Претседателот на Уставниот суд Дарко Костадиновски упати честитка по повод 33-годишнината од донесувањето на првиот Устав.

-Со донесувањето на Уставот во 1991 година беше редизајнирано внатрешното уредување на системот и неговите институции и овој Устав го рефлектираше стремежот на тогашната генерација за слободна, суверена и самостојна Република. Со донесувањето на Уставот како највисок правен акт,  се роди и надежта на граѓаните за подобар живот, демократска држава во која ќе владее правото, наведува Костадиновски, соопшти Уставен суд.

Овој ден, 17 ноември, додава Костадиновски, нека биде потсетник на обврската на нашата генерација, на секој еден од нас да не ги изневери наследените надежи и да придонесува во градењето на правната држава, да се сочува системот на вредности кој е вграден во Уставот.

-Сите ние имаме должност доследно да го применуваме и најважно, да му бидеме лојални на Уставот. Денеска, упатувам апел до секој еден од нас дека силата на Уставот произлегува од одлучноста на секој граѓанин да застане зад него и да го брани, посочува Костадиновски.

Денешниот ден, истакнува Костадиновски, нека биде уште една потврда за граѓаните, да бидат сигурни дека Уставниот суд бескомпромисно ќе го чува и штити Уставот со сите негови вредности, ќе ја брани  слободата, демократијата и правната држава.

The post Костадиновски: Триесесет и три години од донесување на првиот Устав, овој ден нека е потсетник на обврската да се сочува системот на вредности appeared first on Република.

Јас сум човек кој Уставот и законите ги почитува и не очекувам било кој, што добива плата, ужива привилегии на грбот на граѓаните овде кај нас, да не ги почитува македонските закони и македонскиот Устав, истакна денеска премиерот Христијан Мицкоски.

Прашан за коментар за законот за јазици кој е пред Уставен суд, тој не очекува дека ќе има можности за било каква дестабилизација.

– Можеби мене ми претставува проблем нешто кое што е направено изминатиот период со Уставот и колку и да не се согласувам интимно и сум против тоа како што е користење Северна, пред нашето име, кое е дел од нашиот Устав, јас додека ја обавувам оваа функција ќе стојам пред тој знак, затоа што несакам на тој начин да го навредам македонскиот Устав и Макеоднските закони.

Некогаш реалноста може да не ви се допаѓа, но вие морате да ја прифатите таа реалност, ако навистина се борите за владеење на правото, нагласи Мицкоски на прес – конференцијата.

Според него, не секогаш работите во живото се онакви какви што посакувате и тоа, како што рече, е суровоста во оваа работа, која ја работат.

– Ова е правило на игра, а правилото вели: владеење на право, почитување на закони и почитување на устав. Тука не треба да има никој дилема поврзана со тоа прашање.

А тоа што сега замолив јас и повторно замолувам да не се прави притисок на отворена сцена врз судовите колку и да е таа доверба на тие судови партизирана и оптруирани од претходната влада на СДСМ и ДУИ и ниска, истакна Мицкоски.

На новинарско прашање на која страна тежи неговото посветување меѓу законитоста и уставноста на законот за јазиците и политичката одлука и длаи смета дека треба да повика лидерска средба или да заседава Советот за безбедност, тој повтори дека нема индиции за загрозување на безбедноста и состојбата во моментот била стабилна.

– Но, има одредени структури во општеството кои имаат намера за да го заштитат својот криминал на стекнат капитал да предизвикаат инциденти и одредена дестабилизација.

Доколку тоа се случи ние имаме намера многу објективно и многу резулутно да реагираме во заштита на безбедносната состојба во нашата татковина, рече Мицкоски.

The post Секој што добива плата на грбот на граѓаните мора да ги почитува македонските закони и Устав, вели Мицкоски appeared first on Република.

Ние се обидуваме да градиме институции и да направиме Влада, не да размислуваме за напуштање, одговори за Радио Слободна Европа, Претседателот на Собранието Африм Гаши на прашањето што ако не го исполнат ветувањето за внесување на Бугарите во преамбулата до крајот на годината за да продолжат преговорите со ЕУ. Во програмата на „Влен“ крајот на 2024 година е посочен како краен датум за носењето на уставните измени.

The post Гаши: Не знам дали сме ветиле точен датум за уставни измени appeared first on Република.

Не стивнуваат реакциите во јавноста околу одлуките кои ги носат политичките претставници кои се во заминување.

Последна реакција пристигнува од професорот по уставно право Денис Прешова кој на својот Фејсбук профил го повика Собранието да реагира и да го опомени Талат Џафери дека не може сам да си бира функции, и истакнува дека не може согласно законите во земајва во исто време да биде и премиер и пратеник. Ако Џафери одбие, Собранието, посочува Прешова, треба да констатира престанок на пратеничкиот мандат на Талат Џафери.

Судејќи по фактот дека некако јавноста почна да го заборава проблемот со акумулираните функции на Талат Џафери и дека одново како да се попушта во доследното третирање на овие правни прашања пред агресивноста во изнесувањето на наводните, а лажни, „правни“ аргументи почувствував потреба кратко да се произнесам околу неспојливоста на пратеничката функција. Одново дотичната особа сака да ни продаде самоволие и силеџиство како правно толкување како и во редица на претходни ситуации како на пример со изборот, вонредната состојба, гласањето за недоверба, ветото и слично. Лажно претставувајќи ни се како некаков врвен правен авторитет и величина, тој всушност во крајно арогантен манир ни укажува дека нема што институциите да постапуваат и да ги применуваат правилата бидејќи правно правило е она што Талат ќе ви каже. Во типично војнички манир – наређење, извршење - ни долови дека неговиот ментален склоп всушност е неспојлив со демократија, парламентаризам и владеење на правото, исто како што пратеничката функција е неспојлива со функцијата претседател на Владата. Институциите мора веднаш да постапат и да ги почитуваат и соодветно да ги спроведуваат правните правила. Едноставно треба да сфатиме дека правилата мора да се почитуваат од сите, а особено кога станува збор за носители на највисоките функции во државата, бидејќи тие треба да бидат пример за сите останати. Но како стојат работите со вистинските правни аргументи на кои сосема исправно се упатуваше во јавниот дискурс во изминатите денови - пишува Прешова.

Понатаму професорот посочува дека „демонстрирајќи класично самоволие Џафери одлучи самиот да си избере која функција ќе му мирува, пратеничката, иако таква можност за мирување кај пратениците апсолутно не постои, а која ќе ја извршува, претседател на Влада, и на кој закон тој ќе се повикува со сопствено толкување“. Прешова дополнува дека ако согалсно оваа одлука на Џафери секој од нас да може сам да си одлучува кои се функции сака да си ги извршува без оглед на правните правила.

