Во интимниот амбиент на „Кафе Литература“ („Дајмонд мол“), вечерва, (19 април), со почеток во 21 часот, публиката ќе ужива во авторска музика, мешавина на рок и џез, на Џијан Емин, со текстови од Славко Јаневски и Тина Иванова.

Групата „Шлиц“, која ја предводи Џијан Емин, ќе ја видиме во една поинаква светлина со сосема нов, автентичен и уникатен проект преку изведба на мешавина од арт рок и џез од мултимедијалниот проект „Диши љубов“, по текст на Тина Иванова, и сценско-музичкиот перформанс „Улица“ создаден на текст од Славко Јаневски.

„Диши љубов“ пее за љубовта, за Скопје, зборува за две суштински појави без кои човекот не би можел да опстои – воздухот и љубовта. Музиката и лириката ја поседуваат онаа скопска, носталгична звучна естетика и влече корени од музиката од осумдесеттите и особено од музиката од деведесеттите години на минатиот век создавана на американското и на британското музичко поднебје.

Настапуваат: Џијан Емин – гитара и вокал, Драган Гиновски-Гино – гитара, Георги Шарески – гитара, Дарко Мучев-Мучо – бас-гитара и Гоце Стевковски – тапани.

The post „Диши љубов“ и сценско-музичкиот перформанс „Улица“ по текст на Славко Јаневски вечерва во „Кафе литература“ appeared first on Република.

„Васко Карангелески“, не е улица, кланица е, избегнувајте ја! Ваков аппел се шири на социјалната мрежа „Фејсбук“, откако за само неколку дена се случи втора сообраќајна незгода.

Улицата се наоѓа во скопската населба Аеродром и граѓаните уште додека се градеше протестираа.

Апел до сите возачи, пешаци и родители - избегнувајте ја Васко Карангелески додека не се исправат сите неправилности. Апел до властите - затворете ја улицата додека не настрада некое дете! Град Скопје, oва не е булевер, ова не е ни улица, ова е КЛАНИЦА ❗
Со што заслуживме ваков инженерски кикс на 20 метра пред училиште? Втора (евидентирана) сообраќајка во само неколку дена. 🙁 Ве молам, СПОДЕЛУВАЈТЕ и давајте идеи како да побрзо го средиме овој хорор.

The post „Васко Карангелески“ не е улица, кланица е, избегнувајте ја! appeared first on Република.

Градоначалникот на општина Чаир, Висар Ганиу кој е и потпретседател на ЗЕЛС за ТВ21 изјави дека не верува дека советниците Албанци би имале храброст да гласаат за враќање на старото име на преименуваната улица во Адем Демачи.

За да помине оваа иницијатива, според Ганиу, треба да има двојно гласање, односно да гласаат и советниците Албанци.

Се подразбира дека овие измени мора да се случат во Советот на Град Скопје и мора да бидат одобрени со двојно гласање. Со Бадентеровиот принцип. Мислам иницијативата е започната, но дали целта на г-ѓа Арсовска може да се постигне е знак прашалник затоа што знаете, за да се направи мнозинство на Бадентер, мора да гласаат и советниците Албанци. Такво нешто, не верувам дека во овие времиња, во денешно време, некој ќе гласа против името на Адем Демачи – вели Ганиу.

Изјавата е одговор на иницијативата на градоначалничката на Град Скопје Данела Арсовска поднесена до Советот на Градот за враќање на името на улицата.

The post Без Бадентер ништо: Ганиу порача до Арсовска дека Албанците нема да гласаат за враќање на старото име на преименуваната улица appeared first on Република.

Димитар Ковачевски, како заменик министер за финансии и претставник на министерството за финансии гласал за Предлог листата за менување на имињата на улиците во град Скопје, се вели во партиското соопштение на опозициската ВМРО-ДПМНЕ.

Ковачевски и СДС директно допринеле за смена на името на улицата „Втора македонска ударна бригада“ во Чаир. Владата на ДУИ и СДС на две седници во 2021 година ја разгледува листата за имиња на улици, плоштади, доставена од Град Скопје под водство на СДС. Целиот процес е започнат од СДС и завршен од СДС. Лагите на СДС се препознаени од народот. Во СДС ако не знаат или Ковачевски не им кажува, нека го прашаат јавно преку соопштение од нивниот прес центар па може ќе им одговори, дека токму тој е причина за преименувањето на улицата „Втора македонска ударна бригада“ во Чаир, истакнуваат од опозициската партија.

