Заменик-шефот на рускиот Совет за безбедност, Дмитриј Медведев, говорејќи за можноста за напад врз воените бази на НАТО изјави дека во случај на ескалација на конфликтот во Украина, не може да се исклучи ниту едно сценарио.

Во овој момент, ако конфликтот се развие според сценариото на ескалација, ништо не може да се исклучи, бидејќи земјите-членки на НАТО, всушност, се целосно вклучени во овој конфликт, рече Медведев во интервју за ТВ каналот Ал Арабија.

Тој ова го изјави одговарајќи на прашањето дали во случај на нови напади од Украина координирани и иведени со западно оружје, се можни напади врз воени центри на територијата на Полска и Романија.

Тој изјави дека во услови на она што се случува не може да се исклучи ниту едно сценарио, дури и „најкомплексно и најтажно“.

Истовремено, Медведев нагласи дека Русија не би сакала вакво сценарио.

The post Медведев: Во случај на ескалација на конфликтот, не може да се исклучат напади врз воените бази на НАТО appeared first on Република.

Портпаролката на руското Министерство за надворешни работи, Марија Захарова, порача дека Русија е подготвена да размени 630 украински воени заробеници и да преземе организациски мерки за подготовка на следната размена.

Захарова одаде дека Русија е заинтересирана за конструктивен дијалог со Украина за ова прашање.

Захарова на прес-конференција во Москва изјави дека Русија има за цел брзо враќање на воените заробеници во нивните домови, пренесоа руските медиуми.

Таа претходно изјави дека Украина ја користи темата за размена на воени заробеници за да врши притисок врз Русија.

Портпаролката на руското МНР истакна дека официјален Киев, во рамките на размената, ги брише обичните регрути од списоците за размена, вклучително и оние кои доброволно се предале.

The post Захарова: Русија е подготвена да размени 630 украински воени заробеници appeared first on Република.

Генералниот секретар на НАТО, Марк Руте, денеска изјави дека воено-политичкиот блок и помогнал на Украина да издржи во војната со Русија во целосни размери, но дека сега е неопходно да се промени „траекторијата на конфликтот“.

„Нашата поддршка за Украина и помогна да ја издржи борбата, но мораме да одиме понатаму за да ја смениме траекторијата на конфликтот“, им рече Руте на новинарите пред работниот ручек со грчкиот премиер Киријакос Мицотакис за време на работната турнеја низ источниот Медитеран пренесува „Гардијан“.

Според неговите зборови, земјите-членки на Алијансата треба да и обезбедат на Украина значајна противвоздушна одбрана и да ги исполнат сите обврски преземени на самитот на НАТО во Вашингтон.

The post Руте: Нашата поддршка за Украина и помогна да ја издржи борбата, но мораме да одиме понатаму за да ја смениме траекторијата на конфликтот appeared first on Република.

Руските сили напредуваат во Украина со своето најбрзо темпо од првите денови на инвазијата, заземајќи површина од половина од поголемиот Лондон минатиот месец, велат аналитичарите и воените блогери.

Војната влегува во она што некои руски и западни официјални лица велат дека може да биде најопасна фаза, откако руските сили постигнаа некои од нивните најголеми територијални придобивки и САД му дозволија на Киев да возврати со американски ракети.

„Русија постави нови неделни и месечни рекорди во големината на окупираната територија во Украина“, објави независната руска новинска агенција.

Руската војска минатата недела окупираше речиси 235 квадратни километри во Украина, што е неделен рекорд за 2024 година, се вели во извештајот.

Руските сили зазедоа 600 квадратни километри во ноември, се додава, цитирајќи податоци од DeepState, група тесно поврзана со украинската војска која ги проучува борбените снимки и обезбедува мапи на бојното поле.

Русија започна побрзо да напредува во источна Украина во јули, токму кога украинските сили зазедоа дел од нејзиниот западен регион Курск. Оттогаш, рускиот напредок е забрзан, според достапните карти.