Можеби утре Џафери ќе сака во ист момент да биде и претседател на Републиката бидејќи претседателката заминала во странство па ќе потпишува укази за прогласување на закони или самиот да одлучи дека ќе биде претседател на Уставен суд бидејќи ете таму бил блокиран процесот на избор, а тој е најсоодветниот кандидат за таа позиција како една неспорна правно-експертска величина - напоменува тој во постот.

Тој истакнува дека Собранието мора веднаш да го извести Џафери за постоењето на неспојливост на неговата пратеничка функција со функција во извршна власт и ќе му укаже дека престанала неговата функција претседател на Влада, а не нему да му остава да си толкува правни норми како сака и како му одговара.

Воедно потенцира дека согласно законите, ако Џафери остане на премиерското столче, да му биде укинат пратеничкиот мандат кој никако не може да се стави во мирување согласно законите во Македонија.

The post Професорот по уставно право, Денис Прешова за Талат Џафери: Во типично војнички манир долови дека неговиот ментален склоп е неспоив со демократија appeared first on Република.

„Јас би сакал пречката која што е на нашиот пат кон ЕУ да биде Холандија и нејзиното барање да се справиме со криминалот и корупцијата. Дури и Холандија да ни стави вето не би се бунтувал бидејќи има високо ниво на корупција и криминал во Македонија“, истакна Сашо Клековски, член на ИК на ВМРО-ДПМНЕ на тв 24 одговарајќи на прашањето дали уставните измени се пречка за започнување на преговори со ЕУ.

Клековски посочи дека стравува и да се промени Уставот на Македонија, Бугарија можеби би имала нови и нови барања.

„Затоа јас сметам дека не треба да го промениме Уставот додека не видиме знаци на добра волја од Бугарија“, рече тој.

„Во меѓувреме треба да се справиме со криминалот и корупцијата за да не добиеме вето од другите земји членки на ЕУ“, истакна Клековски.

Тој додаде дека секој граѓанин во државата посакува Македонија да стане членка на ЕУ.

The post Клековски: Не треба да го промениме Уставот додека не видиме знаци на добра волја од Бугарија appeared first on Република.

Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори, изјави вечерва кандидатот за претседател на ВМРО-ДПМНЕ, Гордана Силјановска Давкова.

Потенцираше дека штом ќе завршат изборите сака да разговарам со соседиѕр и заради регионалната политика и заради очекуваната поддршка од нив.

-Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце.

Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност? Понатаму, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија, посочи Силјановска Давкова.

The post Силјановска Давкова кон Пендаровски: Како може некому да ветите дека ќе го смените Уставот, кога Уставот може да го сменат само пратениците? appeared first on Република.

Бугарски диктат не можеме да прифатиме. Од друга страна ги гледаме дел од претставниците на меѓународната заедница кои велат ние сме гаранција дека ова ќе се спроведе, а ние велиме во ред од вас сме слушнале многу гаранции. Но, ајде да земеме да работиме и да бидеме конструктивни, уверете ги вие Бугарите дека тоа што е одлука на европска институција треба да се почитува, рече претседателот на ВМРО-ДПМНЕ, Христијан Мицкоски на прашање за одложено важење на евентуално прифаќање на уставните измени за време на гостување на централниот Дневник во „Тема на денот“ на телевизија Сител.

Мицкоски укажа дека внес на Бугарите во Уставот е диктат прифатен од оваа Влада укажувајќи како да се верува дека ова ќе е последно барање на патот на Mакедонија кон Европската унија.

Ако вие не можете да ја убедите Бугарија да почитува одлуки на европски институции, а Бугарија е потписник на Конвенцијата за човекови права како да веруваме. И ако вие не сте во можност да ја убедите Бугарија како да веруваме дека ова е последно барање и дека нема да има други барања. Ние бараме еден вид гаранција дека нема да има други барања и други понижувања - кажа Мицкоски.

Според Мицкоски, главно е што според Уставот права уживаат сите етнички заедници подеднакво.

И доаѓаме до главното нашиот Устав е таков да правата на секој граѓанин без разлика на етничка припадност е загарантирана. Нашиот Устав не завршува со тоа што се почитуваат правата на наведените туку на сите. Ние многу проголтавме изминатите години - изјави Мицкоски.

Мицкоски заклучи дека внесот на Бугарите во Уставот е диктат кој го прифати оваа Влада и оти не ја гледа потребата за внесување на Бугарите во Уставот, бидејќи како што рече според Уставот сите припадници на заедници ги уживаат сите права.

The post Мицкоски: Внесот на Бугарите во Уставот е диктат кој го прифати оваа Влада, не ја гледам потребата за внесување на Бугарите кои ги уживаат сите права appeared first on Република.

Претседателот на државата и претендент за втор мандат на претстојните претседателски избори Стево Пендаровски смета дека во односите меѓу Македонија и Европската унија, постои нов политички реализам, а тоа е дека државата е самоблокирана на европскиот пат.

-Ние за жал сме блокирани и знаеме заради што, главната опозициска партија вели во ниедна варијанта не гласаме за тоа под бугарски диктат и така натаму. Ако е тоа новиот реализам, значи дека ние сме самоблокирани. Дајте да искористиме што повеќе од овој амбициозно најавуван План за раст на Западен Балкан во кој има далеку повеќе фондови на располагање, сè додека на опозицијата не ѝ текне дека без промена на Уставот нема членство во ЕУ и сè додека не се случи тоа да искористиме барем повеќе од тие фондови кои се наменети за оние кои се самоблокирани како нас. Ние можеме во рамки на кампањата да зборуваме за бугарски диктати и чуда, дека само како Бугари можеме да влеземе во ЕУ, тоа е само политичка мантра за замајување на народот додека на дојдеш на власт. После тоа ќе се соочиш со барањата на потенцијалниот албанскиот фактор кој ќе ти каже уставни измени за три, за шест месеци, па ќе одиш во Брисел и таму ќе ти кажат дека нема промена на преговарачката рамка, рече вечерва Пендаровски во интервју за емисијата Топ Тема на ТВ Телма.

Коментирајќи го ставот на ВМРО-ДПМНЕ за измените на Уставот, Пендаровски вели дека тоа се прави само поради собирање политички поени, а заради тоа свесно го блокира процесот на интеграција.

