„Битката на милијардерите“, најавената пресметка во октагон кафезот помеѓу Илон Маск и Марк Закерберг доби поинаква димензија, откако Маск, газдата на „Тесла“ и „Твитер“, ја прифати понудата од канадската УФЦ легенда, Жорж Сен Пјер да го тренира за борбата.

„Јас сум твој голем фан и би ми претставувало вистинска чест да бидам твој тренинг партнер во предизвикот проти Закерберг“, напиша Сен Пјер на Твитер минатата недеа, за денеска Маск да му одговори: „ОК, да го направиме тоа“.

Претходно и газдата на „Фејсбук“ и „Мета“, Закерберг доби понуда од УФЦ легенда, Џон Џонс, актуелниот шампион во тешка категорија, кој му ги понуди своите услуги.

Веќе знаете дека сум во тимот Зак. Кажи ако ти треба тренинг-партнер“, напиша Џонс, но Закерберг засега јавно не одговори.

Сепак, Закерберг има поголемо искуство од Маск. 39-годишниот Американец подолго време тренира бразилси џиу џицу, а неодамна победи на аматерски турнир. Тука е и разликата во големината - Маск има речиси 90 килограми, додека Закерберг нема повеќе од 75, но обложувалниците веруваат во Закерберг.

The post УФЦ легендата Жорж Сен Пјер ќе го тренера Илон Маск за борбата против Марк Закерберг appeared first on Република.

Австралискиот ММА борец со македонско потекло, Александар Волкановски, го победи Кореецот Чан Сунг Јунг на УФЦ 273 доаѓајќи до технички нокаут по нецела минута во четвртата рунда, со што го задржа шампионскиот појас во перо категорија.

33-годишниот Волкановски (24-1) ја продолжи својата професионална победничка серија на 21 триумф по ред, вклучително и 11-0 во конкуренција на УФЦ.

Премногу добар. Во моментов сум на друго ниво и не можат да ме запрат - извика Волкановски во октагонот откако беше означен карајот на борбата, велејќи дека очекувал порано да биде означен крај на бробата.

„Александар Велики“ зададе повеќе од ударите во борба која изгледаше дека може да заврши многу порано отколку што всушност заврши. Волкановски беше значително побрз од Јунг и во рингот претстави клиника за мешани боречки вештини.

Јунг, познат како „Корејскиот зомби“, доби многу удари, беше крвав и се бореше да дише по првите три рунди. Тој инсистираше дека сака да продолжи, но судијата ја прекина борбата по 45 секунди во четвртата од петте предвидени рунди.

Се чувствував како да удирам во ѕид кој не можев да го надминам - изјави Јунг.

Ова за 35-годишниот Јунг беше прва борба за титулата од 2013 година. Тој помина 3.171 ден помеѓу шансите да се бори за шампионскиот појас во перо категорија.

По завршувањето на борбата, тој падна на подот, а подоцна преку преведувач најави дека размислува за пензионирање.

The post „Александар Велики“ Волкановски го здроби „Корејскиот зомби“ Чан Сунг Јунг и ја задржи УФЦ титулата appeared first on Република.