Административци на министерката за култура Бисера Костадиновска Стојчевска вчера ненајавено се појавиле во Македонската филхармонија, каде ги барале сите детали за одржувањето на Годинешната конференција на Унијата на жени на ВМРО-ДПМНЕ, настан кој се одржуваше во неделата, дознава „Република“.

Министерката испратила вонредна контрола во институцијата за да ги прочепка сите детали околу изнајмувањето на просторот и да бара било какви нерегуларности. Меѓудругото, им бодело очи што настанот е во ден недела, но, бидејќи концерти, културни и секакви настани во Филхармонија редовно има и за викенд, не е направена никаква отстапка за партијата. Како што потврдуваат и од самата институција - салата се изнајмувала и се изнајмува за разни субјекти, вклучително и политички.

Во официјалната изјава од Филхармонија за „Република“ велат дека на ден 11.05.2023 година (четврток) , од страна на Министерството за култура пристигнаа тројца вработени, административни службеници, кои пренесоа дека доаѓаат по налог на министерката за култура со цел да извршат увид во документацијата за настанот кој се одржа на ден 07.05.2023 година (недела) од страна на политичката партија ВМРО-ДПМНЕ, односно за настанот Унија на жени на ВМРО.

Според она што ни беше соопштено на состанокот од 11.05.2023 година, кој се одржа во просториите на Филхармонија, додаваат, целта на контролата беше Годишната конференција на Унија на жени на ВМРО-ДПМНЕ.

Би констатирале дека не стануваше збор за инспекција од инспекторатот на министерството, туку за контрола по налог на министер, потенцираат од Филхармонија.

The post Министерката ја чешла Филхармонија, лута зошто ѝ изнајмила сала на ВМРО-ДПМНЕ appeared first on Република.

Напорите кои ги давате на жените да се вклучат во политика и во процесите на донесување на одлуките што не е само нивно право туку е и многу важно поради посебниот поглед кои жените го донесуваат во таквите процеси. Женските гениј, женската интуиција е восхит“, истакна пратеничката во хрватското Собрание Маријана Петир на денешната 19-та годишна конференција на Унијата на Жени на ВМРО-ДПМНЕ насловена „Одлучни за промени“.

Таа додаде дека позитивните законски прописи кои се поврзани со делувањето на жените во политиката постојат, но постојат предрасуди и стереотипи кои жените се секојдневно изложени.

Петир посочи дека жените и понатаму се застапени секаде каде што се донесуваат важни одлуки.

Сите вие знаете дека ја сакам Македонија и знаете да за Македонија секогаш сум се борела како лавица, бидејќи не поднесувам неправди. Мислам да нема друг народ од Хрвати да ја разберат тешкотијата со која Македонија се соочува“, изјави Петир.

Петир потенцираше дека се противела и понатаму се противи на неправедните притисоци кои задираат во суверенитетот, националниот културен идентитет Македонија, затоа што тие притисоци имаат негативен ефект не само на политички живот туку и на господарската ситуација на државата.

The post Петир: Ќе продолжам да се противам врз неправдите кои задираат во суверенитетот и националниот, културен идентитет на Македонија appeared first on Република.

Претседателката на Унијата на жени на ВМРО-ДПМНЕ, Жаклина Пешевска, се обрати на годишната конференција на организацијата.

Обраќањето на Пешевска го пренесуваме во целост.

„На самиот почеток дозволете ми со еден длабок наклон да ги поздравам членките на Унијата на жени – синоним за макотрпна работа и посветеност на идеалите, да им се поклонам на моите лавици без кои Унијата на жени немаше да биде ова што е – НАЈМОЌНАТА ПОЛИТИЧКА ЖЕНСКА ОРГАНИЗАЦИЈА ВО РЕПУБЛИКА МАКЕДОНИЈА!

Да сте ми живи и здрави и ви благодарам што постоите.

Токму овие жени се реализатори на околу 2.000 активности годишно, насекаде низ Македонија, активности со кои третираат различни целни групи, маргинализирани групи, трибини со актуелни теми, хуманитарни акции итн.

25 години Унијата на жени е столбот и стожерот на партијата.

Нашата сила е во упорноста и неуморноста, во истрајноста и посветеноста, во нашите заеднички заложби за подобро утре на нашите деца и најмногу во нашата цврста одлучност за промени.

Ги повикувам сите жени во Македонија, заедно да се потсетиме на битките што ни претходеа, а кој ќе ги вткаеме во битките кои ни следуваат. Затоа што борбата за жената, борбата за Македонија е борба која трае.

Да се обединиме и да сплотиме за се што ни е исто и заеднички и храбро да чекориме кон нашата цел – НОВА – ПОДОБРА ИДНИНА.

Силата од минатото нека биде наш патоказ кон иднината!

Сите ние како жени, сме одговорни за верата, љубовта, вистината и за се она што е морален код во домот, во семејството, традицијата и посебно во поуката на нашите рожби – нашите деца.

Нашите деца растат со приказните од своите баби, кои се пренесуваат од колено на колено и така стануваат неизбришлив дел од нашата колективна меморија.