Руските сили се движат во градот Курахово, отскочна штица кон логистичкиот центар Покровск во Доњецк, и ја искористуваат ранливоста на трупите на Киев долж линијата на фронтот, велат аналитичарите.

„Руските сили неодамна напредуваа со значително побрзо темпо отколку во цела 2023 година“, велат во извештајот аналитичарите на Институтот за проучување на војната со седиште во Вашингтон.

Генералштабот на украинските вооружени сили објави во својот извештај од понеделникот дека таа вечер се воделе 45 битки со различен интензитет долж Кураховскиот дел од фронтот.

Во извештајот на Институтот за проучување на војната и проруски воени блогери се вели дека руските трупи се во Курахово. Во понеделникот, DeepState на својата апликација за пораки Телеграм објави дека руските сили се во близина на Курахово.

„Напредокот на руските сили во југоисточна Украина во голема мера е резултат на откривање и тактичко искористување на ранливостите на украинските линии“, велат аналитичарите на Институтот во нивниот извештај.

Русија вели дека ќе ги постигне сите свои цели во Украина без оглед на тоа што вели или прави Западот.

Украинскиот претседател Володимир Зеленски изјави дека верува оти главните цели на рускиот претседател Владимир Путин се да го окупира целиот Донбас, кој ги опфаќа регионите Доњецк и Луганск, и да ги протера украинските војници од регионот Курск, чии делови ги контролираат од август.

The post Аналитичари: Русија напредува во Украина со најбрзо темпо од почетокот на војната appeared first on Република.

Партнерите на Украина треба да одговорат на руската уцена со обезбедување на Киев со системи за противвоздушна одбрана, кои можат да пресретнат балистички ракети со среден дострел како Орешник, објави шефот на украинската дипломатија Андриј Сибиха на социјалната мрежа Икс.

- Употребата на балистичка ракета со среден дострел од страна на Русија е типична уцена. Путин се обидува да ги исплаши сите за да не ја поддржуваат Украина, наведе Сибиха.

Тој ги повика сојузниците на Украина да ги отфрлат таквите закани, да ја зголемат поддршката и да ги зајакнат капацитетите за противвоздушна одбрана на земјата обезбедувајќи и системи кои можат да пресретнат такви ракети.

Руските сили на 21 ноември истрелаа интерконтинентална балистичка ракета со среден дострел Орешник врз Дњепар, како одговор на наводната употреба на Украина на американски и британски ракети со долг дострел.

The post Сибиха бара партнерите да и обезбедат на Украина системи за пресретнување на ракетите Орешник appeared first on Република.

Украинските единици за противвоздушна одбрана уништија повеќе од десет руски беспилотни летала кои во текот на ноќта го нападнаа Киев, соопшти денеска украинската војска.

Воената управа на Киев на мрежата Телеграм објави дека нема непосредни извештаи за штети или жртви во нападот со дронови и дека денеска ќе бидат објавени дополнителни информации за нападот.

„Дроновите летаа од различни правци кон Киев. Тревогата за воздушен напад во градот траеше повеќе од три часа“, изјави шефот на воената управа на Киев, Сергеј Попко.

Очевидци потврдија дека во текот на ноќта се слушнале експлозии во Киев, како и дека дејствувале украинските единици за противвоздушна одбрана. Засега нема коментари од Русија за овој напад.

The post Украинска армија: Уништени повеќе од десет руски дронови кои во текот на ноќта го нападнаа Киев appeared first on Република.

Украина изгуби над 40 отсто од територијата во руската област Курск што брзо ја зазеде за време на ненадејната офанзива во август, изјави висок извор на украинската војска.

Според извор од Генералштабот на Украина, Русија распоредила околу 59.000 војници во регионот Курск откако украинските сили направиле брз напредок, изненадувајќи ја Москва две и пол години по почетокот на целосната инвазија на Украина.

Првично контролиравме околу 1.376 квадратни километри, но сега таа територија е многу помала. Непријателот ги засилува контранападите“, рече изворот.

