Во делови на Украина се уште нема струја и греење, откако руската војска изминатата ноќ изврши масовен напад со проектили и беспилотни летала врз повеќе градови - вклучувајќи ги Киев и Одеса - при што на удар беше енергетската инфраструктура.

Ова беше најголемиот руски воздушен напад врз Украина во последните три месеци, со лансирани 120 проектили и 90 беспилотни летала, при што загинаа седум лица, а предизвикана е и голема штета на електричната мрежа.

Украинскиот претседаел Володимир Зеленски на Телеграм објави дека воздушната одбрана ги пресретнала повеќето проектили и дронови, но призна дека има штети на цивилни објекти и на енергетската инфарстуктура.

- Нашата противвоздушна одбрана уништи повеќе од 140 воздушни цели. За жал, има оштетувања на објекти од ударите и паднатите остатоци од урнатите проектили и дронови, рече Зеленски.

Посочи дека руските напади првенствено биле насочени кон енергетската инфраструктура низ целата земја, што резултирало со прекин на електричната енергија во одредени области.

Украинските власти соопштија дека се запалени две станбени згради во Киев, а експлозии се забележани и во Запорожје, Днипро, Криви Рих и Одеса.

Во неколку области, напојувањето е исклучено како мерка на претпазливост за да се спречи потенцијално преоптоварување на мрежата доколку бидат погодени енергетските капацитети.

Руското Министерство за одбрана потврди дека намерно била гаѓана електроенергетската мрежа на Украина, бидејќи целната инфраструктура ја снабдувала украинската индустрија за оружје со електрична енергија.

Денешните руски напади се случуваат на речиси 1000 дена од почетокот на војната во Украина.

Укринформ, повикувајќи се на податоци на Хјуман рајтс воч, објави дека само во изминатиот месец во Украина загинале 183 цивили, а 903 биле ранети. Од почетокот на руската инвазија, пак, убиени се вкупно 12.162 цивили, а 26.919 се повредени.

МИА

The post Делови од Украина без струја и греење по руските напади врз енергетската инфраструктура appeared first on Република.

Германија нема да прекине со давањето воена помош на Украина, изјави денеска германскиот канцелар Олаф Шолц во воената база во близина на градот Тодендорф.

На овој начин тој се обиде да ги отфрли стравувањата дека Берлин може да го разочара Киев поради домашната буџетска криза и медиумските извештаи за замрзнување на новата германска воена помош.

„Германската поддршка за Украина нема да престане. Постигнавме договори за одбрана и обезбедивме финансии навреме за Украина да продолжи целосно да се потпира на нас во иднина“, рече Шолц.

The post Германија нема да прекине со давањето воена помош на Украина appeared first on Република.

Пронајдени се остатоците од рускиот хеликоптер „Ми-8Т“ што пред два дена исчезна на Камчатка, а според првичните информации во несреќата на леталото загинале сите патници и членови на екипажот, пренесоа руските медиуми.

Припадниците на руската спасувачка служба пронашле тела на 17 жртви на местото на падот на хеликоптерот „Ми-8Т“ на Камчатка, соопшти денеска прес-службата на руското Министерство за вонредни ситуации.

„Досега веќе се пронајдени 17 тела, но потрагата продолжува“, се наведува во соопштението на руското министерство, пренесуваат руските медиуми.

Хеликоптерот „Ми-8Т“ во петокот полетал од локацијата во реонот на вулканот Вачкажец до локацијата Николаевка, но во договореното време, околу 07:15 часот по московско време, била изгубена комуникациската врска со екипажот на хеликоптерот , во кој имало 22 лица: тројца членови на екипажот и 19 туристи.

Според првичните информации, сите што биле во хеликоптерот се загинати, за руските медиуми соопштија од службата за итна помош.

Остатоците од хеликоптерот се наоѓаат на надморска височина од 980 метри и дека е невозможно до него да се стигне пешки.

Регионалниот министер за вонредни ситуации, Сергеј Лебедев, соопшти дека денеска се пронајдени остатоците од рускиот хеликоптер „Ми-8Т“ што исчезна на Камчатка и дека, според прелиминарните податоци, леталото се урнало.

Хеликоптерот можел да се урне поради грешка на пилотот, велат од надлежната служба за отстранување на последиците од вонредни ситуации.

