The post Тошковски: Ќе се набават нови полициски униформи која ќе ги задоволи сите стандарди, квалитет и естетска прифатливост appeared first on Република.

Без транспаретност и отчетност се трошат околу 10 милиони евра за набавки во училиштата кои се финансираат со пари од родителите, покажува истражувањето спроведено од Центарот за граѓански комуникации.

Истражувањето спроведено во 96 основни и средни училишта во осум општини во државата открива дека набавките за осигурување, за униформи за учениците, за фотографирање, за ужина итн. се спроведуваат во постапки за кои нема јасно дефинирани правила коишто би овозможиле избор на најповолните понуди. Јавни огласи се објавуваат само за екскурзиите, бидејќи Министерството за образование и наука (МОН)  за нив има донесено процедури во 2014 година.

Најголем дел од училиштата не можат да објаснат како е направен изборот на фирмите за чии услуги плаќаат родителите. Од Центарот за граѓански комуникации посочуваат дека дури и кај оние училишта што ги доставиле одлуките за избор од страна на советите на родителите не може да се утврди како се прибрани разгледуваните понуди, односно кој одлучил од кои фирми да се бараат понуди за набавките.

Оваа состојба е последица на тоа што МОН доцни со изготвувањето на подзаконските акти со кои ќе се регулира начинот на спроведување на набавките во воспитно-образовните институции, кои не подлежат на Законот за јавни набавки. На тој начин им се овозможува на училиштата да бидат нетранспарентни и неотчетни за начинот на трошење на парите од родителите. Националната стратегија за спречување на корупцијата и судирот на интереси 2021 - 2025 година предвидуваше Министерството за образование и наука да ги изготви овие подзаконски акти (правилници) уште во првата половина од 2022 година, со цел да се намалат широките можности за корупција и злоупотреба на службената позиција, истакнуваат од Центарот за граѓански комуникации.

Истражувањето е изготвено во рамки на проектот „Заштита од корупција“ со финансиска помош од Амбасадата на Кралството Холандија во Скопје. Истражувањето е спроведено во периодот од  1 ноември 2021 година до 31 октомври 2024 година.

The post Родителите плаќаат за униформи, фотографирање, ужина, а никој не знае како навистина се трошат тие пари appeared first on Република.

Примов ги опиша напаѓачите како група луѓе кои испукале многу митралески рафали. Тие носеле кафена облека или кафени елеци, додека „Блиц“ претходно објави дека биле облечени во маскирни униформи.

- Бевме на балконот, а стрелците беа во близина на сцената - доста далеку од нас. И низ толпата луѓе имаше пукање од митралез - и тие тргнаа од влезот во салата кон бината, принудувајќи ги луѓето кон центарот на салата - изјави тој.

The post Напаѓачите носеле кафена облека или кафени елеци, тврди очевидец appeared first on Република.

Порталот Брегалнички.мк врз основа на информации доставени до нив од страна на засегнати родители, информира за сомнителна набавка на ученички униформи за потребите на наставниот процес во оваа гимназија во Делчево.

Имено од посведочената ситуација која што се случувала набавени се униформи за учениците во гимназијата за кои што во јавноста нема информација на кој начин се набавувани, од чија страна било утврдено дека учениците треба да носат ученички униформи, од кој добавувач и по која цена се набавени униформите, на кој начин биле прибирани парите за набавка на униформите и на кој начин биле исплаќани на сметка на добавувачот, дали сумата која е плаќана е реална и дали сите ученици имале пари да платат за униформите, зошто не е спроведена поевтина варијанта како што пред неколку години предлагаше поранешниот директор на гимназијата да се набави соодветен материјал а учениците во рамки на текстилната струка сами да ги сошијат униформите што би било многу поевтино и со поголем однос на одговорност на учениците кон своите униформи...

Целиот текст овде.

The post Сомнителна набавка на ученички униформи во гимназијата во Делчево appeared first on Република.

Владата на седница усвои сет препораки наменети за училиштата како и за сите останати учесници во воспитно-образовниот систем со цел во овој сензитивен период да се делува во насока на безбедноста во училишните објекти и превенирање на врсничкото насилство.

– Му се укажува на Државниот совет за превенција на детско престапништво да достави информација за работа и колку општински совети за превенција се опфатени, а во следниот период да ја засили комуникацијата со МОН во насока на преземање активности за градење доверба и добросостојба во училиштата односно да се засилат превентивните мерки. Во активностите на општинските совети за превенција да се предвиди вклучување на Сојузот на средношколци.

