Претседателот на Демократската унија за интеграција (ДУИ), Али Ахмети, се обрати пред иселениците во Швајцарија, нагласувајќи ја загриженоста за состојбата со правата на Албанците во Македонија. Во фокусот на неговиот говор беа прашањата за употребата на албанскиот јазик и легитимитетот на Владата во однос на албанскиот електорат.

„Мицкоски не може да формира влада без легитимитет од Албанците, затоа што ние освоивме над 60% од гласовите на албанскиот електорат,“ рече Ахмети, критикувајќи ја политиката на ВМРО-ДПМНЕ како националистичка и штетна за двете најголеми заедници во државата.

Претседателот на ДУИ предупреди и за опасноста од руското влијание во земјата, подвлекувајќи дека единствена алтернатива за  Македонија е евроатлантскиот пат и силното партнерство со САД.

Ахмети ја критикуваше неконзистентноста на албанските политички опоненти, потсетувајќи дека постигнале договор за поддршка на уставните измени, кој подоцна бил негиран.

Посетата на Швајцарија е дел од турнејата на Ахмети низ дијаспората, каде што централно место зазема собирот во Арау, по повод годишнината од Првото соопштение на УЧК.

Ахмети ја заврши својата порака со апел за единство и посветеност на заедничките цели за просперитет и стабилност на Албанците во Македонија.

The post Ахмети од Швајцарија се закани дека без Албанците Македонија немало да постои appeared first on Република.

Претседателот на Владата на Република  Македонија, Христијан Мицкоски, на заедничката прес-конференција со премиерот на Косово, Албин Курти, зборуваше и за апсењата на поранешните војници на Ослободителната војска на Косово во  Македонија.

Тој рече дека секој што не ги прекршил законите и Уставот на својата земја може слободно да го посети Скопје.

Што се однесува до лицата со потерници, секој што не ги прекршил законите и Уставот на  Македонија и секој што нема конфликт со законите и Уставот, може слободно да дојде на прошетка во Скопје, во Македонија, поканете ги да дојдат, ние сме земја за добредојде“, нагласи Мицкоски.

https://republika.mk/vesti/makedonija/mitskoski-etnichki-temi-otvoraat-politichari-koi-nemaat-idei/

The post Поранешните членови на УЧК можат слободно да дојдат во Македонија appeared first on Република.

Лидерот на БЕСА и градоначалник на Тетово Билал Касами во својот партиски кабинет го прими абасадорот на ЕУ Михалис Рокас.

Од фотографиите кои ги објави Касами се гледа дека во кабинетот го нема државното македонско знаме. Но, затоа пак тука се знамињата на Албанија, НАТО ,ЕУ и САД.

Над каучот каде што седеше амбасадорот гордo e закачена и фотографија на основачот на УЧК Адем Јашари

Кој е Адем Јашари

Основач на УЧК. Во 1998 година, во дреничкото село Доње Преказе, во акција на српската полиција  е ликвидиран! Акцијата траела 27 часа, а во неа освен Јашари биле ликвидирани и други членови на неговата  група.Јашари за време на опсадата на неговата куќа направил жив штит околу себе од жени и деца од семејството, а потоа лично го убил својот братучед, бидејќи почнал да плаче и сакал да се предаде на Србите.

https://republika.mk/vesti/balkan/osnovachot-na-uchk-si-go-zaklal-vnukot-bidejki-sakal-da-se-predade-na-srbite/

The post Kaсами го пречека амбасадорот на ЕУ без македонско знаме и со фотографија од основачот на УЧК appeared first on Република.

Судењето на поранешните лидерина ОВК на Хашим Тачи, Кадри Весели, Јакуп Красниќи и Реџеп Сељими, обвинети за воени злосторства и злосторства против човештвото, пред Специјалниот суд во Хаг ќе продолжи на 4 ноември.