-Завчера имаше интервју на човек од германската ЦДУ, сестринска партија на ВМРО-ДПМНЕ кој дошол овде да им помогне и им вели овој е патот. Јас сакам да им кажам: Оставете ја кампањата, јасно ми е зошто го правите ова, бидејќи на тоа прашање добивате политички поени, на друго не добивате. Но, сега, дајте соочете се со овој нов политички реализам. Срамота е ако Украина, Молдавија и Грузија и Босна и Херцеговина стануваат кандидатки ние тамам кога направивме некој напредок, сега да се враќаме назад заради вашиот став дека само како Бугари ќе влеземе во ЕУ, што е апсолутна небулоза, вели тој.

Пендаровски  наведува дека ВМРО-ДПМНЕ има и друга теза која вели „дајте ќе го промениме Уставот денес ама, промените ќе важат кога ќе станеме членки“ и прашува „дали тоа може да се направи и кој од европските фактори ви ветува дека такво нешто е можно“.

Тој потенцира дека членството во ЕУ би требало да биде натпартиско прашање, бидејќи станува збор за стратешка цел на државата, исто како што е и НАТО.

Порача дека тој ниту ги делел, ниту некогаш ќе ги дели граѓаните по која било основа, и ако биде повторно избран ќе биде претседател на сите граѓани, а не само на оние кои гласале за него. Тоа, вели, е потврдено и од неговиот досегашен петгодишен мандат, но проблемот го гледа во македонското општество кое е длабоко етнички поларизирано и дека тоа треба да се промени.

The post Пендаровски: Политичкиот реализам е дека без промена на Уставот нема напредок кон ЕУ appeared first on Република.

“Јас себе би сакала да се видам како народен претседател, кој ќе ги претставува сите граѓани. Некој мора да има храброст да каже дека овој Устав што го имаме е крпен, долепен, со најголем број на уставни амандмани, во толку кус период. По настаните во 2001 година, преку уставни реформи се модифицираше политичкиот систем. Со тој упад, ние практично го трансформиравме оној првично замислен либерален, демократски Устав, “Ние Народот”, “Ние Нацијата”, во”Ние, етничките заедници”. И од тука натаму, всушност почнува една сериозна деформација на политичкиот систем. Нас ни треба сосема нов Устав. Прашањето е само дали има политичка воља?

Не можам да најдам оправдание за етнотрибализам, етничка сеградација, картели на елити кои одлучуваат зад затворени врати за нас. Дури и за формирање на влади се договараат за амнестија на воени злосторства или за некакви отстапки. Тоа не е начин, на кој една нација се гради.

Кога зборувам за достоинството на нацијата, не мислам на македонскиот народ исклучиво, туку на сите граѓани во државата да бидат еднакви. Треба ние да си донесеме Устав, а не странците да ни наметнуваат. Рамковниот договор беше напишан на англиски. Беше напишан од странски експерти. Преспанскиот договор да не потсетувам, беше наместен.

Јас сум да имаме релации со сите, вклучувајќи го и Брисел, затоа што таму најмногу сме инвестирале од нашиот политички капацитет, реформи и слично. Ние сме мала држава, која мора да соработува со сите, за се она што е во нејзин интерес.

ЕУ за жал се милитаризира. Ние не можеме да веруваме дека ЕУ е трајно нешто. Таа се менува. Во Германија, јавноста веќе притиска за излегување од ЕУ. Јас сум за трезвено гледање на работите. ЕУ менторството е во ред, но не да бидат владетели во оваа држава.

НАТО го ветуваа како економска бонанза, ќе бидеме безбедна дестинација... Само за овие неколку години, за воена опрема и оружје имаме потрошено повеќе од 34 пати во сума, во пари, за да покажеме колку сме лојални, притоа одземајќи од социјалните потреби на граѓаните. Нашата алтернатива е воена неутралност. Ја не сакам Македонија да биде ничиј геополитички плен.

Ако сега бев претседател, еден куп закони немаше да потпишам, почнувајќи со промената на кривичниот законик. Меѓутоа, треба да се трансформира Собранието кое е сега гласачка машинерија и само крева рака, тоа е катастрофата.Такви закони не би смееле да излезат д Собранието.

Јас сум против тоа во Собранието да се бира Претседател на држава. Јас ќе апелирам да се укинат привилегиите на сите бивши претседатели. Избор на Претседател во Собранието е само јакнење на етнократијата, и партократијата.

Сум за глање на дијаспората и места во Парламентот. Мислам дека тие можат да имаат голем и значаен удел во државата. Но, сегашната поставеност околу ова прашање преба да се преиспита.

Апсолутно сум за укинување на патните трошоци за пратениците во Собранието.

Мојата поддршка на Резолуцијата на ООН за прекин на трговското ембарго кон Куба, е изразување на мојата лична, меѓутоа и таа на Левица, определба кон интернационализам и солидарност со други прогресивни движења.”

The post Ванковска: Некој мора да има храброст да каже дека овој Устав што го имаме е крпен, долепен, со најголем број уставни амандмани appeared first on Република.

Уставните измени се помалку се зборуваат во Собранието, вклучувајќи ја и власта. Ние како опозиција мислам дека многу пати сме го кажале зошто е тоа така и кои се причините и кој ја донесе Македонија во оваа слепа улица и тоа го алармираме повеќе од година дена, барајќи предвремени патламентарни избори со цел граѓаните да одлучат во кој правец ќе се движи Република Македонија во иднина, вели пратеникот од ВМРО-ДПМНЕ и коалицијата Љупчо Пренџов во гостување во емисијата Анализа на ТВ 24.

Пренџов додаде дека е при крај мандатот на овој парламентарен состав и дека уставните измени под бугарски диктат нема да се случат.

Мислам дека таа тема завршува и веќе е при крај овој состав на парламентот и уставни измени под бугарски диктат нема да поминат. И мислам дека тоа им е јасно на сите, рече тој.

На прашањето дали тој како пратеник ќе чувствува одговорност доколку Македонија остане во ова статус кво, Пренџов рече дека нема да чувствува одговорност.

Не, не чувствувам одговорност. Од повеќе причини не чувствувам одговорност. Првата причина е затоа што алармиравме и го молевме Бујар Османи да не ги потпишува протоколите кои што ги потпиша во Софија, а кои се поврзани директно со нашиот идентите на Македонците. Втората причина е затоа што ги молевме како влада да имаме еден унисон став и да заличиме како нормална држава каде што власта и опозицијата кога се работи за европската перспектива на државата зборуваат со еден глас. Но и тоа го одбија. И трета причина е затоа што нашата цел е како да ги внесеме нашите граѓани на Македонија во ЕУ, додека целта на власта е како Бугарите да ги внесе во македонскиот Устав. Така што не чувствувам никаква одговорност како пратеник, потенцираше Пренџов.