– Им се укажува на сите основни и средни училишта да одржат состаноци со сите родители, старатели на тема подобрување на процесите на безбедност и организација и состојбата во училишните објекти и околината. На состаноците потребно е да се отворат теми и дискусии дали е потребно да се воведат униформи како кодекс на облекување на учениците. Родителите да се запознаат со етичкиот кодекс на наставниците, како и да се размисли за надополнување на постоечкиот кодекс со правила за облекување на наставниот кадар и стручните служби. Исто така, на овие состаноци треба да се потсетат родителите на законските обврски кои произлегуваат од Законот за семејство и Кривичниот законик во делот на одговрноста при извршување на родителското право. Училиштата потребно е да го известат МОН за присутноста на родителите на овие состаноци.

– Во кризни ситуации кои можат негативно да влијаат на однесувањето на учениците потребно е менаџментите, наставниците и стручните служби да одговараат соодветно, да дискутираат и да влијаат на менталната состојба на младите, да понудат поддршка за надминување на предизвиците и да овозможат смирување на несигурноста и задржувањето на чувството на безбедност во училиштата

– Секое училиште треба да направи протокол за начинот на користење на мобилните телефони на учениците и наставниците, за време на часови и во просториите на училиштата. Укинување на употреба на мобилните за време на часови ќе поттикне повеќе дискусија, размена на идеи и слично.

– МОН и БРО ќе подготват листа на ресурси кои ќе се дискутираат на одделенскиот калсен час помежу учениците и наставниците, а ќе служат за унапредување на добросостојбата на учениците како на пример: прирачници за животни вештини, програма за психосоцијална помош и поддршка на унапредување на добросостојба и ментално здравје бна децата и младите во образовнието и здравствените згрижувачки институции, средни и други

– Им се препорачува на општините и на Град Скопје во новата годишна програма за работа на училиштата да се развијат и дополнително зајакнат превентивни програми за промоција на добросостојба на учениците, заштита од насилство, злоупотреба и запуштање, спречување дискримнинација, соработка со родители и старатели. Потребни се и активности за развивање на емоционални вештини компетенции за намалување од ризикот од психолошки нарушување, појава на анксиозност и депресија, а посебен фокус да има на учениците кои се под зголемен ризик.

– Им се укажува и препорачува на директорите на училиштата да обезбедат континуирано и непречени услови за стручните служби да функционираат на училишната клима, грижата за ментално здравје и добросостојба на учениците

– Се укажува на секое училиште да обезбеди просторни услови за соработници со цел да бидат отворени за учениците и доколку имаат потреба да закажат термин тет-а-тет со својот училишен психолог.

– МОН заедно со стручните соработници од основни и средни училишта претставници од сојузот на средношколци, универзитетски професори, Бирото за развој на образованието, Државниот прсветен инспекторат ќе формира раотбна група која ќе треба да креира протоколи за соодветна работа при обезбедување на поддршка за психосоцијална поддршка и ментално здравје на учениците.

Овие мерки почнуваат да важат веднаш, а МОН ќе ги достави до сите општини и училишта.

The post Владата усвои сет препораки за училиштата: Режим на користење на мобилните во училиштата и униформи за учениците и наставниците appeared first on Република.

Во магацините на МВР, врз основа на потребите на Министерството за внатрешни работи, согласно планот за материјално-техничко унапредување на условите за работа на полициските службеници, вклучително и специјалните единици на МВР, деновиве пристигна набавката од 8550 високи специјални чизми со врвен квалитет.

Од нив 550 пара се за припадниците на Единицата за брзо распоредување, а 8.000 за останатите припадници на полицијата.

Вкупната вредност на набавката изнесува нешто над 46 милиони денари без вклучен ДДВ, односно со единечна цена на пар од  5390 денари без вклучен ДДВ.

Од МВР денеска соопштија дека со ова се комплетираат испораките од спроведените јавни набавки на униформа во 2021 година, а се дел од инвестициите во полицијата коишто важат како најголеми по опфатот на служби досега.

Вкупно реализираните 10 милиони евра инвестиции во униформи покажуваат дека ова раководство на МВР, предводено од министерот за внатрешни работи, Оливер Спасовски, е решено драстично да ги подобри условите за работа по највисоки европски и светски стандарди на опременост на полициските служби, се наведува во соопштението.