„Во моментов контролираме приближно 800 квадратни километри. Ќе ја држиме таа територија се додека тоа е воено оправдано.

Офанзивата на Курск беше првата копнена инвазија на Русија од страна на странска сила по Втората светска војна. Со напредувањето во областа Курск, Киев се обиде да ги запре руските напади на истокот и североисточниот дел на Украина, да ја принуди Русија да ги повлече своите сили кои постепено напредуваа на исток и да обезбеди дополнителна предност во идните мировни преговори.

Паралено со ова, руските сили, наводно, напредуваат во близина на пет населени места во Доњецката област, објави утринава веб-страницата за следење конфликти Deep State преку заеднички извори, објави Киев Индипендент.

Населбата Велика Новосилка била директна цел на воена колона со „најмалку“ пет оклопни борбени возила, додека уште две колони напредувале низ шумските линии јужно од населбата Роздолне, според „Дип Стејт“.

Украинските сили успеаја да ги потиснат руските војници од Роздолни, но ситуацијата во областа и понатаму е „исклучително предизвикувачка“, објави Дип Стејт.

Покрај Велика Новосилка и Роздолни, руските сили напредуваат и кај Максимивка, Пустинка и Торецк, пишува Deep State.

Русија ги засилува интензивните напади долж неколку области на источниот фронт, обидувајќи се да ја пробие украинската одбрана во регионот на Доњецк и да им пријде на градовите Курахово и Покровск.

The post Украина загуби над 40 отсто од територија во Курск, Русите напредуваат во Донецк appeared first on Република.

Северноатлантската алијанса го обвини претседателот на Русија, Владимир Путин дека се обидува да ги тероризира цивилите и да ги заплаши сојузниците на Украина.

Путин вчера изјави дека Русија изврши ракетен напад со нов проектил со среден дострел врз украинска воена локација како одговор на украинските напади во изминатите денови со западно оружје со голем дострел. Тој истакна дека Москва „има право“ да ги нападне западните земји кои го снабдувале Киев со оружје против цели во Русија.

Портпаролот на НАТО, Фарах Дахлалах изјави дека тоа нема да го промени текот на конфликтот или да ги одврати сојузниците на НАТО да ја поддржат Украина.

Додека претседателот на Украина, Володимир Зеленски наведе дека нападот врз Дњепар е „уште еден доказ дека не е заинтересирана за мир.

Русија треба да биде принудена на вистински мир, кој може да се постигне само со сила, посочи Зеленски.

Неименувани дипломати денеска најавија дека претставници на НАТО и на Украина следната недела во Брисел ќе разговараат за руското лансирање на експериментална хиперсонична ракета со среден дострел.

The post НАТО: Руските ракети нема да не одвратат од поддршката за Украина appeared first on Република.

Западните земји почнуваат да сфаќаат дека ќе остане само дел од Украина, изјави рускиот министер за надворешни работи Сергеј Лавров на средбата со младите од Белорусија.

„Кога нашата специјална воена операција започна по 10 години по пучот, кога (рускиот претседател Владимир) Путин и сите ние се обидовме да му објасниме на Западот дека оди во погрешна насока, поддржувајќи го овој нелегитимен режим, па дури и внесувајќи го НАТО почнаа да ни велат: „Ви рековме дека Украина требаше да биде примена во НАТО“. Тоа беше нивната порака“, рече Лавров.

И сега после овие сценаристи почнуваат да го разбираат развојот на ситуацијата, како и фактот дека ќе остане само дел од Украина, и велат: „Ајде да престанеме сега и да го прифатиме овој дел во НАТО“, додаде Лавров.

Според шефот на руското Министерство за надворешни работи, сето тоа е „логиката на конфронтација“ на Западот.

„И тогаш се носат одлуки на Украина да и се дадат уште 10 милијарди, да се зголеми воениот буџет, а населението го стега ременот“, посочи рускиот министер за надворешни работи.