Сведокот Ибиши во своето сведочење рече дека членовите на ОВК беа против заштитата на српските цивили и дека го прогласија за соработник на Србија.

Тој изјави  дека  ОВК им се заканувала кога тој одбил да им даде 30.000 марки кои биле собрани за да купат храна и облека за селото, пренесува Коха.

Судењето на четворица воени лидери на ОВК започна во Хаг на 3 април минатата година, ветувајќи правда за жртвите и нивните семејства. Обвинетите, меѓу кои и тогаш водечките членови на Главниот штаб на ОВК, Хашим Тачи, Кадри Весељи, Реџеп Сељими и Јакуп Красниќи, се соочуваат со обвинувања за злосторства врз Албанците, Србите и Ромите во повеќе од 40 притвори на ОВК.

The post Му се заканувале на сведокот дека не сакал да им даде 30.000 марки: Продолжува судењето на водачите на УЧК appeared first on Република.

Шкендија и Струга попладнево одиграа 1-1 во Тетово. Домаќините на трибините беа бодрени од популарните „Балисти“. Со нив „беше“  и Адем Јашари, основачот на УЧК кој се вееше на знамето. На ова не реагираше делегатот на мечот.

Кој е Адем Јашари

Основач на УЧК  ликвидиран во 1998 година.За кукавичкиот карактер на Адем Јашари говори и тоа што тој за време на опсадата на неговата куќа направил жив штит околу себе од жени и деца од семејството, а потоа лично го убил својот братучед, бидејќи почнал да плаче и сакал да се предаде на Србите.

The post Oсновачот на УЧК заедно со „Балистите“ на трибините во Тетово appeared first on Република.

Соросоидите на СДСМ туркаат скандал било што претседателката Гордана Сиљановска се сликала со бугарскиот претседател а позади имало само бугарско, а не и македонско знаме.
Демек, она е причина за скандалот. Гостинката а не домаќинот, коментира Драган Павловиќ-Латас.

[caption id="attachment_4464" align="alignnone" width="640"] (фото: Влада на РМ)[/caption]

Забораваат колку пати владата на СДСМ ставаше погрешно знаме на странски државници кои се сликаа во нашата влада, како промашеното знаме на Австрија кога премиерот Курц ни беше во посета.Забораваат дека министерката Шеќеринска во македонска општина Кичево се сликаше до знаме на УЧК без знаме на државата Македонија.

The post Латас: Шекеринска се сликаше пред знамето на УЧК, а Курц пред грешното во Скопје appeared first on Република.

Албанскиот терорист и припадник на ОВК Фатон Хајризи на 18 јули во Лозница го уби српскиот полицаец Никола Крсмановиќ (34), а 36 часа подоцна бeше ликвидиран откако пукаше  во српската полиција.

Хајризи бил затвореник кој дури девет пати избегал од затвор, а неговата посветеност на ОВК датира од неговите детски денови, па  се појави фотографија од тој период на која тој чисти пушка.

На фотографијата се гледа Фатон Хајризи како седи на тепих, облечен во црно-бела маица, маслинесто зелени панталони кои потсетуваат на војнички и позира насмеано.

The post Ја чисти пушката вперена во лицето: Терористот Хајризи од мал бил по оружјето appeared first on Република.

На судењето на водачите на поранешната ОВК во Хаг, денеска сведочеше поранешниот офицер на американскиот КФОР Стив Расел.

Сведокот на обвинителството Расел за време на неговото прво сведочење изјави дека на 9 август 1999 година, меѓународните сили извршиле рација во зградата на интернатот во Гњилане, каде што, спротивно на Кумановскиот договор и Резолуцијата 1244, се наоѓал илегалниот штаб на ОВК.

https://republika.mk/vesti/balkan/poraneshen-ofitser-na-kfor-tvrdi-nato-bombardiraneto-na-srbija-ne-beshe-za-mir-tuku-meshane-vo-suverinitetot/

Соба за мачење

Покрај значителното количество оружје, муниција, мини и друга опрема што ОВК, според договорот, требаше да ги предаде, КФОР, според зборовите на Расел, во интернатот пронашол и „соба за мачење“.

