлози, да се изјасни комисијата кој од тие предлози ќе поддржи, а дури потоа да оди на пленарна седница.

– Ова е невидено во македонскиот парламентаризам и овде не ги штити никаков имунитет. Ние жестоко ќе се спротивставиме, но утре за ова кривично ќе се одговара. Таа точка треба да се избрише целосно затоа што е незаконска. Како и за секое кривично дело ако некој е спремен да го направи го прави, но треба да е спремен за последиците, посочи тој.

The post Николоски: Точката за избор на уставни судии е незаконски ставена на дневен ред во Собрание appeared first on Република.

Во Собранието денеска две седници ќе одржи Комисијата за прашања на изборите и именувањата.

На првата 20 -та седница, Комисијата треба да ја утврди Предлог-одлуката за изменување на Одлуката за разрешување и именување на претседател и членови на Одборот за доделување на државната награда „22 Ноември”.

По завршување на оваа седница закажано е продолжението на 13-та седница на која членовите на Комисијата треба да дискутираат по Предлогот за избор на судии на Уставниот суд .

The post Предлогот за избор на уставни судии на седница на Комисијата за прашања на изборите и именувањата appeared first on Република.

Во Собранието на Република Македонија и денеска попладне продолжи седницата на Комисијата за прашања на изборите и именувањата, на која членовите дискутираат за кандидатурата за уставен судија на републичкиот јавен обвинител Љубомир Јовески, предложен од страна на владејачките партии.

Според пратениците на ВМРО-ДПМНЕ, уставните судии се бираат по желба и нарачка, а не по професионалност и способност. Пратеничката Бети Стаменкоска Трајкоска посочи дека јавниот обвинител Јовески, како што рече, се истакнал во својата професија со тоа што не реагирал на голем број криминали.

– Дали Уставниот суд, овој суд што сакате да го направите по мерка, ќе функционира како што треба? Не, бидејќи членот што сакате да го ставите во него, не реагирал како обвинител во 2017 година, посочи таа, нотирајќи повеќе случувања кои ги именуваше како „афери“ од изминатите години.

Во првиот дел од денешната седница пратениците од опозицијата посочија дека власта со вакви кандидати за уставни судии ќе го партизира Уставниот суд и сите институции.

Членовите на оваа Комисија изминатите денови дадоа поддршка на кандидатите Татјана Васиќ Бозаџиева, која работи во Министерството за правда како државен советник за граѓанско законодавство, и на граѓанскиот судија во Апелациониот суд во Скопје, Фатмир Скендер, и двајцата предложени од СДСМ.

Од предложените шест кандидати за уставни судии на опозициската ВМРО-ДПМНЕ, ниту еден не доби поддршка. Партијата ги предложи Саво Климовски, универзитетски професор, Тодор Витларов, вработен во Вишото јавно обвинителство во Штип, судијата во пензија Бранко Секуловски, Воислав Димовски, доскорешен јавен обвинител од Основното јавно обвинителство во Охрид и судијката од Управниот суд, Весна Јовановска и професорка Родна Живковска.

Уставниот суд повеќе од една година работи во нецелосен состав. Од предвидените девет члена, на четворица им е истечен мандатот

The post До касно во ноќта ќе се бираат уставни судии appeared first on Република.

Собраниската Комисија за прашања на изборите и именувањата денеска продолжува со расправа  за тоа дали Јовески треба да биде уставен судија ќе продолжи утре во 10 часот.

Пратениците од опозицијата истакнаа дека секогаш кога СДСМ е на власт, Јовески напредува во кариерата, како и дека никој од владејачкото мнозинство кои се предлагачи не го образложи предлогот Јовески да биде уставен судија.

– Мислам дека на овој начин демонстрираме една класична ароганција на власта, кон парламентарното малцинство во моментов, кон демократијата, и односот, генерално, кон институциите во државата.
Мислам дека е крајно некоректно и неприфатливо, за мене како пратеник, без разлика дали доаѓам од власта или опозицијата, да дискутираме за предлог кој што воопшто не е образложен од страна на предлагачите, рече пратеникот Драган Ковачки од ВМРО-ДПМНЕ.

Според Ане Лашкоска, пратеничка од ВМРО-ДПМНЕ, ова е крајниот удар кој што власта го прави на Уставниот суд.

– Во последните истражувања беше случај дека граѓаните имаат доверба во судството осум проценти, наредното истражување ќе биде нула проценти. Слободно можеме да сметаме откако ќе поминат и овие гласања, овие желби, овие извршители на Заев да станат уставни судии, може да сметаме дека во Република Македонија повеќе Уставен суд не постои, рече Лашкоска.

