Претседателката на Европската комисија, Урсула фон дер Лајен, го поздрави политичкиот договор што денеска го постигнаа Европскиот парламент и Советот на ЕУ за Инструментот за реформи и раст на Западен Балкан, во износ од шест милијарди евра и потенцираше дека проширувањето на Унијата е геостратешки приоритет.

Сакаме побрзо да го доближиме Западен Балкан до Унијата, а договорената инвестиција од шест милијарди евра е клучен чекор во таа насока. Комбинирајќи ја зголемената финансиска помош и реформите, тоа ќе го забрза напредокот на нашите партнери од Западен Балкан на нивниот пат кон ЕУ, ќе ја поттикне нивната економска конвергенција и подобро ќе ги интегрира во нашиот единствен пазар“, се вели во писмената изјава на Фон дер Лајен.

Вкупниот износ на средства за периодот од 2024 до 2027 година е шест милијарди евра, од кои две милијарди се грантови, а четири милијарди се исклучително поволни заеми. Најмалку половина од вкупната сума ќе биде распределена преку Инвестициската рамка за Западен Балкан и ќе ги поддржи инфраструктурните инвестиции, вклучувајќи транспорт, енергија, зелена и дигитална транзиција, а остатокот ќе биде директна поддршка за државните буџети.

Средствата ќе се распределуваат двапати годишно, врз основа на барањата на партнерите од Западен Балкан, по верификација од Европската комисија и потврда дека се исполнети сите релевантни услови поврзани со макрофинансиската стабилност, доброто управување со јавните финансии, транспарентноста и буџетскиот надзор.

Доколку некои услови не се исполнети, Комисијата може делумно или целосно да ги прекине плаќањата. По ваквото суспендирање и во случај државата да не ги исполни соодветните услови за време на грејс периодот од една година или две години во првата година од спроведувањето, суспендираниот износ ќе се повлече и ќе може да се прераспредели на други корисници.

Политичкиот договор постигнат денеска сега е предмет на формално одобрување од страна на Европскиот парламент и Советот на ЕУ, а Регулативата за Фондот за реформи и раст за Западен Балкан ќе стапи на сила следниот ден по нејзиното објавување во Службен весник

The post Западен Балкан добива шест милијарди евра од Европската Унија appeared first on Република.

Пратеничка од левицата во Ирска, Клер Дејли, во свој говор во Европарламентот ја нарече шефицата на ЕК Урсула Фон Дер Лајен „госпоѓа геноцид“. Пратеничката го критикуваше пакетот кој Европската унија го подготви за невладините организации и според неа, ЕУ станала институција која презира демократија.

Оваа жена која дојде на власт без ниту еден глас од граѓаните последните два месеци ги неутрализираше надворешната политика на избраните влади, го поздравува бруталниот режим на апартхејдот што го нарекува „вистинска демократија“ додека рушеше град на деца. На овие поборници за демократија – не благодарам. Мислам дека зборувам од името на многу европски граѓани кога велам „госпоѓо геноцид“ – рече Дејли критикувајќи ја поддршката што Фон Дер Лајен му ја дава на Израел.

The post Пратеничка од Ирска ја нарече Фон дер Лајен „госпоѓа геноцид“ appeared first on Република.

Цел на Европската комисија е Македонија и Албанија да ги почнат преговорите по Првиот кластер – Основи што е можно поскоро, дури ако може и следната недела и силно ја потврдуваме нашата посветеност на иднина во која сите шест партнери од Западниот Балкан ќе бидат членки на нашата Унија, изјави денеска претседателката на Европската комисија, Усрула фон дер Лајен по завршувањето на дводневниот Самит на ЕУ.

- Новата година почнува со многу добри вести за Европската Унија и за нејзините соседи и пријатели со вчерашната одлука за чекор напред во процесот на проширување. Тоа ќе претставува обележје на нашата заедничка историја. Решивме да започнеме преговори со Украина и Молдавија, одлучивме на Грузија да и доделиме кандидатски статус, како и да ги отвориме преговорите со Босна и Херцеговина, тогаш кога ќе бидат постигнати неопходните барања, истакна Фон дер Лајен, на заедничката прес-конференција со претседателот на Европскиот совет, Шарл Мишел и шпанскиот претседател Педро Сначез.

Според Фон дер Лајен, со вчерашната одлука за проширувањето Унијата покажала го исполнува ветеното и дека никогаш не била по силна и поедините

- Во свет што го потресуваат повеќекратни кризи, проширувањето е инвестиција во стабилноста, , инвестиција во сигурноста, но и инвестиција во просперитетот на целиот континент и голема инвестиција во демократијата, додаде Фон дер Лајен.

Според Мишел, воената аграсија на Русија врз Украина предизвика длабока трансформација на Европската унија, за што доказ е и денеска завршениот Самит, кој има историска димензија со донесените одлуки за проширувањето.

- Ваквите одлуки се многу јасна политичка порака дека проширувањето е инвестиција во мирот, сигурноста и просперитетот, упатена до сите европски граѓани и до граѓаните на земјите кандидати за членство, но и остатокот од светот, додаде Мишел.

Санчез, од своја страна, истакна дека на 1 јули кога беше во посета на Киев ми порачал на украинскиот претседател Володимир Зеленски дека за шест месеци сите членки и институции на ЕУ ќе го поддржат членството на Украина во Унијата и конечно на крајот на претседавањето на Шпанија со Унијата, вчера е донесена таква одлука.

Тој додаде дека посветеноста на проширувањето не се однесува само на Украина, туку и на Молдавија, на земјите од Западниот Балкан, како и Грузија, доколку ги исполнат неопходните услови.

- Има многу земји што сакаат да се приклучат на европското семејство веќе подолго време и тоа ќе биде можно со поддршка и помош од ЕУ и европските институции, истакна Санчез, додавајќи дека и Романија и Бугарија се многу важни за Унијата и дека се надева оти наскоро ќе да се приклучат на Шенген зоната.

The post Фон дер Лајен: ЕУ ја потврдува посветеноста на иднина во која сите шест земји од Западниот Балкан ќе бидат нејзини членки appeared first on Република.

Претседателката на Европската комисија Урсула фон дер Лајен денеска по средбата со египетскиот претседател Абдел Фатах ал-Сиси во Каиро уште еднаш истакна дека се противи на „присилното раселување“ на Палестинците, во контекст на војната меѓу Израел и Хамас во Газа.

Со претседателот Сиси разговарав за актуелната хуманитарна криза во Газа и му се заблагодарив за улогата на Египет во обезбедувањето и олеснувањето на испораката на хуманитарна помош за ранливите Палестинци, напиша Фон дер Лејен на Твитер.

Претседателката на Европската комисија го изрази ставот дека го поддржува решението на проблемот со создавање на две држави.

Се согласуваме со принципот на ненасилно раселување на Палестинците и политичкиот хоризонт темелен на решавањето на проблемот со создавање две држави, израелска и палестинска – додаде Фон дер Лајен.

Претседателката на Европската комисија потоа замина за Синај, соопшти гувернерот на регионот што граничи со Израел и Газа.

Тој додаде дека Фон дер Лајен потоа „го посетила аеродромот Ел-Ариш, дека ќе оди на преминот Рафах, ќе ја прегледа хуманитарната помош и ќе ги посети повредените Палестинци во болниците во овој источен египетски регион“.

The post Фон дер Лајен е против „присилното раселување“ на Палестинците appeared first on Република.