Според него не се само проблем уставните измени, проблем е и немањето на право и правда, додавајќи дека 7 години власта не прифаќа ниту една помош од опозицијата, како и дека според сите релевантни анкети власта веќе нема ниту легитимитет, ниту кредибилитет.

Не се само проблем уставните измени, оваа држава има проблем со право, правда, корупција и економија. Седум години имаме власт која што е самобендисана и не трпи критики, власт која што ниту една добронамерна помош од страна на опозицијата не ја прифаќа и имаме власт која според сите релевантни анкети гледаме дека нема ниту кредибилитет, ниту легитимитет, истакна Пренџов.

The post Пренџов: Наша цел е како Македонците да ги внесеме во ЕУ, додека целта на власта е како Бугарите да ги внесе во македонскиот Устав appeared first on Република.

По пребројани 45 проценти од гласовите низ целата земја, „не“ води со 57,35 проценти наспроти 42,65 „за“. Австралиската телевизија ABC и другите мрежи предвидоа дека најмалку четири сојузни држави - Нов Јужен Велс, Тасманија, Квинсленд и Јужна Австралија - ќе гласаат против измените на 122-годишниот устав.

За референдумот да успее, најмалку четири од шесте сојузни држави мора да го поддржат предлогот, заедно со мнозинството на национално ниво.

Поради австралиските временски зони, гласањето во Западна Австралија продолжува иако е познат резултатот од референдумот.

Австралијците заокружија „да“ или „не“ на гласачкото ливче кое ги праша дали се согласуваат со предлогот што ќе ги признае народите на Абориџините и на островот Торес Теснец преку создавање на домородни советодавно тело во парламентот наречено „Гласот на Парламентот“.

- Јас сум уништен. Ни треба глас. Ни треба таа структурна промена - изјави за ABC News водачот на Абориџините Томас Мајо.

Абориџинското население на Австралија денес сочинува 3,8 отсто од вкупното население од 26 милиони. Тие живеат на австралискиот континент речиси 60 илјади години, но не се споменати во уставот и гледајќи ги социјалните и економските фактори, тие се најранливата група во земјата.

The post Австралијците на референдум го отфрлија внесувањето на Абориџините во Уставот appeared first on Република.

Нема гаранции дека ова ќе биде последната промена на Уставот, вели лидерот на ВМРО ДПМНЕ Христијан Мицкоски во денешното интервју за белградска „Политика“, обвинувајќи ја нашата дипломатија дека не се изборила за подобри позиции и гаранции дека нема да има нови пречки за македонскиот евроинтегративен пат.

Која е гаранцијата дека оваа промена на Устав која сега се бара од Македонија ќе биде последна? Дека нема утре да се бара промена на устав во која ќе се редефинира прашања кои се од идентитетски карактер или нема да се бара ново минимизирање и бришење на АСНОМ како темел на македонската државност. Некои сигнали стигнуваат од Бугарија кои веќе отворено го негираат Илинденското востание и неговиот карактер и за ова повторно немаше никаква реакција од страна на Министерството за надворешни работи, наведува Мицкоски.

Одговарајќи на прашањето за пораките од високите функционери на ЕУ, како Жозеп Борел, министрите за надворешни работи на Вишеградската група, пораките од државниот секретар на САД, Блинкен, и другите, дека промената на Уставот е единствениот пат на просперитет на Македонија во рамки на европските перспективи, Мицковски го повтори ставот на ВМРО ДПМНЕ.

Ако промена на Уставот е услов за ЕУ, тогаш Македонија ќе беше членка и шампион на ЕУ, затоа што во овие триесет години имаме измени на Устав колку сите земји членки заедно. Тоа им го кажуваме јасно и гласно на нашите партнери од меѓународната заедница. Партнерството е двонасочна улица која се базира на почитување. Институционалните гаранции од страна на ЕУ се еден мал чекор за нив, но големо охрабрување за нас дека европскиот пат не е подвижна цел, туку нешто што е остварливо, кажа Мицковски.

Тој ги повтори ветувањата дадени од ЕУ пред референдумот за Преспанскиот договор, посочувајќи дека институционалните гаранции на ЕУ треба да значат дека оваа, некоја идна влада, па и владата после неа ќе има конкретен таргет што треба да исполни.

За понудата на премиерот Димитар Ковачевски за влез во владата и оставките на министрите од ДУИ, Мицковски кажа дека „нам власт, заради власт не ни треба, избори во Македонија ќе има порано или подоцна“.

Учеството во влада во која нема да бидат дел инкриминираните структури на СДС и ДУИ може само да помогне од вадењето на државата од тонењето кое се случува секој ден. Тоа можеше само да помогне државата полесно да чекори кон реформите, но истото без јасните позиции во надворешните односи е беспредметно. Вие може да правите реформи кои се блескави, ама на друга маса кај што инсистира Бугарија ќе бидете кочени заради историски и ретроградни наративи. Да напоменам, Владата не се произнесе за овие наши предлози, туку проба на перфиден начин да ги злоупотреби и изврти. Сега единствената опција која ни преостанува се изборите, посочи Мицкоски.

На прашањето на Политика за неговиот став дека прво треба да се одржат избори, па потоа да се разговара за уставни измени, што е оценето како задоволување на партиските, а не на националните интереси, Мицковски искоментира дека „изборите се демократски чин и начин народот да се произнесе за политичките процеси во една земја и народот да даде мандат за тоа дали и под кои услови ќе се менува македонскиот Устав“.

Консензусот кој јавноста го бараше, а кој се однесуваше на тоа историските и идентитетските теми да останат надвор од преговорите, кој се однесуваше на некаков реципроцитет и позитивен сигнал и институционални гаранции од страна на ЕУ и Бугарија се добра основа на која идната влада на ВМРО-ДПМНЕ ќе се бори за европската иднина, кажа Мицковски, додавајќи дека „пратениците на ВМРО-ДПМНЕ и коалициски партнери од парламентарната група покажаа дека овие измени под диктат не може да се случат“.

Во интервјуто за Политика, Мицковки се осврна и на односите со Србија, кои ги оцени како добри, со простор економски да се подобрат.

