Околу 100 килограми небезбедна храна запленија и уништија утрово инспекциските служби на Агенцијата за храна и ветеринарство (АХВ) во рамки на спроведениот вонреден инспекциски надзор на пазарот за стари работи познат како бувљак, во скопската населба Маџари.

Запленета и нештетно уништена е небезбедна храна (чипсови, чоколадни бонбони, наполитанки, конзерви со месен нарезок, кроасани и други производи ) се продавала од физичко лице во несоодветни услови (на отворено), со поминат рок на употреба и без познато потекло, за што е изречена парична казна.

Агенцијата апелира до граѓаните да бидат свесни и одговорни потрошувачи и храна да купуваат исклучиво од одобрени/регистрирани оператори од АХВ кои се под надзор на инспекциските служби на Агенцијата, бидејќи производите кои се продаваат на диво, од нерегистрирани оператори, најчесто од физички лица може да бидат небезбедни.

The post Околу 100 килограми небезбедна храна запленета и уништена утрово на пазарот бувљак appeared first on Република.

Куќата на познатиот композитор Чајковски е целосно уништена при напад на Русија врз Украина.

На 24-годишна возраст, познатиот романтичен композитор од 19 век престојувал во вила во градот Тростјанец, тогашен дел од Руската империја. Тука тој го компонира своето прво симфониско дело – увертирата „Бура“ (1864).

Вилата, како и остатокот од Тростјанец, сега е во урнатина по заземањето на градот на 1 март 2022 година за време на руската инвазија на Украина.

По еден месец окупација, каде што цивилите наводно биле убиени од руски рачни гранати, украинските сили употребиле силно гранатирање за да ја вратат контролата над Тростјанец.

Иако руската армија сега си замина по брутален месец, потсетниците за нивната окупација можат да се видат насекаде; зградите – вклучително и вилата – се уништени, а буквата „З“ е исцртана на урнатините и автомобилите низ градот.

VIDEO: Where Tchaikovsky lived, Russia leaves behind death and hunger.

Tchaikovsky, Russia’s most famous composer, once called Trostyanets home. Now the town in northeast Ukraine, like his old house, lies in ruins as residents count the cost of a month of Russian occupation pic.twitter.com/UhOAVRCTkp

— AFP News Agency (@AFP) March 31, 2022

The post Kуќата на Чајковски уништена од руската војска во североисточна Украина appeared first on Република.