Украинската армија соопшти дека се повлекла од уште две села во близина на источниот град Авдеевка, кој беше заземен од руските сили претходно овој месец.

Висок украински командант изјави дека украинските војници ги зајакнале новите одбранбени позиции западно од Авдеевка, чие заземање е најголемата победа на Русија на бојното поле во последните девет месеци, пренесе БТА.

Портпаролот на украинската војска Дмитро Лихови изјави дека украинските сили се повлекле од селата Северне и Степове откако еден ден претходно го напуштија и селото Ласточкине.

- Нашите сили се повлекоа од малите села Северне и Степове. Тешките борби за Северне продолжија вчера вечерта и во текот на ноќта, рече Лихови, додавајќи дека Русија претрпе значителни загуби во борбите. Според него, армијата се повлекува на позиции кои се на ниво на останатиот дел од линијата на источниот фронт и се попогодни за одбрана.

Пред инвазијата, во Северне и Степи живееле вкупно помалку од 100 луѓе.

Руското Министерство за одбрана соопшти дека го зазело Северне две години и три дена по почетокот на „специјалната воена операција“.

Изјавите на двете страни во врска со ситуацијата на фронтот не можат независно да бидат проверени.

The post Украинската армија се повлекла од уште две села во близина на Авдеевка appeared first on Република.

Кабинетот на украинскиот претседател, Володимир Зеленски, објави список на промени во вооружените сили на Украина кои се очекуваат од новиот врховен командант Александар Сирски.

1. Мора да се стави на маса „реален, детален акционен план на украинските вооружени сили за 2024 година“. Земајќи ја предвид реалната состојба и перспективите на бојното поле.

2. Секоја борбена бригада на првата линија мора да добие ефективно западно оружје. Мора да има правична прераспределба на таквото вооружување во корист на линијата на фронтот.

3. Логистичките проблеми мора да се решат. Авдеевка да не чека генералите да сфатат каде се заглавени дроновите во магацините.

https://republika.mk/vesti/svet/ukrainskata-tvrdina-avdeevka-pred-kolaps-gradonachalnikot-izvestuva-za-kritichnata-sostojba/

4. Секој генерал мора да го знае фронтот. Ако генералот не го знае фронтот, тој не и служи на Украина.

5. Прекумерните и неоправдани бројки во штабот мора да се коригираат.

6. Неопходно е да се изгради ефикасен систем на ротација во армијата. Ротациите се задолжителни.

7. Треба да се подобри квалитетот на воената обука. Само обучени војници може да одат на линијата на фронтот.

8. Во структурата на вооружените сили на Украина се создава нов тип на единици - Единици на беспилотни системи. Мора да биде назначен првиот командант.

https://republika.mk/vesti/svet/roditelite-i-bratot-na-noviot-vrhoven-komandant-na-vooruzhenite-sili-na-ukraina-zhiveat-vo-rusija-i-ja-poddrzhuvaat-ruskata-vojska/

Вооружените сили на Украина брои речиси милион луѓе, од кои повеќето не го доживеале фронтот, завршува Зеленски во својата порака до новиот прв човек на украинската армија.

The post Зеленски достави осум барања до новиот командант за реформа на украинската војска appeared first on Република.

Повеќе од 40.000 жени служат во украинската армија во нејзината борба против руските сили, се наведува во соопштението на украинското Министерство за одбрана, цитирано од ДПА.

Жените сочинуваат нешто повеќе од пет отсто од вкупната сила на украинските вооружени сили. А околу 5.000 од нив се директно вклучени во борбени операции.

Во извештајот на Министерството се наведува дека досега над 13.400 жени добиле статус на учесници во борбени операции.

Соопштението откри дека 41 процент од женските припадници на војската имаат деца, а повеќе од 2.500 од нив се самохрани мајки.

Во 2014 година, жените во украинската армија броеја нешто повеќе од 16.500, но според военото министерство, Киев оттогаш ги укина за нив сите ограничувања за служење во војската, забележа ДПА

The post И Украинките знаат да пукаат и војуваат appeared first on Република.

Војската на Украина соопшти дека за време на внатрешните немири во Русија, нејзините сили успеале да напредуваат долж источниот фронт.

- Војниците на (претседателот Володомир) Зеленски денеска постигнаа успех во близина на градот Бахмут на исток и во некои јужни области, изјави заменичката-министерка за одбрана Хана Малиар, пренесува Скај њуз. Покренавме офанзива во близина на група села околу градот. Напредувавме во сите овие области, додаде таа.

Олександар Тарнавски, командант на јужниот фронт, соопшти дека украинските сили ослободиле област во близина на Краснохоривка, западно од регионалниот центар Доњецк, кој е под контрола на Русија.

