Хеликоптер на грузиската гранична полиција загуби контрола и се урна за време на спасувачка операција во зимско одморалиште на северот на земјата. Во него се превезувале спасувачи на Службата за итни ситуации кои биле повикани да помогнат на параглајдеристи кои претходно паднале во провалија, објави грузискиот портал Агенда.

https://twitter.com/i/status/1553026295453421568

Министерството за внатрешни работи објави дека во леталото имало осум лица, а министерот Вагтанг Гомелаури потврди дека загинале сите осум лица, пишува „Грузија тудеј“.

„Денеска во близина на Гудаури, за време на летање со параглајдер, две лица паднале во карпест предел. Во операцијата за нивно спасување учествуваше хеликоптер на граничната полиција кој ја загуби контролата и се урна. Во овој момент, според потврдените информации, во хеликоптерот имало четири члена на екипажот, двајца спасувачи од Службата за управување во вонредни ситуации и двајца медицински работници од Центарот за координација и итна помош во вонредни ситуации“, се вели во соопштението на грузиското МВР.

https://twitter.com/i/status/1553026375585611780

The post Се урна спасувачки хеликоптер во Грузија, загинаа сите осум лица appeared first on Република.

Двајца членови на екипажот го загубија животот, а останатите двајца преживеаја, откако хеликоптерот со четиричлен екипаж, што учествуваше во гаснење на пожарот на Самос, попладнево се урна во морскиот дел југозападно од грчкиот остров, јави дописничката на МИА од Атина.

Од противпожарната служба на Грција попладнево соопштија дека станува збор за хеликоптер од типот ER-MHY (Mi-8 MTV-1) кои тие го изнајмиле да помага во пожарот.

Членови на екипажот се двајца се романски државјани, еден државјанин на Молдавија и еден Грк, а несреќата ја преживеале едниот Романец и Молдавецот, додека пак животот го загубиле Гркот и вториот Романец.

Во спасувачката акција жив беше пронајден пилотот на хеликоптер, потоа беа пронајдени безживотните тела на двајца членови на екипажот, додека пак четвртиот член, вечерва беше пронајден жив на копно и веројатно сам, со пливање успеал да се спаси.

Во спасувачката акција учествуваа бродови на крајбрежната служба, два хеликоптера, волонтери и приватни рибарски чамци.

Според грчката телевизија ЕРТ, хеликоптерот паднал од мала височина, односно кусо откако наполнил вода од морето и во моментите кога почнал да се оддалечува од површината.

The post Двајца преживеани и двајца загинати по падот на хеликоптерот во близина на грчкиот остров Самос appeared first on Република.

Хеликоптер, кој веројатно учествувал во гаснење на пожарот на грчкиот остров Самос, попладнево се урна во море, јави дописничката на МИА од Атина.

Според првичните информации станува збор за изнајмен хеликоптер од типот Ми-8 со тројца или четворица членови на екипажот.
Веќе е започната спасувачка акција за пронаоѓање на членовите на екипажот.

Извор: МИА

The post Се урна хеликоптер во близина на грчки остров appeared first on Република.