Двајцата в.д директори на Фондот за здравствено осигуруѕвање на Република Македонија, Сашо Клековски и Бранко Аџигогов денеска имале средба со Слободан Трендафилов, претседател на ССМ и Трпе Деаноски, претседател на УПОЗ, како и со Бојан Трипуновски, генерален секретар на УПОЗ, и Зоран Печевски, претседател на синдикатот на ФЗОРСМ.

Како што соопштија од ФЗОРСМ, на средбата била истакната важноста на социјалниот дијалог, како и Колективниот договор и проблемите во неговото спроведување.

Во непосредно минато ФЗОРСМ се соочи со штрајк поради нерешавање на наталожените проблеми. Раководството на ФЗОРСМ е посветено на социјалниот дијалог и дава целосна поддршка во исполнување на колективните договори. Подобри услови за работа се важен дел во подобрување на здравствените услуги, стои во соопштението.

The post Средба на Клековски и Аџигогов со претставници на ССМ и УПОЗ: ФЗО дава целосна поддршка во исполнување на колективните договори appeared first on Република.

Нови протести и штрајкови најави Синдикатот на Министерството за финансии при УПОЗ, ако не се потпише колективен договор. Бараат да им да исплатат дополнителните 30 отсто на платата што ја укнина Уставниот суд.

Бараме да ни се вратат дополнителните 30 отсто на плата што ни ги укина Уставниот суд. Му даваме рок на министерот да го потпише до распишувањето на изборите, доколку не го потпише ќе продолжиме после изборите со протести и штрајкови и нема да функционира Министерството за финансии. Нема да се работат експропријациите за Бехтел и Енка и нема да се исплаќаат плати за цела јавна и државна администрација“, рече Даниел Михајловски, претседател на Синдикална организација на Министерството за финансии при УПОЗ.

Бојан Трипуноски, генерален секретар на синдикатот на УПОЗ, потсети дека бараат решавање на проблемите со кои се соочуваат вработените во Министерството за финансии, Управата за имотно правни работи и Бирото за јавни набавки.

Апелираме до министерот, да не направи раздор и уште поголемо незадоволство помеѓу вработените, бидејќи нашите информации говорат дека намерата на одредени раководни лица во министерството е да направат огромна дискриминација на начин што само мал дел од вработените ќе добијат 30 отсто надополнување на плата, одреден дел 15 отсто надополнување на плата, а голем дел од вработените воопшто нема да добијат ништо, иако за тоа се обезбедени средства во буџетот на институцијата“ кажа Трипуноски.

Тие упатија апел до министерот да ги заштити вработените и на тој начин да спречи заминување на квалитетни кадри од министерство за финансии.

The post Најава за нови протести и штрајкови од Синдикатот на Министерството за финансии при УПОЗ appeared first on Република.

Синдикалната организација на Фондот за здравствено осигурување (ФЗО) ќе ја активира одлуката за штрајк донесена на 16.11. 2023 година, доколку на утрешната седница на Управниот одбор на ФЗО се донесе одлука со која ќе се намалат платите на вработените како што тоа го бара Владата и Министерство за финансии, соопштија денеска од Синдикат на УПОЗ.

Во соопштението се повикуваат членовите на Управниот одбор и директорите на ФЗО да не ги доведат граѓаните во ситуација во која нема да можат да остварат ниту едно право од здравствено осигурување, бидејќи, како што се вели, доколку започне штрајкот ниту еден вработен нема да извршува работни задачи по никоја цена.

Синдикалната организација на ФЗО при Синдикатот на УПОЗ, се појаснува во соопштението, во преговори со раководството на ФЗО и Управниот одбор на ФЗО на 25. 07. 2023, постигна договор за покачување на платите на вработените во ФЗО во висина од 15 проценти во неколку фази.

Ова покачување се пролонгираше се до месец декември 2023 година, кога за прв пат беше исплатено на вработените, за да вработените во ФЗО можат да се усогласат со платите со сродните институции. И покрај постигнатиот договор, Владата на Македонија, излегувајќи надвор од своите надлежности и спротивно на законските норми, на седница одржана на 09. 01. 2024 година, донела Заклучок со која му препорачува на Управниот одбор на ФЗОМ да ги намали платите на вработените и тоа во висина од 21 процент.

Доколку Управниот одбор на ФЗО го испочитува ваквиот заклучок на Владата и ги намали платите на вработените, голем дел од вработените ќе ги доведе до состојба да имаат плата под минималната и не само што ќе го прекрши Законот за минимална плата, Општиот колективен договор за Јавен сектор и Законот за здравствено осигурување, туку сите членови на Управниот одбор ќе сносат и кривична одговорност, се наведува во соопштението од Синдикатот на УПОЗ.

Се додава дека просечната бруто плата по вработен во ФЗО е пониска од сите сродни институции, министерствата и администрацијата во здравството и сите објаснувања кои ги дава Владата и Министерството за финансии дека не постојат средства за исплата на платите, стои во соопштението, се нелогични бидејќи во Буџетот на ФЗО има резерва од 1.6 милијарди денари, што е повеќе од доволно за исплата на платите со договореното покачување од 15 проценти.