Додаваат дека во изминатиот период се распределени 16.000 летни и зимски панталони и здолништа, ремени и 8.000 зимски јакни. Претходно, се подвлекува во соопштението, сите организациони единици добија униформи, при што униформираната полиција доби по 10.000 пара полувисоки чевли, како и чевли со подебел ѓон, по 10.000 кошули зимски и летни, со долг ракав и со краток ракав, по исто толку летни и зимски капи и ремени, 6.950 машки и 1050 женски маици со кратки ракави со јака. Приправниците добија 670 комплети униформи, а обезбедени се и 2.330 парчиња флоуресцентни елеци.

За Одделот за заштита на определени личности и објекти во рамки на БЈБ, потсетуваат од МВР, обезбедени се 427 цивилни одела и по 427 цивилни кошули и обувки, а униформи и опрема за воздухопловен персонал доби и Хеликоптерската единица кој се состоеше од зимска летачка јакна и заштитен комбинезон.

Покрај ова, направени се низа набавки на нови, современи, технички средства за секојдневно работење полицијата, дел обезбедени преку донации, а дел од сопствени средства на Министерството, почнувајќи од техничка опрема за комуникација, софтверска, хардверска и лабораториска опрема, возила, звучна и светлосна опрема и сл.

Од МВР се осврнуваат и на тоа дека од 2017 година наваму извршени се санации или реконструкции на 73 објекти од разни организациони единици на министерството, а тој процес, најавуаат, ќе продолжи и во текот на оваа година исклучиво со средства обезбедени од буџетот на министерството. Како дел од материјално-техничкото подобрување на условите за работа на полициските службеници во изминатиот период реновирани се 73 објекти на МВР на целата територија на државата, кои од септември 2021 година веќе не користат мазут како претходно, туку еколошки алтернативи, а при нивната реконструкција имплементирани се и други мерки за зголемување на енергетската ефикасност и заштита на животната средина.

Само годинава завршена е реконструкцијата на четири објекти, и тоа ОВР Прилеп, ЕВР Карпош, Одделот за заштита на определени личности и објекти и ОВР Радовиш, а во тек е реконструкцијата на  објектите на ОВР Берово, ОВР Делчево, ЕВР Гази Баба и ОВР Свети Николе. Преку капиталните инвестиции во текот на 2022 планирана е реконструкција на два витални објекта – Одделението за управни работи во Скопје и Центарот за обука во Идризово, како и една целосно нова градба – полициска станица во Аеродром.

Во делот на идни активности спаѓа реконструкцијата на објектите на ОВР Македонски Брод, ОВР Демир Хисар и Полициското одделение Ново Село, со што  ќе останат уште мал број објекти за реконструкција, со што ќе се заокружи обновувањето на комплетната инфраструктура на МВР.

The post МВР се пофали со новите чизми: Вложувањето во полицијата дава резултати appeared first on Република.

Секогаш кога е потребно да се направи дефокус на македонската јавност, од реалните проблеми, власта е склона на такви ситуации. Спасовски наместо да гони криминал, тој ги менува униформите и пушта пријави против земјоделци кои протестираат, изјави пратеничката од ВМРО-ДПМНЕ, Ели Панова во „Само вистина“ на Канал 5 коментирајќи ја двојазичноста на полициските униформи.

Ја сменија и таблата на болницата, но подобри услови и помала смртност во истата не гледаме дека има. Дали е подобрен животот на Албанците во Македонија не гледаме. Ги имаме истите проблеми, и кај нив е присутна немаштијата и сиромаштијата. Ова не носи подобар живот за граѓаните. И Македонците и Албанците чекаа редици за бензин, рече Панова.
Во во однос на резултатите од пописот Панова истакна дека ВМРО-ДПМНЕ дебатираше дека ќе постојат одредени аспекти кои треба подетално да се разгледаат и преспитаат во врска со самиот Закон за попис, но тогаш бевме обвинувани дека сме деструктивни и не сакаме попис, но сега ги гледаме сомнежите во јавноста.

Зошто толку долго трае процесот на обработка на податоците? И самата недоверба која се има во институциите само потврдува дека можеби резултатите од пописот ќе бидат дискутабилни. Податоците се мерливи и ќе се утврди нивната веростојност. Ние одиме на избори, одиме од врата на врата, ја гледаме состојбата со раселеноста. Доколку има очигледни отстапки од ралната состојба ќе има и реакции, рече Панова.

The post Панова: Спасовски наместо да гони криминал, тој ги менува униформите и пушта пријави против земјоделци кои протестираат appeared first on Република.

Министерот за внатрешни работи Оливер Спасовски вели согласно Уредбата што неодамна ја донесе Владата двојазични амблеми ќе има само за службите на локално ниво, таму, каде што официјален јазик е и албанскиот. Амблемите, нагласи, нема да бидат двојазични за централните служби и единиците кои се на ниво на држава.