Тој рече дека областа била под руска контрола откако сепаратистичките сили ја презеле контролата врз неа во 2014 година.

The post Украинска армија: Додека имаше немири во Русија, напредувавме на фронтот appeared first on Република.

Една година се криев од мобилизацијата во неколку станови во Киев, а потоа не издржав повеќе, па закажав со девојка за секс.Треперев од возбуда кога го слушнав ѕвончето, но еротскиот набој веднаш стивна. Пред вратата беше воената полиција, која ми бутна покана во уста и ме одведе во касарната.Барем не платив со картичка однапред, се шегува украински војник кој се обидел да избегне регрутација во украинската војска во војната против Русија.

Врз основа на ова сведочење на заробен украински војник, руската агенција ги открила заслугите на девојките кои биле почестени од Воената контраразузнавачка служба во Киев.

Кавгата избила кога советникот на претседателот на Украина, Михаил Подољак, почестил неколку елитни ескорт дами. Меѓу нив била и девојка која ја започна својата кариера во Дубаи и стана позната под прекарот Ксиуша манекенката.

The post Нарачуваш секс добиваш воена полиција: Со девојки ги отривале украинските дезертери appeared first on Република.

На социјални мрежи се појавија видеа како украински офицери за регрутација се борат со Украинци во цивил и ги внесуваат во возила. Властите велат дека тоа се изолирани инциденти, но адвокат од Хелсиншкиот комитет тврди дека не е така и оти има голем број поплаки, пренесува „Радио слободна Европа“.

The post Регрути за украинската војска влечат маж кој бара спас во знак, други насилно ги пикаат во комбе appeared first on Република.

Украинскиот министер за одбрана Алексеј Резников изјави дека украинските сили ќе се обучуваат за употреба на борбени тенкови Леопард 2, и покрај тоа што западните сојузници вчера не одлучија дали да го снабдуваат Киев со тенкови од германско производство.

Резников во изјава за украинскиот сервис на Гласот на Америка нагласи дека украинските војници ќе тренираат на такви тенкови во Полска.

Државите кои веќе имаат тенкови Леопард можат да почнат програма за обука на нашите тенковски единици. Се надевам дека Германија ќе го следи нивниот процес, ќе спроведе внатрешни консултации и ќе донесе одлука за испорака на тенковите. Јас сум оптимист за тоа бидејќи првиот чекор е направен. Ќе почнеме со програмите на „Леопард 2“, рече Резников.

Американскиот министер за одбрана Лојд Остин и началникот на Генералштабот на американската армија Марк Мили за време на брифингот во американската воздухопловна база Рамштајн во Германија изјавија дека Германија во овој момент нема да испорача тенкови Леопард 2 на Украина.

The post Резников: Украинските војници ќе се обучуваат на тенкови „Леопард 2“ appeared first on Република.

Украинската војска упати апел до народот на Белорусија, сојузник на Русија, во кој бара од нив да не учествуваат во „валканата војна“ против Украина.

Ги повикуваме сите граѓани на Белорусија да не ги почитуваат наредбите на нивното раководство за влегување во војна против Украина. Минск се обидува да го вовлече белорускиот народ во „валканата војна“. Ги повикуваме граѓаните да го направат „вистинскиот избор“ и да се држат настрана од тоа - се вели во соопштението.

Во него се додава дека доколку Белорусија директно учествува во војната, „украинската војска ќе одговори“.

Неодамнешното руско распоредување на илјадници војници и стотици оклопни возила во соседна Белорусија поттикна нови стравови во Украина дека рускиот претседател Владимир Путин може да почне нов фронт во војната против Украина.

Набљудувачите известуваат за зголемена воена активност во областа.

The post Украинската војска ги повика Белорусите да не учествуваат во „валканата војна“, во спротивно ќе има силен одговор appeared first on Република.

Украинската армија, во својот нанов извештај за руските загуби во Украиан, соопшти дека досега се загинати преку 40.000 руски војници.

Во извештајот се додава дека се уништени 1.738 тенкови, како и 3.971 борбени оклопни возила.

Според Украинците, соборени се 117 222 авиони и 190 хеликоптери, а уиништени се 117 системи за противвоздушна одбрана.

The post Украинската армија тврди дека досега се убиени преку 40.000 руски војници во Украина appeared first on Република.

Украинските воени сили почнаа контраофанзива недалеку од градот Изjум, каде што ја напаѓаат клучната руска линија на напад врз источна Украина, изјави денеска регионалниот гувернер на Харков, Олех Синегубов.