Буџетот на ФЗО е издвоен од Централниот буџет, средствата за плати не се предвидуваат од Централниот Буџет туку од Буџетот на ФЗО и никогаш до сега немало ваков проблем и вакво мешање во работата на ФЗО од страна на Владата и Министерството за финансии, соопштија денеска од Синдикатот на УПОЗ.

The post Фондот за здравство ќе стапи во генерален штрајк ако се намалат платите на вработените, предупреди Синдикатот appeared first on Република.

УПОЗ, синдикатот кој ја застапува државната администрација, претпладнево излезе со реакција дека од март ниту еден вработен од овој сектор нема да добие усогласување со минималната плата, која од март ќе се зголеми од 20.000 на 22.500 денари.
Соопштението следува откако вчера Владата на седница усвои измени на Законот за административни службеници.

Без учевство и консултуација со Синдикатот на УПОЗ, направени се измени и дополнувања на Законот за административни службеници кои вчера беа усвоени на седница на Влада.
Минималната плата веќе не е дел од основната плата, ова значи дека ниту еден вработен во месец март нема да добие усогласување со растот на минималната плата.
Законот е полн со одредби кои го ограничуваат колективното договарање со што ја минимилазираат улогата на Синдикатот и социјалниот дијалог, реагираат од УПОЗ.

Синидкатот дополнува дека неговите одбори, поради тоа, ќе подготват нови предлози и измени на овој Закон и на Законот за вработените во јавниот сектор.

The post УПОЗ: Ниту еден вработен нема да добие усогласување со минималната плата appeared first on Република.

Вработените од судската и јавнообвинителската служба, Фондот за здравство, како и од Канцеларијата на Народниот правобранител, во организација на Синдикатот на работниците од управата, правосудните органи и здруженијата на граѓани (УПОЗ) денеска излегоа на протест пред Собранието, од каде ги повикаа пратениците од сите политички партии, пред кои веќе е предлог буџетот за следната година, да ги поддржат во нивните барања за покачување на платите.

Протестот, на кој поддршка дадоа повеќе административни службеници од повеќе синдикати, од пред Собранието, како што е најавено ќе продолжи пред Министерството за правда и ќе заврши пред Владата.

[caption id="" align="alignnone" width="1600"] Фото: МИА[/caption]

Поддршка на протестот дадоа повеќе административни службеници од повеќе синдикати, со транспаренти за барања за достоинствени плати протестираа вработените во Управата за заштита на културното наследство, АФ УЗКН, СЕП, Народниот правобранител, судските и јавнообвинителските службеници, како и од други Синдикати од јавната администрација.

Вработените од судската и јавнообвинителската служба од 27 септември штрајкуваат барајќи исплата на додатоците на плата и зголемување на платите за 78 проценти, износ за кој беа зголемени платите на избраните и именуваните лица.

The post Протест на судската и јавнообвинителска служба, бараат поддршка од пратениците за повисоки плати appeared first on Република.

Синдикатот на работниците од управата, правосудните органи и здруженијата на граѓани (УПОЗ) денеска организира двочасовен протест на кој ќе го искаже незадоволството од неисполнување на барањата за вработените во судската и јавнообвинителстската служба.

Протестот ќе се одржи пред Владата во периодот од 12 до 14 часот.

Вработените од судската и јавнообвинителската служба од 27 септември штрајкуваат барајќи исплата на додатоците на плата и зголемување на платите за 78 проценти, износ за кој беа зголемени платите на избраните и именуваните лица.

Претставници на Синдикатот на УПОЗ досега одржаа две средби со Владата, кои завршија без конкретна понуда за решавање на барањата.

The post УПОЗ на штрајк пред Владата appeared first on Република.

Претставниците на Синдикатот на работниците од управата, правосудните органи и здруженијата на граѓани (УПОЗ) денеска повторно се на средба со претставниците Владата откако минатата недела не беше донесена одлука за нивните барања. Претседателот на УПОЗ, Трпе Деановски, во изјава за медиумите пред средбата рече дека денеска очекуваат конкретна понуда од страна на Владата што би значело и прекин на штрајкот.

-Барањата се исти, 78 проценти покачување на плати, враќање на додатоци на плати. Очекуваме конкретна понуда. Без конкретна понуда од страна на Владата, ние не можеме да пренесеме ништо на нашите членови кои штрајкуваат и протестираат, и реално одлуката дали ќе се прифати таа контра понуда ако воопшто ја има, останува на членството, рече Деановски.

Добра понуда од страна на Владата, како што кажа, би значело прекин на штрајкот и враќање на работниците на работа.

На прашањето што би значело добра понуда, Деановски рече дека тоа би било нешто во средина.

-Не би можел да кажам точно со проценти колку бараме. Ќе излеземе точно со нашите барања, реални се 78 посто и враќање на додатоци на плата. Доколку Владата даде некоја суштествена добра понуда, ќе одлучиме дали ќе ја прифатиме. Меѓутоа останува на Владата, рече Деановски.

