Унгарскиот министер за одбрана Кристоф Шалај-Бобровницки издаде наредба да се стават вооружените сили на земјата во состојба на готовност.

Тој на Фејсбук објави дека Унгарија се соочува со невидени безбедносни предизвици, како што се војна во соседството и „насилни илегални мигранти кои ја опсадуваат границата“.

Шалај-Бобровницки истакнал дека нациите низ Европа се соочуваат со слични предизвици.

Велика Британија објави дека ги мобилизирала своите вооружени сили, Словачка прогласи вонредна состојба, а Полска ја зголемува борбената готовност, рече унгарскиот министер, нагласувајќи дека и тие „мора да бидат вооружени и подготвени“.

Шалај-Бобровницки појаснил дека во интерес на зачувување на мирот во Унгарија, му наредил на началникот на Генералштабот Ромолуш Русин-Шенди да ја стави армијата на повисоко ниво на готовност.

Тоа значи, додаде тој, дека армијата ќе има повеќе вежби во наредните недели и месеци. Вежбите ќе бидат забрзани и ќе бидат повикани повеќе резервисти.

The post Унгарија ги стави вооружените сили во состојба на готовност appeared first on Република.