Почитувани присутни,

Ве повикувам токму ние да бидеме примерот по кој ќе чекорат идните генерации, како што наш пример се: Лидија Македонката, Злата Мегленска, Параскева, Марија, Велика, Мирка Гинова, Румена Војвода, Неда и уште многу жени низ историјата кои биле пример за борба и непокор!

Во секоја од нас живее по една Марија, од секоја од нас зборува една Неда!

Како земја со тешко минато, сме биле сведоци на фактот дека жените биле честопати обезправени, но никогаш обезхрабрени!

Македонската жена е пример за истрајна природа која верува и опстојува, наспроти сите предизвици. Нежна, но нескршлива. Навидум споредна, а сепак движечка сила во сите процеси. Поради својата интуиција, борбен инстикт, посветеност, темелност и одлучност да успее.

Од досегашното искуство, од сето она што се случува околу нас, не сум сигурна дека секој верува, но сигурна сум дека сите ние, заедно ќе продолжиме да настојуваме да ни веруваат. И заедно ќе го дочекаме тој час, затоа што знаеме, умееме и заслужуваме!

Ова не е тврдење кое се темели на пуста желба или неоправдана амбиција. Ова тврдење е плод на макотрпна работа, надминати препреки, храбро соочени предизвици, издвојувани победи и креирани решренија. И сето ова со многу жртвување од Вашето слободно време, од времето кое треба да го поминете со Вашите семејства и ЗАТОА ВЕ ПОЧИТУВАМ БЕЗКРАЈНО, БИДЕЈЌИ ВИЕ СТЕ ЈАС, А ЈАС СУМ ВИЕ!

И дозволете ми да кажам дека и покрај се, воопшто не било лесно да се докаже дека жената му дава сила на општеството! Но денес имамe повеќе можности од порано токму поради борбата на претходните генерации на жени, на кои сме им благодарни. Покрај тоа што денес жената е модерна, образована и вклучена во општеството, но не доволно бидејќи се соочуваме со стереотипи, кои не се менуваат брзо. Стереотипите се менуваат уште во воспитувањето на нашите деца, дека нема поделба на машки и женски работи во домот. Потоа жената, како и сите други во општеството мора да има сигурна здравствена заштита, бидејќи таа е значајна за нашиот пород, во никој случај жената не смее да стравува дали на породување ќе изгуби органи или живот. Ни треба образовен систем подеднакво достапен за сите, а не образование без книги! Понатаму, социјална правда за жените преку еднакви плати за иста работа и поголема вклученост на жените на пазарот на трудот!

Така би постигнале економско зајакнување на жените во општеството и еднаков пристап до ресурси. Инвестирањето во жените е гаранција за напредна економија, демократија и благосостојба во секое семејство, во секое општество.

Сите овие чекори кои ги набројав се патот до постигнување на родова рамноправност, нешто што е наша дамнешна заложба. Никако несакам да се разбере ова како борба против мажите, туку како борба заедно со мажите, бидејќи проблемите на жените се и проблеми на мажите и само заедно може да ги победиме. Ние сме еднакви по устав, еднакви во популација и треба да уживаме исти права. Затоа наша заложба, како жени во политиката е еднаква застапеност на пратеничките и советничките листи помеѓу мажите и жените.

Сакам со особено задоволство да споделам дека по локалните избори во 2021 година имаме најголем број на жени претседателки на Советите во општините, односно најголема бројка во историјата на Република Македонија. Благодарение на поддршката која жените во партијата ја имаат од претседателот на ВМРО-ДПМНЕ проф. др. Христијан Мицкоски и соработката со претседателите на општинските комитети на партијата. Но, морам да искажам разочарување за бројот на министерки во Владата, за бројот на градоначалнички, но и тоа што досега во државата не сме имале жена премиерка, ниту жена претседателка на државата, иако ВМРО-ДПМНЕ на претседателските избори во 2019 година за првпат ја искажа својата најсилна поддршка кон жените со номинацијата на професорката Гордана Силјановска Давкова за кандидат за претседателка на Македонија.

Би сакала родовата рамнопраност да дојде сама по себе како нешто природно, а не наметнато, но живееме во општество во кое се задолжителни квоти во изборниот законик, кои иако се навредливи сепак благодарение на нив сме застапени на листите.

Остануваме цврсто на својата улога на претставник на македонските жени, македонските мајки и сестри.

Во исто време, ги поттикнуваме и охрабруваме македонските жени јасно да ја видат својата улога во општеството. Улога на модерна жена, но и чувар на семејните вредности и традиции, улога на добар претприемач но и добра мајка, жена и сопруга, жена која е посветена на кариерата, но и жена која не го заборава семејството. А токму семејството е основниот столб на секое општество и мотив за секоја една од нас.

Почитувани пријатели,

Како во минатото, така и во иднина, Унијата на жени на ВМРО-ДПМНЕ ќе продолжи да биде значаен сегмент кои ги обединува сите жени со цел да се сочуваат македонските семејни вредности за кои ние самите сме одговорни и кои имаме обврска да ги пренесеме на нашите деца, затоа што еден ден, токму нашите деца ќе продолжат да се грижат за тоа огнот во македонското огниште никогаш да не згасне.

