Улф Кристерсон, премиерот на Шведска, која го презеде претседавањето со ЕУ на 1 јануари, изјави дека победата на Украина е егзистенцијално прашање за Европа и за ЕУ ​​нема поголем приоритет од тоа.

Украинската победа има егзистенцијално значење за Европа, нема поголем приоритет од Украина. Судбината на Украина е и судбина на Европа, изјави Кристесон на заедничката прес-конференција со претседателката на Европската комисија (ЕК), Урсула фон дер Лајен.

Шведската Влада вчера и денеска беше домаќин на членовите на ЕК во Кируна, најсеверниот град во Шведска, а на средбата се разговараше за приоритетите за следните шест месеци.

Претседателката на ЕК нагласи дека ЕУ треба да го зголеми притисокот врз Русија и да продолжи да и помага на Украина.

Ја поддржуваме Украина од првиот ден на инвазијата и ќе продолжиме да ја поддржуваме непоколебливо. Ние, исто така, мора да продолжиме да вршиме притисок врз Русија, изјави Фон дер Лајен.

Таа додаде дека Европската Унија е премногу зависна од руските фосилни горива. Русија го намали снабдувањето со гас за ЕУ ​​за 80 отсто, но Унијата успеа да го надомести тоа од други извори.

Сега цените на бензинот се пониски отколку пред руската агресија, не останавме без струја, складиштата за гас се полни, двојно го зголемивме производството на енергија од обновливи извори, изјави Фон дер Лајен.

Таа најави дека ЕК напролет ќе објави предлог за реформа на пазарот на електрична енергија и дека ќе изработи механизам за заедничка набавка на гас.

The post Шведскиот премиер: Украина е егзистенцијално прашање за ЕУ appeared first on Република.

Шведскиот премиер Улф Кристерсон денеска изјави дека Турција, која од мај го блокира влезот на Шведска и Финска во НАТО, има барања кои Стокхолм не може и не сака да ги исполни.

– Турција, исто така, потврдува дека го направивме она што рековме дека ќе го направиме, но тие исто така велат дека сакаат работи што не можеме и не сакаме да им ги дадеме. Убедени сме дека Турција ќе донесе одлука, само не знаеме кога, изјави Кристерсон на Конференцијата за одбрана и безбедност на која присуствува и генералниот секретар на НАТО, Јенс Столтенберг.

Кон крајот на декември шведскиот Врховен суд одби да го екстрадира новинарот Булент Кенес во Турција, на барање на турскиот претседател Реџеп Тајип Ердоган.

Врховниот суд на Шведска тогаш објави дека има „пречки за екстрадиција бидејќи се работи за така наречени политички злосторства, односно злосторства насочени против државата и од политичка природа”.

Шефот на финската дипломатија Пека Хависто на маргините на денешната Конференција повтори дека неговата земја ќе стане членка во НАТО во исто време со Шведска.

– На Финска не и се брза да се приклучи на НАТО за да не може да чека Шведска да добие зелено светло, посочои Хависто.

Само турскиот и унгарскиот парламент го немаат ратификуван договорот за членство на Шведска и на Финска во НАТО

The post Кристерсон: Турција има барања кои Шведска не може и не сака да ги исполни appeared first on Република.

Улф Кристерсон, лидерот на шведската Умерена партија освои доволно гласови во парламентот на земјата за иден премиер, јавуваат агенциите.

Шведскиот конзервативен лидер, Кристерсон денеска беше избран за нов премиер со 176 гласа „за“ и 173 „против“. Неговите десничари при гласањето беа поддржани од екстремно десничарските Шведски демократи што се случува за прв пат.

Гласањето во шведскиот парламент ја потврди поддршката за Кристерсон од четири партии, меѓу кои се и Шведските демократи.

Екстремно десничарската и антиимигрантски настроена партија, која сега е втора по големина во земјата, нема да биде дел од владиниот кабинет на Кристерсон, но ќе го поддржува во замена за споведување на нејзините политики против криминалот и миграцијата.

Лидерот на шведската Умерена партија, Улф Кристерсон, во петокот соопшти дека се договорил со демохристијаните и либералите да формираат малцинска коалициска влада, во тесна соработка со Шведските демократи.

Кристерсон, како што е највавено, утре треба да го објави списокот на министри, по што ќе следи средба со кралот, по повод неговото официјално именување. Елизабет Свантесон, која беше портпарол на Умерената партија за економска политика во последните пет години, се очекува да стане следниот министер за финансии.

Една од првите задачи на владата на Кристерсон е да се договори за плановите за трошење за 2023 година, во време кога домаќинствата се притиснати од растот на цените, а одговорот на централната банка на инфлацијата е зголемување на трошоците за должници. Тоа нашироко се гледа дека води кон рецесија, при што Риксбанк во моментов проектира намалување на бруто домашниот производ за 0,7 отсто следната година, наведува Блумберг.

The post Десницата во Шведска дојде на власт: Лидерот на шведската Умерена партија ја доби довербата за нов премиер appeared first on Република.