Нејзината сопартијка Даниела Христова, пак, изјави дека Јовески има искуство во судството, но, како што рече, со тоа има искуство и во поголем број на криминални афери и скандали. Таа рече дека овој кандидат не може да добар, непристрасен и правичен уставен судија.

– Сѐ додека Обвинителството е чуварот на криминалите на актуелната власт, нема да верувам дека Љубомир Јовески е вистинскиот човек за највисоката функција во судството. Човек кој е тотална спротивност од она што треба да биде. Човек кој е заштитник на криминалот и корупцијата во државата. Едноставно, треба да замине и од обвинителството и воопшто од судството и со своите скоро 69 години најдобро би било да ги живее мирно своите пензионерски денови, а не да биде слеп послушник на власта, рече Христова.

Изминативе денови членовите на оваа Комисија дадоа поддршка на кандидатите Татјана Васиќ Бозаџиева, која работи во Министерството за правда како државен советник за граѓанско законодавство и на граѓанскиот судија во Апелациониот суд во Скопје, Фатмир Скендер.

Комисискиот филтер не го поминаа кандидатите универзитетскиот професор Саво Климовски, Тодор Витларов, вработен во Вишото јавно обвинителство во Штип, судијата во пензија Бранко Секуловски, Воислав Димовски, доскорешен јавен обвинител од Основното јавно обвинителство во Охрид и судијката од Управниот суд, Весна Јовановска. Досега е одбиена и кандидатурата на универзитетската професорка Родна Живковска, која беше предложена од опозицијата.

Уставниот суд повеќе од една година работи во нецелосен состав. Од предвидените девет члена, на четворица им е истечен мандатот.

The post Власта денеска ќе се обиде да го протне Јовески за уставен судија appeared first on Република.

Членовите на собраниска Комисија за прашања на изборите и именувањата на денешната седница не дадоа поддршка универзитетскиот професор Саво Климовски да биде избран за уставен судија, како предлог на опозицијата.

Комисиската расправа ќе продолжи по едночасовната пауза дадена од претседателката на Комисијата Марија Георгиевска. По паузата, треба да биде разгледана биографијата на републичкиот јавен обвинител Љубомир Јовески, предложен за уставен судија од страна на владејачките партии.

Пратениците од опозициската ВМРО-ДПМНЕ истакнаа дека кандидатите за уставни судии предложени од владејачките партии не ги исполнуваат условите и не се соодветни за да бидат избрани за оваа функција. Тие, исто така, укажаа дека кандидатите од опозициските партии се попрофесионални и покомпетентни кадри од кандидатите предложени од власта. Посочија дека ниту еден од кандидатите на владејчкото мнозинство не го заслужуваат столчето во Уставен суд.

Ели Панова, пратеничка на ВМРО-ДПМНЕ истакна дека за пратениците од власта не се битни ниту имињата, ниту биографиите, ниту минатиот труд на кандидатите, туку битно им е тие да бидат корумпирани, подмитливи, да бидат неправични.

– Сѐ додека немаме нов закон за Уставен суд, ќе велиме дека кандидатите таму не заслужуваат да бидат уставни судии и во исто време ќе се срамиме како што ќе се срамите вие од кандидатурите на луѓето кои ги наградувате да бидат уставни судии, рече Панова.

Изминативе денови членовите на оваа Комисија дадоа поддршка на кандидатите Татјана Васиќ Бозаџиева, која работи во Министерството за правда како државен советник за граѓанско законодавство и на граѓанскиот судија во Апелациониот суд во Скопје, Фатмир Скендер.

Комисискиот филтер не го поминаа кандидатите Тодор Витларов, вработен во Вишото јавно обвинителство во Штип, судијата во пензија Бранко Секуловски, Воислав Димовски, доскорешен јавен обвинител од Основното јавно обвинителство во Охрид и судијката од Управниот суд, Весна Јовановска. Досега е одбиена и кандидатурата на универзитетската професорка Родна Живковска, која беше предложена од опозицијата.

Уставниот суд повеќе од една година работи во нецелосен состав. Од предвидените девет члена, на четворица им е истечен мандатот.

The post Проф. д-р Саво Климовски не го мина собранискиот филтер , нема поддршка за уставен судија appeared first on Република.

Комисијата за прашања на изборите и именувањата попладнево ја заврши распрвата за предлогот за судија во Уставниот суд Татјана Васиќ Бозаџиева, третиот од вкупно девет кандидати. Седницата, како што најави претседателката на Комисијата, ќе продолжи утре во 14 часот.

За предложената кандидатка за уставен судија денеска зборуваа главно пратеници од опозициската ВМРО-ДПМНЕ кои, изнесуваа тези зошто таа не треба да биде избрана на оваа функција, а еден од аргументите беше дека таа е блиска до владејачката СДСМ.

