Од општина Карпош реагираат дека поради дефект, делови од булеварите „Партизански одреди“, „Илинден“ и „8 Септември“, кои се под надлежност на Град Скопје вечерва се без улично осветлување.

Без улично осветлување се потезите на булеварот „Партизански одреди“ од кружниот тек кај Порта Влае до семафорите на мостот Влајко, делот на булевар „Илинден“ кај Воена Болница, како и дел од булеварот „8. Септември“. До целосно отстранување на дефектот апелираме на поголемо внимание кај сите учесници во сообраќајот во овие делови од Карпош, се вели во реакцијата на Општината.

The post Карпош без улично осветлување: Дефект предизвика темница на „Партизанска“, „Илинденска“ и „8 Септември“ appeared first on Република.

Со цел да се спречи злоупотреба и манипулации при обезбедување на универзална услуга на пазарот на електрична енергија, Владата донесе одлука со која на општините и на Градот Скопје им се забранува да основаат јавно претпријатие, друштво со ограничена одговорност или акционерско друштво за вршење дејност од јавен интерес, јавно осветлување, изјави на денешната прес-конференција премиерот Димитар Ковачевски, по седница на Влада.

Тој потенцираше дека одлуката е донесена поради тоа што, како што рече, сознанијата велат дека општините основале јавни претпиријатија или дејности, јавно осветлување или ја доделиле на постоечки јавни претпријатија.

Тоа што го кажавме на почетокот на годината веќе се признава и од страна на одредени градоначалници. Имаме носено одлуки во Совети на одредени градови каде што е направена штета во првите шест месеци во вредност од 30 милиони евра и тоа требаше да биде на грбот на граѓаните, појасни министерот за економија Крешник Бектеши за одлуката.

The post На општините и на Град Скопје им се забранува основање ЈП за јавно осветлување appeared first on Република.

Најголем дел од финансиските средства кои што ги прибираме како основ на даноци и такси, кои граѓаните ги плаќаат во општинската каса ќе бидат пренасочени за она кое што е наша примарна цел а тоа е обезбедување на чиста вода за пиење, да се одвива образовниот, наставниот процес, да се згрижуваат децата во градинките и да ја одржуваме комуналната хигиена, вели Иван Јорданов градоначалник на Општина Штип во вечерашното гостување во емисијата „Топ тема на Ваша страна“ на телевизија Телма говорејќи дека сето ова е последица на високите сметки за електрична енергија кои ги добиваат како општина.

Јорданов посочи дека во време на енергетска криза Општина Штип го решила проблемот со уличното осветлување без да има проблем за граѓаните.

Проблемот со високите сметки за уличното осветлување во Штип го решивме со јавно приватно партнерство со економски оператор кој што има обврска да ја плаќа електричната енергија за улично осветлување по основ на комуналната такса која што ја плаќаат граѓаните, а ние како општина ја прибираме, со тоа што истиот економски оператор има обврска да ги сервисира светилките и да ги замени со штедливи. Тоа веќе е направено, така што во однос на уличното осветлување го решивме проблемот и можам да кажам дека сме една од ретките општини кои што во овој момент немаме проблем со високите сметки за уличното осветлување, потенцираше тој.

Како пример во јануари сметката на струја на комуналното јавно претпријатие кое што има обврска да дистрибуира чиста вода за пиење и да го чисти сметот и ѓубрето од улиците во Штип достигна 19 милиони денари, а вкупниот приход  на јавното комунално претпријатие е 17 милиони денари. Кога вие имате по само еден основ повисок трошок немате како да ги менаџирате за да ги покриете трошоците. И додека го решивме овој проблем времено, се префрливме на друг водоснабдителен систем на хидросистемот Злетовица и да ги исклучиме пумпите коишто беа генератор на трошење на електрична енергија помина 3 месеци со екстремно голем и сметки за струја, кои што акумулираа долг кој што веќе го враќаме. Сакам да кажам дека се соочивме во јануари месец со тој проблем да трошоците се поголеми од приходите кои што ги прибираме. Така што јавното комунално претпријатие ја намали цената на електричната енергија на 6 милиони денари, но и тоа е премногу компаративно со годините наназад, нагласи Јорданов.