На прашањето дали очекуваат денеска да се донесе некоја одлука, Деановски одговори позитивно со тоа што, како што рече, ако нема понуда од страна на Владата постои опасност на приклучување на штрајкот во обвинителствата уште и од други институции

The post УПОЗ со исти барања во Влада appeared first on Република.

Владата на Република Македонија ја разгледа и усвои Информацијата од Министерството за правда за изнаоѓање решение околу актуелните барања и посочени состојби од страна на судската, јавно обвинителската служба и вработените во органите на државната управа.

Владата одлучи во рок од седум дена да биде формирана работна група составена од министерот за правда, министерот за финансии, министерот за информатичко општество и администрација и заменикот на претседателот на Владата задолжен за економски прашања, координација на економските ресори и инвестиции и претставници од Синдикатот на УПОЗ, заради изнаоѓање решение во врска со барањата и посочените состојби од страна на судската, јавно обвинителската служба и вработените во органите на државната управа.

Владината одлука следува откако од страна на Министерството за правда е информирано дека на разговори со Синдикатот на УПОЗ е изразена определба од двете страни да се најде заедничко решение, со цел да не се кочи процесот на движење на предмети во судовите и јавните обвинителства.

Со денешниот владин заклучок практично е овозможено непречено функционирање на правосудниот систем, во текот на разговорите меѓу работната група и Синдикатот на УПОЗ.

The post Одлука за формирање работна група за изнаоѓање заедничко решение околу прашањата покренати од Синдикатот на УПОЗ appeared first on Република.

Со „Копачите“, „Бела чао“, како и песните на С.А.Р.С. како „Буџав лебац“ и „То раде Скупштина и Владе“, членови на Синдикатот на работниците од управата, правосудните ограни и здруженијата на граѓани (УПОЗ) од судската администрација со вработените од цела држава денеска своето незадоволство го искажаа и пред зградата на Владата во Скопје со барање за зголемување на платите за 78 проценти и враќање на додатоците на плата.

Не бараме милост, туку дојдовме по нашето, порачаа тие пред Влада, иако никој не се удостои да ги прими на средба.

Протестот утрово започна од зградата на ССМ, па кон Министерство за правда и во моментот е на бул.„Илинден“ пред Владата.

По почетокот на протестот од Синдикатот информираа дека се повикани на средба во Министерството за правда во 14 часот.

Упатија пораки за достоинствени плати и предупредија дека без нив не може да функционира судството.

Судската служба повторно е на улица. Пред почетокот на судската ферија само скопските судови излеговме на двочасовен протест и побаравме 78 проценти покачување на плата и враќање на додатоците на плата како што тоа го добија функционерите. Денеска членовите на Синдикатот на УПОЗ и други вработени кои не се членови од сите судови во државата се во Скопје. Овие луѓе што се тука собрани морале да се борат за секое право што го имаат добиено – во 2002 година 80 дена штрајк, во 2016 година – 60 дена штрајк, сега од 2.000 вработени во судовите 1 000 вработени се тука во Скопје и ако тоа не е доволна порака за надлежните да го слушнат нашиот глас не знам што ќе биде, изјави Трпе Деановски, претседател на Синдикатот на УПОЗ, на собирот пред ССМ.

Деановски порача дека со исполнување на нивното барање за зголемување на платата за 78 проценти  никој од вработените нема да ја надмине просечната плата, туку само ќе се доближи до неа.

Работата во судовите е тимска. Доколку еден вработен не си ја заврши работата судијата нема да може да донесе пресуда. Идната недела и колегите од државното правобранителство најавија штрајк. Колегите од обвинителствата вчера започнаа штрајк. Ако колегите од судовите, луѓето што се тука и тие започнат штрајк ќе се парализира целото правосудство. Мора да се разбере дека не може да се живее и не е фер еден во судовите да зема огромна плата, а нашите плати во однос на нивните да бидат во размер 1:6 до 1:7, изјави Деановски.

Апелира на одлуки од Судскиот буџетски совет и Собранието за исполнување на поставените барања.

Имаме амандман со којшто бараме за сите вработени да се преиспита одлуката за прераспределба на средства во Буџетот да добијат по 78 отсто и да се вратат додатоците. Се уште не е на Комисија за финансирање и буџетот, гледаме секој ден дали ќе ја стават на дневен ред, меѓутоа ако тоа не се измени мислам дека ја знаеме пораката од овие луѓе, рече Деановски.

Тој информираше дека поради штрајкот во обвинителство веќе се одложуваат случаите и се работат само итни и неодложни предмети.

Како што најавивме вчера, значи притвори, претреси и оние предмети каде што има жалби и треба да се запазат роковите, а се’ друго не се работи и нема да се работи. Денеска бевме на разговор со обвинителот за организиран криминал, денеска ќе имаат и тие состанок, поддршката ја имаме и од обвинителот за организиран криминал, од републичкиот обвинител, на ред се министрите и Владата да се заземат за нас, рече Деановски.