Во Република Македонија се знае дека оние кои се достојни да бидат на едни вакви позиции треба да бидат угледни граѓани. Не може некој кој што менувал функција и позиција на секои шест месеци, кој ги прошетал сите министерства и бил блиско лице од доверба на секој еден министер наеднаш да стане уставен судија. Можеби ја знае добро администрацијата, но не може да биде уставен судија, да правораздава во највиското судско тело од целиот правен систем, рече заменик координаторката на ВМРО-ДПМНЕ пратеничката Ели Панова, според која со ваков избор на кандидати власта покажува дека не сака подобрување на судството.

Пратеникот Панчо Минов кој е дел од парламентарното мнозинство во реплика на еден од говорниците од ВМРО-ДПМНЕ побара од опозицијата да не ги омаловажуваа кандидатите за судии туку да се фокусираат на изборот на уставни судии со цел Уставниот суд да профункционира во полн капацитет.

Пратениците досега ја утврдија кандидатурата на граѓанскиот судија во Апелациониот суд во Скопје Фатмир Скендер, а по завршувањето на расправата за Васиќ Бозаџиева која работи во Министерството за правда како државен советник за граѓанско законодавство, треба да ја разгледаат биографијата и на републичкиот јавен обвинител Љубомир Јовески како предлози од владејачките партии.

Од шестмината кои се предлози од ВМРО-ДПМНЕ, досега е одбиена кандидатурата на универзитетската професорка Родна Живковска. Предлози на опозицијата се и универзитетскиот професор Саво Климовски, судијата во пензија Бранко Секуловски, судијката од Управниот суд Весна Јовановска, обвинителот Тодор Витларов и Војислав Димовски јавен обвинител од Основното јавно обвинителство во Охрид.

Уставниот суд повеќе од една година работи во нецелосен состав. Од предвидените девет члена на четворица им е истечен мандатот.

The post „Не може некој кој што менувал функција на секои шест месеци и ги прошетал сите министерства наеднаш да стане уставен судија“ appeared first on Република.

Предлог на стратешки план на Собранието за периодот 2023-2027 година, Предлог- одлуката за давање на финансиска согласност на Годишниот план за вработување во Службата на Собранието за 2023 година и Предлог на буџет на Собранието за 2023 година, се на дневен ред на денешната седница на Буџетскиот совет на Собранието. Ова е една од првите активности на Парламентот по завршувањето на колективниот одмор.

Иако се очекуваше, а вчера препорача и претседателот на Собранието Талат Џафери, за денеска не е закажана седница на Комисијата за избори и именувања на која би продолжила расправата за предлозите за уставни судии.

На собраниската агенда за денеска се дводениот Форум на генерални секретар на Западен Балкан што ќе се одржи во Мериот, средбите на претседателот на Комисијата за надворешна политика на германскиот Бундестаг Михаел Рот со претседателот на Собранието Талат Џафери и со претседателот на собраниската Комисија за надворешна политика Антонио Милошоски, како и средбата на претседателот на Националниот совет за евроинтеграции Александар Николовски со италијанскиот амбасадор Андреа Силвестри.

Собранието почна со работа вчера по завршувањето на колективниот одмор. Претседателот на Собранието Џафери одржа координативен состанок со потпретседателот Горан Мисовски, координаторите на СДСМ, ДУИ и Алијанса за Албанците, претставниците на Алтернатива и БЕСА и претставникот од Владата Бојан Маричиќ. На состанокот не присуствуваше координаторот на пратеничката група на ВМРО-ДПМНЕ Никола Мицевски и претставникот на Левица.

The post На власта не ѝ се брза со избор на уставни судии appeared first on Република.

Во Собранието на Република Македонија денеска седница ќе одржи Комисијата за прашања на изборите и именувањата.

Како што се наведува на веб-страницата на Собранието, на дневен ред на седницата е утврдување предлог за избор на судии на Уставниот суд на Република Македонија.

Уставниот суд веќе подолго време не може да одлучува  и работи само со петмина судии отако на некои им заврши мандатот а други заминаа во пензија.

The post Почнува постапката за избор на уставни судии appeared first on Република.

Избор на судии во Уставен суд
Опозоциски пратеник: “Не е доволно стручен/на кандидатот/ката предложен/а од власта!”
Пратеник од мнозинството: “Точно, има и поквалитетни правници од предложените ама овие се секако подобри од оние што беа пред нив избрани!”
Ексик да е таква одбрана!
Понекогаш подобро е да се помолчи. Наместо да се брани неодбранливото, пишува на Фејсбук Ана Павловска Данева.

The post Павловска Данева за изборот на судии во Уставен суд: Ексик да е одбраната на власта appeared first on Република.