Јорданов смета дека јавните претпријатија и училиштата треба да влезат на регулиран пазар, бидејќи вака оставени сами на себе на слободен пазар не знаат да каде може да оди цената на електричната енергија и со самото тоа не можат да ги планираат трошоците.

Во време на криза мора да ги решаваме проблемите, но за целосно да се насочиме кон успешно функционирање мораме заеднички да излобираме преку ЗЕЛС, сите овие јавни институции јавни претпријатија, училишта да влезат на регулиран пазар, за да имаме планирање на трошоците, бидејќи вака оставени сами на себе на слободен пазар ние не знаеме до каде ќе оди цената на електричната енергија на светските берзи и немаме планирање на трошоците, вели Јорданов.

The post Јорданов: Го решивме уличното осветлување без да гасиме светилки appeared first on Република.

Градоначалникот на Општина Карпош, Стевчо Јакимовски, воведува нова мерка за штедење на електричната енергија за улично осветлување. Станува збор за исклучување на секоја втора светилка во периодот од 19:45 часот навечер до 4:30 часот, наместо исклучување на уличното осветлување од 1 часот по полноќ до 5 часот наутро, како што беше досега, а на што бурно реагираа карпошани.

Ова, како што информираат од Општина Карпош, било одлучено на средбата што ја имал градоначалникот Јакимовски со секретарите на урбаните заедници, на која му бил пренесен, разгледан и прифатен овој предлог на граѓаните.

Го разгледувавме предлогот на секретарите на урбаните заедници дали може да свети секоја втора светилка од уличното осветлување. Го повикав Одделението за енергетска ефикасност, како и фирмата која го одржува осветлувањето, да видиме дали постои таква техничка можност. Ме уверија дека постои техничка можност. Тоа значи дека веќе овој викенд ќе воведеме промена на мерката за штедење – изјави градоначалникот Јакимовски.

The post Во Карпош се штеди: Улично осветлување ќе има цела ноќ, ќе свети секоја втора светилка appeared first on Република.

Откако веќе десетина дена карпошани се жалат дека немаат улично осветлување и дека улиците кои се под надлежност на Општина Карпош се во целосна темница, со свој став околу настанатата ситуација излезе градоначалникот на Општина Карпош Стевчо Јакимовски.

https://republika.mk/vesti/skopje/karposh-1-vo-mrak/

Јакимовски информираше дека, поради екстремно високи сметки за електрична енергија, Општина Карпош преземала мерки за штедење. Градоначалникот објасни дека на располагање се две можности – едната е да се штеди, а другата е да се зголеми цената за улично осветлување што ќе падне на грб на граѓаните. Според него, за да не се оптовари дополнително буџетот на граѓаните, одлучено било да се преземат мерки за штедење, но според Јакимовски, доколку јавноста смета поинаку, општината е подготвена да распише референдум на кој граѓаните ќе донесат конечна одлука како да се премости проблемот.

Набавивме 173 тајмери кои што после 1 часот по полноќ го гасат светлото од причини што сметките за електрична енергија се три ипол пати поголеми во однос на оние што сме ги имале претходните години во исто време, односно во 2021 и во 2020 година за улично осветлување сме потрошиле 13 милиони денари за цела година и такви историски трошоци биле предвидени за 2022 година. Но, за жал, само во првите три месеци годинава сме потрошиле 13 милиони денари за електрична енергија. Сметките кои биле 2 милиони денари сега се 7 милиони денари. Тоа се пет милиони денари плус секој месец, односно 80.000 евра, истакна градоначалникот.

Според него, во моментов постојат само две отворени можности за да се реши овој проблем.