Доколку се зголеми за 78 проценти, просечната плата на администрацијата од судовите ќе биде околу 24.000 денари.

Членството на УПОЗ по денешниот протест дополнително ќе одлучи за идниот начин на делување,  дали ќе штрајкуваат или ќе излегуваат пред судовите.

Протестен марш денеска од пред Кривичен суд во Скопје до Министерството за финасии организираа и Независниот синдикат на судската администрација и Синдикатот на затворската полција, со истите за зголемување на платата и враќање на додатоците на плата.

The post Со „Копачите“ и „Буџав лебац“ пред Влада продолжи синдикалниот протест appeared first on Република.

За прв пат во историјата пред Владата ќе протестираат вработените во Владата. Ваквите случувања се резултат на то што надлежните немаат слух за покачување на платите на вработените.

Револтот на вработените во службите на Владата кулминирал откако беа покачени платите на вработените во Министерството за финансии, Собранието и некои други институции, а особено откако функционерите во Владата добија априлски плати повисоки за 78%.

Одговорот што го добиваат континуирано, според упатени извори е - пари нема.

Преку Синдикалната организација на вработените во Владата течеле разговори околу покачување на платата на вработените. Разговорите пред се биле водени од генералниот секретар на Владата, Методија Димовски, кој наводно имал целосно разбирање за барањата на вработените, ги поддржувал и ги пренесувал нивните барања.

Сепак, на разочарување на вработените резултат од сите тие активности немало и синдикатот кој формално е дел од УПОЗ најавува протест пред Влада во вторник, на 6 јуни година.

По најавата, шефот на Кабинет на премиерот Мартин Попов повикал на разговор претставник на синдикатот, наводно инсистирајќи да дојде сам.

На тој состанок биле упатени барања да се откаже протестот, да се добие повеќе време да се разгледаат барањата, но и низа закани, најави за казни, прераспределувања, укинувања на сектори и разни други притисоци кон вработените. За време на тој состанок внатре во Владата започнало спонтано собирање на вработените на кои подоцна им биле пренесени барањата и заканите. Ова создало дополнителен револт и гнев кај вработените, кои сепак на состанок одлучиле да дадат дополнително време за разговор, но во исто време едногласно ги отфрлиле заканите и најавиле дека нема вечно да ги трпат овие игри на купување време, а особено не методите на заплашување и притисоци.

Брифираат дека по прашањето има целосна едногласност и сплотеност и дека во најкус можен рок ако нема решени за покачување на платите ќе дојде до протест, штрајк и до блокада на самата Влада од внатре, од оние кои ја вршат целата работа на Владата, а очигледно на никој од функционерите не им се битни нивните примања.

The post Притисоци и закани врз вработените во Владата откако најавиле протест пред Владата: Функционерите со 78% повисоки плати не им даваат покачување appeared first on Република.

Синдикатот на УПОЗ, како потписник на Колективниот договор во Управата за јавни приходи, денеска преку соопштение реагира на, како што велат, континуираното и сериозно кршење на правата од работен однос во оваа институција.

Според УПОЗ, во оваа институција долг временски период се ограничуваат правата на вработените со носење на поединечни акти на работодавачот, не се применуваат законските одредби и одредбите од Колективниот договор особено оние кои се однесуваат на начинот на пресметка на плата, додатоците на плата и други надоместоци од работен однос и се прават незаконски времени и трајни прераспоредувања на вработените.

Од Владата, Министерството за финансии и од УЈП бараат утврдување и исплата на додадок на плата од 30 проценти и за вработените во УЈП почнувајќи од јануари годинава и пресметувањето и исплатата на платата, надоместоците и додатоците на плата најитно да се усогласи и да се врши согласно Колективниот договор. Синдикатот бара и усогласувањето на платите да биде согласно порастот на индексот на трошоци на живот во случаи кога ќе надмине 10 проценти во споредба со претходниот месец, да се признава степенот на образование на вработените и да се прекине со временото распоредување на вработените и тоа да се користи во случаи и на начин како што е пропишано согласно законот и Колективниот договор.

Време беше изворно да се слушне барем дел од вистината и за вработените во УЈП кои долги години на различни начини се обесправени во остварување на своите права од работен однос, велат од Синдикатот на УПОЗ, повикувајќи ги Државниот инспекторат за труд, Државниот завод за ревизија, Народниот правобранител и Комисијата за дискриминација да спроведат надзор по допрен глас во Управата за јавни приходи.

The post УПОЗ: Контиунирано и сериозно се кршат правата од работен однос во УЈП appeared first on Република.

Самата држава им испраќа порака на вработените, особено оние на пониските позиции да си заминат од администрацијата, вели за Детектор претседателот на синдикатот на УПОЗ, Трпе Дејановски.