„Како приоритетна верзија се разгледува пилотската грешка при тешки временски услови. Пилотот не можел да го види ридот во магла и удрил во неговата падина“, се наведува во соопштението.

Се разгледува и можноста за дефект на опремата, но таа можност засега е во втор план.

The post Пронајдени остатоците и 17 тела од урнатиот руски хеликоптер на Камчатка appeared first on Република.

Русија веќе реагираше на нападот на Вооружените сили на Украина врз областа Курск, изјави денеска портпаролот на Кремљ, Дмитриј Песков.

-Тоа веќе се случува, рече Песков во интервју за ТВ „Русија-1“ на прашањето кога Русија ќе одговори на нападите на Украина врз пограничните региони.

Портпаролот н Кремљ посочи дека нема сомнеж оти решителните акции на руските вооружени сили ќе продолжат, пренесуваат руските медиуми.

Украинските сили на 6 август почнаа ненадеен напад врз Курскиот регион во Русија, а нивната операција се уште трае. Во изминатите 25 дена, како што најавија украински воени команданти, имаат освоени 100 руски населби во регионот Курск.

The post Песков: Во тек е одговорот на Русија на украинскиот напад врз регионот Курск appeared first on Република.

Разорувањето на Кримскиот мост кој ја поврзува Русија со Крим, претставува стратешки удар за московските трупи, смета д-р Самуел Рамани, автор на книгата „Војната на Путин против Украина“.

„Имаат повеќе од 20.000 сили кои моментно се заглавени во Херсон. Изгубија пристап до мостовите, се потпираат на понтонските траекти и очајнички им треба муниција, храна и резерви од Крим“ – вели Рамани во својата анализа.

Русија стратешки е во полоша ситуација од она што беше на почетокот на неделата, посочува аналитичарот додавајќи дека загубата на Харкив беше голем морален и логистички удар за Русија, а загубата на Лиман пресече уште една логистичка рута што на Русите им зададе сериозен удар.

„Сeкогаш кога Русија ќе се обидеше да ги рашири своите сили, секогаш успеваше, но Украина успеа да ја одржи офанзивата на Лугансј, Доњецк и на Херсон во исто време. Можеби сега отвора нова на Запорожје. Тоа е голема грижа за Русија бидејќи сега Украина би можела да има повеќе територија отколку што имаше во февруари, до моментот кога 20.000 руски војници ќе стигнат на боиштето “ – истакнува Рамани.

The post Експлозијата на Кримскиот мост е стратешки удар за Русија appeared first on Република.

Само што добив информација за пад на руска ракета на железничката станица во околината на Дњепропетровск, на вагони во станицата Чаплино. Се запалија четири патнички вагони, рече украинскиот претседател Володимир Зеленски во своето обраќање пред Советот за безбедност на ОН.

Според него, најмалку 15 луѓе ги загубиле животите, а околу педесетина се ранети.

Спасувачите излегоа на терен, но бројот на жртви, за жал, може да се зголеми. Ова е нашето секојдневие – додаде Зеленски.

Нападот се случува кога Украина го слави Денот на независноста, по повод прекинот на врските со СССР во 1991 година. Доаѓа и кога земјата влегува во седмиот месец од војната со Русија која започна на 24 февруари.

Зеленски претходно денеска изјави дека Украина ќе се бори „до крај“.

Додека борбите денес се главно на истокот и југот на Украина, каде што се чини дека ниту една страна не напредува, Русија редовно истрелува проектили со долг дострел кон украинските градови, вели Киев.

The post Русите погодија железичка станица во Украина, загинаа 15 луѓе appeared first on Република.

Германскиот канцелар Олаф Шолц денеска изјави дека во оваа фаза не планира да оди во Киев, како што од него побара Володимир Зеленски, оценувајќи ја како „иритирачка“ одлуката на украинскиот претседател да не го прими шефот на германската држава.

На прашањето на јавното радио РББ дали ќе замине во Украина, германскиот канцелар повтори дека е во редовен контакт со украинскиот претседател и оти бил во Киев непосредно пред руската инвазија на 24 февруари, сугерирајќи дека не му е во план повторување на таква посета.

Речиси и да нема друг шеф на држава или влада кој има толку интензивни контакти со мене, рече Шолц.