The post Ковачевски гласаше за промена на името на улицата во Чаир во Адем Демачи appeared first on Република.

Интензивното невреме што го зафати Скопје предизвика многу проблеми, особено во сообраќајот,

Атмосферската канализација на дел од улиците во градот, не можеше да го апсорбира големото количество вода што наврна во краток период, поради што тие улици беа претворени во помали „езерца“.

Таквата состојба предизвика авотомобилите едвај да минуваат низ водата, додека пак, некои, целосно се откажуваа од ризикот да влезат во водата и бараа алтернативан рута да стигнат до дома. Проблем се создаде и за пешаците, кои крајно внимателно се движеа по тротарите, едвај незафатени од водата, во обид да не си ги наводенат обувките или пка, да бидат испрскани од возилата што минуваа крај нив.

По силното невреме проследено со пороен дожд, грмежи и засилен ветер, се огласија и од Центарот за управување со кризи, од каде информираа дека при налетот на невремето паднале и неколку дрвја, од кои едно врз автомобил во движење.

https://republika.mk/vesti/skopje/padnati-drvja-i-oshteteni-poveke-avtomobili-vo-nevremeto-vo-skopje/

The post Дел од скопските улици претворени во езерца: Силното невреме направи доста проблеми во главниот град appeared first on Република.

Од денеска улицата „Војдан Чернодрински“ во Чаир се преименува во „Имам Атаулах Куртиши“, а општината како иницијатор и организатор на преименувањето по кусата церемонија на отворен простор, одржа и свечена академија на која се говореше за лиикот на имамот.

На академијата што се одржа во Албанскиот театар, на која се говореше за животот и работата на Хоџа Атаулах Куртиши присуствуваше и лидерот на „огнената група“ на ДУИ Изет Меџити, како и други негови сопартијци.

Во мај минатата година во организација на градоначалникот на Чаир, Висар Ганиу беа поставени нови табли кои покажуваат дека улицата „Благоја Паровиќ” е преименувана во „Исмаил Ќемали”, личност од историјата за кого беше кажано дека соработувал со лидерите на Вилајетот Косово во борбата за независност на Албанија. Инаку, Благоја Паровиќ бил истакнат комунистички револуционер помеѓу двете светски војни и шпански борец кој загинал во борбите со шпанските фашистички одреди.

Новите имиња на улици Општината Чаир ги базира на одлука на Град Скопје од 2021 година. Процесот на преименувања на улици започна во претходната декада токму со одлуки на Советот на Град Скопје и продолжува и сега.

The post Улицата „Војдан Чернодрински“ во Чаир преименувана во „Oџа Атаулах Куртиши“ appeared first on Република.

На 30.01.2023 во 22.33 часот во Полициската станица Центар било пријавено дека на ул.„Даме Груев“ бил пронајден починат З.М.(64) од Скопје.

Лекар од Итна медицинска помош констатирал смрт без видливи траги на насилство, а по наредба на Јавен обвинител телото на починатиот било дадено на обдукција

The post Мртов човек пронајден во Скопје на улица appeared first on Република.

Некаде околу 14 часот во Скопје, на улица ,,Словенечка” поради семејни причини и проблеми дошло до расправија, а потоа и до користење огнено оружје.

Според информациите, едно лице е повредено и одма е пренесено во една од скопските клиники. Повеќе околу овој случај очекуваме од МВР.

The post Пукање на ,,Словенечка”, едно лице е пренесено во болница appeared first on Република.

СВР Тетово информира дека по добиена пријава се приведени тројца државјани на Албанија кои работеле на реконструкција на улица без да имаат регулиран престој.

Полицијата добила пријава во 14.30 часот дека на ул. „Тодор Циповски Мерџан“, кај делницата од ул. „Иво Лола Рибар“ до „Два бреста“ се обавуваат градежни работи за реконструкција на улицата по што полицајци излегле на лице место.

