Во Германија го признаваат неуспехот на „турбо програмата“ за вработување на Украинци избегани од земјата.

Според Сметковната комора, во 2024 година, 40 отсто од украинските бегалци добиле слободни работни места од центрите за вработување по завршувањето на јазичните курсеви, но помалку од еден отсто од нив отишле да работат на нив.

Весникот „Билд“ ги обвинува самите центри за вработување за неуспехот на програмата, што се согласува со искажаните ставови на Украинците, кои повеќето од слободните работни места ги нарекуваат „неприфатливи за себе“.

Во моментов, околу 720.000 граѓани на Украина добиваат бенефиции во Германија, од кои околу 500.000 се работоспособни. Германија троши 539 милиони евра месечно за нивно одржување.

The post Само 1% ја прифатиле понудената работа: Германија го признава неуспехот на „турбо програмата“ за вработување на Украинци appeared first on Република.

Населението на Украина се намалило за 10 милиони луѓе или околу една четвртина од почетокот на руската инвазија, соопшти ОН.

Намалувањето се должи на бегалскиот бран, падот на наталитетот и загинатите во војната, изјави Флоранс Бауер, регионална директорка за Источна Европа на Фондот за население на ОН.

Таа истакна дека уште пред инвазијата Украина се соочуваше со демографски предизвици, а војната ја влоши состојбата.

Во 1991 година, Украина имаше над 50 милиони жители, додека пред инвазијата во 2022 година бројот изнесуваше околу 40 милиони.

The post Населението на Украина намалено за 10 милиони од почетокот на војната appeared first on Република.

Повеќе од две и пол години од избувнувањето на руско-украинскиот конфликт, некои европски земји зазедоа построг став кон прифаќањето бегалци кои бегаат од војната, а меѓу најрешителните е Норвешка, пишува денеска францускиот весник Монд.

Во анализата се потсетува дека норвешката влада на 27 септември соопшти дека ќе престане да дава автоматски азил на сите Украинци кои тоа ќе го побараат, нагласувајќи дека оваа одлука стапува во сила веднаш.

Норвешката влада го оправда својот построг однос кон бегалците со влијанието на нивниот прилив врз домувањето, здравствените услуги и училиштата во одредени градови

The post Монд: Европските земји се построги во однос на прифаќањето бегалци од Украина appeared first on Република.

Како министерство за одбрана сме апсолутно подготвени да излеземе во пресрет за лекување на украинските војници, но треба да се има во предвид дека лекувањето е во надлежност на министерството за здравство, истакна денеска министерката за одрбрана, Славјанка Петровска која во Штип одоговараше на прашањето дали македонската Армија е подготвена да го прифати лекувањето на украинските војници.

Имавме еден првичен разговор со министерот за здравство сега одиме понатму на интезивирање на преговорите, да ги одредиме точните капацитети и се разбира точниот начин, ако се појави евентуално потреба, бидејќи до овој момент не е пристигнато конкретно на барање за ваков тип на згрижување и лекување на украински војници и се разбира особено ќе внимаваме да излегувањето во пресрет на оваа барање, одговарањето, поддршката и помошта што ќе ја понудиме да не влијае на редовните процеси во јавното здравство, вели Петровска.

На министерката за одбрана, Петровска и е мило што штипјани позитивно ги оценуваат овие Отворени денови и презентацијата на капацитетите на Армија, бидејќи какошто вели ова ја потврдува и оценката за висока доверба на граѓаните кон Армијата.

-Ќе се обидеме во наредниот период, почесто да бидеме присутни, меѓутоа треба да се има предвид иако живееме во мирнодобски услови Армијата има обврска и постојано и во континуитет да ја одржува својата борбена готовност, дали ќе бидат тоа во рамките на касарните со одредени активности или заживување на одредени операции, или мисии на Криволак, најголемата тренинг зона, вели Петровска.

The post Министерството за одбрана е подготвено да излезе во пресрет за лекување на украински војници, вели Петровска appeared first on Република.

700.000 Украинци добиваат „граѓански бенефиции“ (Буергергелд), во Германија. Во извештајот на окружниот администратор во Нордхаузен, Тирингија, Матијас Џендрике се наведува дека ситуацијата со вработувањето на украинските бегалци можеби е влошена со новиот закон кој стапи на сила на 1 јуни минатата година и им овозможува да добиваат бенефиции за државјанство наместо бенефиции за барателите на азил.

Украинските бегалци кои живеат во Германија сега добиваат граѓански бенефиции (502 евра месечно) наместо додатокот за барателот на азил (410 евра) и од самиот почеток имаат право на стан наместо заедничко сместување, објави „Шпигел“.

The post 700.000 Украинци во Германија примаат социјална помош од 500 евра и не им паѓа на памет да работат appeared first on Република.