Унијата на жени е еден од најмоќните фактори во борбата против половата дискриминација, насилството врз жената, слободата на жената и воопшто правата на жената. Повеќе жени – значат повеќе решени проблеми, повеќе жени – значат поголеми успеси, а политиката во која се вклучени повеќе жени – значи подобра политика.

Продолжуваме да бидеме активен чинител во придвижувањето на Македонија кон Европската унија и запазувањето на европските вредности.

Во исто време, Унијата на жени како дел од Европската народна партија, целосно ја поддржува и се заложува на имплементација на резолуцијата женски визии за Европа, односно унапредување на политичката еманципација на жените и промовирање на важни прашања поврзани со жените како што се: родовата еднаквост на пазарот на трудот и женското претприемништво, фокус на улогата на жените во промовирањето на слободата, правдата, човековите права и демократијата.

И сосема на крајот, сакам накратко да се остврнам на актуелната состојба во Република Македонија.

Имаме огромна задолженост на земјата која вртоглаво се зголемува, а нашата Влада не прави ништо за да го заштити трудот и производството, туку целиот товар на сите видови кризи што секојдневно ги создава го става на грбот на работниците, земјоделците, невработените, пензионерите, ранливите категории, а најмногу на нас – жените!

После 6 години власт, веќе на сите ни е јасно дека оваа Влада нема намера да се грижи за обичните граѓани. Имаме Власт која незнае што е реформа, власт која не умее да работи, а уште помалку да покаже резултати.

Заборавивме дека постои економија, незнаеме што се инвестиции, владеењето на правото и правната држава станаа мисловна именка, образованието ни е пред колапс, здравството ни е болно, инфраструктурата е катастрофална, администрацијата заборавена. патриотите се во затвор, а криминалците се на слобода и ја водат државата!

Македонија секојдневно ни тоне, буквално на секое поле!

Затоа, почитувани мои лавици, Ве повикувам на единство, Ве повикувам на борба против оваа одродена власт, Ве повикувам заедно да ја градиме нашата европска иднина, со чиста мисла, искрено и достоинствено да се вклучиме во сите процеси за вистинска и коренита обнова на Република Македонија.

Да ставиме крај на тиранијата на мнозинството, да се избориме за Влада која ќе ги слуша проблемите и ќе нуди решенија, а на чело на државата да ставиме човек на кој сите му веруваат и човек кој покажа како се испорачуваат резултати.

Тоа е претседателот на ВМРО-ДПМНЕ проф. др. Христијан Мицкоски!

Сега е моментот кога мора да се обединиме во идејата за заедничка иднина!

Идејата е доволно силна, а мотивот доволно голем да си ја сочуваме татковината!

Ве повикувам да бидеме предводници на промените кои следуваат, затоа што сме одлучни за промени!

Да живее Унијата на жени на ВМРО-ДПМНЕ!

Да ни е вечна и вековита Република Македонија!“

The post Пешевска: Да се сочуваат македонските семејни вредности за кои сме одговорни и кои имаме обврска да ги пренесеме на нашите деца appeared first on Република.

Ми преставува особена чест и задоволство да присуствувам на овој величествен настан, каде го гледам потенцијалот и капацитетот на жените лидери да ја менуваат она статична слика и стереотипите за жените, коj не е само наследство на минатиот систем, туку и производ на стегите кои продолжија да стегаат и постојат по распадот на стариот систем.

Оваа енергија што денес ја гледам и чувствувам значи дека ВМРО-ДПМНЕ има силен капацитет да ги менува работите кон подобро. Решителни жени, секоја лидер во областа каде делува да го даде својот придонес кон вредностите во кои веруваме, истакна претседателот на ВМРО-ДПМНЕ, Христијан Мицкоски, кој се обрати на годишната конференција на Унијата на жени на партијата.

Мицкоски, во својот говор, истакна дека Унијата на жени на ВМРО-ДПМНЕ е организацијата која 19 години се гради, развива, која фаќа чекор со предизвиците на новото време. Тој особено се осврна на работата на претседателката на Унијата на жени, Жаклина Пешевска.

И во тие бурни времиња свој придонес има секоја членка на Унијата на жени на ВМРО-ДПМНЕ и со овие предизвици денес силно и успешно се носи Жаклина Пешевска, жена борец, мајка, сопруга, пратеничка која покажува дека има тим кој може да понуди решенија за нашето општество соочено со толку многу проблеми и тешкотии. Жаклина, ти и Извршниот комитет на Унијата на жени на ВМРО-ДПМНЕ секогаш ќе ја имате мојата поддршка, мојата енергија на вашата страна во справувањето со сите искушенија кои ги има македонската жена, македонската мајка, македонската сопруга, работничка, македонските хероини.

 

Унијата на жени мора да остане да биде најсилниот акцелератор на промените кои доаѓаат и кои се неопходни. Да биде силата на победата која мора да дојде, за да Македонија се исправи. Триумфот и победата над неспособната власт која ќе се случи на избори и која ќе биде победа на секоја жена обесправена од секој агол, од секое населено место во Македонија. Во нивно име ја водиме оваа битка, и треба да се знае дека сме на чекор на големите промени кои треба да не доведат до големата победа.