„Со ваквите политики, години наназад, мислам дека самата држава им дава порака на вработените во администрацијата, особено оние слабо платените во референтската категорија да заминат од јавната администрација, од државната администрација.
4300 мислам дека беше вкупниот број на заминати од администрацијата и со природен одлив и со заминување од работно место за рок од две и пол години. Тоа е огромен број на вработени кога ќе ја земете структурата на вработените во јавниот сектор воопшто. Тоа ќе се случува се почесто и почесто, нема да имаме добар кадар, за жал“ – објаснува Дејановски за Детектор.

The post Дејановски: Самата држава им испраќа порака на вработените да си заминат од администрацијата appeared first on Република.

Незадоволство од состојбата со платите постои и во Бирото за јавни набавки, кое е орган во состав на Министерството за финансии, велат од Синдикат на УПОЗ.

Платите на вработените во Бирото, како што посочуваат во денешното соопштение од Синдикат на УПОЗ, воопшто не се зголемени со години, ниту пак се овозможи исплата на додатоци на плата како што беше предвидено за министерствата минатата година, иако Владата постојано збори дека борбата против корупцијата и е главен приоритет, при што јавните набавки имаат централно место во оваа заложба.

Зошто се дозволува слабеење на оваа важна институција кога знаеме дека низ системот на јавни набавки се трошат преку 1 милијарда евра јавни пари годишно? Законот му дава на Бирото бројни надлежности за контрола. Во што е работата на Бирото помалку сложена или помалку одговорна од другите чинители во управувањето со јавните финансии, прашуваат од Синдикат на УПОЗ.

Според Синдикатот и оваа институција се соочува со истите ризици на одлив на стручен и искусен кадар сега кога земјата влезе во евроинтеграциските процеси.

Оттаму потсетуваат дека Бирото прво го отвори билатералниот скрининг на земјава со Европската комисија и е носител на посебно поглавје во кластерот фундаменти, а вработените добија пофалби за ефикасноста и ефективноста со кои ги реализираа овие клучни активности.

Зошто никој не се сетил дека маргинализирањето на Бирото несомнено ќе ги ослабне капацитетите на државата да управува со системот на јавни набавки и ефективно да се бори против корупцијата? А неможноста правично да се вреднува трудот на вработените ќе доведе токму до тоа, се посочува Синдикат на УПОЗ.

The post Незадоволство во зградата на Министерството за финансии расте од ден на ден appeared first on Република.

Синдикатот на УПОЗ реагира на најавеното кратење на платите на вработените во администрацијата и вели дека „со кратење на плати од вработените, ќе се покрива неспособноста на Владата“. Нагласува дека нема да бидат одговорни за бесот и последиците што ќе настанат од тоа.

-Вицепремиерот Битиќи, денес ни порача дека кратењето на плати не треба да го сфатиме лично. А, како да го сфатиме? Неофицијалните информации говорат дека сите вработени кои ќе се упатат да работата од дома, ќе добијат помала плата од 10 до 30 отсто. Тоа значи дека како награда за работа од дома, која ќе значи повисоки сметки за струја, греење, храна итн. ќе добијат пониски плати, а во некои случаи дури и пониска плата од минималната плата, велат од УПОЗ.

Со еден потег, додаваат, Владата ги укина синдикатите и колективното договарање, и ги прекрши Уставот, законите и конвенциите на МОТ кои ги има потпишано државата.

-Ќе дочекаме за првпат во историјата на нашата држава, еден министер да добие поголеми ингеренции од премиерот и во најголемата финансиска криза да одлучува кој смее, а кој не смее да добие плата. Со ваквите постапки, Владата единствено успеа да го навлече бесот на вработените и да ги обедини Синдикатите, а за последиците и бесот кој ќе произлезе од овие мерки, ние нема да бидеме одговорни, порачуваат од Синдикатот на УПОЗ.

The post УПОЗ предупредува: Нема да бидеме одговорни за бесот и последиците од најавеното кратење на платите appeared first on Република.

Владините мерки и препораки за намалување на расходите на буџетските корисници не се насочени кон УПОЗ, ниту се однесуваат кон некого лично. Во нив се дадени совети што треба да направат институциите од централната и локалната власт, јавните претпријатија и акционерските друштва, изјави денеска вицепремиерот за економски прашања Фатмир Битиќи.

Одговорајќи на новинарско прашање за документот што го објавија синоќа претставници на УПОЗ во телевизиско гостување, Битиќи нагласи дека сега, во услови на криза, не треба да се калкулира.

https://republika.mk/vesti/makedonija/deanoski-nitu-edno-nashe-baranje-ne-beshe-na-dneven-red-na-ekonomsko-socijalniot-sovet/

Тоа е за сите, за цел јавен сектор. Во период на криза не е период на калкулации. Таму има дадени совети што треба да направат и на централна власт и на локална власт и јавни претпријатија и акционерски друштва. Не е насочено лично кон никого. Се е начин на заштеда во овој период. Тоа не е документ и не е насочен кон УПОЗ, тоа оди во насока на креирање на методологијата и на законот за плати, така да, сеопфатно ќе се дадат резултатите, рече Битиќи.