– Јас како одговорен субјект кој ја води оваа општина имам на располагање две можности. Првата можност е да штедиме, а втората можност е да ја покачиме цената за улично осветлување. Тоа значи ако вие како граѓани сега плаќате по 150 денари по тарифно броило за улично осветлување, во иднина би требало да плаќате околу 500 денари за да можеме да ги покриеме трошоците. Ако граѓаните инсистираат на таа варијанта тогаш јас сум подготвен да одиме на референдум па како ќе одлучат граѓаните така- сакаат да штедиме или сакаат сметките да бидат поголеми. Во овој момент со ова исклучување од 1 часот по полноќ до 5 часот изутрина ние штедиме само 30 проценти од сметката. Тоа значи на тие 7 милиони денари, заштедуваме 2 милиони денари. Тоа значи дека и вака треба дополнително да издвојуваме 50 илјади евра од буџетот на општината – заклучува Јакимовски.

The post Карпош ќе остане во мрак, Јакимовски реши со тајмери да го исклучува осветлувањето за да штеди appeared first on Република.

Уличното осветлување во скопски Карпош не функционира. Жителите од Кaрпош 1 се жалат на темните улици низ кои се движат. Единствено осветлување е светлината која доаѓа од запалените светилки во домовит од околните згради.

Гиго Михајловски, Даскал Камче, Ругер Бошковиќ се во тотален мрак. Нема никакво улично осветлување. Движењето низ улиците е вистински хорор. На булеварот Партизански одреди има осветлување, Дебар Маало исто така нема проблем со уличните светили. Но во овој реон не работи ниту една светилка. Ако имате среќа да помине автомобил, ќе ви осветли да не влезете во некој вир по улицата. Прегледност нема никаква - се жалат жителите од улиците кои се во тотален мрак.

The post Карпош 1 во мрак! appeared first on Република.

Поранешниот градоначалник на општина Бутел Велимир Смилевски вели дека се манипулации информациите изнесени на прес-конференција на ВМРО-ДПМНЕ, во кои е обвинет дека спровел „скандалозна тендерска постапка“.

Според Мите Лефков од ВМРО-ДПМНЕ, станува збор за тендер за изградба на ново јавно улично осветлување на територија на општина Бутел во 2021 која го добила компанијата Провиз д.о.о.е.л. од Визбегово. Компанијата посочениот тендер го добива врз основа на најниска понуда, ама во т.н. „најниската понуда“ која е добиена како збир на единечни цени се крие сериозна манипулација и злоупотреба.

Компанијата согласно техничката спецификација нуди екстремно ВИСОКИ цени по единица производ за производи кои Општината ги набавувала во големи количини, и екстремно НИСКИ цени за производи кои Општината според договорот ги бара во минимални количини или воопшто не ги бара, обвини Лефков.

Смилевски одговори со Фејсбук статус.

Најавувана како “пукна бомбата за скандалозна тендерска постапка спроведена во општина Бутел во времето на мандатот на Велимир Смилевски, градоначалник од редовите на СДСМ”, пукна – меурот од сапуница произлезен од центарот за шириење на лажни вести во Белиот дворец!

ВМРО ДПМНЕ и градоначалникот на Општина Бутел, Дарко Костовски, заради сопствената безидејност и заради тоа што не можат ништо да сработат во интерес на бутелчани, се влезени во длабок очај. Затоа, по нивниот добро испробан рецепт, сега се обидуваат тој очај да го покриваат со измислување на лаги и конструкции.

Вистината е мојот најдобар сојузник и во времето кога бев градоначалник на Бутел, а и сега. А таа е дека на стартот на мојот четиригодишен градоначалнички мандат во Општина Бутел наследивме дотраени и светилки за улично осветлување стари и повеќе од 40 години. Мрежата ја обновивме, почнавме со употреба на натриумови светилки, со што заштедувавме по повеќе од 50% на електрична енергија на месечно ниво.

Освен ова, дополнително поставивме 25% нова инсталација за улично осветлување низ целата територија на Бутел.
Јасно е што сакаат да постигнат со ширењето на лаги и дезинформации. Сакаат да го покријат своето неработење и немањето визија за интересите на бутелчани. За тоа сведочи и сегашната состојба, при што во Општината е исклучено уличното осветлување, замислете, заради неплаќање на сметки од страна на актуелниот градоначалник.