 

Таа победа треба да ја донесе иднината за која сонуваме. Тој сон пак е Македонија силна држава на слободни индивидуи ослободени од сите стеги и ограничувања, Македонија на креативна енергија, Македонија на правда и правичност. Македонија на силни жени кои се додадена вредност и се гласот на тивкото мнозинство жени чиј глас сега е ставен настрана, истакна Мицкоски.

Претседателот на ВМРО-ДПМНЕ порача дека борбата мора да биде постојана, истрајна, со многу енергија и верба во работите што знаеме дека се наши, заслужени и неопходни.

Тој додаде дека во таа борба не е неважно какви се нашите почетоци и колку се цврсти нашите темели.

Затоа остануваме верни на идеалите на нашите предци, ја почитуваме традицијата на македонската жена која била стожер, била борец, била грамадна карпа над сите животни предизвици. И секоја болка била победувана со храброст, секоја тага била надминувана со надеж, и секој навидум неуспех бил паузата до следната победа.

 

Впрочем денешните темели на борбата на македонската жена се изградени и од делата и жртвата на сите македонски мајки, знајни и незнајни имиња и животни судбини олицетворени меѓу другото и од писателската рака на Прличев во ликот на мајката Неда, од Сердарот.

 

Таа љубов и саможртва која е дел од секое камче од мозаикот на нашето постоење.

 

Силата на жените е во взаемната поддршка!

 

Денес и секогаш потоа тоа мора да биде со личен пример и конкретни дела, така мора да ги рушиме стереотипите и промовираме различност. Да ги менуваме работите кои жената неоправдано ја оковуваат во портретите на деградирачките умови како слаба, наивна, или не доволно способна. Затоа што вистината е сосема спротивна на сето ова, порача Мицкоски.

Мицкоски истакна дека денешната борба не е исклучена од секојдневието кое го живееме и мора да се има чувство за времето во кое делуваме.

Нашата борба мора да ги опфаќа и оние жени во фабриките чиј труд се искористува и е недоволно платен, оние самохрани мајки кои се жртва на системот кој не ги брани, оние жени кои страдаат од мобингот кој не се казнува, сексизам и шовинизам кој се глорифицира и ни се продава како модерен поглед на работите, оние жени на кои системот им вели дека немаат право на заштита, затоа што моќните го прават тоа што можат. Знајте дека вашата судбина е и наша задача во борбата да ги смениме работите на подобро!

 

Одговорот на сите овие предизвици мора да бидат решенија кои ќе ги надминат проблемите.

 

Знаеме како да делуваме и храбро и брзо, знаеме како да обезбедиме нови работни места, да поставиме темели за нов раст и напредок, за нови победи, за победа над стравот. И најважно знаеме кои сме и колку можеме, заедно, силно, мудро и обединети.

 

И важен е ставот, важно е да бидеме гласни, за да го победиме шумот, за да ги поведеме и оние кои што се неодлучни и се колебаат, а сите тие пак ни се потребни.

 

На политичката сцена во Македонија се потребни многу повеќе храбри, мотивирани и општествено освестени жени. Само активното учество во креирањето на политиките за развој и просперитет на Македонија е најдобриот одговор на пасивноста која го одзема она што ни е најважно, правото да се слуша нашиот глас.

 

Тоа што живееме во континуиран страв и тоа што Македонија по сите параметри назадува, нема да дозволиме да ги намали очекувањата од тоа што треба да го постигнеме. Предизвиците пак со кои што сме соочени се сериозни и многубројни, но ние знаеме како да ги совладаме, истакна Мицкоски.

Лидерот на ВМРО-ДПМНЕ им порача на присутните дека преку нив треба да се чуе гласот на обесправените, на исплашените, но и на храбрите кои недоволно се слушаат, на оние кои имаат цели.

Подаваме рака. Животните премрежја на обесправените, повредените, угнетените, ќе ги пребродиме со заеднички заложби. И ви велам дека има надеж и доаѓа сигурна победа над сите овие проблеми и маки кои ги живее нашиот народ. Ни треба самообединување. После големата историска победа на локалните избори верувајте сме пред уште една историска победа, а тоа е на следните претседателски и парламентарни избори. Но, однос ќе зависи колку таа ќе биде голема, колку таа ќе биде силна, затоа што нас ни треба голема и силна победа за да не биде ВМРО-ДПМНЕ и Македонија предмет на уцени. Да може ВМРО-ДПМНЕ заедно со граѓаните да ја води просперитетна, силна, стабилна и економски развиена Македонија. затоа ни е потребно обединување, на секоја клетка обединување, порача Мицкоски.

Претседателот на ВМРО-ДПМНЕ подвлече дека хаосот кој го има во секој сегмент од општеството се пресликува и во областа на заштитата на правата на жените.

Кога нема суштина и сериозна и искрена заложба за подобри права, генерално битката на власта се одвива во два правци.

 

Едниот е занимавање со проценти.