Таму каде што на локално ниво се работи, значи за амблемите на униформа на локално ниво во градови каде што официјалниот јазик е албанскиот јазик. Значи, на централните служби кои се однесуваат за цела држава нема никаква промена да има во делот на униформите, сходно на тоа и на единицата „Тигар“ и на „Единицата за брза распределба - рече Спасовски во одговор на новинарско прашање.

Тој додаде дека се остава период од една година за имплементација заради тоа што има постапка за трошењето на буџетските пари.

Не може да се влезе во продавница и да купите нешто веднаш, туку треба да се спроведат постапки – тендери, јавни набавки, да се набави тоа што треба да се набави во делот на амблемите и затоа се остава таков период во којшто ќе може да имаме подготовка и активирање- рече Спасовски.

Тој рече дека донесената Уредба произлегува од Законот за употреба на јазиците.

Ние моравме тие чекори да ги запазиме и затоа се промени легислативата во овој дел. Имавме година дена период на усогласување за да се спроведат постапките. Значи, тоа е нормална работа која што се спроведува, не е ништо ново посебно во овој дел што би предизвикало какви било други проблеми - нагласи министерот за внатрешни работи.

The post Спасовски: Амблемите на полицијата нема да бидат двојазични за централните служби и единици appeared first on Република.

Во магацините на Министерството за внатрешни работи испорачани се вкупно 16 илјади парчиња летни и зимски панталони и здолништа за припадниците на полицијата, со вредност од 31.008.559 денари со вклучен ДДВ, а по претходно распишана јавна набавка на униформи за 2021 година.

Испорачаните парчиња вклучуваат по 6452 машки зимски и летни панталони, по 758 женски зимски и летни панталони и по 790 зимски и летни здолништа. Согласно динамиката на испорака, како што соопштија денеска од МВР, се очекува да пристигнат високи специјални чизми и ремени со кои ќе се комплетираат испораките од спроведените јавни набавки на униформа во 2021 година.

Периодов во магацините на МВР пристигнале и осум илјади парчиња зимски јакни за припадниците на полицијата, за кои распределбата започнала на 11.03.2022.

Ова раководство на МВР зазеде одлучен став за драстично зголемување на инвестициите во униформи за сите припадници на полицијата, за што јасно укажува и вредноста на самите набавки на униформи за време на раководењето на Министерството од страна на министерот Оливер Спасовски, односно за периодот од 01.06.2017 до 18.01.2022 реализирани се инвестиции во униформи во вредност од над половина милијарда денари со вклучен ДДВ или безмалку 10 милиони евра, се наведува во соопштението од МВР.

Сите организациони единици на полицијата добија нови униформи, се посочува, специјалните единици добија повеќе комплети нова униформа, униформи се набавени и за останатите полициски службениц.

Само за шест месеци во претходната 2021 година, од јули до декември, обезбедени се 10.000 кошули со долг ракав и 10.000 кошули со краток ракав за припадниците на полицијата, 2330 парчиња флуоросцентни елеци, 660 комплет униформи за приправници, 30 комплети работни одела за кујни, 34 парчиња воздухопловни јакни, 19 парчиња воздухопловни комбинезони и седум парчиња специјални заштитни комбинезони, како дел од униформа за воздухопловен персонал, по 473 парчиња цивилна облека, обувки, цивилни кошули и цивилни чевли, осум илјади парчиња „поло” маици, 10.000 рала полувисоки чевли.

Од МВР потсетуваат дека меѓудругото, во рамки на планот за материјално-техничко подобрување на условите за работа на полициските службеници, реконструирани се и санирани 71 објект на МВР на територијата на целата држава, трансформирани и на енергетски план, со нови системи за ладење и греење, промена на прозорци и врати, подови и кровови, нови термоизолациски фасади, со што директно се овозможува заштеди во буџетот, се намалуваат емисиите на штетни гасови, се придонесува кон заштита на животната средина.

Во моментов, интензивната градежна офанзива е во тек на уште шест објекти, и тоа: ОВР Радовиш, ОВР Делчево, ОВР Берово, Одделот за заштита на личности и објекти во Скопје, ЕВР Гази Баба и ОВР Свети Николе, со тоа што неодамна беше промовиран објектот на Единицата за внатрешни работи Карпош, како 71 реконструиран објект. Исто така, обезбеден е и поголем број донации во возила и опрема за разни полициски организациони единици, а се модернизира и возниот парк.