Ете на кое дереџе спаднавме драги мои сограѓани!

https://republika.mk/vesti/skopje/lefkov-gradonachalnici-na-sdsm-preku-tenderi-ispumpuvale-pari-po-metodot-najniska-cena-9-proizvodi-rushat-cena-a-edniot-koj-e-nabavuvan-chinel-suvo-zlato/

The post Смилевски: Костовски нема визија, вистината е мој сојузник appeared first on Република.

Пратеникот и член на ИК на ВМРО-ДПМНЕ, Миле Лефков, обвинува дека градоначалниците на СДСМ имале изграден систем на криминални тендери.

Реакцијата на Лефков ја пренесуваме во целост:

„Излегуваат на виделина матните зделки кои градоначалниците на СДСМ во претходниот мандат ги имаат направено.

Денес ќе откриеме скандалозна тендерска постапка спроведена во општина Бутел во времето на мандатот на Велимир Смилевски, градоначалник од редовите на СДСМ.

Станува збор за тендер за изградба на ново јавно улично осветлување на територија на општина Бутел во 2021 која го добила компанијата Друштво за производство трговија и услуги ПРОВИЗ ДООЕЛ увоз - извоз Визбегово Скопје, согласно огласот под број 12277/2021 - вредност на склучен договор со ДДВ, 12.036.000 денари.

Компанијата посочениот тендер го добива врз основа на најниска понуда, постигната на јавниот повик ама во т.н. „најниската понуда“ која е добиена како збир на единечни цени се крие сериозна манипулација и злоупотреба!

Компанијата согласно техничката спецификација нуди екстремно ВИСОКИ цени по единица производ за производи кои Општината ги набавувала во големи количини, и екстремно НИСКИ цени за производи кои Општината според договорот ги бара во минимални количини или воопшто не ги бара!

Да биде појасно ќе објавиме дел од примерите на злоупотреба на критериумот најниска цена со овој тендер спроведен во општина Бутел:

Во споменатата набавка со компанијата ПРОВИЗ ДООЕЛ, Општина Бутел случила договор за набавка на кабли, сијалици, светилки и при тоа продуктите од кои се набавуваат огромни количини се екстремно скапи, а продуктите од кои се набавува по помалку се багателни по цена од 1.8 денар.

На пример според оваа техничка документација, кабелот NAYY – A 4x16mm2 (1kV) чини 380,86 денари по метар, а подебелиот кабел од типот NAYY –A 4x35mm2 чини 1.81 денар. Разликата во цената е огромна, или поточно потенкиот кабел бил 210 пати поевтин од подебелиот, што е апсурдно. Секој метар набавен од поскапиот кабел е злоупотреба и оштетување на буџетот.

Втор пример, четири метарски столб опремен со приклучно ормарче со приклучни клеми според тендерската спецификација чини 9975,02 денари по парче, а исти такви топлопоцинкувани столбови во висина од 5 метри и 8 метри чинат само 1,81 денар. Односно понискиот столб е 5.500 пати поскап од повисоките.

Уште поеклатантен пример на злоупотреба има и кај светилките. Светилка за натриумова цеваста сијалица со висок притисок со пригушница, со снага од 70 вати чини 10.881,84 денари, а исти такви од 150 и 250 вати чинат 1,81 денар. Разликата во цената е над 6.000 пати поскапа и секоја набавка на 70 ватната цеваста натриумова сијалица е оштетување на буџетот.

Истото се повторува и во друг сегмент! Натриумова 70 ватна сијалица чини 1.142,59 денари, а истите светилки од 150 и 250 вати чинат по 1,81 денар. Разликата во цената е од 630 пати и секоја набавка на ваква сијалица од 70 вати е оштетување на буџетот.

Во услови на вакви разлики на цени за производи кои имаат слични спецификации, постои основано сомнение дека поскапите секогаш биле преферирани за набавки, и на тој начин освен што се злоупотребувал тендерот, биле трошени енормни народни пари со цел богатење на приватни фирми.