 

Па така се натфрла со бројки на задолжително присуство по институциите, и како по правило оние од владата кои најмалку се грижат за женските права натфрлаат како од ракав, со највисоки проценти на задолжително учество. Притоа забораваат дека диригентската палка на водењето на државата е во нивни раце речиси 6 години и можеа да носат решенија какви сакаат. Притоа да не се разбереме погрешно, јас не сметам дека следењето на европските искуства и разговорот за зголемено учество на жените во политиката е погрешно, но тоа не смее да се сведе на гола реторика на проценти и некакви квоти без суштински напори за реално подобрување на состојбите со женските права како сега.

 

Затоа што чисто лицемерие е министрите и премиерот да зборат за проценти и квоти, и демек така се грижеле за жените, додека државата е најголем произведувач на мобинг без ниту една добиена тужба и расветлен случај за мобинг или пак со 12 часа работа на жените по некои текстилни конфекции чии газди се блиски до мафијашката владејачка каста.

 

Таквото лицемерие не е прифатливо. Расправата за бројки и проценти без суштина е навреда за жените. Потребна е суштинска дебата како коренито да се подобрат правата на жените, како таа да стане понезависна и отпорна на притисоци и потиснувања кои сега државата ги произведува.

 

Вториот погрешен правец кој го трасира владата е следењето на еден лажен мејнстрим кој ни го продава пакувајќи го како некаква реформа во подобрувањето на правата на жената при што всушност станува нејзин најголем негатор, истовремено подривајќи ги основите на кои се гради нашето општество, а тоа е семејството.

 

Ќе стават во учебниците фотографија или некаков натпис од кој треба да учат најмладите за исто полов брак, притоа образложувајќи дека тоа е новото нормално. Кога немаат суштина ќе се занимаваат со лоша пропаганда. За да го одвлечат вниманието од секојдневните кражби и порази кои ги нижат, а притоа подривајќи ги темелите на нашето опстојување како општество. Веднаш лепат неоправдана етикета дека противењето е чиста заостанатост и ретроградност, што воопшто не е така, изјави Мицкоски.

Мицкоски порача дека ВМРО-ДПМНЕ држи до своите конзервативни вредности, затоа што идеологијата е таа која ги составува темелите кои се отпорот против сите потреси и бури. Тој додаде дека за ВМРО-ДПМНЕ, семејството како заедница на еден маж и една жена кои споделуваат грижа за децата е природна форма на заедница. Не постои вистинска алтернатива на семејството.

Во семејството се очовечува детето. Семејството има исклучително важна функција во општеството. И семејството како фундамент на општеството мора да ужива посебна заштита. Притоа уважувајќи ја целата заштита и улога на жената поединец во изградбата на нашето општество, истакна Мицкоски.

Мицкоски се осврна и на случајот кога еден министер од владата им одговори на новинарите дека „не бил дете, па се што прашуваат тој да им одговора“.

Таков е односот на министрите кон медиумите, но проблемот не е до новинарите туку што цела влада се однесува како детска градинка или некоја група во предучилишна возраст. Таков им е и криминалот, лесно препознатлив, дрзок, разголен.

 

Зошто ова го зборувам? После неколку дена откако упатив јавна порака до Димитар Ковачевски да дебатираме за договорот за градба на делови од Коридорот 8 и 10 Д со кој сопствената држава јасно ја ставија во подредена позиција, оттаму добив целосен молк. Бега од народот на избори, бега од мене пред јавноста да се соочи за договорот од неколку милијарди евра кој тој го договори... Бега не само затоа што е кукавица, туку затоа што нема одговори за тоа дека како премиер доброволно прифати работниците од својата држава да работат повеќе часови за да се полнат џебовите на надзорот, премиер кој се согласил легалните и дивите објекти подеднакво да се обештетуваат, законите од правниот систем по кој тој работи да се суспендираат, премиер кој плаќа стотици милиони евра за аванси и пенали на приватна компанија која ја договори без тендер и во 4 очи. Еве на ова нема одговор.

 

И нека не се плаши од соочување, порано или подоцна ќе се случи тоа. Еве ќе му дадам уште една можност, уште една предност, на таа дебата нека го донесе и вистинскиот премиер Али Ахмети, и било кој министер кој смета дека му е потребен. Јас сам ќе дојдам, тој ако му е страв сам, нека дојде со цела влада. Но, важно е да дојде на дебата за да види народот кој што крие и кој е во право...

 

Како беше она? Стани Ковачевски не се криј во глувчешка дупка, прифати дебата. На медиум кој ти сакаш, со цела влада која ти ја сакаш. Стани да те види цела јавност како се краде Македонија. Каков срам и тешка судбина им носите на сите кои живеат во оваа наша Македонија.

 

И врвот на хипокризијата е што ставаат и европски знаменца на законите за градба на овие делови од коридорите. Значи решија и да крадат во име на ЕУ. Додека полнат џебови јавноста да мисли дека тоа има врска со Европската интеграција на Македонија.

 

Европска вредност ли е работниците да ги терате на повеќечасовна од со закон дозволена работна недела и со Устав потврдена? Европска вредност ли е да плаќате стотици милиони евра пенали и аванси на уште не фрлена лопата.

 

И ова е класичен, многу точен пример за тоа како ја злоупотребуваат Европската Унија.