Денеска (10.08.2022) во полициска станица при СВР Тетово се приведени Т.Ѓ.(38), М.М.(40) и Г.А.(30), државјани од Р.Албанија. Постапувајќи по пријава во 14.30 часот, според која на ул. „Тодор Циповски Мерџан“, кај делницата од ул. „Иво Лола Рибар“ до „Два бреста“ се обавуваат градежни работи за реконструкција на улицата, полициски службеници од СВР Тетово излегле на лице место, при што било констатирано дека не е поставена соодветна сигнализација за работа на пат, изведувачите не поседуваат документација или согласност за извршување на работите - информираат од СВР Тетово.

Според полицијата, тројцата приведени далe лажни податоци.

-Тројца од ангажираните лица за работа дале лажни податоци од лица наши државјани, иако станувало збор за државјани од Р.Албанија кои немаат регулиран престој во државата. По документирање на случајот против трите лица ќе биде поднесен соодветен поднесок, а фирмата што ги изведувала работите треба да прекине со работата и да ја врати улицата во првобитна состојба сѐ до регулирање на документацијата и добивање на согласност, информира СВР Тетово.

The post Државјани на Албанија без регулиран престој бесправно реконструирале улица во Тетово appeared first on Република.

По титулата почесен граѓанин на Сараево, главниот град на Босна и Херцеговина го удостои седумкратниот светски првак во Формула 1 Михаел Шумахер со улица, која од денеска го носи името на прославениот германски возач.

Како што јавија локалните медиуми, со одлука на Собранието на Кантонот Сараево, А трансверзалата во главниот град е преименувана во А трансверзала „Михаел Шумахер“.

Германскиот возач во Ф1 во текот на 90-те години од минатиот век двапати ја посети Босна и Херцеговина, престојувајќи како амбасадор на УНЕСКО и американска хуманитарна организација, и притоа донираше пари за помош на децата ранети за време на војната.

Кон крајот на 2013 година Михаел Шумахер тешко се повреди на скијање на француските Алпи, а неговото семејство сите информации околу здравствената состојба на поранешниот светски првак ги чува во најголема тајност.

The post Михаел Шумахер доби улица во Сараево appeared first on Република.

Започна со кастрење, проширување и уредување на улица 7 или позната како “Коритница”, информира градоначалникот на општина Бутел, Дарко Костовски.

-Во должина од 2км од двете коловозни ленти се започна со чистење, кастрење и проширување на патот. Исто така закрепени се сите ударни дупки долж цела улица 7.

Овој пат кој води до Љубанци не е исчистен повеќе од 10 години и претсавуваше опасносност за жителите кои транзитираат во овој предел на општината.

Во соработка со ЈП Комунална хигиена изврешено е темелно миење на улицата.

The post Костовски: Започна проширувањето на улицата 7 позната како „Коритница“ appeared first on Република.

Бројни граѓани од Требиње, Зеница, Мостар и Сараево истрачаа на улиците. Од јачината на потресот се’ се тресеше речиси една минута, а граѓаните кои живеат на повисоките катови пријавуваат дека им паѓале предмети од силниот потрес, објави Аваз.

Според податоците на Евромедитеранскиот сеизмолошки центар земјотресот во 23.07 часот бил со јачина од 5,7 степени по Рихтер.

Засега нема информации за евентуални жртви.

https://republika.mk/zivot/servisi/zemjotres-predmalku-e-pochuvstvuvan-vo-makedonija/

The post Граѓаните на Требиње, Зеница, Мостар и Сараево во паника излегоа на улица appeared first on Република.

The post Арсовска: Во чест на маестро Александар Џамбазов иницираме одлука улица во Скопје да го носи неговото име appeared first on Република.

Екипата на Брзата помош утрово извршила породување на улица во Белград, а новороденото девојче заедно со нејзината мајка било пренесено на клиниката во Вишеградска, јавуваат медиумите.

Докторот Горан Милосављевиќ рекол дека породувањето било во 5.20 часот, објави Новости.

Сè се случи на улицата Табановачка, нашиот тим пристигна брзо така што се беше убаво направено и бевме среќни утрово, изјавил Милосављевиќ.

The post Жена се породи на улица во Белград appeared first on Република.