Во таа подрумска просторија е пронајдено столче околу кое имало дамки од „многу свежа крв“, како и „остри инструменти, разни палки, цевки, електрични жици“.

Според обвинението, во јули 1999 година, Мирко Јовиќ и Џемо Жуљиќ биле убиени во притвор на ОВК на таа локација.

Според обвинението, другите приведени биле „тешко тепани и психички малтретирани“ од припадници на ОВК „удејќи ги со шипки и палки по целото тело, удирање со клоци и тупаници и закани со насилство и смрт“.

The post УЧК во Гњилане имале соба за мачење затвореници appeared first on Република.

Шахри Хајризи, мајката на Фатон Хајризи, кој  го уби српскиот полицаец Никола Крсмановиќ (34), шокираше со изјавата „дека го видела својот син откако на 6 јули избегал од затвор“.

- Фатон девет пати бегаше од затвор, а при последното бегство дојде дома и бевме заедно, но не остана, си замина. Бегањето не беше спас, туку само ги влошуваше работите. Фатон одлежа 2/3 од казната и имаше уште шест години - изјави мајката на Фатон за РТШ 1.

Таа вели дека Фатон сакал слобода.

- Аплициравме како родители за негово помилување. Никогаш не му беше дадена шанса.
Го предадов на 15-годишна возраст на Ослободителната војска на Косово, која го држеше 23 години – рече таа, алудирајќи „дека ОВК е виновна за ваквиот исход на нејзиниот син

The post Мајката на убиениот албански терорист: За сѐ е виновен УЧК appeared first on Република.

Министерството за надворешни работи и дијаспора на Косово соопшти синоќа дека е информирано за апсењето на косовски државјанин од страна на полицијата на Македонија, врз основа на потерница издадена од Србија, јави дописникот на МИА од Приштина.

Од косовското МНР информираат дека станува збор за Блерим Рамадани, поранешен припадник на Ослободителната војска на Косово (ОВК) во оперативната зона Неродиме.

- Нашиот амбасадор во Македонија, г. (Фљориан) Ќехаја, интензивно се залага за решавање на овој случај и како Министерство за надворешни работи работиме со македонските власти за брзо ослободување на г. Рамадани. МНР ќе ја информира јавноста за натамошниот развој на настаните во врска со овој случај, се наведува во соопштението

The post Македонската полиција фати поранешен припадник на УЧК кој е на потерница на Србија appeared first on Република.

Албанските навивачи на стадионот во Дортмунд, каде што Албанија игра против Италија, направија скандал пред почетокот на мечот

Четворица навивачи на Албанија на трибините внесоа и истакнаа знамиња на „УЧК“.

Инаку, ова не е прв скандал на албанските навивачи во Германија. Претходно, стотина албански навивачи сакаа да се пресметаат со симпатизери на Италија, но инцидент беше спречен откако реагираше германската полиција.

The post Албанските навивачи на мечот со Италија истакнаа знамиња на „УЧК“ appeared first on Република.

Талат Џафери го бакна знамето на УЧК, која во 2001 година се бореше против македонската армија.Тој отиде во Тропоја во Албанија за да го слави  Тахир Синани, борец за Голема Албанија.

Кој еТахир Синани

Тахир Синани е борец за „обединување на албанските етнички територии“ и „командант“  на УЧК.Во Македонија во 2001 стигнал и до „титулата“ „командант“ на 116-та бригада „Џемо Хаса-Гостивари“.

The post Koмандант Форина го бакна знамето на УЧК appeared first on Република.

Лидерот на Демократската унија за интеграција, Али Ахмети, вчера од Дебар порача дека заедно мора да градиме мир, стабилност, иднина и да воспоставиме европски стандарди и да се бориме против криминалот и корупцијата.

