Синоќа во 20.10 часот во Скопје, на подрачјето на Карпош, полициски службеници од СВР Скопје го лишиле од слобода М.В.(59) од Скопје.

Тој се сомничи дека, по претходна расправија околу паркинг место, со своето патничко возило „тојота“ со скопски регистарски ознаки го удрил М.А.(19) од Скопје и му нанел повреда.

Извршен бил увид од екипа од СВР Скопје. По целосно документирање на случајот ќе следува соодветен поднесок.

The post Скопјанец со возило удрил во 19-годишно момче, бидејќи се скарале за паркинг appeared first on Република.

На 15.06.2024 во 18.20 часот во СВР Скопје било пријавено дека на ул.„531“ во с.Марино, општина Илинден, патничко возило „форд фиеста“ со скопски регистарски ознаки, управувано од З.Ј.(56) од с.Марино, удрило во велосипед управуван од Д.Ј.(66) од Скопје.

Во несреќата со тешки телесни повреди се здобил велосипедистот констатирани во Градската општа болница „Св.Наум Охридски“ Скопје.

За настанот бил известен јавен обвинител. Извршен бил увид од увидна екипа од СВР Скопје, стои во соопштението на МВР.

The post Со автомобил удрил 66 годишен велосипедист appeared first on Република.

Американскиот претседател Џо Бајден бил однесен на безбедно од страна на агентите на Тајната служба, откако автомобил синоќа удрил во џип кој бил дел од неговата колона, објави „Ројтерс“.

Претседателот и првата дама Џил Бајден го напуштаа неговиот изборен штаб во Вилмингтон, Делавер во неделата околу 20 часот кога се случил судирот.

Бајден застанал и изненадено погледнал во насока на судирот. И тој и првата дама се неповредени.

Автомобил со таблички од Делавер удрил во црн џип на американската тајна служба кој ја штитеше колоната на раскрсницата.

Возилото, според извештаите на медиумите, се обидело да продолжи кон затворената раскрсница пред персоналот на Тајната служба да тргне во акција и да го опколи возилото со извадени пиштоли, давајќи му упатства на возачот да ги подигне рацете.

Името на возачот не е објавено.

https://youtu.be/l3O6Nnd9CXk?si=-mGT48lm3SN37H6D

The post Автомобил удрил во џип од придружбата на Бајден, членови на Тајната служба посегнаа по оружјата appeared first on Република.

На 29.05.2023 во 16.25 часот во СВР Тетово било пријавено дека претходниот ден околу 14.00 часот во тетовско Камењане, патничко возило удрило во велосипед што го управувал 61-годишниот Б.И. од ова село и го напуштило местото на несреќата.

Во несреќата, Б.И. се здобил со тешки телесни повреди, констатирани во тетовската Клиничка болница, каде бил пренесен за укажување на лекарска помош.

На местото увид извршила екипа од СВР Тетово.

The post Возач удрил велосипедист и избегал appeared first on Република.

На 25.03.2023 во 13.00 часот во Полициската станица Виница од ЈЗУ Здравствен дом Виница било пријавено дека кај нив бил донесен Б.С.(48) од Кочани со тешки телесни повреди.

Имено, околу 12.40 часот на регионалниот пат Виница-с.Лески се случила сообраќајна несреќа помеѓу велосипед управуван од Б.С. и моторцикл управуван од возач кој го напуштил местото на настанот.

По превземени мерки бил пронајден моторциклистот и утврдено дека станува збор за Р.С.(29) од с.Лески-виничко. Извршен бил увид од увидна екипа од Полициската станица Виница.

The post Моторциклист удрил во велосипедист па побегнал appeared first on Република.

На локалниот пат кон село Богојци возач се обидел да удри во двајца полициски службеници, откако претходно полицијата дала знак за запирање.

Околу 11:20 часот во текот на вчерашниот ден, на локалниот пат кон село Богојци, струшко, полицијата од Полициското одделение Велешта дале знак за запирање на патничко возило „Опел фронтера“, без регистарски ознаки, кое било натоварено со дрва и во кое имало две лица. Откако возачот не застанал, тој се обидел да удри во двајца полицајци, информираат од Министерството за внатрешни работи.

Од МВР додаваат дека повредени лица нема, а увид извршила екипа од Надворешната канцеларија за криминалистички работи Струга и се преземаат мерки за расчистување на случајот.

The post Возач се обидел да удри во двајца полицајци на локалниот пат кон село Богојци appeared first on Република.