 

Токму за ова мислев, кога јавно говорев дека, кога зборат за ЕУ тогаш највеќе крадат, затоа што таа тема ја користат за да го дефокусираат вниманието од сопствените незаконитости.

 

Се распрсна како меур од сапуница дека биле некаков европски фронт и сите оние лаги како ВМРО-ДПМНЕ била анти ЕУ. Тие всушност се фронт за криминал против иднината на Македонија.

 

Затоа на купче ќе бидат жестоко поразени. Но, почитувани пријатели, тоа не е доволно. Не е ова битка само да ги смениме, туку и да одговараат. Големиот брат во криминалот ДУИ и помалиот изведувач СДСМ.

 

Треба да има одговорност и нема да се смирам додека нема правда за неправедниците за оние кои ја пијат крвта на народот и се збогатуваат на неговата мака.

 

За ова го имате мојот збор, порача Мицкоски.

Тој изјави дека маката на народот ја гледа и при посетите од акцијата „Ова е Македонија“.

Инфлацијата во Македонија е ДВОЈНО ПОВИСОКА од просечната инфлација во Европа.

 

Минатата 2022 година не ја завршија близу 7. 000 компании кои ставија клуч на врата. 47 илјади работници не земале плата.

 

Половина милион наши сограѓани живеат во сиромаштија со само 150 денари на ден, а над 33.000 лица живеат во екстремна сиромаштија. Само во текот на минатата година во сиромаштија донесени се 20.000 дополнителни лица, од кои 5.000 нови сиромашни деца.

 

Секое трето дете доживеало прехранбена сиромаштија во 2022 година. Цените на храната во просек пораснале за 22%, додека цените на некои прехранбени производи се зголемиле за дури 36%.

 

Во Македонија се случува масовен егзодус на населението. Повеќе од 40% од Македонците би се иселиле од државата, покажуваат најновите резултати на глобалното истражување на Галуп... ова се делата и резултатите на двоецот СДСМ-ДУИ кои ја разградуваат секоја шанса на Македонците, Албанците, Турците, Ромите, Србите, Власите, Бошњаците, и сите останати.

 

Кастата на власта, кликата која владее не сака да ја види вистинската слика за реалноста во која живее народот.

 

А тој плач, тој плач пак го слушаме слушаме насекаде. И затоа губат драматично на рејтинзите и затоа ќе ги победиме на изборите.

 

И тоа е извесно, многу очекувано. Но внимавајте, сакам да испратам неколку јасни пораки.

 

Прво најважно од се е да излезете на избори. Да се вклучите во политиката затоа што само така од внатре, лично со вашиот глас и со вашата рака ќе ги менувате работите. Одѕивот мора да биде голем, разликата да биде што поголема и јасна. Седењето дома и прифаќањето на тезата сите се исти или нека излезат другите јасно е дека ќе се смени власта само им го ублажува поразот, што секако одзема од енергијата на промени која мора да биде голема за да бидат и промените ефикасни.

 

Второ, важно е да излезете на изборите и одѕивот да биде голем за да ја пратиме ДУИ во опозиција, а политичките криминалци да одговараат. Да го поразиме поголемиот брат од истата оваа коалиција која толку многу ја криминализира Македонија веќе 20 години по ред.

 

Трето, не верувајте на оние кои имаат задача да имаат цврста реторика и да бидат платена опозиција. Секогаш кога ќе оди ВМРО по десно или по остро, тие само на зборови да одат подесно од ВМРО-ДПМНЕ и поостро. Секогаш без дела да го разјадуваат националното ткиво или слабеат нашата борба бивајќи спотери, спаринг партнери во битката на СДСМ и ДУИ против ВМРО-ДПМНЕ. Таквите инсталации се заинтересирани за својот комодитет и лична кариера, а најмалку за Македонија.

 

Обединети, сложни да излеземе и да го кренеме нашиот глас за промени, иднина и подобра Македонија.

 

Само така ќе имаме чиста и јасна победа, енергија за градба на Македонија во која веруваме.

 

Само силна и масовна поддршка може да не доведе до енергијата која ќе го оствари заедничкиот патриотизам и иднината која ја заслужува секој еден човек.

 

Ова е Македонија и таа мора да биде за сите, изјави Мицкоски.

Мицкоски порача дека заедничкиот патриотизам е надежта и сонот за Македонија која ќе обезбеди еднакви можности секој да се развива според своите квалификации и способности. Држава која ќе обезбеди работа за невработените, сигурност за оние кои се на удар од предизвиците на сегашноста, закрила пак на слабите. Солидарност во која мораме да веруваме.

Заедничкиот патриотизам ги руши ѕидовите на омраза и поделби. Ги остава зад себе оние прашања кои толку многу не мачат и делат овие 32 години. 32 години независност од кои видовме само болка и страдања. Заедничкиот патриотизам е борбата за убав живот, живот на институции кои функционираат за сите, систем кој нуди шанса за сите. Македонија која нуди заштита за сите.

 

Македонија на заеднички победи и реформи. Македонија на големи чекори напред и големи промени. Македонија која дава сигурност, дава перспективна шанса за секого. Македонија во која одлучувате вие. Македонија која ја победува апатијата, која ја менува грдата реалност. Која дава рака на секој еден кого системот го оттурнал и ставил на страна.