Ако дозволите да бидам „економски националист“ новата идна влада на ВМРО-ДПМНЕ во Македонија успешно ќе се натпреварува со Србија во иднина, па зошто да не и ќе ја победува кога ќе се работи за привлекување инвестиции и економски развој, порача Мицковски.

The post Мицкоски за белградска „Политика“: Нема гаранции дека ова ќе биде последната промена на Уставот appeared first on Република.

Џафери мандатот го започна со кршење на Уставот, го завршува со крешење на Деловникот, одговорност ќе има. Талат Џафери во текот на целиот свој мандат ги толкува законските прописи на начин само нему разбирлив, велат од ВМРО-ДПМНЕ.

-Нормативите се јасни. Џафери не можел да применува членови од Деливникот кои се однесуваат на измени на закон, кога станува збор за измени на Устав.

Џафери не смеел да ја прекине седницата, и морал да ги стави на гласање уставните измени.

Џафери го прекрши Деловникот само за да не се изрезили власта, а со тоа си стави уште едно кршење на процедурите околу врат.

Џафери знае дека во моментот кога ќе ги стави уставните измени на гласање тие ќе паднат и ќе нема друг избор освен да се распишат избори, од кои власта бега. Талат Џафери со бегството од ставање на гласање на уставни купува ден или месец повеќе власт за ДУИ и СДС, додаваат од партијата.

The post Џафери мандатот го почна со кршење на Уставот, го завршува со кршење на Деловникот, одговорност ќе има appeared first on Република.

Македонија има Устав-Франкенштајн, „уникатно дело“ кое е пишувано од сите, само не од професори по уставно право, оценува професорката по уставно право, Тања Каракамишева.

Устав кој изобилува со поими и формулации НЕПОЗНАТИ во компаративното европско и современо уставно право!
Правен галиматијас од амандмански доградби и надградби кои стручната фела ги оценува како политички алатки за уништување на битот на македонизмот!, алармира таа.

The post Каракамишева: Уставот ни е Франкештајн, пишуван од сите – само не од професори по уставно право appeared first on Република.

Собранието денеска ја одржува 123 седница со единствена точка на на дневниот ред – Предлог за пристапување кон измена на Уставот со кој се предвидува вметнување на Бугарите и на уште пет етнички заедници во преамбулата на Уставот.

По усвојувањето на дневниот ред треба да почне претресот за потребата од носење на уставните измени, за чие усвојување е неопходно да гласаат минимум 80 пратеници. Тоа е првата од вкупно трите фази неопходни за промена на Уставот.

Предлагач на уставните измени е Владата. Предлогот го подготви работната група на Министерството за правда составена од експерти, еминентни професори од неколку универзитети во државата, како и претставници на политички партии.

Во продолжение е интегралниот текст на Предлогот за пристапување кон измена со насоки за измена и дополнување на Уставот

Врз основа на член 130 од Уставот на Република Македонија, Владата на Република Македонија, на седницата, одржана на 18 јули 2023 година одлучи на Собранието на Република Македонија да му поднесе ПРЕДЛОГ ЗА ПРИСТАПУВАЊЕ КОН ИЗМЕНА НА УСТАВОТ НА РЕПУБЛИКА СЕВЕРНА МАКЕДОНИЈА СО НАСОКИ ЗА
ИЗМЕНУВАЊЕ И ДОПОЛНУВАЊЕ НА УСТАВОТ УСТАВОТ НА РЕПУБЛИКА СЕВЕРНА МАКЕДОНИЈА

I. ИЗМЕНИ ВО ПРЕАМБУЛАТА НА УСТАВОТ

Во Преамбулата на Уставот на Република Македонија заменета со Амандманот IV, а Амандманот IV изменет со Амандманот XXXIV, после делот од бошњачкиот народ се предлага да се додадат деловите од бугарскиот народ, хрватскиот народ, црногорскиот народ, словенечкиот народ, еврејскиот народ и египќанскиот народ.

II. ИЗМЕНИ ВО АМАНДМАНОТ XXXVI СО КОЈ Е ЗАМЕНЕТ ЧЛЕНОТ 49 И АМАНДМАНОТ II

Во Амандманот XXXVI на Уставот на Република Македонија со кој се заменува членот 49 и Амандманот II, после делот од бошњачкиот народ се предлага да се додадат деловите од бугарскиот народ, хрватскиот народ, црногорскиот народ, словенечкиот народ, еврејскиот народ и египќанскиот народ.

III. ИЗМЕНИ ВО АМАНДМАНОТ XII СО КОЈ Е ЗАМЕНЕТ ЧЛЕНОТ 78

Во Амандманот XII на Уставот на Република Македонија што се однесува на Комитетот за односи меѓу заедниците, во точка 1 се предлага да се измени бројот на членовите и тоа наместо досегашните 19 члена, бројот да се зголеми на 43 члена при што по 16 члена од редот на пратениците во Собранието Македонци и Албанци и по еден член од редот на пратениците Турци, Власи, Роми, Срби, Бошњаци, Бугари, Хрвати, Црногорци, Словенци, Евреи и Египќани.

ОБРАЗЛОЖЕНИЕ НА ПРЕДЛОГ ЗА ПРИСТАПУВАЊЕ КОН ИЗМЕНА НА УСТАВОТ НА РЕПУБЛИКА СЕВЕРНА МАКЕДОНИЈА

Врз основа на Заклучоците на Собранието на Република Македонија (,,Службен весник на Република Македонија‘‘ бр.161/22), донесени на седницата одржана на 16.7.2022 година, а во врска со точката 4 од Заклучоците на Советот на Европската Унија, усвоени на седницата одржана на 18.7.2022 година и точката 11 од Заедничкиот став и Воведната изјава на Европската Унија на Политичкиот состанок на Меѓувладината конференција за пристапување на Република Македонија во Европската Унија, одржана на 19.7.2022 година и точка 15 од Изјавата на Македонија на Политичкиот состанок на Меѓувладината конференција за пристапување на Република Македонија во Европската Унија, Владата на Република Македонија на седницата одржана на ..... усвои Предлог за пристапување кон измена на Уставот на Република Македонија со насоки за изменување и дополнување на Уставот на Република Македонија.

Во духот на меѓународните стандарди за заштита и почитување на човековите права и слободи, содржани во Универзалната декларација на ОOН, како и во Меѓународниот пакт за граѓански и политички права и во Европската конвенција за човековите права и основните слободи, а имајќи предвид дека Европската Унија се заснова врз вредностите за почитувањето на човековите права, слободата, еднаквоста, демократијата и заштитата од дискриминација, Република Македонија во согласност со својата стратешка определба за полноправно членство во Европската Унија е решена да ги спроведе обврските преземени во рамките на пристапните преговори на Република Македонија со Европската Унија што започнаа со одржувањето на првата Меѓувладина конференција, одржана на 19.7.2022.