Со други зборови производот кој се набавува во огромни количини чини суво злато, а после истиот следуваат 9 производи кои чинат по едвај два денари. Тие девет производи имаат за цел да ја избркаат конкуренцијата.

Од овде се наметнува прашањето дали Велимир Смилевски ги злоупотребил своите овластувања и од компанијата ПРОВИЗ набавувал огромни количини од поскапите продукти? Дали на овој начин се испумпувале парични средства од буџетот на Општината на сметка на приватни компании? Дали разликата и добивката од набавката на поскапиот продукт му е исплаќана на сметка или „на рака“ односно во готово?

Доколку се докаже дека Општина Бутел ги набавила производите кои имале екстремни цени, а ги избегнувале продуктите кои чинеле по 1.8 денари тогаш се работи за класичен криминал со кој се испумпувале буџетските пари на сметките на приватни компании и за тоа мора да има кривична одговорност.

Повикуваме надлежните институции да го испитаат овој тендер, ЈО да постапи согласно своите надлежности, а Финансиската полиција да провери каде завршувале парите од сметките на оваа приватна компанија!

Станува збор за парите на граѓаните и одговорност мора да има, најавивме и остануваме доследни на ветеното - нулта толеранција за корупција!“

https://www.youtube.com/watch?v=WAmTsx6LlD8

The post Лефков: Градоначалници на СДСМ преку тендери испумпувале пари, по методот најниска цена – 9 производи рушат цена, а едниот кој е набавуван чинел суво злато appeared first on Република.

ВМРО-ДПМНЕ од денеска започнува со објавувањето на, како што велат од партијата, криминални тендери на претходните градоначалници од СДСМ/ДУИ.

-Започнуваме со објавување на криминални тендери на претходните градоначалници од СДСМ/ДУИ.

Денеска во 11:00 часот на прес конференција ќе се објави како еден скопски градоначалник преку скандалозен тендер за улично осветлување направил криминал од илјадници евра, велат од партијата.

The post Денеска првата „бомба“ на ВМРО-ДПМНЕ: Kaко еден градоначалник на СДСМ преку тендер за улично осветлување направил криминал appeared first on Република.

Пред да ги претставиме тендерите и договорите за денес кои што треба да ги видат граѓаните на тема Гази Баба и јавно осветлување, уште еднаш да ги повикаме институциите да направат ревизија на овие договори кои што ги презентиравме во претходните два дена, ова денеска преку прес-конференција го истакна Димче Арсовски од ВМРО-ДПМНЕ.

-Реакцијата на СДСМ и претходниот градоначалник Борис Георгиевски во Гази Баба, ја знаевме однапред што ќе биде и нема одговор уште една зошто милиони евра се дадени за улично осветлување, а Гази Баба не беше средена по однос на тоа прашање. И кога веќе Борис Георгиевски има прашања и недоумици за сопственото работење, бидејќи му се нејасни реакциите, никој не може да каже што сака да каже денеска ќе му поставиме уште неколку прашања. Она што е важно е дека градоначалникот Борис Георгиевски од СДСМ, откако склучил договорот за паметно осветлување во висина од 1,7 милиони евра со ДДВ кој што го презентиравме вчера, по исплаќање на авансот од 340 илјади евра, кој што беше исплатен во првите десет дена инаку 20 проценти од целата сума, Георгиевски не издал никаков налог за работа до заминување на својата функцијата. Значи го земале авансот од фирмата и 2 месеци ништо не срабтиле бидејќи градоначалникот не дал никаква насока или налог писмен за работење, односно за извршување на дејностите согласно договорот кој што го потпишал и местење лед светилки, што уште еднаш покажува дека им било единствено важно само да го исплатат авансот пред изборите во месец август и толку, повеќе ништо не се сработило додека бил градоначалник, вели Арсовски.

Тој додава дека дали граѓаните ќе имаат бенефит или не, воопшто не им било важн, ниту на надзорот, ниту на фирмата, ниту пак на Борис Георгиевски.