– Голема и успешна контраофанзива на таа руска линија ќе резултира со тежок неуспех на Москва во битката за Донбас, источноукраински регион што Русија се обидува целосно да го окупира. Руските сили се обидуваат да се пробијат јужно од градот Изум, обидувајќи се да ги заобиколат украинските сили кои ја држат одбраната на линијата на источниот фронт. Правецот Изум сè уште најтешкиот дел, истакна Синегубов.

Тој додаде дека „непријателот се повлекува од некои фронтови“.

Украинските сили повторно зазедоа територија во североисточниот дел на земјата, одбивајќи ги руските сили од вториот по големина град во Украина, Харков.

Русија ја нападна Украина на 24 февруари, упатувајќи се кон главниот град, но не успеа да влезе во Киев, а потоа се повлече и го фокусираше своето воено напредување кон југ и регионот на Донбас.

The post Украина се обидува да го поврати Харков appeared first on Република.

Украина влегува во нова фаза и ги прилагодува своите воени единици на оружје според стандардите на НАТО, соопшти денеска министерот за надворешни работи на Украина, Дмитро Кулеба.

Влеговме во фундаментално нова фаза за која никој не ни сонуваше пред два месеца – трансфер на вооружените сили на Украина според стандардите на НАТО. Тоа веќе се случува, изјави Кулеба.

Тој потсети дека се започнало со индивидуални мали чекори и одлуки, но претседателот Володимир Зеленски успеал да го убеди американскиот претседател Џозеф Бајден дека е време да се направи тој чекор.

Прво пристигнаа хаубиците, но тоа е само почеток. Ќе дојде многу повеќе. Ова е историски момент, ова е историска пресвртница, рече шефот на украинската дипломатија.

Агенцијата „Укринформ“ претходно ја пренесе изјавата на висок американски функционер кој ги посочи најавите од Пентагон за одржување вежби во Украина на 19 април, на кои украинските трупи ќе се обучуваат на ракување со американските хаубици. аб/паг/

The post Кулеба: Почнува траснформацијата на украинските оружени сили според стандардите на НАТО appeared first on Република.

Од почетокот на војната против Украина, руската армија загуби 157 авиони, 140 хеликоптери и 124 беспилотни летала, соопшти украинскиот Генералштаб.

Според Генералштабот, како што пренесува Украинска правда, руската војска досега во Украина загубила околу 19.600 луше,  732 тенкови, 1946 оклопни борбени возила, 349 артилериски системи и 111 повеќекратни ракетни фрлачи.

Исто така, уништени се 63 системи за противвоздушна одбрана, 157 авиони – 157 единици, 140  хеликоптери, 1.406 автомобили, седум бродови, 76 резервоари за гориво, 124  оперативно-тактички беспилотни летала, 25 единици специјална опрема и четири лансери на балистички ракети со краток дострел.

Од друга страна украинскиот весник „Киев индипендент“ објавува дека руската војска загубила 58 авиони, 83 хеликоптери, 362 тенкови, два воени бродови, 62 ракети и дури 12.000 војници.

The post Русите прикажуваат едни бројки, Украинците други: Колку се вистинските загуби на руската војска appeared first on Република.

Споредувајќи ги двете војски Русија има поголема воена моќ и е на второ место меѓу најголемите воени сили во светот, додека Украина е на 22. место.

Кои се разликите

Односот меѓу воената моќ на овие две поранешни советски републики најдобро се одразува во годишните буџети кои се издвојуваат за потребите на армијата.

Русија има 850.000 активни војници, додека соседна Украина има четири пати помалку, околу 200.000.

Артилерија

Русија има и 7.571 парчиња артилерија, додека Киев има 2.040. Кога станува збор за оклопни возила, Москва има 30.122, а Украинците три пати помалку.

Украина има на располагање нешто повеќе од 2.500 тенкови, додека руското Министерство за одбрана има дури 12.420.

Русија има повеќе од 30.000 оклопни возила, додека Украина има три пати помалку.

Можеби бројот на воени хеликоптери би бил најдобар показател за разликата во воената готовност на овие две поранешни советски републики, бидејќи Кремљ има 544, додека Киев има само 34.

Ништо подобра не е ситуацијата со борбените авиони, каде што бројките се 772 наспроти 69 во корист на Русија.

морнарица

Делот од армијата во кој Русија има целосна доминација над Украина е дефинитивно морнарицата. Русија располага со вкупно 605 воени бродови, додека Украина има 38.

Кремљ поседува еден носач на авиони и 70 подморници, а Украина нема ниту една.

Украинската армија има 13 патролни бродови, а Русија четири пати повеќе, покажуваат податоците на „Global fire power“.

Руската армија има 15 разурнувачи и 49 минофрлачи, додека Украина во моментов нема разурнувачи и само еден минофрлач.

The post Кој е посилен?: Meѓу руската и украинската војска нема споредба appeared first on Република.