Во таа насока, во Заедничкиот став на Европската Унија донесен на Политичкиот состанок на Меѓувладината конференција за пристапување на Република Македонија во Европската Унија се очекува да се овозможи зајакнување на еднаквите права на заедниците заради усогласување со Копенхашките критериуми. За таа цел, Република Македонија има преземено обврска за релевантни уставни измени со цел во Уставот да се вклучат граѓани кои живеат во неа и кои се дел од други народи. Свесни дека нашата држава како меѓународен субјект преземала недвосмислени обврски што треба да ги реализира во добра воља и без разлика на легитимните политички разлики меѓу владеачкото мнозинство и опозицијата, уверени сме дека е потребна заедничка одговорност во остварување на стратешките цели, а најважна меѓу нив е полноправното членство во Европската Унија. Во согласност со мулиткултурниот карактер на Република Македонија со цел да се поддржи демократскиот развој, нужно е континуирано јакнење на политичкиот систем во насока на признавањето, негувањето, заштитата, афирмацијата и гарантирањето на културната различност, како и на опстанокот на различните културни групи кои што живеат на територијата на нашата држава, во согласност со веќе воспоставената уставна рамка за нормативно гарантираниот мултикултурализам, а особено низ постоечките институти за гарантираното претставување предвидени со Уставот и во духот на Охридскиот рамковен договор. Овој Предлог за измена и дополнување на Уставот, Владата го предлага поаѓајќи и од уставното начело дека граѓаните на Републиката мора да ја негуваат одговорноста спрема сегашноста и иднината и дека се свесни и благодарни на своите предци за жртвите и посветеноста во нивните заложби за создавање на самостојна и суверена држава Македонија, како и дека се одговорни пред идните генерации за зачувување и развој на се што е вредно од богатото културно наследство и на се што е определено како специфична уставна вредност од Илинденското востание во 1903 година преку Народноослободителната борба од 1941 година до 1944 година заклучно со формирањето на современата независна и суверена македонска држава во 1991 година.

Република Македонија во својата уставно правна традиција им ја гарантира слободата на изразување, негување и развивање на идентитетот и особеностите на своите заедници. Во рамките на таа гаранција, Република Македонија ја афирмира заштитата на етничкиот, културниот, јазичниот и верскиот идентитет на сите заедници. Оваа уставно правна традиција е започната уште во државно правните традиции на Крушевската Република, како и со правните одлуки кои се наведени во Прогласот од Првото заседание на АСНОМ, а продолжи со донесувањето на Уставот на Република Македонија од 1991 година, како и со амандманите на Уставот што произлегоа од Охридскиот рамковен договор од 2001 година. Оттаму, овие уставни традиции се дел од стремежот на нашата држава за целосна интеграција во европското семејство на државите и народите, како демократска држава на рамноправни граѓани.

Во таа насока, Владата на Република Македонија го усвои Предлогот за пристапување кон измена на Уставот на Република Македонија со насоки за изменување и дополнување на Уставот на Република Македонија и му го поднесува на Собранието на Република Македонија. Во Предлогот се содржани измени и дополнувања на Уставот  на Република Македонија што се однесуваат на вклучување на деловите од бугарскиот народ, хрватскиот народ, црногорскиот народ, словенечкиот народ, еврејскиот народ и египќанскиот народ во Преамбулата на Уставот, Амандманот XXXVI со кој се заменува членот 49 и Амандманот II, како и Амандманот XII со кој е заменет членот 78.

Во делот на Преамбулата се предлага покрај македонскиот народ, како и граѓаните на Република Македонија кои се дел од албанскиот народ, турскиот народ, влашкиот народ, српскиот народ, ромскиот народ и бошњачкиот народ да се додадат и граѓаните кои се дел од бугарскиот народ, хрватскиот народ, црногорскиот народ, словенечкиот народ, еврејскиот народ, египќанскиот народ. Со Амандманот XXXVI со кој се заменува членот 49 и Амандманот II, уставната обврска на Републиката за грижа за дијаспората на македонскиот народ и за деловите од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите, се предлага да се дополни со уставна обврска за грижа и за дијаспората на деловите од бугарскиот народ, хрватскиот народ, црногорскиот народ, словенечкиот народ, еврејскиот народ и египќанскиот народ. Во Амандманот XII со кој е заменет членот 78 се предлага да се зголеми бројот на членовите на Комитетот за односи меѓу заедниците од постојните 19 члена на 43 члена со цел да се вклучат и членови, претставници на деловите од бугарскиот народ, хрватскиот народ, црногорскиот народ, словенечкиот народ, еврејскиот народ и египќанскиот народ. Притоа, се зголемува и бројот на членови, претставници на македонскиот народ и на делот од албанскиот народ од постојните 7 члена, претставници на македонскиот народ и 7 члена, претставници на делот од албанскиот народ на 16 члена, претставници на македонскиот народ и 16 члена, претставници на делот од албанскиот народ со цел да се обезбеди гарантирана претставеност и да се задржи воспоставениот паритет утврден со амандманите на Уставот на Република Македонија, донесени во 2001 година, а што произлегуваат од Охридскиот рамковен договор.

The post Што содржи Предлогот за пристапување кон измена на Уставот? appeared first on Република.

Уставните измени се дел од договорот што го постигнаа Македонија и ЕУ за да се продолжи кон автоматски почеток на процесот на пристапување. Нема други барања. Доколку не се усвојат измените на Уставот пред крајот на годината, постои ризик од раздвојување на Македонија и Албанија.

Ова го порача Лоренс Бун, државна секретарка задолжена за Европа при Советот на министри на Република Франција во разговор за МИА прашана дали актуелната состојба со уставните измени може да влијае и на подготовката на скрининг извештајот за земјава. Имено еврокомесарот за проширување Оливер Вархеји неодамна најави дека скрининг извештајот за Тирана ќе биде претставен наскоро без да напомене кога да се очекува тој за Скопје и дали тоа и де факто ќе значи раздвојување на двете земји во процесот.