Лавров денеска изјави дека украинскиот претседател Володимир Зеленски се плаши од рускиот одговор на употребата на ракети со долг дострел длабоко на руска територија.

The post Лавров: Западот почнува да сфаќа дека ќе остане само дел од Украина appeared first on Република.

Полскиот премиер Доналд Туск денеска на конгресот на полските учители предупреди дека војната во Украина влегува во одлучувачка фаза, чиј исход никој не го знае, но се гледа дека добива драматични размери и заканата од глобално конфликтот станува реална.

„По образование сум професор по историја. Војната на истокот влегува во одлучувачка фаза. Непознатото се приближува, никој од нас не го знае исходот од тој конфликт. Очигледно зазема многу драматични размери. Настаните од последните десетина часа покажуваат дека заканата од глобален конфликт е навистина сериозна и реална“, рече Туск.

Полскиот премиер апелираше до учителите да ги подготват своите ученици преку секојдневната работа да бидат отпорни на вакви историски настани.

„Во драматичните настани од руско-украинската војна, едно е очигледно. Безбедни, силни, отпорни нации се оние кои имаат технолошка и интелектуална предност и креативност. Украина сè уште постои првенствено затоа што украинскиот народ се покажа како креативен и многу луѓе успешно се соочија со предизвиците“, рече Туск.

Полските власти го осудија вчерашното лансирање балистичка ракета со среден дострел од страна на Русија врз цели во Украина

The post Туск: Војната во Украина станува драматична и реално се заканува да стане глобална appeared first on Република.

Украина денеска го затвори својот парламент од безбедносни причини, еден ден по рускиот напад со нова хиперсонична балистичка ракета врз воен објект во градот Днипро.

На 22 ноември беше планирана седница на Врховната Рада, на која требаше да има прашања за владата, но тоа беше откажано од причини поврзани со потенцијални безбедносни проблеми – објави украинскиот јавен медиумски сервис Суспилна.

Британскиот весник „Индипендент“ пишува дека од украинските пратеници било побарано да ги отстранат семејствата од делот на Киев каде се наоѓаат владините институции, а следната седница на парламентот не е закажана пред декември.

На социјалните мрежи утрово се појавија информации за неколку експлозии кои одекнаа во Киев.

Украинската агенција ТСН објави дека детонации се регистрирани во регионите Киев, Дњепропетровск и Суми.

Бугарската веб-страница Факти објави дека е прогласена тревога за воздушна опасност во регионите Дњепропетровск, Житомир, Киев, Полтава, Суми и Чернихив.

Најмалку четири експлозии одекнаа во градот Суми.

Киев Индипендент ги пренесува изјавите на локалните власти дека во ноќниот руски напад врз тој град со беспилотни летала Шахид загинале две лица, а 12 се ранети.

На местото на нападот биле испратени спасувачи, а операцијата за извлекување луѓе од урнатините продолжила во текот на утрото.

Воената администрација на регионот Суми не соопшти детали за нападот.

The post Експлозии во Киев, затворен Украинскиот парламент: На пратениците им е порачано да ги засолнат семејствата, руски напади ширум Украина appeared first on Република.

Поранешниот руски претседател Дмитриј Медведев во својата објава на социјалната мрежа Х, во врска со рускиот напад врз Украина со хиперсонична балистичка ракета, рече „го добивте тоа што го побаравте“.

„Значи, тоа е она што го баравте? Па, проклето добро сфативте! Напад со хиперсонична балистичка ракета“, напиша Медведев со објавеното видео од нападот, пренесува N1.

So, that's what you wanted?
Well, you've damn well got it!

A hypersonic ballistic missile attack pic.twitter.com/lsKQHhMnif

— Dmitry Medvedev (@MedvedevRussiaE) November 21, 2024

Рускиот претседател Владимир Путин синоќа изјави дека Русија, како одговор на нападите на американските и британските ракети со долг дострел, истрелала нова балистичка ракета со среден дострел „Орешник“ на украинска територија, која, како што рече, современите системи немаат начин да се спротивстават.