 

Македонија на Македонците, Албанците, Турците, Ромите, Србите, Власите, Бошњаците. Македонија на христијаните, на муслиманите, на атеистите.

 

Македонија на работниците, на невработените кои мора да се вработат, на докторите, на професорите. Македонија на умните и мудрите.

 

Ова е Македонија на народот кој знае кој е. Кој знае што е и каде треба да биде.

 

Македонија на народот кој е посилен од секоја елита, клика и група која нè влече надолу.

 

Од сите вас драги пријатели, драги сестри, зависи каква ќе биде иднината. Овој пат треба да се приклучите, овој пат е важно да учествувате за заедно да ги менуваме работите. Со истата енергија каква овој народ и земја ги имале при сите големи победи, при сите свои илиндени, славни епопеи и победи.

 

Шанса не само за една, туку за сите генерации заедно оставени настрана овие повеќе од 30 години.

 

Шанса за заедничкиот патриотизам во кој веруваме.

 

Ова е Македонија на заедништво и нов заеднички патриотизам на рамноправни.

 

Нашата борба е за европски вредности базирани врз меѓусебно почитување и самопочит.

 

Нашата борба е вредности, идеал и кауза.

 

Нашата борба е да ја обновиме Македонија.

 

Промените да победат, за заедничка иднина!

 

Ова е незапирливата сила на народот.

 

Ова е Македонија! Македонија за сите!, порача Мицкоски.

https://youtu.be/M6LUzDZz8sk?t=913

The post Мицкоски: Расправата за бројки и проценти без суштина е навреда за жените, потребна е суштинска дебата како коренито да се подобрат правата на жените appeared first on Република.

Претседателот на ВМРО-ДПМНЕ, Христијан Мицкоски, порачува дека пред партијата е победа на следните претседателски и парламентарни избори, но оти е потребно самообединување, како и голем одѕив и масовна поддршка.

Од нас ќе зависи колку таа ќе биде голема и силна, затоа што нас ни треба голема и силна победа за да не биде ВМРО-ДПМНЕ и Македонија предмет на уцени. Да може ВМРО-ДПМНЕ заедно со граѓаните да ја води просперитетна, силна, стабилна и економски развиена Македонија. Затоа ни е потребно обединување, изјави Мицкоски, во обраќање на годишната конференција на Унијата на жени на ВМРО-ДПМНЕ.

На присутните, тој им порача дека најважно од се е да се излезат на избори,да се вклучат во политиката затоа што само така од внатре ќе ги менуваат работите.

Одѕивот мора да биде голем, а разликата да биде што поголема и јасна. Седењето дома и прифаќањето на тезата сите се исти или нека излезат другите јасно едека ќе се смени валсти. со што им го ублажувате поразот. Важно е да излезете на избори и одѕивот да биде голем за да ја испратиме ДУИ во опозиција, а политичките криминалци да одговараат, да го поразиме поголемиот брат од истата оваа коалиција која толку многу ја криминализира Македонија веќе 20 години по ред, изјави Мицкоски.

Тој повторно го повика премиерот Димитар Ковачевски на тв дуел за Договорот со „Бехтел и Енка“, оценувајќи дека е чиста хипокризија ставањето европско знаменце на законите за изградбата на коридорите.

Според Мицкоски, Ковачевски бега од народот за избори и од соочување со него затоа што, како што рече, нема одговори за тоа дека како премиер доброволно прифати работниците од својата држава да работат повеќе часови за да се полнат џебовите на надзорот, се согласил легалните и дивите објекти подеднакво да се обештетуваат, законите од правниот систем по кој тој работи да се суспендираат, плаќа стотици милиони евра за аванси и пенали на приватна компанија која ја договори без тендер и во четири очи.

Нека не се плаши од соочување, порано или подоцна ќе се случи тоа. Еве ќе му дадам уште една можност, уште една предност, на таа дебата нека го донесе и вистинскиот премиер Али Ахмети, и било кој министер кој смета дека му е потребен. Јас сам ќе дојдам, тој ако му е страв сам, нека дојде со цела влада. Но, важно е да дојде на дебата за да види народот кој што крие и кој е во право..., истакна Мицкоски.

Според него, „хаосот кој го има во секој сегмент од општеството се пресликува и во областа на заштитата на правата на жените.

На политичката сцена во Македонија се потребни многу повеќе храбри, мотивирани и општествено освестени жени. Само активното учество во креирањето на политиките за развој и просперитет на Македонија е најдобриот одговор на пасивноста која го одзема она што ни е најважно, правото да се слуша нашиот глас, порача Мицкоски.

Тој истакна дека погрешен правец што го трасира владата е следењето на лажен мејнстрим кој ни го продава пакувајќи го како некаква реформа во подобрувањето на правата на жената при што всушност станува нејзин најголем негатор, истовремено подривајќи ги основите на кои се гради нашето општество, а тоа е семејството.