Многу сме среќни што уставните измени се ставени на маса и процесот почнува, бидејќи тоа е многу важно. Македонија и Албанија се двете земји кои беа предводници во поглед на реформите за приклучување кон ЕУ. Тоа се две земји кои што навистина напредуваа со кластерите и патоказите што требаа да ги исполнат. Уставните измени се дел од договорот што го постигнаа Македонија и ЕУ за да се продолжи кон автоматски почеток на процесот на пристапување откако тие ќе бидат изгласани, и мислам дека е многу важно да се нагласи тоа. Нема други барања за започнување на процесот на пристапување. Истовремено, иднината на ова отворање на пристапните преговори е во рацете на Собранието и Македонија има суверено право за да одлучи што сака. Но, се надеваме дека ова ќе се случи, дека земјата ќе се придружи на семејството на ЕУ, и се надеваме дека Македонија и Албанија ќе продолжат да бидат предводници, исто како што беа во изминатите години. Очигледно е дека постои ризик од раздвојување доколку не се усвојат уставните измени пред крајот на годината, вели Бун.

Во разговорот за МИА заедно со Ана Лирман, министерка за Европа на Сојузна Република Германија и Шимон Шинковски вел Сенк, министер за ЕУ на Република Полска, за време на нивната посета на земјава, француската државна секретарка се осврнува и на улогата на новата методологија и проширувањето. Прашана колку новата методологија за која се залагаше Макрон навистина го забрза процесот, Бун е децидна дека таа досега воопшто не е тестирана, посочувајќи дека Скопје и Тирана би биле првите на кои таа би почнала да се применува.

Прво, и мислам дека со ова ќе го повторам она што е веќе кажано, прашањето за нас не е дали ќе има проширување, туку, како што кажа претседателот, ова треба да се случи што поскоро, и прашањето е како. Новата методологија сè уште не е тестирана, Албанија и Македонија би можеле да бидат првите две држави што ќе ја следат оваа нова методологија. Која е нејзината цел? Целта е да бидеме побрзи и поефикасни со проширувањето. Па така, секој пат кога државата ќе напредува кон законодавството на ЕУ, ќе има придобивки од тој напредок. Знаете дека со старата методологија мораше да се чека да се реши сè за државата да може да ги почувствува придобивките. Овој пат тоа претставува еден вид на брза лента, која е исто толку ригорозна околу реформите како и претходно и претставува можност за државата да се запознае со нашиот процес и метод, и да ги добие придобивките побрзо од претходно, нагласува Бун.

Паралелно со новата методологија, нагласува таа, треба да се одвива и процесот на реформи на ЕУ.

Истовремено, ние мора да ја реформираме и Европската унија, треба да бидеме поагилни, пофлексибилни кога треба да одговараме и да создаваме нови политики, и додека државите како Македонија и Албанија работат на нивните реформи, ние ќе работиме на нашата домашна работа и нашите реформи, вели француската дипломатка појаснувајќи ја изјавата на претседателот Макрон дека проширувањето треба да се случи што е можно побрзо, но и дека се потребни реформи во ЕУ за да може да функционира со повеќе членки.

Таа уверува и дека 2030 година е достижна цел за полноправно членство на Македонија во ЕУ.

Околу датумот, 2030, апсолутно тоа е амбициозна цел на која Македонија треба да се надева затоа што е многу возможна цел, затоа што Македонија го има капацитетот и ние имаме капацитет да ѝ помогнеме на Македонија да ја оствари оваа цел. Треба да ја одржиме оваа амбициозна цел, и да направиме сè што можеме да ја оствариме, па дури и порано доколку е возможно, вели Бун.

За тоа како по сите блокади низ годините да се врати поддршката за ЕУ во земјава и кредибилитетот на евроинтегративниот процес, Бун, вели токму новата методологија е одговор на прашањето.

Целосно го разбираме заморот и тоа е делумно поради старата методологија, што е и причината зошто денес сме толку мотивирани да го забрзаме целиот тој процес со новата методологија, да се погрижиме да има помалку фрустрации и да можеме да продолжиме напред. Заморот се обидуваме да го решиме со новата методологија, што да повторам, е сосема разбирливо. Светот е сменет и сите ние во Европската Унија го разбираме тоа и сакаме промена. Сакаме оваа промена да го направи континентот побезбеден, постабилен и со поголем економски раст и работни позиции за сите граѓани за да не мораат да патуваат во други земји и да можат да имаат добар живот во своите земји. Ова е важно за сите нас, бидејќи сите работиме подобро кога сме заедно, а затоа и сакаме да го забрзаме процесот. Уште од почетокот на годината имавме ред состаноци и луѓе кои постојано работат на процесот на проширување, и можам да ви кажам дека досега немало ваков момент и ентузијазам за процесот на проширување, оценува француската државна секретарка.

Таа го потенцира и значењето на прашањето на стабилноста и безбедноста.

Третата точка на која сакав да се осврнам е стабилноста и безбедноста. Светот се промени, се фрагментираше и војната дојде до нашите граници. Неоправдана и страшна војна. Не сакаме нашите соседи, земјите кои припаѓаат на европското семејство, да се оддалечат од нас. Треба да се зближиме, треба да бидеме попријателски настроени едни кон други за да го направиме нашиот континент побезбеден. Фрагментирањето никогаш не е добро. Затоа сметам дека сите треба да веруваат оти ЕУ и нејзините методи се променети. Во наш интерес е да се погрижиме Албанија, Македонија и останатите земји на Балканот да станат дел од семејството на ЕУ. Ова е единствената шанса да се погрижиме судбината на овој континент, преку процесот на проширување, да стане мирна и просперитетна, а сакаме и вие да сте дел од тоа, порачува Лоренс Бун.

The post Бун: Доколку не се усвојат измените на Уставот пред крајот на годината, постои ризик од раздвојување на Македонија и Албанија appeared first on Република.

Професорката Мирјана Најчевска на фејсбук јавно праша што ќе значи доколку ги внесеме Бугарите во Уставот на државата и дали ќе го негираме минатото за кое уште имаме живи сведоци.

Доколку ги внесеме Бугарите во Уставот на државата дали тоа ќе значи:
1. Дека Бугарите од Македонија ќе ги препознаеме како луѓе кои со генерации се бореле за создавање самостојна и суверена држава Македонија?
2. Дека Бугарите во Македонија ќе ги препознаеме како луѓе кои работеле и работат во согласност со правните одлуки наведени во Прогласот од Првото заседание на АСНОМ според кои:
- Македонскиот јазик се препознава како службен јазик
- Се формира комисија за испитување на војните злосторства направени од окупаторите (читај Бугарите) и нивните слуги (читај – Бугарофили)
- Со ова се остваруваат вековните идеали на нашиот народ (читај – формирање сопствена држава)
- Се кинат фашистичките синџири (читај – на бугарскиот фашистички окупатор)
- “Фашиските окупатори и нивните слуги се пред пропаст, ами ги превземаат сите мерки како би го одложиле своето пропаѓање. Оние изнајдуваат нови трикови, како би го задржали македонскиот народ мирно да (го) поднесува фашискиот јарем. Ванчо Михајлов и неговата група издајници и крвници на македонскиот народ готват платени банди да по истеглувањето на бугарските фашиски војски ја завладејат Македонија за сметка на Хитлер или некој друг господар.“
Или ќе го негираме минатото за кое уште имаме живи сведоци?