Претседателот на УПОЗ, Трпе Деаноски синоќа покажа, како што рече, дел од мерките и препораките на Владата за намалување на расходите на буџетските корисници во кои, освен намалување за 10 отсто на платата, има уште неколку точки меѓу кои и намалување на прекувремената работа за преку 20 отсто во МВР, во Агенцијата за национална безбедност (АНБ), во Агенцијата за разузнување, како и работа од дома со ротации. За синдикалците се спорни, како што беше нагласено, и намерите на Владата за суспензија или укинување на колективните договори.

https://republika.mk/vesti/makedonija/prinuden-odmor-ili-rabota-od-doma-za-javnata-administracija/

The post Битиќи му одговори на Деаноски: Препораките за штедење се совети за сите, не се насочени кон УПОЗ appeared first on Република.

Претседателот на ВМРО-ДПМНЕ Христијан Мицкоски вели дека сите работници, вработени во разни сектори во државата кои што ќе протестираат, односно штрајкуваат за повисоки плати ја имаат неговата поддршка.

Во вечерашното гостување во емисијата „Патот кон“ на телевизија Алсат, Мицкоски истакна дека во овие тешки економско-финансиски времиња работниците, како и просветните кои што за во понеделник најавија генерален штрајк,  мора да добијат финансиска мотивација.

Додаде дека наставниците и професорите си ја сакаат работата и државата и тие посветено работата на едукација и образување на учениците, кои се идни генерации кои што ќе ги предводат општествените процеси, но сепак и тие сите имаат дома фамилии кои од нив имаат некои очекувања и затоа мора да им го овозможиме финансискиот мотив, затоа што само така ќе имаме поквалитетно образование и образование

„Денеска луѓето можете да ги мотивирате, за жал од нешто мора да се живее, финансиски. Да тие си ја љубат својата работа, посветени се, мотивирани се, посебно ете луѓето кои за прв пат ја добиваат можноста за прв пат да учат, да образуваат деца и така натаму. Но, на крајот на денот тие имаат дома свои семејства и тие семејства од нив имаат некакви очекувања да имаат пристоен живот. И ние на ти луѓе треба да им го овозможиме тој пристоен живот, на тој начин ќе го зголемиме нивниот мотив, а со нивниот мотив ќе се зголеми квалитетот“, рече Мицкоски.

Надополни дека со зголемен квалитет во образованието ќе се  кое ќе биде многу подобро рангирано на сите ранг листи, како што се рангирањето во Пиза Шангајското рангирање, што би го отворил патот за повеќе директни инвестиции, без разлика дали се странски или домашни и на тој начин луѓето ќе заработуваат пристојно и нема да си заминуваат од Македонија.

„Со вака зголемен квалитет во образованието ќе имаме многу подобро место на сите рангирања, а со многу подобро место и на рангирањето на Пиза и на рангирањето на Шангај ќе имаме повеќе директни инвестиции, без разлика дали се тие домашни или странски, нема луѓето да ни одат ќе ни останат тука и ќе си заработуваат пристојно и нема да ни се празни државата, како што тоа го правата дел од централно европските земји, како што тоа го прави една Словенија и така натаму. Тоа е успешна политика“, истакна Мицкоски.

Мицкоски образложи како платите во образованието, односно на просветните работници во средните и основните училишта, како и во градинките треба да се зголемат согласно колективниот договор и истите треба да бидат нивелирани согласно зголемената минимална плата, затоа што образовниот процес кој што е многу битен за децата започнува во градинките, се развива во основното и на крај се дефинира во средното образование.

„Апсолутно, како што се колективните договори. Мојата сопруга работи во средно училиште, она е класен раководител, платата некаде и е околу 26-27 илјади денари нето. Според колективниот договор кој што треба да се нивелира со овој коефициент еден кој што е еднаков на минималната плата на нејзе, на сите како нејзе професори во средните училиштата, нешто се помали 1, 2, 3, 5 кај основните училишта, платат треба да им биде повеќе од 40 илјади денари. Дали ги заслужуваат? Да заслужуваат, бидејќи образованието е сложен процес. Тоа започнува од предшколската возраст, односно од градинките и по сите социоекономски анализи, кога ќе разговарате со луѓето што се правени секаде од стручни и компентетните лица во светот ќе видите дека, главен фокус на образованието се првите, односно онаа предшколска возраст, уште во градинките, потоа се почетоците во основното образование, па потоа доаѓа среденото образование“, кажа Мицкоски.

The post Ги поддржувам работниците кои ќе штрајкуваат за повисоки плати, рече Мицкоски appeared first on Република.

Вработените во управата и правосудството в четврток и петок ќе ја прекинат работата два часа, од 10 до 12 часот, барајќи исплата на минимална плата и линеарно зголемување на платите на сите вработени за 2.806 денари.

Ќе се протестира во сите оние институции каде Синдикатот на УПОЗ има синдикални организации како што се министерства, агенции, фондови, управи и судови.