Советник на Зеленски за јавната телевизија ЗДФ претходно изјави дека украинските власти сè уште очекуваат германскиот канцелар веднаш да донесе практични одлуки, како што е испорака на оружје.

Несогласувањата меѓу Германија и Украина почнаа откако Зеленски одби да го прими германскиот претседател Франк-Валтер Штајнмаер, кој сакаше да дојде во Киев со делегациите од Полска и од балтичките земји. Според изворите на „Билд“, причината зошто Зеленски одбил да се сретне со Штајнмаер е затоа што „Штајнмаер има блиски односи со Русија“.

Германија веќе испорача одбранбено оружје на Украина, но Шолц со денови е под притисок, дури и во рамките на неговото владејачко мнозинство, да одобри испраќање на офанзивно оружје, како што се оклопни возила, пренесува Бета. Социјалдемократската партија (СПД) продолжува да се спротивставува на снабдувањето со тешко оружје. Пратеникот Џо Вајнгарте укажа на опасноста Германија постепено да се вклучи во војната.

The post Шолц се изнервира од потегот на Зеленски, одби да оди во Киев appeared first on Република.

Целиот свет нестрпливо го очекува епилогот од ситуацијата во Украина, но ако погледнеме далеку во минатото, некои одговори можеби веќе дале познатите српски пророци Тарабиќи.

Познатите Тарабиќи од Креман не се единствените. Баба Ванѓа во своите предвидувања за 2022 година наводно го спомнала рускиот претседател Владимир Путин. Предвидувања за оваа година имаше и од неа, за која се верува дека предвидела многу настани.

Машинскиот инженер и автор на книгата „Кремански пророштва“ Драган Пјевиќ и етнологот Јасна Јојиќ во емисијата Пулс на Србија на Телевизија Курир им открија на водителките Милица Марковиќ и Милош Анѓелковиќ што предвидувале античките пророци за 2022 година и за украинската криза.

Да речеме дека креманското пророштвото на е едно од трите најголеми пророштва во светот. Има висок меѓународен рејтинг, што му дава тежина. Тоа се занимава со светските настани, судбината на државата и локалните настани. Знам 100 проценти дека секој американски генерал има преведена книга на Креманското пророштво. Токму она што се случува во Украина може да се види во книгата „The Creman Prophecy“. Ја почитувам баба Ванѓа, но невозможно е таа да предвидуваше секоја година. Во книгата се наведува дека Русија станува најмоќната сила на светот, дека сите ќе се борат за нејзиното пријателство – рече Пјевиќ.

Јојиќ рече дека Нострадамус во 16 век предвидел дека во 2022 година „синоглавиот ќе го победи сивоглавиот“, алудирајќи на Владимир Путин и Џо Бајден.

Љубопитноста и некаква сигурност што е во тие пророштва ги интересира луѓето. Можеме да видиме точно низ историјата кога настанало пророштвото, сите народи имаат свои пророци. Во 16 век, Нострадамус ги предвидел настаните за оваа година, за разлика од баба Ванѓа и Тарабиќ. Тој рече дека во 2022 година синоглавите ќе ги победат сивоглавите, што може да се протолкува како Путин да го победи Бајден и дека Франција со својата милост ќе определи колкава штета синоглавиот ќе и нанесе на сивоглавиот – изјави Јојиќ како гостин во емисијата Пулс на Србија на ТВ Курир.

The post Познат пророк предвидел како ќе заврши војната во Украина appeared first on Република.

Хрватскиот премиер Андреј Пленковиќ денеска во Загреб го демантираше генералниот секретар на НАТО, Јенс Столтенберг, кој изјави дека дронот што падна во главниот град на Хрватска немал експлозив.

– Не беше „unarmed“ (невооружена), туку беше со експлозив, изјави Пленковиќ на прес-конференција во Загреб, а како доказ на новинарите им покажа фотографии на кои, како што наведе, се гледаат траги од бомба.

Тој додаде дека сега е познато дека дронот од советско производство, кој се урна во четвртокот вечерта во Загреб, носел експлозив.

„Тоа летало, со оглед на тоа што има голема конфузија, мораме да ги растераме и елиминираме сите можни неточни информации, носеше експшлозив“, нагласи хрватскиот премиер, велејќи дека на фотографиите се гледа дека има делови од бомба.

Хрватскиот премиер повтори дека истрагата е во тек и дека се прави обид да се утврди за каква бомба станува збор.