Како што информираат од ДУИ, на средбата со граѓани во Дебар, Ахмети порачал дека Македонија има свое место во Европа.

- Оваа земја има свое место во Европа и за оваа земја мора да работиме заедно, Македонци и Албанци, а не да се враќаме во минатото и да се огорчуваме затоа што викав УЧК, но УЧК е албанска гордост и УЧК ја спаси Македонија, рекол Ахмети.

Ахмети дополнил дека формирал фронт со албанските политички партии кој ги вклучил сите заедници.

- Мицкоски има дадено изјава дека наводно му праќам емисар да преговара да влезе во Владата. Христијан, во политиката влегов како востаник и нема да излезам без да се откажам, да се разбереме, народот ме гласа 22 години. Јас формирав фронт со албанските политички партии, но го направив овој фронт непобедлив со вклучување на заедниците кои вие ги презирате, како што се турската, ромската и босанската заедница. Се трудиме овој Устав што го направивме уште поблизок до граѓаните на Република Македонија да ги вклучи бугарската, египетската, црногорската и хрватската заедница. Охридскиот договор и промената на политичко-правниот статус на Албанците не ја уништија Македонија, изјавил Ахмети во Дебар.

Тој порачал дека Европскиот фронт ќе биде победник на изборите на 8 мај и дека народот ќе одлучи кој ќе биде дел од Владата.

- Опозицијата да не ги прави грешките што ги направи мојот поранешен колега во 2006 година и тогашната партија ја направи таа грешка и плати висока цена. Ние Албанците не сме претставници на малцинство, ние сме легитимни претставници на огромното мнозинство Албанци, а сега во Фронтот се и ромската, турската и босанската заедница. Па со тие шифри што ги пеат, тие никогаш не одлучуваат, одлучува народот. Значи, на 8 мај сите да гласаат за Фронтот, затоа што вие гласате за интеграција и изолација, дополнил Ахмети.

The post Aхмети со нова провокација: УЧК е албанска гордост и ја спаси Македонија appeared first on Република.

Додека се колнат во ЕУ, ја купуваат Соравија, додека зборат за правда делат шамари во контролата на летање во Скопје. Додека народот гладува тие си слават родендени во државни институции. Додека зборат за стандарди, на онкологија ги крадат болните од рак. И треба да знаете дека ниту една лекција не ја научија. СДСМ не се огради од криминаот на ДУИ, ниту пак има намера. А од ДУИ го употребуваат истиот наратив дека биле европска партија, во исто време кога џебовите им се полни со Европски пари, кажа претседателот на ВМРО-ДПМНЕ, Христијан Мицкоски на вечерашниот митинг во Виница.

Претседателот упати и прашање до ДУИ, а и Ковачевски, кој продолжува да молчи, дали кога Али Ахмети викаше среде Скопје УЧК, УЧК е европски чин? Дали тоа доликува на европскиот фронт на ДУИ СДСМ праша тој.

Исто како што купувањето на Соравија што е европски чин, од страна на голобрадо момче, случајно кој е внук на Ахмети исто како што Мерко е европски градоначалник, море светски… како Артан што возеше ауди со полициски флешери на име на фирмата што зела тендер на Шапка? Е сето ова е многу европски, директно не носи во ЕУ, кажа претседателот.

Тој потенцира дека однесувањето на ДУИ и СДСМ ја подрива европската идеја во Македонија. Тие стануваат минери на европската идеја затоа што народот нив не ги идентификува со Европа и има европски функционери кои се срамат што ликови како Артан, Мерко и Талат овде зборуваат за ЕУ. Затоа што ЕУ не е олицетворение на корупција како што се Артан, Мерко и Талат.