„Како одговор на употребата на американско и британско оружје, руските вооружени сили извршија комбиниран удар врз еден од објектите на воено-индустрискиот комплекс на Украина“, рече Путин.

Тој објасни дека станува збор за тестирање на најновиот руски ракетен систем со среден дострел, во овој случај хиперсонична балистичка ракета без нуклеарно оружје, која руските ракетни научници ја нарекоа „Орешник“.

The post Медведев за лансирањето нова ракета кон Украина: Го добивте тоа што го побаравте appeared first on Република.

Неколку стотици илјади парчиња швајцарска муниција од мал калибар наменета за прецизно гаѓање илегално се доставени во Украина без знаење на производителот, објави швајцарската јавна телевизија СРФ, повикувајќи се на извештајот на Министерството за економија.

Вкупно 645.000 куршуми наменети за прецизни стрелци, специјалитет на швајцарската одбрана (Swiss P Defence), биле доставени во јули 2023 година до полската компанија UMO SP, која потоа четири дена подоцна ги извезла во Украина.

Овој реекспорт го прекршува ембаргото за оружје и принципот дека Швајцарија не испорачува оружје на држава во војна. Беше прекршена и забраната купувачите на вооружени компании да го реизвезуваат во завојувана земја.Таквиот став произлегува од швајцарската неутралност.

Швајцарското Министерство за економија соопшти дека повеќе нема да има соработка со полската компанија која извезувала муниција во Украина. Засега не е познато дали таа муниција била користена во Украина.

The post Стотици илјади парчиња швајцарска муниција илегално се испорачани во Украина appeared first on Република.

Украина за првпат истрела проектили „Сторм шедоу“ доставени од Велика Британија кон Русија, објавија денеска британските медиуми. Потегот на украинските сили е откако Киев доби зелено светло од Лондон за употреба на тој вид оружје.

Неколку проектили биле лансирани против најмалку една руска воена цел, објави Фајненшл тајмс, цитирајќи неименуван западен претставник.

Тајмс соопшти дека владини извори ја потврдиле употребата на ракетите со голем дострел за првпат. Во извештајот, цитирајќи руски канали, се вели дека 12 од проектилите биле истрелани во Курск, пограничен регион делумно под контрола на украинските сили, денеска попладне.

Гардијан објави дека Велика Британија и дала дозвола на Украина да ги користи ракетите во Русија како одговор на распоредувањето на севернокорејските трупи на границата.

Радиодифузерите Скај Њуз и Би-Би-Си, исто така, јавија за употреба на ракетите.

Кабинетот на премиерот Кир Стармер во Даунинг стрит и Министерството за одбрана одбија да ги потврдат извештаите кога беа контактирани од локални и странски медиуми.

Запрашан денеска во парламентот за извештаите, секретарот за одбрана Џон Хили рече дека „не може да навлегува во други оперативни детали“.

Тој развој на настаните се случува откако Украина почна да користи ракети со голем дострел ATACMS што ги доби од САД, а за чие користење неодамна доби дозвола од американскиот претседател во заминување Џозеф Бајден, да гаѓа цели во Русија.

Во меѓувреме, Бајден одобри САД да испратат нагазни мини во Украина, за што известуваат и светските медиуми.

САД го засилија испраќањето воена помош за Украина за да го забават постојаниот напредок на руските сили на бојното поле.

Војната во Украина започна во февруари 2022 година, со инвазијата на таа земја од страна на руските трупи.

Русија сега контролира околу 17 отсто од територијата на Украина.

The post Британски медиуми: Украина истрела британски проектили со голем дострел врз цели во Русија appeared first on Република.

Украина за првпат лансираше британски ракети „Сторм сенка“ со долг дострел на руска територија, објавуваат западните медиуми, повикувајќи се на неименуван западен претставник.