The post Пленковиќ го демантира Столтенгерг – дронот бил полн експлозив appeared first on Република.

Дваесет украински деца болни од рак пристигнаа во Велика Британија за да можат да го продолжат лекувањето таму.

Британскиот министер за здравство Саџид Џавид рече дека на 20 дете ќе им се пружи најдобрата можна грижа во болниците низ земјата. Децата и членовите на нивното потесно семејство пристигнаа со итен лет организиран од британските власти во неделата, на барање на полските власти.

„Горд сум што Обединетото Кралство нуди здравствена заштита што може да ги спаси животите на украинските деца кои се протерани од нивните домови поради руската инвазија додека се лекуваат“, рече Џавид.

Поради војната во Украина, стотици Украинци повеќе не можат да се лекуваат. Руските сили нападнаа голем број градови, а болниците сè повеќе немаат залихи. Голем број болни деца биле пренесени во Полска, а властите на таа земја побарале помош за да им ја обезбедат сета потребна здравствена заштита.

Педијатриски онколог од Полска изјави за Би-Би-Си дека повеќето од децата кои пристигнале во нејзината болница се во опасна состојба по живот. Унгарија нуди бесплатни вакцини против Ковид на украинските бегалци, а Словачка обезбедува бесплатен третман за оние со коронавирус, јавува Би-Би-Си.

Романија ги испрати своите медицински тимови да ги тестираат украинските бегалци и да им овозможат можност да се вакцинираат против Ковид. Молдавија нуди и бесплатна вакцина за оние кои избегале од Украина.

The post Дваесет украински деца болни од рак транспортирани во Британија appeared first on Република.

Фудбалерот на Манчестер Сити, Олександр Зинченко не можеше да се воздржи по случувањата во неговата татковина, па се одзва на социјалните мрежи со порака до рускиот претседател Владимир Путин, по што мораа да реагираат од „Инстаграм“ и истата порака да ја повлечат.

„Се надевам дека ќе умреш на најболен можен начин, чудовиште“ гласеше пораката на фудбалерот на Манчестер Сити на социјалната мрежа „Инстаграм“ која потоа беше избришана од самата платформа.

„Целиот цивилизиран свет е загрижен за ситуацијата во мојата земја, не можам само да седам настрана и да гледам што се случува, тоа е мојата земја, земјата каде сум роден, каде растев, земја за чии бои јас настапувам, мојата земја припаѓа на Украинците, никој не смее тоа право да ни го одземе“ потоа реагираше самиот Зинченко во емотивно обраќање на социјалните мрежи.

The post Инстаграм ја избриша пораката која Зинченко ја упати до Путин appeared first on Република.

За рускиот напад на Украина се огласи и генералниот секретар на Обединетите нации Антонио Гутереш.

Ова е најтажниот ден во мојот мандат како генерален секретар на ООН. Го започнав состанокот на Генералното Собрание за да му кажам на претседателот Путин од дното на моето срце, запри ги твоите трупи од офанзивата во Украина, дадете шанса на мирот бидејќи премногу луѓе веќе загинаа, изјави генералниот секретар на ОН Гутереш.

The post Гутереш: Ова е најтажниот ден во мојот мандат како генерален секретар на ОН appeared first on Република.

Руските сили рано утринава истрелаа проектили врз неколку градови во Украина и истоварија војници на нејзините јужни брегови, објавија украинските власти и медиуми, откако претседателот Владимир Путин одобри, како што рече во ТВ-обраќањето, специјална воена операција на истокот, тврдејќи дека има за цел да ги заштити цивилите.

Во телевизиско обраќање, Путин рече дека акцијата доаѓа како одговор на заканите кои доаѓаат од Украина. Тој додаде дека Русија нема цел да ја окупира Украина. Путин тврди дека одговорноста за крвопролевањето е на украинскиот „режим“. Путин ги предупреди другите земји дека секој обид за мешање во руската акција ќе доведе до „последици кои досега не се видени“. Тој ги обвини САД и нивните сојузници дека го игнорираат барањето на Русија да ја спречи Украина да влезе во НАТО и да и понуди на Москва безбедносни гаранции. Тој рече дека руската воена операција има за цел да обезбеди „демилитаризација“ на Украина. Путин истакна дека сите украински војници кои ќе го положат оружјето ќе можат безбедно да ја напуштат зоната на борба.