Со овој договор трбеало да се постават смарт светилки на над 60 проценти од светилките во цела Гази Баба. Замислете, наместо да се издаде налози од страна на градоначалникот за поставување на нови лед светилки и да се менуваат натриумовите светилки како што велат и во реакцијата, Борис Георгиевски пред заминување од функцијата на 13 октомври 2021 година склучува уште 2 договори за реконострукција и одржување на светилки во вредност од по 2 милиони денари. Вкупно 4 милиони денари со ДДВ, фирмата иста која што и претходното одржување го земала, одредена фирма Електро Микица ДООЕЛ Скопје, а истите реони се каде што би требало и да се местат тие лед светилки. И главното прашање тука кој што треба да го одговори Борис Георгиевски, ако веќе има активен договор за смарт осветлување и ако менува натриумови светилки со паметни светилки, зошто не дал налог да се поставуваат паметни светилки, туку склучил 2 нови договри во висина од 4 милиони денари за одржување на старите светилки или така наречени натриумови? На скандалите им нема крај. Борис Георгиевски со вакви договори за осветлување во вредност од 2 милиони евра во времетраење од половина година, Гази Баба требаше сега да биде поосветлена од Париз, кој важи за град на светлината, вели Арсовски.

Тој истакнува дека ВМРО-ДПМНЕ ќе бара ревизија на овие договори, каде, колку и дали се спроведени и дали соодвествуваат записниците од надзорите со фактичката ситуација, затоа што 2 милиони евра пари се испланирани да се фрлат во вода или испумпаат, во време кога најголем дел од граѓаните во руралниот дел газат во кал благодарение на неостварените ветувања на СДСМ.

Нов ден за нови лаги на ВМРО ДПМНЕ и Димче Арсовски, реагира поранешниот градоначалник на Гази Баба Борис Георгиевски на прес-конференцијата на Арсовски.

Јавниот повик за поставување на нови лед светилки и јавниот повик за тековно одржување на постојните линии се две сосема различни работи. Со повикот за поставување на лед светилки се опфатени дел од уличните единици, што значи дека логична е потребата од јавен повик за тековно одржување на преостанатите линии со натриумови светилки. Фирмата пред авансното плаќање на 20% од сумата до општината согласно договорот достави банкарска гаранција. Да повторам авансното плаќање е предвидено во тендерските услови и служи за набавка на дел од техничката опрема предмет на јавната набавка, бидејќи остатокот од инвестицијата предвидено е да се плаќа одложено на 36 рати и тука повторно нема ништо спорно.

Би ве запрашал вас Димче Арсовски зошто денес и покрај активен договор за лед светилки, вашиот градоначалник во буџетот исто така има предвидено средства за тековно одржување на уличното осветлување?

Зошто вашиот градоначалник нема издадено ниту еден налог за поставување на лед светилки со што на годишно ниво во буџетот само од овие светилки се заштедува 35% од вкупната сума“, истакнува Георгиевски.

The post Со договорите на Георгиевски Гази Баба требаше да биде поосветлена од градот на светлината Париз appeared first on Република.

Од денеска ќе отпочнеме со разоткривање на сомнителните и криминални зделки на градоначалниците кои што функционираа од СДСМ во претходниот мандат, соопшти на денешната прес-конференција портпаролот на ВМРО-ДПМНЕ Димче Арсовски, додавајќи дека новоизбраните градоначалници од ВМРО-ДПМНЕ изминатиов период деноноќно работеле на средување на, како што вели, хаосот кој го оставија зад себе кадрите на СДСМ, а воедно и во насока на работа за добробит на граѓаните. Верувајте дека имаше многу хаос, вели Арсовкси.

Општина Гази Баба. Ова е општина каде што општината работела за поединци во времето на СДСМ, парите на граѓаните завршувале нерационално во џебови кај луѓе кои најверојатно биле блиски до градоначалникот, а градоначалникот бил соучесник во целата ситуацијата на испумпување пари на граѓаните, практично без него ова не би можело да се случи кое што ќе го презентирам денеска. Кога велам испумпување, ама буквално мислам на испумпување на парите на граѓаните, од сметката на општината во нечии џебови, рече Арсовски.