Портпаролот на британскиот премиер Кир Стармер рече дека неговата канцеларија нема да коментира за извештаи или оперативни прашања.

Велика Британија претходно му порача на Киев дека може да користи крстосувачки ракети „Сторм шедоу“ на украинска територија, но владата веќе неколку месеци врши притисок врз Соединетите држави да дозволат нивна употреба против цели во Русија.

Американскиот претседател Џо Бајден оваа недела и дозволи на Украина да користи оружје со долг дострел за напади во Русија.

The post Украина за првпат лансираше британски ракети со долг дострел на руска територија appeared first on Република.

Клучните европски земји можеби ќе треба да ги удвојат трошоците за одбрана за да одговорат на предизвиците на руската агресија во Украина, како и можното намалување на поддршката на САД по изборот на претседателот Доналд Трамп, пишува Блумберг.

„Руската агресија веќе предизвика зголемување на трошоците за одбрана во Европа. Сепак, можеби ќе биде потребно повеќе за да се поддржи Украина, да се спротивстави на агресивната регионална политика на Москва и да се справи со продлабочувањето на стратешката конкуренција со Кина“, вели во извештајот Џорџ Фергусон, шеф на аналитичкиот оддел Bloomberg Intelligence.

Според прогнозите на аналитичарите, 15-те најголеми европски земји-членки на НАТО, најверојатно, ќе мора да ги зголемат своите годишни воени инвестиции за 340 милијарди долари, со што вкупниот годишен буџет за одбрана ќе достигне 720 милијарди долари. Експертите се осврнаа и на предизборната кампања на Трамп, кој најави дека ќе ги ослаби безбедносните односи на САД со Европа, и неговите закани за време на неговиот прв мандат дека САД ќе се повлечат од НАТО доколку сојузниците не ги зголемат воените трошоци.

Поранешниот претседател на Европската централна банка Марио Драги исто така изјави дека Европа ќе треба да ги прошири своите одбранбени индустриски капацитети за да се осигура дека основните вредности на регионот нема да исчезнат.

Аналитичарите велат дека на Европа итно и се потребни борбени тенкови, топови и пешадиски борбени возила за копнените сили, како и авиони за поддршка како што се авиони за полнење гориво, авиони за транспорт на војници и авиони за борби против подморници.

Експертите исто така рекоа дека воените индустриски компании Leonardo SpA, Airbus SE, BAE Systems Plc и Rolls Royce Holdings Plc најверојатно ќе имаат корист од зголемените трошоци.

По децении недоволно инвестирање од Студената војна, повторното вооружување во овој обем би можело да потрае повеќе од 10 години на континентот, проценуваат аналитичарите, бидејќи, како што забележуваат, „заостанатиот дел од изведувачите расте, а синџирите на снабдување со воздушната и одбраната се веќе растегнати“. Сепак, додаваат експертите, малку е веројатно дека малата одбранбено-индустриска база на регионот ќе може да обезбеди сè што е потребно на краток и среден рок.

Аналитичарите сметаат дека и покрај тешкотиите, Европа треба да го промени пристапот кон буџетските приоритети, бидејќи, според нивната проценка, безбедносната закана станала преголема за да се игнорира.

The post Блумберг: Европа ќе мора да ги удвои трошоците за одбрана поради војната во Украина appeared first on Република.

Папата Франциск по повод 1.000 дена од почетокот на војната во Украина повторно повика на мир и истакна дека „војната секогаш е пораз“.

„Војната секогаш е пораз. Повторно повикувам да се запре лудилото на насилството. Да се посветиме на праведен и траен мир. Да се помолиме за народот на Украина“, порача папата преку социјалната мрежа Икс.

The post Папата Франциск повторно повикува на мир во Украина appeared first on Република.

Украинските сили го одбележаа 1.000-от ден од војната во Украина, со изведување на првиот напад на руска територија со американските ракети со долг дострел, соопштија утрово украинските воени претставници.