Путин додава дека судирите меѓу украинските и руските сили се „неизбежни“ и оти тоа е „само прашање на време“, пренесува Би-Би-Си.

Украинскиот претседател Володомир Зеленски ги потврди дека Русија извршила ракетни напади, јави Би-Би-Си. Зеленски истакна дека Русија извршила ракетни напади врз инфраструктурата на Украина и врз граничарите.

Тој, исто така, го повика својот Совет за национална безбедност и одбрана да прогласи воена состојба. Се очекува Советот да одржи итен состанок на кој ќе се реши ова прашање

Амбасадорот на Украина во Обединетите нации, Сергиј Кислица, на итниот состанок на Советот за безбедност предупреди дека е предоцна за деескалација.

Доцна е, драги колеги, да се зборува за деескалација. Рускиот претседател објави војна, рече тој.

The post Почна: Русија ја нападна Украина appeared first on Република.

Украинскиот претседател Володимир Зеленски денеска на прес-конференција во Киев изјави дека „иднината на европската безбедност се решава сега, во Украина“, пренесоа француските медиуми.

Зборувајќи пред лидерите на Полска и Литванија, Зеленски кажа дека „ние сме едногласни во нашата проценка за злосторствата на Руската Федерација. Ова е уште еден чин на агресија против Украина, нејзиниот суверенитет, нашиот територијален интегритет“.

Зеленски притоа побара построг режим на санкции против Русија.

The post Зеленски: Иднината на европската безбедност се одлучува сега во Украина appeared first on Република.

Поранешниот американски претседател Доналд Трамп ги оцени како „генијални“ постапките на рускиот претседател Владимир Путин кон Украина и го нарече рускиот лидер „многу разумен“, објавија американските медиуми.

Некои републиканци во САД се обидоа да го обвинат претседателот Бајден за кризата, велејќи дека Русија не извршила инвазија никаде за време на претседателствувањето на Трамп. Самиот Трамп, исто така, твитна претходно, велејќи дека неговиот однос со Путин би ја спречил кризата, пишуваа медиумите.

Неколку часа по неговата изјава, поранешниот претседател на САД истакнал на радио емисија дека откако дознал оти Путин ја признал независноста на сепаратистичките региони Доњецк и Луганск во источна Украина, си рекол: „Ова е генијално“.

Си реков: „колку е тоа паметно“, истакнал Трамп.

Подоцна, запрашана да ја коментира изјавата на Трамп, портпаролката на Белата куќа Џен Псаки изјави дека тие се обидуваат да не прифатат совет „од некој, што го фали претседателот Путин и неговата воена стратегија“.

Според неа, од републиканците зависи дополнително да не го политизираат ова прашање.

The post Доналд Трамп го нарече „генијален“ потегот на Путин за Украина appeared first on Република.

Косовскиот аналитичар и универзитетски професор, Блерим Љатифи смета дека актуелниот судир меѓу западните демократии и Руската Федерација околу Украина може да резултира со обединување на Косово и Албанија, јави дописникот на МИА од Приштина.

Во коментар на неговата страница на Фејсбук, Љатифи потсетува на две ситуации од минатото кога дошло до „геостратешки недоразбирања“ меѓу западните земји и Русија, а од кои, според него, профитирале Албанците, односно Косово и Албанија.

Геостратешките недоразбирања меѓу Западот и Русија во 1913 година резултираа со лондонска Албанија. Геостратешките недоразбирања меѓу Западот и Русија во 2007-2008 година резултираа со независно Косово. Можно е од геостратешките недоразбирања меѓу Западот и Русија, што започнаа со кризата во Украина, Косово и Албанија да се обединат во една заедничка држава, смета Љатифи.

The post Конфликтот на Западот со Русија може да доведе до обединување на Косово со Албанија appeared first on Република.

Загрижен сум, нашата позиција не е лесна, а политичкиот притисок врз Србија поради одлуката на рускиот претседател Владимир Путин ќе се зголемува, рече српскиот претседател Александар Вучиќ, коментирајќи ја ситуацијата во Украина.

Тој вели дека за Србија претстои тежок период и дека на војската ѝ издал наредба да биде подготвена.