Тој претстави три договори пред граѓаните поврзани со уличното осветлување во Гази Баба, каде што 2 од нив се за одржување и реконструкција на уличното осветлување, а 1 е за изградба на нови линии за уличното осветлување.

Договори и тендер кои што ги спровел претходниот градоначалник Борис Георгиевски кој што беше од редовите на СДСМ. Имено, тендерот за оваа намена е објавен и спроведен, односно спроведен на 19 мај 2021 година каде што е донесено одлука за тендерот да го добие фирма економски оператор ЕЛЕКТРОМИКИЦА ДООЕЛ од општина Илинден. Имено, во периодот од 20 мај 2021 до 30 август 2021 година, се исцрпени овие три договори односно за само 103 дена во висина од 11 милиони денари, од кои 7 милиони денари за одржување на уличното осветлување, а 4 милиони денари за поставување на нови линии на улично осветлување.

Среќниот добитник на овој великодушен тендер и на овие пари од градоначалникот на СДСМ Борис Георгиевски е фирмата ЕЛЕКТРОМИКИЦА ДООЕЛ Скопје, со управител извесен Миле Димовски.

Дневно, согласно овие договори, кои што се исцрпени за само 103 дена 11 милиони денари, дневно додека траела реализацијата, се трошеле 106.796 денари, што практично е неизводливо.

Еве јавно прашуваме, како е можно, ама како е можно да се изработат за 103 дена овие три договори во висина од 11 милиони денари?

Како е можно за 103 дена да се потрошат 7 милиони денари за одржување и реконструкција на улично осветлување во гази Баба, ако се земе в предвид дека за 103 дена треба да прегорат сите сијалици во Гази Баба и да бидат сменети. Нема човек кој се занимава со оваа работа што кажува дека ова е невозможно и е зачудувачки.

Имено, според нашите информации, во овие 103 дена каде што требало да се изградат 15-тина нови линии во вредност од 4 милиони денари, за голем дел од тие линии каде што е исцрпен договорот фактичката состојба вели дека линиите се стари и нема инсталирано нови линии. Што е класичен пример на испумпување на пари.

Еве ова е начинот на испумпување на парите на граѓаните или што би рекле, класично перење на пари. Класично перење на општински пари. Ова е класичен начин на испумпување на парите на граѓаните мислејќи дека нема никој да го препознае ова и да бидат откриени, потенцираше Арсовски.

За целата оваа операција да ја изведат за 103 дена и да испумпаат 11 милиони денари, според Арсовски, потребно е да биле координирани градоначалникот, надзорот и економскиот оператор, односно оваа фирма која што според овие документи треба да има капацитет за работа како цела електродистрибуција.

Оттука, согласно овие информации и јавно достапни документи на сајтот за јавни набавки, Арсовски ги повика антикорупционерите да се разбудат и да не спијат, потоа повика Општината и новиот градоначалник да направи ревизија. Го повика и јавното обвинителство по допрен глас да отвори случај или овие јавно достапни документи да ги прегледа па потоа да побара документи од Општината доколку имаат да им достави. На крај го повика и секторот за економски криминал да го истражат целиот овој случај и, како што рече, да го обелат образот на граѓаните кои што плаќаат најчесно данок, а некој ги испумпува нивните пари.

Срамота е ова што се случувало. Срамота. Ги повикувам сите граѓани кои што имаат било какви информации за криминал од власта, а претходно се плашеле да ги достават, да ни ги достават, а ние да ги обелодениме. Криминалот кој што СДСМ го метастизираше низ целата држава мора да заврши и да биде санкциониран, рече Арсовкси.

https://youtu.be/JpmQfFAfp-E

The post На сомнителен начин во време на СДСМ испумпани над 11 милиони денари за улично осветлување во Гази Баба appeared first on Република.