Трагедија денеска се случи на албанското крајбрежје, во која семејство од Тирана, остана без тројца свои членови, кои се удавија кај познатата плажа Виле-Боштово, кај Каваја.

Лицето идентификувано како Елвис Халилај на 50-годишна возраст и неговите двајца малолетни синови на 13 и 15 години се удавиле додека пливале во морето.

Поморските служби веднаш интервенирале за да ги спасат, но без успех, тројцата починале од силните морски струи.

Помош се обиделе да дадат и затекнатите капачи на плажата, но безуспешно. Телата се предадени на обдукција.

The post Трагедија на позната албанска плажа, се удави татко со двата малолетни синови appeared first on Република.

Во јужниот дел на грчкиот остров Пелопонез, на копно биле пронајдени 47 мигранти, кои успеале сами да се спасат откако едрилицата со која се превезувале удрила во карпа, јави дописничката на МИА од Атина.

Од крајбрежната служба на Грција соопштија дека синоќа, преку европскиот број 112 за итни случаи биле информирани дека група од околу 50-60 странски државјани се наоѓа на плажа во регионот Лаконија, по што биле откриени 47 лица (15 мажи, 16 жени и 16 деца), како и безживотното тело на маж, кој починал на едрилицата додека пловеле.

Според сведоштвата на мигрантите, во изминатите денови тргнале од турското крајбрежје, а по ударот на едрилицата во карпа, сами стинале на копно.

Од спасените, четири деца и три жени биле пренесени во болница.

Крајбрежната служба утрово спровела акција со нуркачи, патролен брод и авион во случај да има исчезнати лица.

The post Несреќа со мигранти во близина на Пелопонез, 47 спасени и еден починат appeared first on Република.

Најмалку 30 тела на мигранти се пронајдени на плажа во јужна Италија по бродолом во близина на источниот брег на Калабрија, јавија италијанските медиуми.

Потврдено е дека се спасени околу 40 луѓе, а спасувачката операција се уште е во тек.

Италијанското државно радио јави дека мигрантите се удавиле откако нивниот брод со повеќе од 100 луѓе се превртел крај брегот на јужна Италија.

Пронајдени се околу 40 преживеани, изјави портпаролот на противпожарната служба и додаде дека спасувачката операција се уште трае.

The post 30 мигранти загинаа во бродолом кај италијанскиот брег appeared first on Република.

Единаесет лица се удавија оваа летна сезона на албанското крајбрежје, кое страда од недостиг на спасувачи, објави информативниот сајт „Егзит“.
На повеќето плажи во Албанија нема спасувачи или има минимален број на луѓе кои ги набљудуваат туристите, посочува „Егзит“.

Ова е проблем веќе неколку години. Во 2014 година, Националната крајбрежна агенција обучи 41 студент по спорт како сертифицирани спасувачи, но тие никогаш не беа распоредени.

Летото 2021 година, најмалку четири лица се удавија додека пливаа долж албанскиот брег. Претходните години беа забележани повеќе несреќни случаи во текот на целата сезона.

 Според одлука на владата, секое правно лице кое има концесија на површина на плажа мора да обезбеди спасител и набљудувачка кула, но тоа не се спроведува, посочуваат од „Егзит“.

Роберт Нечаи, потпретседател на Албанската федерација на спасувачи, рече дека многу од смртните случаи можеле да се избегнат доколку имало спасувачи на соодветните плажи.

Последен ваков случај беше минатата недела кога се удави 19-годишно момче во обид да ги спаси помалиот брат (15) и неговиот другар.

The post 11 лица летово се удавиле на албанското крајбрежје, има недостиг на спасувачи appeared first on Република.

На Ада Циганлија во Белград денеска е испливало мртво тело на жена, а само неколку часа претходно, на истото место е пронајдено уште едно тело на маж, јавуваат српските медиуми.

Полицијата само што го заврши увидот, а присутните пријавија уште едно тело закажено за еден сплав во близина“ – соопштија полициски извори.

Според првите сознанија, ова тело било веќе подолго време во вода.

Инаку, ова е трето тело што е пронајдено во водата во близина на Белград во рок од 24 часа бидејќи претходно од Дунав беше извадено и тело на 40-годишна жена.

The post Во 24 часа испливаа три мртви тела кај Ада Циганлија appeared first on Република.