Во Секторот за внатрешни работи - Скопје, вчера во 17.12 часот било пријавено дека на улица „Козара“, две лица фрлиле експлозивна направа, по што настанал пожар на сува трева.

Како што информираат од Министерството за внатрешни работи, пожарот бил изгаснат и нема повредени лица. Полициски службеници излегле на местото и пронашле делови од шок - бомба.

Се преземаат мерки за расчистување на случајот.

The post Фрлена шок-бомба на „Козара“, предизвикан пожар сред Скопје appeared first on Република.

Градоначалникот на Општина Центар, Горан Герасимовски денеска беше на улица „Козара“ во населбата Капиштец, каде започнуваат градежните зафати за нејзина реконструкција. Реконструкцијата ќе го опфати потегот од улицата „Антон Панов“ па сѐ до улицата „Васил Ѓоргов“, бидејќи во овој реон улицата „Козара“ има потреба од обновување на асфалтот.

„На овој потег на улицата „Козара“ ќе биде поставен нов асфалт во должина од 1490 м2, и нови рабници со вкупна должина од 940 метри, односно по 470 метри од двете страни. Заедно со поставувањето на новиот асфалт долж овој потег на улицата, ќе бидат нивелирани и 23 шахти“, истакна Герасимовски.

Општина Центар ја започна и реконструкцијата на улицата „Петар Поп Арсов“, а во следниот период ќе работи на улиците „Рајко Жинзифов“, „Адвокатска улица“ и пробивањето на улицата „Партизанска“.

Општина Центар силно вложува во инвестиции во инфраструктурата со цел да се зголеми безбедноста на пешаците и возачите, но и да се нормализира одвивањето на сообраќајот.

The post Започна реконструкцијата на улицата „Козара“ во Капиштец appeared first on Република.