Скоро половина од бегалците од Украина кои пристигнале во Германија по рускиот напад сакаат трајно да останат во таа земја, се вели во студијата објавена во средата.

„Од над еден милион бегалци кои пристигнаа во Германија по февруари минатата година, 44 отсто имаат намера да останат во земјава подолго време, што е за пет отсто повеќе од последното истражување во летото минатата година“, рече Јулија Косјакова. , раководител на проектот за миграција, интеграција и истражување на меѓународниот пазар на труд на Институтот за истражување на трудот од Нирнберг (IAB).

Од оние кои немаат намера трајно да останат во Германија, 38 отсто сакаат да се вратат во Украина, а 30 отсто сакаат да „одржат блиски односи со Германија“, што значи делумно да живеат таму. Ова особено се однесува на бегалците чии партнери сè уште живеат во Украина.

Со 18 проценти, стапката на вработеност е само минимално зголемена од последното истражување. Авторите на студијата ова го поврзуваат со фактот дека огромното мнозинство Украинци моментално посетуваат курсеви за интеграција и не се достапни за пазарот на трудот. И стапката на оние кои учат германски е многу висока, со над три четвртини.

Две третини од анкетираните кои се уште немале работа на почетокот на оваа година имаат намера да започнат со работа во текот на годината. Од милион бегалци кои пристигнаа во Германија минатата година, околу една третина се деца.

Според анкетите, повеќето деца се чувствуваат добро во Германија. Авторите на студијата побараа од германската влада да го продолжи специјалниот статус на украинските бегалци по мај 2024 година и да обезбеди потрајна перспектива за престој во Германија.

До крајот на годината треба да стапи на сила новиот германски закон за имиграција, кој треба да го олесни имиграцијата на квалификувана работна сила во Германија, од што би можеле да имаат корист и бегалците од Украина кои ќе одлучат да останат во земјата.

The post Анкета: Речиси половина од украинските бегалци сакаат трајно да останат во Германија appeared first on Република.

Руските сили ја разнесоа и браната на реката Мокри Јали, во регионот Доњецк, предизвикувајќи поплави од двете страни на реката, изјави за „Украинска правда“ Валери Шершен, портпарол на одбранбените сили на Фронтот Таврија.

На реката Мокри Јали, окупаторите ја разнесоа браната, што доведе до поплавување на двата брега на реката. Сепак, тоа не влијае на офанзивните операции на одбранбените сили на фронтот Таврија, изјави Шершен, пренесе Индекс. хр.

Портпаролот тврди дека Русите со уништување на браните се обидуваат да ја забават украинската контраофанзива.

Прво окупаторите ја разнесоа акумулацијата Карливка, потоа хидроцентралата Каховка, потоа ги разнесоа и другите хидроцентрали во окупираниот дел на регионот Запорожје. Во Запорожје очекуваа пробив на вооружените сили, па за да ни го забават напредувањето, ја разнесоа хидроцентралата на реката Мокри Јали, но тоа не влијаеше на напредувањето на одбранбените сили, рече Шершен.

Тој, исто така, кажа дека украинската армија на фронтот Таврија преминала од одбрана во напад. Ова ги донесе првите локални резултати во форма на ослободување на Блаходтна и напредување кон селото Урожаине.

The post Украинците тврдат дека Русите ја разнеле и браната на реката Мокри Јали, во регионот Доњецк appeared first on Република.

Украинските бегалци се повеќе се мета на сексуална експлоатација со зголемен интерес за порнографија која наводно прикажува бегалци од земјата разурната од војна.

Томсон Ројтерс спроведе истражување кое покажа дека украинските бегалци можат да бидат жртви и на трговците со луѓе на терен и на кибер-воајери.

Истражувачите, анализирајќи го глобалниот сообраќај на интернет пребарувачите, открија зголемен интерес за украинската порнографија откако Русија ја почна воената операција во Украина во февруари 2022 година. Тие веруваат дека зголемениот интерес на интернет може да ги охрабри трговците со луѓе да работат почесто и со поголема неказнивост.

Организацијата повика на итна акција за зајакнување на заштитата за украинските жени и деца кои се изложени на ризик од сексуална експлоатација.

The post Зголемен интерес за украинска порнографија откако почна војната во земјата appeared first on Република.

На социјални мрежи се појавија видеа како украински офицери за регрутација се борат со Украинци во цивил и ги внесуваат во возила. Властите велат дека тоа се изолирани инциденти, но адвокат од Хелсиншкиот комитет тврди дека не е така и оти има голем број поплаки, пренесува „Радио слободна Европа“.

The post Регрути за украинската војска влечат маж кој бара спас во знак, други насилно ги пикаат во комбе appeared first on Република.

Вчеравече во 23 часот во СВР Скопје било пријавено дека во објект на ул.„Ленинова“, едно машко лице со остар предмет ги нападнало К.Т.(27) и К.А.(27) од Украина, по што им одзело лични предмети.