Ни претстои тежок период. Јас како врховен командант издадов наредба до Армијата во секое време да биде на најдобар начин подготвена. Продолжуваме да го купуваме сето она што е најдобро за земјата. Политичката и безбедносната структура на светот се урива. Сѐ што знаевме до вчера веќе не важи. Нашата посветеност за мирот мора да биде цврста и силна. Луѓето мислат дека мирот се зема здраво за готово, рече Вучиќ.

Тој рече дека имал важен разговор со францускиот претседател Емануел Макрон за ситуацијата во регионот.

Постојат стравувања дека сето ова може да се прошири и во другите делови на Европа и во светот, вклучително и на Западен Балкан. Бидејќи добро го познавам Путин, јас бев еден од ретките во Европа и светот кој можеше да каже во која насока ќе оди ова, без наше влијание, рече Вучиќ.

The post Вучиќ: Ни претстои тежок период, купувам сè што ни треба, Армијата е на готовс appeared first on Република.

Славјанка, изгледа оној Путин не те послуша... Ти се курчи копиљот.
Одма дамуебеш матер.
Ете и Бујар земи го.
И тој е бесен на Путин.
А бе, што е НАТО без вас!
Нула!
Напред наши, Путин се плаши!
И треба да се плаши!
Иако има 6500 нуклеарки.
Две илјади повеќе од цел НАТО.
Елитниот тенковски корпус и 41-та руска армија на границата е практично невозможно да се запрат ако тргнат напред кон Дњепар, дури и кога НАТО би интервенирал. А не смее, зашто Украина не е нивна членка.
Ама НАТО затоа ја има и Славјанка... И Бујар го има. Е они ако тргнат на своја рака на Путин, ќе викаат Русите на блага пченица, пишува Сашо Тасевски на „Фејсбук“.

The post Taсевски: Славјанке, изгледа оној Путин не те послуша, ти се ку*чи копиљот appeared first on Република.

Можноста за ескалација на состојбата во Украине е се поприсутна. Мапирни се сите наши граѓани во Украина и Амбасадата во Киев ги има контактирано. Семејствата на дипломатите се вратени, а дипломатите остануваат таму и обезбедени се услови за функционирање на амбасадата во наредните три месеци, изјави денеска на прес-конференција министерот за надворешни работи Бујар Османи, зборувајќи во однос на состојбата во Украина.

Османи нагласи дека 12 луѓе веќе ја информирале амбасада дека се вратиле во државата, како и дека минатата недела пуштиле апел да се користат се уште присутните комерцијални летови за да може да се вратат во Скопје.

Според Османи, останува отворено прашањето за нашите 30 набљудувачи во рамки на мисијата на ОБСЕ.

Останува прашањето на 30-те наши набљудувачи во рамките на Специјалната мониторинг мисија на ОБСЕ, некои земји ги имаат повлечено – САД, Канада, Велика Британија, а Данска и Холандија ги имаат дислоцирано на побезбедна локација. Нашата позиција е малкуи поспецифична, затоа што ние сме дел од претседавањето со ОБСЕ и се разбира повеќе внимаваме какви пораки ќе дадеме по однос на мониторинг механизмите на ОБС, меѓутоа сме во комуникација со нашите луѓе во мисијата и сум во комуникација со генералниот секретар на ОБСЕ. Се слушнав во петокот со госпоѓа Шмит, а очекувам денеска повтонро да да имаме разговор, како и со Полска и на Шведска, изјави Османи.

Тој нагласи дека се во координација за формирање на Мисија за утврдување на факти во рамки на тојката претседавачи, а по повикот на украинскиот МНР.

Ние сме во координација кој би бил мандатот на таа мисија, на кое ниво би се отишло таму, дали на министерско, дипломатско или воено-експертско ниво. Сите тие координации ги правиме заедно со партнерите во рамки на тројката претседавачи, изјави Османи.

The post Османи: Мапирни се сите наши граѓани во Украина и Амбасадата во Киев ги има контактирано appeared first on Република.

Еден украински војник е убиен во судири со сепаратистичките сили, поддржани од Москва, во источниот дел на Украина, соопшти армијата, во момент кога е се поголема загриженоста дека Русија се подготвува за инвазија.

Како резултат на ракетен напад, еден украински војник доби смртоносна рана од шрапнел, соопшти заедничката воена команда за источна Украина, објавија западните медиуми.

The post Украина тврди дека загинал војник appeared first on Република.