Водачот на екстремната десничарската група „Гордни момчиња“ (Proud Boys) е осуден на 17 години затвор, една од најголемите казни за упадот на Капитол.

Обвинителите велат дека ветеранот на американската армија Џо Бигс (38) бил водач на упадот во Конгресот на 6 јануари 2021 година.

Бигс побара од судот милост и изрази жалење за своите постапки.

Обвинителите во поднесокот велат дека Бигс, воен ветеран во Ирак и автор на страницата за теорија на заговор Infowars, користел воени вештини за да командува и контролира голема група луѓе и да води бунт против владата.

Бигс се гледаше себеси и своето движење како втора американска револуција во која тој и другите „патриоти“ ќе ја преземат власта со сила, рекоа обвинителите.

Обвинителството побара казна од 33 години затвор за поранешниот војник Бигс, што е значително подолга казна од 17-те години кои на крајот беа изречени. Судијата Тимоти Кели ја засновал својата пресуда врз фактот дека Бигс немал намера да убие никого. Сепак, „одвраќање“, според судијата, е неопходно.

Нападот ја прекина „нашата традиција на мирен трансфер на власта. Една од највредните работи што ги имавме како Американци“, рече тој.

Пред да биде објавена пресудата, Бигс низ солзи уверуваше дека не сака веќе да има врска со „Гордите момчиња“. Тој рече дека знае оти ја „зафркнал“ работата, но тврди дека „не е терорист“.

Петнаесет до седумнаесет години затвор е премногу. Мислам дека во оваа земја се случува поширока криза на легитимитетот. Погледнете ја актуелната претседателска трка. Каде е Доналд Трамп во сето ова? Во 2021 година, тој само им рече на своите 74 милиони следбеници: „Изборите се украдени. Одете во Капитол! Борете се или повеќе нема да имате земја!“ Некои луѓе го послушаа. - Требаше ли да знаат дека е лут и огорчен?“, праша Норман Патис, адвокатот на осудениот Џо Биг

The post 17 години за водачот на упадот во Капитол appeared first on Република.

На 6 јануари 2023 година, комитетот на американскиот Конгрес, кој се занимава со упадот на Капитол, треба да гласа за барањето до Министерството за правда да поднесе најмалку три кривични пријави против поранешниот претседател Доналд Трамп, вклучително и обвиненијата за бунт, објави „Политико“.

Членовите на Комитетот ќе го разгледаат ваквиот предлог на седницата в понеделник, а покрај кривичната пријава за бунт, Трамп се товари и за кривичните дела: попречување на службена постапка и здружување за измама на Владата на САД.

Нејасно е дали конечниот извештај на Комитетот ќе препорача дополнителни обвиненија против Трамп покрај овие три и дали ќе бидат поднесени кривични пријави против други луѓе кои му помогнале на Трамп да се обиде да спречи изборен пораз.

Според соговорникот на „Политико“, документот што ќе го разгледува Комисијата содржи опширно образложение за сите препорачани кривични пријави.

Портпаролот на конгресната комисија одбил да ги коментира наодите на „Политико“, додека портпаролот на Трамп ги осуди плановите.

The post Сериозни непријатности за Трамп: Подготвени се најмалку три кривични пријави за поранешниот американски претседател appeared first on Република.