21-годишниот Урош Б., кој на 4 мај уби осум и тешко рани 14 лица во селата Мало Орашје и Дубони, Србија, по 19 дена во притвор е пренесен во Специјалната затворска болница во Белград. Доколку психијатриското вештачење покаже дека осомничениот не бил разумен во моментот на пукањето, ќе му биде изречено задолжително психијатриско лекување, што значи дека казната нема да ја издржува во затвор.

Во моментов со него работи најсилниот тим на невропсихијатри во Србија, форензичари кои ги користат нивните специјални методи за да ја проценат неговата психичка состојба. Најважно е сега да се процени дали бил свесен во моментот кога го извршил делото или не. Ако се докаже дека бил свесен постапката е поинаква. Кога судот ќе изрече мерка задолжително психијатриско лекување во затворена установа, нема рок освен ако не му е изречена на тоа лице поради лудило затворска казна. Во пракса оваа казна обично трае до крајот на неговиот живот, а досега не се случило некој кој е осуден на оваа мерка да биде ослободен. Во случаите кога судот ќе изрече и мерка лекување и затворска казна, осудениот прво се упатува на лекување, а потоа остатокот од казната го издржува во затвор, соопшти Министерството за правда.

На лицето кое е предмет на безбедносна мерка задолжително психијатриско лекување и чување во здравствена установа му се вршат психијатриски и невролошки прегледи, му се применуваат дополнителни клинички прегледи, консултативни прегледи и интервенции од други медицински специјалности, психофармакотерапија, групна и индивидуална психотерапија. Се прават тестови и се врши социјална анкета, се прави работна терапија, медицинска рехабилитација и ресоцијализација, како и евалуација на резултатите од лекувањето.

Според изворите на „Телеграф“, во текот на сите 19 дена во притвор тој се однесувал мирно. Од 5 мај, ден по страшниот масакр, никој не го посетил ниту пак тој побарал некој да слушне или да види.

The post Урош е префрлен во специјална болница, исто како Коста во 19 дена поминати во притвор не прашал за блиските appeared first on Република.

У.Б., кој беше уапсен за убиство на  осум луѓе  изјави дека ниту 13-годишното момче кое уби девет и рани седуммина не направил ништо добро, но оти го разбира за постапката.

Не бев инспириран од злосторството што се случи претходниот ден во Белград, ниту пак беше мој мотив да пукам во луѓе во Младеновац. Следев што се случи претходниот ден во Белград, тоа што го направи тоа момче беше лошо, но можам да го разберам затоа што бил омаловажуван како мене, објасни Урош.

The post Урош има разбирање за Коста за убиствата бидејќи бил омаловажуван како и тој appeared first on Република.

Дваесетгодишната Невена В.(20) од Дубона кај Младеновац е тешко повредена во крвавиот пир на Урош Блажиќ пред осум дена. На социјалните мрежи сесподелува апел дека ѝ е потребна операција и вештачка рака за да продолжи со нормалниот живот, а оваа информација за српски „Курир“ ја потврди нејзин пријател.

Драги мои, во тешките денови по трагедијата која остави многу семејства во црно, сакаме да се солидаризираме и со љубов и добрина да го поправиме светот во кој живееме и во кој растат нашите деца за да го оставиме подобар за нив отколку што е сега. Прекрасната Невена е тешко ранета во нападот кај Младеновац на 4 мај. Има само 20 години. Како последица од тешките повреди, ампутирана ѝ е левата подлактица. Сепак, постои решение за подобар живот на Невена, вештачка, бионичка рака која би ѝ го направила животот полесен и би ѝ олеснила многу проблеми, но е многу скапа и недостижна за Невена и нејзиното семејство бидејќи чини околу 50.000 евра, а во зависност од тежината на повредата, државата плаќа максимален износ до 11.000 евра. Ги замолувам сите луѓе со добра волја кои се во можност да ѝ помогнат со уплата на пари директно на наменска сметка:

 

Број на тековна сметка: 160600000170217589 Банка Интеса

 

Цел на плаќање: Донација за Невена В.

The post Се собираат пари за нова рака за Невена – остана без екстремитет во крвавиот пир на Урош во Дубона appeared first on Република.

Урош Б. (21), кој во четвртокот навечер уби осум, а рани неколку лица во околината на Младеновац, Србија, во едно видео на „Инстаграм“ се нарекува себеси  „малиот Кристијан“ алудирајќи на Кристијан Голубовиќ.

Зошто тој убиец се повикува на мене? Зошто зборува дека е Малиот Кристијан, па кого сум убил јас во животот? Рекол дека сум му бил идол, па 300 луѓе и деца дневно велат дека сум им идол, но никој не зел пиштол и не убил некого, рекол Голубовиќ за „Информер“ .