– Ќе има прекин на работата. Известени се и Владата и министерства, сите работодавачи. Ги замолувам граѓаните на трпение, не е многу, два часа се, меѓутоа тие два часа можат да пораснат и да бидат осум часа прекин, рече претседателот на Синдикатот на УПОЗ, Трпе Деаноски на денешната прес-конференција.

Во 95 проценти од институциите, како што посочи, се исплаќа плата под минималната, а во останатите пет проценти, дел не ја подготвуваат платата, а оние што веќе ја исплатиле, направиле грешки и исплатиле само минимална плата без стаж.

Досега, од Владата не добиле покана за преговори, а притисокот од членството, како што посочија, е голем и се бара прекинот на работата да продолжи.

– Се надеваме дека Владата и надлежните ќе имаат барем малку сенс и ќе направат напори овој период да разговараме и да најдеме начини за решавање на нашите барања, но изгледа дека Владата не е заинтересирана за преговори со нас, иако тоа го вети. Она за што предупредувавме минатиот пат се оствари и скоро во сите институции во управата и правосудството на вработените не им се исплаќа минимална плата. Досега, над 95 проценти од институциите продолжуваат со исплата на плата под минимална плата. Останатите пет проценти, дел не знаат што да прават и не ја подготвуваат платата, а оние што се потрудиле да исплатат минимална плата направиле катастрофални грешки во исплатата на истата. Повторно вработените од управата и правосудството остануваат единствените во државата со плата под минамалната плата, рече Деаноски.

Како за пример дека институциите не го почитуваат Законот за минимална плата, од УПОЗ го посочуваат примерот со објавениот оглас од Министерството за финансии за референт писар за кое работно место е предвидена плата од 14.909 денари што е пониска не само од важечкиот износ на минимална плата од 18.000 денари, туку и од претходниот износ на минималецот од 15.142 денари.

The post Протест на УПОЗ в четврток и петок: Управата и правосудството нема да работат два часа appeared first on Република.

Како што најавија од Синдикатот на УПОЗ на 7 и 8 април од 10 до 12 часот се организира предупредувачки штрајк, во сите институции каде што има синдикални организации.

Се надевавме дека Владата ќе има барем малку чувство и ќе направат напори да разговараме и да најдеме начин за решавање на нашите барања, но изгледа дека Владата не е заинтересирана за преговори со нас. Речиси во сите институции, управата и правосудството, на вработените не им се исплаќа минимална плата. Досега над 95 отсто од институциите продолжуваат со исплата на минимална плата под минимална плата. Останатите 5 отсто, дел не знаат што да прават па не ни ја спремаат платата, а оние кои се потрудиле да исплатат минимална плата, направиле катастрофални грешки – рече претседателот на УПОЗ, Трпе Деаноски.

Тој смета дека повторно само вработените во управата и правосудството се единствените кои земаат плата под минималната, што предизвикува незадоволство кај вработените.

Доколку барањата не се остварат, односно доколку не почне да им се исплаќа минимална плата на вработерните повикаа штрајкот да продолжи и наредните денови.

Прашуваат зошто власта самата не си ги почитуваат законите кои ги носи, а како пример истакна дека Министерството за финансии на 23 март објавува оглас за референет – писар, за кој предвидел плата од 14.909 денари.

The post Ги носат законите, а не ги почитуваат: Министерството за финансии бара писар за 14.909 денари плата, а минималната е 18.000 appeared first on Република.

Наместо во овој период да се одржуваат редовни средби со синдикатите и да се најдат решенија за исплата на минималната плата и скалесто усогласување со другите плати, Владата без никакво обајснување го прекина социјалниот дијалог, велат од Синдикатот на работниците од управата, правосудните органи и здруженија на граѓани, на денешната прес-конференција.

Според нив со оваа постапка Владата го зголемила незадоволството и револтот кај вработените.

Поради прекинот на социјалниот дијалогот и неинформирањето на синдикатот, поради ваквата настаната ситуација и се поголемите барања од синдикалните организации за протести, јавно ги повикувам сите членови на Синдикатот на УПОЗ и сите вработени во управата и правосудството кога Синдикатот ќе повика да го искажеме незадоволството преку прекин на работа да се одржи протест, дали уште ден два ќе има неколку законски измени на Влада, доколку поминат имаме спремни амандмани и ќе пробаме да ги искористиме сите можности да ги ставиме на гласање доколку и тоа не се случи доколку не се предвиди усогласување со минималната плата ќе се договориме сите синдикални организации за времето и начинот на одржување протест - изјави претседателот на УПОЗ, Трпе Деаноски.

Искажа загриженост поради тоа што не е изменет ниту еден Закон, со кој се регулираат платите на вработените во управата и правосудството.