И затоа резултатот е таков во првиот круг. Овде во Виница победивме со 4571 на 1764 гласови за СДСМ. Народот е определен, и јас искажувам длабока благодарност и почит до секој еден од вас. Но работата не е завршена. Ова беше само првиот круг, и жолтиот картон, мора да стане црвен на изборите на 8 мај. Народот да го зададе финалниот удар против корупцијата, криминалот и сиромаштијата. Повикувам на масовна излезност, затоа што излегувањето на овие избори меѓудругото е и патриотска должност и обврска кога Македонија е толку силно разградена со криминал и корупција. Да одиме напред, и да ги победиме сите сценарија кои ги разработува дуото СДСМ и ДУИ, заклучи претседателот

The post Мицкоски ги праша ДУИ и Ковачевски: Дали е европски кога Ахмети викаше УЧК во Скопје? appeared first on Република.

На куполата на црквата „Свети Атанасиј“ лоцирана на тетовското кале, непознати лица, поставиле албанско знаме.

Црковниот одбор, кој го надгледува овој храм во Тетово, ги известил локалните власти, за сквернавење на верскиот локалитет.

Ицидентот, се случил вчера, доцна попладнето. Според извештаите, дополнително, забележано е, и знаме на „УЧК“, кое било поставено на бандера во близина на влезот на Калето. Портпаролот на СВР Тетово Марјан Јосифоски, потврди дека по добиената пријава веднаш била испратена екипа за увид.

На крајот на ноември се случи сличен инцидент кога од јарболот беше симнато знамето на македонската православна црква-Охридска архиепископија, во дворот на манастирот „Свети Наум охридски-чудотворец“, на Попова Шапка.

Знамето тогаш беше фрлено, а на негово место беше ставено знамето на Албанија. Тетовската полиција за само неколку часови го приведе сторителот.

https://republika.mk/vesti/makedonija/sveshtenik-prijavil-nepoznati-litsa-vo-politsija-deka-go-simnale-tsrkovnoto-zname-od-jarbol-na-tsrkovniot-imot-na-popova-shapka/

The post Знамиња на УЧК и Албанија поставени на црквата Свети Атанасиј и Калето во Тетово appeared first on Република.

Техничкиот премиер Талат Џафери денеска изјави дека „законите се донесени и приказната е затворена“, одговарајќи на новинарско прашање во однос на препораката на Советот на Европа за отповикување на Законот за амнестија од 2011 и процесирање на четири Хашки случаи.

-Веќе дадов одговор за тоа дека е завршена работа во контекст на она што е законодавство и состојбата во државата. Завршена е таа приказна, законите се донесени, изјави кратко Џафери.

Оваа нервозна реакција на поранешниот командант на УЧК следува откако со допис до македонската влада упатен на 15 јануари 2024 година на адресата на тогашниот премиер Димитар Ковачевски, комесарката за човекови права на Советот на Европа, Дуња Мијатовиќ, побара досиејата од Хашкиот трибунал да се истражат од домашните судови.

The post Хашките случаи за Џафери биле завршена работа: Знае ли поранешниот УЧК командант дека злосторствата против човештвото не застаруваат? appeared first on Република.

Познатиот албански новинар Бленди Февзи вели дека сонот на сите Албанци за обединување на албанските земји во една држава полека се исполнува.

Според него, поранешниот претседател на Косово, Ибрахим Ругова, излегол  со тезата за Република Косово, која била сосема нормална врз основа на историските околности во тоа време.

Овој сон во Македонија е дериват на уставот на Албанците како државотворен елемент во Македонија. Почна со Охридскиот договор, со војната на ОВК, се разбира со напорите што беа направени порано и завршува денес симболично, кога на чело на Владата на Македонија  дојде Албанец“, вели Февзиу.

The post Февзи: Овој сон на Албанците како државотворен елемент во Македонија почна со војната на УЧК и Охридскиот договор appeared first on Република.