Ќе стават во учебниците фотографија или некаков натпис од кој треба да учат најмладите за истополов брак, притоа образложувајќи дека тоа е новото нормално. Кога немаат суштина ќе се занимаваат со лоша пропаганда. За да го одвлечат вниманието од секојдневните кражби и порази кои ги нижат, а притоа подривајќи ги темелите на нашето опстојување како општество. Веднаш лепат неоправдана етикета дека противењето е чиста заостанатост и ретроградност, што воопшто не е така. ВМРО-ДПМНЕ држи до своите конзервативни вредности, затоа што идеологијата е таа која ги составува темелите кои се отпорот против сите потреси и бури. За ВМРО-ДПМНЕ семејството како заедница на еден маж и една жена кои споделуваат грижа за децата е природна форма на заедница. Не постои вистинска алтернатива на семејството. Во семејството се очовечува детето. Семејството има исклучително важна функција во општеството, рече Мицкоски.

На конференцијата се обрати  и претседателката на Унија на жени на ВМРО-ДПМНЕ, Жаклина Пешевска, која порача дека Унијата ќе продолжи да биде значаен сегмент кој ги обединува сите жени за да се сочуваат македонските семејни вредности за кои, потенцираше, сме одговорни и имаме обврска да ги пренесеме на нашите деца.

Ги поттикнуваме и охрабруваме македонските жени јасно да ја видат својата улога во општеството. Улога на модерна жена, но и чувар на семејните вредности и традиции, улога на добар претприемач но и добра мајка, жена и сопруга, жена која е посветена на кариерата, но и жена која не го заборава семејството. А токму семејството е основниот столб на секое општество и мотив за секоја една од нас, истакна Пешевска.

The post Мицкоски: Неопходно е обединување за силна победа за да не бидеме предмет на уцени appeared first on Република.

ВМРО-ДПМНЕ преку УЖ, кои заедно со генералниот секретар Ѓорѓија Сајкоски, спроведе хуманитарна акција за собирање на хуманитарна помош за настраданите од земјотресот во Турција.

Собрани се над 1200 ќебиња, кои се испратени за Турција.

Акцијата беше спроведена на централно ниво, но и по Комитети.

ВМРО-ДПМНЕ им се заблагодарува на сите членови, но и сите граѓани на Република Македонија кои земаа учество во хуманитарната акција која ја организираше партијата.

Уште еднаш ВМРО-ДПМНЕ на дело ја докажа својата хуманост!

The post Унијата на жени на ВМРО-ДПМНЕ испрати хуманитарна помош за Турција appeared first on Република.

Денеска се одбележува во Велес четврт век постоење на најсилната организација на жени во Македонија во која што политички се организираат членките на ВМРО-ДПМНЕ. Организација која што континуирано создава кадри кои што имплементираат политики пред се во заштита на македонските национални интереси, подобрување на економскиот стандард и заштита на семејството како основа клетка на државата и столб на државата. И во таа насока би сакал да им честитам и да посакам уште многу јубилеи да славиме и уште многу години да славиме, истакна Александар Николоски, потпретседател на партијата.

Во продолжение следува интегрален текст од неговата изјава:

Не затоа што претседателката е до мене, но под нејзино водство Унијата на жени веќе влезе и во една следна фаза на организирање каде што се преземаат сите модерни текови на европските политички партии. Унијата на жени е член на Европската народна партија, одделот за жени или EPP Women.

Така што сето она што го работат во изминатиот период создава патека за годините кои што доаѓаат, во кои што ќе продолжи да биде најзначајна и највлијателна организација на жени во Македонија.

Уште еднаш честитки и на многу јубилеи да се гледаме.

Исто така ми е драго што сме во Велес, тука е и претседателот на општинскиот комитет и пратеник од Велес. Во Велес ВМРО-ДПМНЕ има добри резултати, има силна организациона структура, силна партиска структура. И се надевам дека на следните избори, предвремени парламентарни избори ќе имаме една огромна победа, после која што ќе можеме да реализираме бројни проекти во корист и на градот и на целиот овој регион.

The post Николоски им честита 25 години од формирањето на Унија на жени на ВМРО ДПМНЕ appeared first on Република.

Унијата на жени на ВМРО-ДПМНЕ ги одбележа Велигденските празници со низа активности, хуманитарни акции и посета на социјално загрозени семејства, многудетни семејства, центри за лица и деца со посебни способности, информира претседателката на Унијата на жени на ВМРО-ДПМНЕ, Жаклина Пешевска.

Членките подготвија пригодни трпези, базари со Велигденски изработки и украси, многу од нив со хуманитарен карактер и собраните средства беа донирани на оние на кои им се најпотребни, но и за помош за изградба на цркви и манастири.
Ние жените од Унијата на жени, како стожер на семејната традиција и обичаи, чување на Верата и семејството продолжуваме посветени и водени од мудроста на успехот, следејќи ги трите постулати на нашето постоење “Вера, надеж и љубов”
Успешна приказна на Унијата на жени на ВМРО-ДПМНЕ
СРЕЌНИ ВЕЛИГДЕНСКИ ПРАЗНИЦИ!
ХРИСТОС ВОСКРЕСЕ!, пишува Пешевска на Фејсбук.

The post УЖ на ВМРО-ДПМНЕ ги одбележа Велигденските празници со низа активности и хуманитарни акции appeared first on Република.