Без да направат законски измени ниту еден вработен во управата и правосудството нема да ја добие новата вредност на минималната плата и повторно само овие вработени во државата ќе останат со плата под минималната, од оние неофицијални информации кои доаѓаат до нас произлегува дека скалесто усогласување на платите во управата и правосудството нема да има, наместо скалесто усогласување вработените, кои се над минималната плата ќе добијат од 600 до 900 денари повеќе. Ваквиот однос на Владата кон сопствените вработени е разочарувачки, наместо да се труди вработените да ја достигнат просечната плата се најдовме во ситуација во која 50 проценти од вработените се под или до новата вредност на минималната плата, во ситуација кога синдикалната минимална кошница за месец февруари изнесува 36.146 денари, од кои само 15.440 денари се трошок за исхрана и пијалоци, наместо да се изготвуваат измени на законите се испраќаат заклучоци од седници кои на никој не му се јасни, и со кои сакаат платите наместо со закон и со колективен договор, да се регулираат со заклучок или уредба на влада - појасни тој.

Љубиша Јовановски, вработен во Агенција за катастар на недвижности се согласи дека незадоволството е огромно и дека секојдневно до организациите пристигаат барања за одржување на протести.

Ова што е кажано досега е само еден мал дел од незадоволството кое е огромно во администрацијата, и верувајте сите вработени чекаат да се каже само денот и 99 проценти од нив ќе излезат на протести и на улица, бидејќи незадоволството е големо, платите во администрацијата се многу ниски - подвлече Јовановски.

На прес-конференцијата беше истакнато дека во моментот има од 15.000 до 16.000 вработени, кои земаат плата со Закон во јавниот сектор и доколку нема измени нема да добијат ниту минимална плата, ниту било какво друго усогласување со плати.

Претседателот на Синдикатот на УПОЗ на прес-конференцијата информира дека при правење на пресметката за новата методологија за закон за административни службеници е утврдено дека во рок од година и пол од администрација имаат заминато 5.000 вработени од кои мал дел со природен одлив, односно заминување во пензија, а околу 4.000 вработени се заминати поради неконкурентност на плати, дел од нив е заминат во странство, дел во приватен сектор.

The post УПОЗ: Владата го прекина дијалогот, доколку нема усогласување со минималната плата ќе одиме на протест appeared first on Република.

Со зголемување на минималната плата и немањето слух на Владата скалесто да се покачат и останатите плати ќе се оствари тоа што Синдикатот на УПОЗ го прогнозираше, а тоа е крах на системот на плати во администрацијата и правосудството, изјави денеска претседателот на Синдикатот на работниците од управата, правосудните органи и здруженијата на граѓани (УПОЗ), Трпе Деаноски.

Од Синдикатот на УПОЗ истакнаа дека не можат да го разберат, како што велат, незнаењето на Владата за начинот на пресметка и исплата на плата на сопствените работници.

Со новата вредност на минималната плата Владата првпат во историјата на Македонија, ќе направи цела група вработени во администрацијата кои досега беа малку над минималната плата сега да примаат само минимална плата. Со самото тоа, Владата ги омаложува и понижува своите вработени, и второ го зголемува процентот на вработени кои примат минимална плата на државно ниво од 13,8 проценти на скоро 18 проценти – рече Деаноски.

До ваквата ситуација, дополни тој, дојдовме поради фактот дека од моментот на воведување на минималната плата во 2012 година па до последното зголемување во понеделникот минималната плата ќе се зголеми за неверојатни 120 проценти, а платите во администрацијата и правосудството од 2012 година досега се зголемени за 9 или 10 проценти. Исто така, во последните години со политиките на Владата во одредени сектори на јавниот сектор платите се зголемени дури до 25 проценти, а платите во администрацијата и правосудството не се зголемија ниту еднаш, посочи Деаноски.

Доколку Владата, наведе, ги почитуваше сопствените закони и вршеше усогласување на платите со порастот на минималната плата, како што е предвидено во членот 8 од Законот за минималната плата до ваквата состојба воопшто немаше да дојде.

Во администрацијата и правосудството системот на плати е базиран на бодови кои се добиваат по два основа. Бодови за образование и бодови за ниво за кое е распореден вработениот. Доколку не се спроведе скалесто зголемување на платите ќе се случи вработените од пониските нивоа да ги престигнат вработените од повисоките нивоа, или вработените со средно образование да ги престигнат вработените со високо образование, изјави Деаноски.

Едно од клучните барање на УПОЗ упатено до Владата, пренесува МИА, е заедно со измената на Законот за минималната плата во скратена постапка да се направат измени и на посебните закони кои ги регулираат платите на вработените во администрацијата и правосудството на начин што вредноста на минималната плата да се земе како основ на плата и сите вработени да имаат одредени бодови за ниво.На овој начин, според нив, ниту еден вработен во администрацијата не би бил на минимална плата и прв пат во историјата ќе имаме усогласување на платите со минималната плата во администрацијата и правосудството. Во спротивно, тие најавија дека ќе бидат приморени да ја активираат одлуката донесена во ноември и незадоволството на вработените да го изразат преку протести или преку други форми на притисок за други форми на штрајк.

The post Платите скалесто да се зголемат или УПОЗ ќе стапи во штрајк appeared first on Република.