Голема експлозија го осветли ноќеска небото на околу 124 километри од најблиската украинска граница, во складиште за муниција во Карачев, во рускиот Брјански регион.

Очевидци и руски воени блогери објавија дека складиштето било погодено со проектили, а украинските воени претставници подоцна потврдија за РБЦ Украина дека нападот бил извршен со ракетите АТАКМС.

Претходно, американскиот претседател во заминување Џо Бајден и даде зелено светло на Украина да користи западно оружје на руска територија.

Извештаите за нападот се појавија само неколку минути откако Кремљ се закани со „нуклеарен одговор“ доколку Украина нападне цели на руска територија користејќи западно оружје со долг дострел.

„Руската Федерација го задржува правото да користи нуклеарно оружје во случај на агресија врз неа со конвенционално оружје“, изјави утринава портпаролот на Кремљ, Дмитриј Песков.

Неговата изјава дојде откако Владимир Путин ја одобри ажурираната нуклеарна доктрина која дозволува употреба на нуклеарно оружје доколку територијата на Русија е загрозена од ненуклеарна нација поддржана од нуклеарна сила.

Според оваа доктрина, заканите кои би го поттикнале руското раководство да размисли за нуклеарен напад вклучуваат напади со конвенционални ракети, беспилотни летала или други авиони.

Desde rusia informan de un ataque contra un depósito de municiones ruso en Karachev, en la región rusa de Bryansk. Se escucharon múltiples detonaciones en el arsenal del 67º GRAU, donde se almacenan municiones y equipos militares. Ya ha sido atacado en octubre.@Gerashchenko_en pic.twitter.com/07kqMPaKon

— THE SNIPER (@thesniperx15) November 19, 2024

The post Почна: Украина ја нападна Русија со американски ракети ATACMS – погодено складиште во Карачев appeared first on Република.

Украина денеска одбележува 1.000 дена од почетокот на војната, а досега загинаа илјадници украински граѓани, додека над шест милиони луѓе живеат како бегалци.

Популацијата на Украина е намалена за една четвртина откако рускиот претседател Владимир Путин ја започна офанзивата, на 24 февруари 2022 година, за која Гардијан оценува дека е најголемиот конфликт во Европа од Втората светска војна.

„Гардијан“ денеска потсетува дека Кремљ го отфрли мировниот план предложен од турскиот претседател Реџеп Таип Ердоган, а кој требаше да биде претставен на самитот на Г20 во Бразил.

Планот предвидува замрзнување на конфликтот во сегашните позиции на двете страни. Според извештаите, планот на Ердоган вклучува: замрзнување на фронтот, обврзување на Украина да не се приклучи на НАТО во следните десет години, снабдување на Украина со оружје за одбрана и поставување меѓународни мировници во демилитаризираната тампон зона во Донбас. 

Претходно, портпаролот на Кремљ, Дмитриј Песков, го отфрли предлогот на Ердоган, нарекувајќи го „неоснован“ и услов што би бил „неприфатлив“ за Русија.

https://republika.mk/vesti/svet/putin-ne-se-sheguva-potpisha-dekret-za-koristene-nuklearno-oruzhje/

Светските медиуми, вклучително Ројтерс и „Њујорк тајмс“, во неделата објавија дека администрацијата на американскиот претседател Бајден ја овластила Украина да ги користи крстаречките ракети со долг дострел ATACMS за напади длабоко во руска територија.

САД се уште не ја потврдија оваа информација.

The post 1.000 дена војна во Украина, ќе трае ли подолго од Втората светска? appeared first on Република.

Од почетокот на рускиот напад врз Украина во февруари 2022 година досега, Велика Британија обучила околу 50.000 војници од Украина. Тоа го соопшти британскиот министер за одбрана Џон Хили пред Парламентот во Лондон, јави ДПА.

Министерот рече дека програмата за обука на украински регрути со мало или без воено искуство ќе продолжи следната година.

The post 50.000 украински војници обучени во Велика Британија appeared first on Република.