Понатаму не сакал да ја коментира оваа ситуација, бидејќи, како што истакнал, неговата невенчана сопруга Кристина била многу вознемирена и исплашена, бидејќи го имаат четиримесечниот син Консантин.

The post Кристијан Голубовиќ: Кого сум убил јас во животот па тој убиец да се повикува на мене? appeared first on Република.

Убиецот кој ноќва во крвав пир уби најмалку 8 лица кај Младеновац, Урош Б.(21), утрово бил во околината на Крагуевац, во село Вињиште, во домот на негови роднини.

Како што пренесуваат српските медиуми, уапсено е и целото семејство кое го засолнило. Станувало збор за семејството на неговиот вујко.

The post Уапсено целото семејство кај кое се криел Урош appeared first on Република.

Нови детали по масакрот на Урош Блажиќ (21) пристигнуваат од српските медиуми. Убиецот кој во крвав пир уби најмалку 8 лица, а по кој се трагаше цела ноќ, утрово е упасен во Крагуевац.

Тој се криел кај роднина, но полицијата успеала да го лоцира и уапси. Во текот на ноќта успеал да киднапира таксист. Го грабнал заканувајќи му се со се заканил со рачна бомба која цело време ја држел во рацете, па избегал од Младеновац.

Таксистот нашол сила и храброст да повика полиција и да му ја покаже куќата до која возел терористот.

The post Киднапирал таксист за да го одведе до куќата за криење, му се заканувал со рачна бомба appeared first on Република.

Најмладата жртва во крвавиот пир, што кај Младеновац во Србија го изврши, 21-годишниот Урош Б., има 15 години. И останатите застрелани и убиени се млади лица.

Меѓу нив настрадал и полицаецот Милан Паниќ и неговата сестра (20). Како то сведочи нивниот дедо за „Блиц“, тие биле застрелани во тилот откако се појавил убиецот и почнал да решета со калашников.

По целоноќна потрага убиецот е уапсен.

https://republika.mk/vesti/balkan/ubietsot-od-mladenovats-donesen-vo-stanitsa-samo-po-chorapi-i-vo-skafander/

The post Млад полицаец и неговата сестра меѓу загинатите, најмладата жртва од масакрот има 15 години appeared first on Република.

Дваест и едногодишниот Урош Б. кој ноќва пукаше во секој кој ќе застане пред него, по целовечерната потрага е уапсен во близина на Крагуевац, дознава „Блиц“.

Урош Б. го почнал крвавиот пир по расправија во училишен двор, по што заминал дома по пушка и од украден автомобил сеел смрт низ три села во околината на Младеновац (на 40-тина километри од Белград, Србија).

The post Уапсен 21-годишниот убиец appeared first on Република.

Специјалната антитерористичка единица на Србија се вклучи во акцијата за потрага на 21-годишниот Урош Б. (21) кој вчера по расправија во училишен двор почна да пука со автоматска пушка од украдено возило, по што го продолжи крвавиот пир и низ соседните села. Во потрагата се вклучени неколку стотици полицајци, полициски кучиња, хеликоптери, дронови...

Како што пренесуваат српските медиуми, тој бил во училишниот двор со другарите, се скарале, а потоа отишол до својот дом, зел најверојатно автоматска пушка и започнал со крвавиот пир.

од автомобил во движење, кој претходно го украл, пукал во минувачи, при што прво убил три лица - две машки и едно женско, а ранил девет. Меѓу повредените имало и деца. Убиени се полицаец (20) и неговата сестра. Третото лице (21) им подлегнало на повредите по престрелката кај Младеновац.

Како што соопшти МВР, активирана е акцијата Вихор, а сторителот Урош М.(21) е во бегство и по него е распишана потерница. Сите расположливи патроли беа испратени во правец на Младеновац и Мали Пожаревац.

Како што пишува Телеграф, Урош М. побегнал низ две села и во таа прилика застрелал 18 лица. Според Телеграф десет лица се убиени во два села крај Младеновац.

Урош Б. од својот автомобил „мерцедес“ по случаен избор посеал смрт. Со автоматска пушка пукал во деца, млади и жени, пишува Телеграф.

Во близина на населбата Шепшин имало уште едно пукање, во кое полицијата најверојатно го стигнала избеганиот убиец и го опколила напаѓачот кој претходно побегнал од местото на нападот, а тој одбива да се предаде. Отворил оган врз припадниците на полицијата, а хеликоптер го прелетува подрачјето, јавуваат белградските медиуми.

Полицијата и итната помош се уште се на терен.

Како што соопшти Еуроњуз Србија од Младеновац, жителите се затвориле во своите куќи и во локалните кафулиња, а низ населбата одекнуваат лелеци, сирени на брзата помош и на полицијата.

The post Пукал со автомат од украдено возило, убивал случајни минувачи: Полицијата уште трага по Урош (21) по крвавиот пир низ Младеновац appeared first on Република.