The post Најчевска прашува: Дали ќе го негираме минатото за кое уште имаме живи сведоци? appeared first on Република.

Уставни измени нема да има, СДСМ една година се грижи само за интересот на Бугарија, ги одби сите предлози кои значеа заштита на Македонските интереси, се вели во партиското соопштение на опозициската ВМРО-ДПМНЕ.

СДС една година одбива секакви предлози од ВМРО-ДПМНЕ кои значеа конструктивност, како примена на Хрватскиот модел на Устав, на кој првин самите се повикуваа, за на крај да избегаат. СДС не прифати ниту еден од двата предлога на заштита на Македонските интереси преку, 1. Одложено важење на уставните измени со приемот на Македонија во ЕУ, 2. Барање на гаранции за нашиот идентитет, јазик и историја од европските институции, барање од Бугарија да реализира 3 пресуди на ЕСЧП за правата на Македонците, барање пакет финансиска помош за државата. Се што значеше подобра позиција за Македонија беше одбиено од СДС. СДС наместо за Македонија гледаше што е подобро за Бугарија, истакнуваат од опозициската партија.

Состојбата дојде до крај, потребни се избори, за Македонија да тргне напред, со СДС тоа не е можно, порачаа од ВМРО-ДПМНЕ.

The post ВМРО-ДПМНЕ уште еднаш порачаа: Уставни измени нема да има appeared first on Република.

Бугарскиот претседател Румен Радев со писмо до европските лидери и институции, апелира приемот на Република Македонија во Европската Унија да се заснова на исполнување на критериумите за членство, а не на лобистичка политика.

Во писмото, Радев нагласува дека отсекогаш ја изразувал и бранел принципиелната позиција на Бугарија за доследна поддршка на европската интеграција на Македонија, како што земја блиска до нас, со која споделуваме заедничка историја, традиции и културно наследство. Истовремено, бугарската држава отсекогаш ги истакнувала главните принципи на кои се заснова процесот на проширување на ЕУ, оние на сопствените заслуги и исполнувањето на критериумите за членство преку сеопфатни општествено-политички реформи. Затоа, со оглед на сложеното историско оптоварување на нашиот регион, според претседателот, во овој процес посебен фокус има прашањето за почитување на принципите на добрососедство и човекови права, посочуваат од прес-службата на претседателот.

Според Радев, настаните на кои денес сме сведоци покажуваат опипливо повлекување од воспоставениот пат. Наоѓањето на компромис прифатлив за двете земји, постигнат од Европскиот совет во јули минатата година, се уште не доведе до решение на проблемите, смета Радев, пренесуваат бугарските медиуми.

Скопје наместо да работи на исполнување на условите, повторно се обложува на активно лобирање за прикривање на недостатокот на политичка волја за исполнување на критериумите за членство. Се интензивираат нападите и јазикот на омраза кон Бугарија, се воведуваат „црни списоци“ за забрана за влез на бугарски државјани, се газат правата на бугарската заедница – случаи на физичко насилство, зачестува административно и судско малтретирање на луѓе со бугарска самосвест, палење и пукање врз нивните културни клубови, постојани закани за нивните работни места само затоа што се Бугари. Оваа атмосфера во голема мера го попречува развојот на трговските, економските и културните врски меѓу двете земји, се вели во писмото.

Радев ја посочил резолуцијата на германскиот Бундестаг како пример за наметнување на главниот наратив на политичките кругови и медиумите во Македонија за односите со Бугарија, во кој доминира тезата дека Бугарија не го прифаќа идентитетот на Македонија.

Сепак, факт е дека Бугарија никогаш не го оспори правото на граѓаните на Македонија да го дефинираат својот модерен идентитет и да го нарекуваат својот службен јазик како што сакаат. Бугарија само реагира на обидите да се изгради идентитетот на државата на антибугарска основа и со присвојување на бугарската историја, слично на опседнатоста на Скопје со античкиот период до потпишувањето на договорот со Грција во 2018 година, изјавил Радев.

Истовремено, во резолуцијата се повикува Бугарија да не поставува дополнителни услови за прием на РСМ во ЕУ. Во таа насока, шефот на државата нагласува дека вклучувањето на Бугарите во Уставот на земјата е само прелиминарен услов за почеток на преговорите за членство. Но, не ги исцрпува условите што треба да ги исполни Македонија, се наведува во писмото на Радев, објавено од бугарските медиуми.

The post Радев: Вклучувањето на Бугарите во Уставот на Македонија е само прелиминарен услов за почеток на преговорите за членство во ЕУ appeared first on Република.

Турскиот претседател Реџеп Таип Ердоган денеска уште еднаш повика на составување нов турски устав, јави агенцијата Анадолија.

Турската влада нема да застане додека земјата не се рангира меѓу десетте најголеми економии во светот, рече Ердоган, говорејќи на првиот состанок на парламентарната група на неговата владејачка Партија на правдата и развојот (АКП) на 28. Меџлис.

Според шефот на државата, кабинетот продолжува да работи на 12. развоен план на Турција, како и на среднорочната програма за развој на земјата.

„Убеден сум дека од економскиот просперитет на Турција ќе имаат корист сите 85 милиони жители на нашата земја. За да ја координираме работата во економската сфера, воспоставивме блиски врски меѓу кабинетот на потпретседателот, Министерството за финансии и Централната банка, рече Ердоган.

Тој, исто така, смета дека важен стимул за натамошниот развој на Турција ќе биде усвојувањето нова верзија на уставот на земјата.

Концептот за „стогодишнината на Турција“, како што рече, „не може да се реализира врз основа на устав кој беше подготвен и усвоен по воениот удар“.

Ердоган предложи во новиот устав да се вметне правото на муслиманките да носат шамии. Тој, исто така, ги повика своите противници да ја поддржат работата за новиот устав на Турција

The post Турција ќе го менува Уставот appeared first on Република.