Кумулативниот индекс на цените на угостителските услуги за периодот јануари – јуни 2023 година, во однос на истиот период лани, е зголемен за 13,3 отсто, a во однос на декември 2022 година е зголемен за 2,8 проценти.

Според Државниот завод за статистика, индексот на цените на угостителските услуги во јуни 2023 година, во однос на истиот месец претходната година, е зголемен за 12,2 отсто.

Индексот на цените на угостителските услуги во јуни 2023 година во споредба со мај 2023 е зголемен за 0,3 проценти. Споредено по групи на услуги, зголемување е забележано во групите Храна за 0,2, Алкохолни пијалаци за 1 и Безалкохолни пијалаци за 0,5 отсто.

The post Изгор: За 6 месеци цените на угостителските услуги скокнале за 13,3 отсто! appeared first on Република.

Цените на угостителските услуги во јуни во споредба со мај годинава, се зголемени за 1,4 проценти, објави Државниот завод за статистика.

Споредено по групи на услуги, зголемување е забележано во групите храна за 1,9 проценти, алкохолни пијалаци за 0,7 проценти, безалкохолни пијалаци за 0,4 проценти и ноќевања за 0,3 проценти.

Според ДЗС, цените на угостителските услуги во јуни годинава во однос на јуни лани се зголемени за 11,2 проценти.

Кумулативниот индекс на цените на угостителските услуги за периодот јануари – јуни 2022 година, во однос на истиот период од минатата година, е зголемен за 7,7 проценти, додека во однос на декември 2021 година е зголемен за 6 проценти.

The post Поскапеле угостителските услуги appeared first on Република.

Прилепските угостители се соочуваат со недостиг од персонал и до 40 отсто и истакнуваат дека моментално ова е најголемиот проблем за нив. Бараат законски измени за да може да ги вклучат и средношколците во ангажирањето на работна сила.

Според Јорданчо Момироски, претседател на здружението за угостителство и туризам „Меанџии“ од Прилеп, разговарано е со Стопанската комора и со претставници од Агенцијата за вработување.

Има недостиг од келнери, готвачи, помошен персонал. Имаме голем проблем во сите сфери во угостителството. Моментално работиме со помалку персонал, кој колку може, па и самите сопственици работат. Но, со недостиг од персонал се скратува и понудата во менијата. Бараме и законски регулативи и средношколци да може да работат, да ги вклучиме, бидејќи тие сѐ уште не може да работат во странство. За вклучување на средношколците разговаравме и со Стопанската комора и со претставници на Агенцијата за вработување. Има некои законски рамки за да бидат приправници за да може регуларно да ги вклопиме во системот на работа. Само има проблем што од секое средно училиште не може да се ангажира од која било насока. Се надеваме дека за брзо ќе се реши. Моментално може да се вработуваат 18-годишници, матуранти. Тоа е единствениот излез засега да се покрие недостигот од персонал - вели Момироски.

Годинава, главен тренд на сезонско работење во хотелиерството е во Хрватска. Ирена Петреска, регионален менаџер во агенција за посредување за работа во странство вели дека 5.000 до 7.000 Македонци ова лето ќе го поминат во сезонска работа во хрватското хотелиерство. Одат и за заработувачка и да престојуваат во атрактивни туристички места.

Но, има уште поголем проблем.

Македонците имаат тренд на групни миграции, така што, по завршувањето на кризниот период со короната, како дестинација најмногу се јавува Хрватска. Проблемот не е тоа што ќе поминат сезонско вработување, проблемот е карактерот на вработувањето. Тие ќе работат сезонски, без можност за постојано или долгорочно вработување, но, од друга страна, ќе се вратат во Македонија и повторно ќе бидат невработени лица, сѐ додека не се смени нешто во системот и во начинот на работењето во угостителството - вели Петреска.

Во Прилеп има 80 угостителски субјекти со околу 700 вработени. Јорданчо Момироски смета дека угостителите прават напори да дадат поголема плата.

Моментно на персоналот му е зголемена основната плата, а земаат и добри дневници. Угостителите, во рамките на своите можности го даваат максимумот на секој начин за да се задржи персоналот. Се одразува и светската криза. Прво на удар е угостителството - вели преседателот на прилепското здружение за угостителство и туризам „Меанџии“.

The post Се бараат келнери, готвачи, помошен персонал: На прилепските угостители им недостига персонал и до 40 отсто appeared first on Република.

Секој четврти вработен во угостителството во Германија остана без работа поради пандемијата на корона вирусот.

Според податоците на Заводот за статистика на Германија, во првите десет месеци од минатата година бројот на вработени во угостителството бил за 23,4 отсто помал во однос на истиот период во 2019 година.

Во најтешка ситуација се вработените во кафеаните и кафулињата, каде бројот на вработени е намален за 44,7 отсто од избивањето на пандемијата.

Во рестораните има 22,5 отсто помалку работници. „Најбезбедни“ се вработените во фирмите кои се занимаваат со „угостителство“, каде што на платен список се „само“ 17,1 отсто од работниците.

The post Секој четврти вработен во угостителството во Германија остана без работа appeared first on Република.

Индексот на цените на угостителските услуги во декември 2021 година, во споредба со ноември 2021, е зголемен за 0,5 отсто, соопшти Државниот завод за статистика.

Зголемување е забележано во групата Храна за 0,4 проценти, Алкохолни пијалаци за 0,6, Безалкохолни пијалаци за 0,6 и Ноќевања за 0,6 отсто.

Индексот на цените на угостителските услуги во декември 2021 година, во однос на истиот месец претходната година е зголемен за 1,7 отсто. Кумулативниот индекс на цените на угостителските услуги за периодот јануари-декември 2021 година, во однос на истиот период од минатата година е зголемен за 0,6 отсто, додека во однос на декември 2020 година е зголемен за 0,5 проценти.

The post Во декември биле зголемени цените во угостителството appeared first on Република.