Увид на местото извршила екипа од СВР Скопје и се преземаат мерки за расчистување на случајот.

The post Двајца Украинци нападнати и ограбени во Дебар Маало appeared first on Република.

Четворица Украинци се приведени откако полицијата ги фатила како вршат нелегален ископ на архиелошкиот локалитет „Исар“ кај селото Марвинци.

На 21.10.2022 година, околу 12.00 часот на археолошкиот локалитет „Исар“ кај с.Марвинци, валандовско, полициски службеници од ОВР Валандово ги лишиле од слобода В.О.(40), О.П.(35), И.Р.(46) и М.Р.(48), сите од Украина, со привремен престој во Скопје. Тие биле затекнати како вршат ископ на локалитетот, кој е прогласен за добро под привремена заштита. Кај нив биле пронајдени два детектора, лопати и неколку ископани предмети. Исто така, при преглед во патничките возила „тојота“ и „хјундаи“ со украински национални ознаки, со кои пристигнале на местото, бил пронајден детектор, се вели во полицискиот билтен.

По целосно расчистување и документирање на случајот против нив ќе биде поднесена соодветна пријава.

The post Четворица Украинци копале македонско заштитено културно богатство appeared first on Република.

Руски брод кој доставувал оружје на стратешки важниот Змиски остров бил потопен откако бил погоден од украински ракети, потврди воен претставник доцна синоќа.

Рускиот црноморски реморкер „Василиј Бех“ претходно, во текот на вчерашниот ден, беше оштетен од противбродски проектили што Данска и ги достави на Украина. „Подоцна се дозна дека потонал“, соопшти преку Телеграм Максим Марченко, воениот гувернер на Одеса.

Тврдењето не може да биде проверено од независен извор, а руската страна не го коментираше случајот.

Бродот, опремен со противвоздушен одбранбен систем Тор, беше погоден со ракети Харпун и вчера беше тешко оштетен. Дестинацијата на влечното пловило беше Змискиот Остров, во близина на јужниот украински брег, кој беше окупиран од руските сили кон крајот на февруари. Василиј Бех не е првиот брод што го загуби руската Црноморска флота за време на војната. Руската страна ја потврди загубата на десантниот брод „Саратов“ и на ракетниот крстосувач „Москва“.

The post Украинците потопија руски брод кој доставувал оружје на пат кон Змискиот Остров appeared first on Република.

Германската армија се подготвува за евакуација на повредени Украинци, јави ДПА.

Специјален авион на воздухопловните сили Ербас А310 МедЕвак треба да лета од военото воздушно поле Келн-Ван до Жешов во југоисточна Полска и да транспортира деца и возрасни на лекување во Германија.

Тоа ќе биде прв лет за евакуација од почетокот на руската инвазија врз Украина.

Градот Жешов е на околу 90 километри од украинската граница.

Во Германија веќе се лекуваат украински војници, но тие беа транспортирани на друг начин.

The post Германската армија се подготвува за евакуација на повредени Украинци appeared first on Република.

Генералштабот на украинската армија тврди дека дошол во сопственост на руски воен план на 810-та поморска бригада на Црноморската воена флота, според кој, наводно, идејата била да се покори Украина за 15 дена, објави украинска „Правда“.

Овие документи првично биле објавени на 18 јануари, а „Правда“ како извор го наведува украинскиот Генералштаб кој ги објави документите на Фејсбук.

Според тајните информации, планот за војната во Украина гласел дека таа земја мора да падне за 15 дена, од 20 февруари до 6 март, соопшти Генералштабот на украинската армија.

Им порачуваме една работа на руските агресори: оставете ја својата опрема и тајните документи дома, бидејќи ако ги земеме, тоа ќе биде добро за нашите адвокати и за Хаг, додаде украинскиот Генералштаб.

Русија ја нападна Украина на 24 февруари.

The post Украинците стигнале до важен документ кој открива за колку дена се планира нивно покорување appeared first on Република.

Нискобуџетната европска авиокомпанија „Виз Ер“ (Wizz Air) најави дека ќе обезбеди 100.000 бесплатни места во своите авиони за превоз на украински бегалци.

Во соопштението на „Виз Ер“се наведува дека авиокомпанијата „се чувствува должна да им помогне на украинските бегалци да стигнат до нивната дестинација“.

Бесплатните места ќе бидат достапни во текот на март на летовите од Полска, од Словачка, од Унгарија и од Романија.

Според Агенцијата за бегалци на Обединети нации (УНХЦР) повеќе од 660.000 луѓе ја напуштиле Украина, а најголем број од нив пристигнале во Полска (околу 450.000).

The post „Виз Ер“ нуди бесплатен превоз за 100.000 украински бегалци appeared first on Република.