Лидерот на движењето Беса, која е дел од коалицијата Влен, Билал Касами вели дека остануваат на ставот за носење на уставните измени, но дека прво меѓународните партнери, пред се ЕУ и САД, треба да дадат јасен план како ќе се движи евроинтегративниот пат на државата.

– Уставните измени се само предуслов за продолжување на евроинтеграциите, но за понатамошните интеграции потребен е партнер од страна на ЕУ со јасен план за нашиот пат кон ЕУ. Чекаме Брисел да дојде со јасен план како ќе продолжи процесот на интеграција, рече Касами во синоќешното гостување во емисијата „Клик плус“ на Телевизија 21.

Запрашан дали оваа одлука ќе се донесе до крајот на годинава, Касами рече дека никогаш не давал рокови.

The post Касами убедува дека уставните измени ќе се донесат appeared first on Република.

Претседателот на ВМРО-ДПМНЕ, Христијан Мицкоски пред денешната лидерска средба одговарајќи на новинарско прашање истакна дека уставни измени нема да има се додека не постои јасен европски пат за Македонија и додека Бугарија не се откаже од хегемонистичките политики.

Јас не се шегувам со тоа што го кажувам како наша позиција, бидејќи вчера политичар на заминување имаше интервју на на циоинален медиум и кажа дека е сигурен и тврди дека ќе има уставни измени сега или за 6 месеци. Еве јас ќе ви кажам дека уставни измени нема да има додека немаме јасен европски пат и додека не видиме јасно поместување на хегемонистичките и асимилаторски политики на нашиот источен сосед кон македонската заедница во Бугарија, рече Мицкоски.

Мицкоски исто така потенцираше дека за неколку месеци од денеска многумина политичари ќе бидат минато меѓу кои и тој кој тврдеше дека ќе има уставни измени, и појасни дека техничката влада не предмет на лидерската средба, а не се ни уставни измени.

Предмет на оваа средба е датум за парламентарните и претседателските избори, рече Мицкоски.

The post Мицкоски: Не се шегувам кога кажувам дека нема да има уставни измени appeared first on Република.