– Го одржувме и континуитетот на исплата на редовна бонус плата, покрај исплатата на трите заостанати бонус плати за прекувремено изработени часови во претходната година, наскоро ќе биде исплатена и бонус платата за 2021 година, додека со Буџетот на МВР за 2022 година, обезбедени се и средства за зголемување на платата за 5% на сите вработени во МВР од месец септември 2022 година. Согласно новиот Закон за минимална плата, минималната бруто плата изнесува 26.422 денари. За вработените во МВР, на кои им се исплатува плата по Закон за работни односи е извршено усогласување со минималната плата и почнувајќи од месец март, сите вработени по овој Закон ќе имаат усогласени, односно зголемени плати, стои во соопштението.

Најавуваат дека се продолжува со обезбедување квалитетни услови за работа на полициските службеници, секогаш имајќи го предвид имплементирањето на високите стандарди на материјални-техничката опременост на полициските служби од водечките земји во Европа и светот, а сѐ со крајна цел создавање професионален сервис за граѓаните, оправдувајќи го и нашето мото – опремена полиција – безбедни граѓани

The post Нови 16 илјади парчиња делови од униформи за припадниците на полицијата appeared first on Република.

Во магацините на МВР пристигнати се 8.000 парчиња виндјакни за припадниците на полицијата, кои денеска треба да бидат распределени.

Започнувајќи од 2017 година, откако беше преземено раководењето на МВР од страна на министерот Оливер Спасовски, со нова стратешка поставеност на МВР за периодот од 01.06.2017 до 18.01.2022 реализирани се инвестиции во униформи во вредност од над половина милијарда денари со вклучен ДДВ или безмалку 10 милиони евра. Одлучни сме да продолжиме и во 2022 година со системското и посветено подобрување на работната средина на полицијата во насока на унапредување на перформансите во борбата против криминалот, подобрување на сообраќајната, но и целокупната безбедност на сите граѓани во нашата држава, се наведува во денешното соопштение од МВР.

Се додава дека специјалните единици добиле повеќе комплети нова униформа, униформи се набавени и за останатите полициски службеници, а само од јули 2021 година до крајот на 2021 обезбедени се 10.000 кошули со долг ракав и 10.000 кошули со краток ракав за припадниците на полицијата, 2330 парчиња флуоросцентни елеци, 660 комплет униформи за приправници, 30 комплети работни одела за кујни, 34 парчиња воздухопловни јакни, 19 парчиња воздухопловни комбинезони и 7 парчиња специјални заштитни комбинезони, како дел од униформа за воздухопловен персонал, по 473 парчиња цивилна облека, обувки, цивилни кошули и цивилни чевли, 8.000 парчиња „поло” маици, 10.000 рала полувисоки чевли.

Во рамки на планот за материјално-техничко подобрување на условите за работа на полициските службеници, како што се наведува во соопштението, реконструирани и санирани се 70 објекти на МВР на територијата на целата држава, трансформирани и на енергетски план, со нови системи за ладење и греење, промена на прозорци и врати, подови и кровови, нови термоизолациски фасади, со што директно овозможуваме заштеди во буџетот, ги намалуваме емисиите на штетни гасови, придонесуваме кон заштита на животната средина. Во моментов, се додава во соопштението, интензивната градежна офанзива е во тек на уште седум објекти, и тоа: ОВР Радовиш, ОВР Делчево, ОВР Берово, ЕВР Карпош, Одделот за заштита на личности и објекти во Скопје, ЕВР Гази Баба и ОВР Свети Николе, со тоа што прв ќе биде промовиран објектот на Единицата за внатрешни работи Карпош, како 71 реконструиран објект.

Исто така, обезбедени се и поголем број донации во возила и опрема за разни полициски организациони единици, а се модернизира и возниот парк.

Продолживме и со грижата кон остварување на правата на вработените, со тоа што ги исплативме трите заостанати бонус плати за прекувремено изработени часови во претходната година, а наскоро ќе биде исплатена и бонус платата за 2021 година, додека со Буџетот на МВР за 2022 година, обезбедивме средства за зголемувања на платата за 5 проценти на сите вработени во МВР во септември 2022 година, појаснуваат од МВР.

Трендот на квалитативно подобрување на условите за работа останува приоритет на ова раководство на МВР, се подвлекува во соопштението, бидејќи секое вложување во полицијата значи задоволни полициски службеници, што за возврат значи унапредување на севкупната безбедност на граѓаните.

The post МВР: Нови 8.000 парчиња виндјакни за припадниците на полицијата appeared first on Република.