Лидерот на Достоинство и директор на ЦУК, Стојанче Ангелов упати апел до пратеничката група на СДСМ за поддршка на предлог законот за обештетување на необештетените воени инвалиди и семејства на загинатите бранители.

АПЕЛ ДО ПРАТЕНИЧКАТА ГРУПА НА СДСМ ЗА ПОДДРШКА НА ПРЕДЛОГ ЗАКОНОТ НА ДОСТОИНСТВО ЗА ОБЕСШТЕТУВАЊЕ НА НЕОБЕСШТЕТЕНИТЕ ВОЕНИ ИНВАЛИДИ И СЕМЕЈСТВА НА ЗАГИНАТИ БРАНИТЕЛИ

Додека гласаат поранешниот командант од УЧК да стане премиер, нека соберат храброст и следните неколку дена нека гласаат и за оние кои загинаа или беа ранети од истата онаа УЧК од чии редови потекнува премиерот за кој гласаат денес…

Денес македонското Собрание ќе гласа за избор на техничка Влада која ќе биде предводена од досегашниот собраниски претседател и следен премиер, поранешниот командант од УЧК, Талат Џафери.

На крајот на ноември минатата година, Достоинство поднесе иницијатива со Предлог закон за измена и дополнување на постоечкиот Закон за бранители, со кој треба да се обезбеди обесштетување на 10-тина воени инвалиди и 15-тина семејства на загинатите бранители кои се’ уште се необесштетени.

Со своите потписи пратеничката група на ВМРО ДПМНЕ даде недвосмислена подршка на оваа иницијатива со што таа стана и официјален Предлог закон.

Со образложение дека е испратен на превод на албански јазик, Талат Џафери избегна да го стави на дневен ред на собраниска седница овој Предлог закон иако истиот се состои од само еден суштински член.

Затоа, во име на сеуште необесштетените десеттина воени инвалиди и петнаесеттина семејства на загинати бранители апелирам до новиот собраниски претседател веднаш да го стави на дневен ред овој предлог закон, а до пратеничката група на СДСМ да даде поддршка на истиот.

Со поддршката на предлог законот на Достоинство ќе се исправи една голема неправда нанесена на воените инвалиди и семејствата на загинатите бранители, но воедно ВМРО ДПМНЕ ќе ја тргне блокадата на Законот за вработените во одбраната кој го блокираа со над 1.500 амандмани.

The post Додека гласаат за поранешниот командант од УЧК да стане премиер, нека соберат храброст и нека гласаат и за оние кои загинаа или беа ранети од истата УЧК appeared first on Република.

Поранешниот британски премиер Тони Блер добил совет од Лондон да соработува со албанските сепаратисти од Косово од кои на некои им се суди за воени злосторства, пишува Гардијан.

Весникот наведува дека Блер, кој беше премиер во времето на НАТО бомбардирањето на СР Југославија, бил загрижен што бил премногу близок со членовите на т.н. ОВК, но дека бил советуван дека „британската почетна точка на конфликтот“ треба да се третира според принципот „непријателот на мојот непријател е мој пријател“.

The post Блер го советувале да застане на страната на УЧК appeared first on Република.

Во гостување на ТВ Клан Албанија, лидерот на ДУИ, Али Ахмети се пофали дека Талат Џафери на крајот на јануари ќе стане првиот премиер Албанец во Македонија. На прашање од новинарот дали тоа е командантот во УЧК, Талат Џафер, Ахмети одговори: Да, командант Џафери.

Емисијата во која гостуваше го прогласи Ахмети за личност на годината. Токму поради тоа „достигнување“ на ДУИ.

Бленди Февзиу, новинарот на ТВ Клан Албанија го праша Ахмети: „Кога ќе биде прогласен премиер Албанец“? Ахмети кусо одговори дека тоа ќе се случи на 28 јануари.

„Кој ќе биде премиерот?“, праша водителот.

„Талат Џафери“, одговори Ахмети.

„Командант Талат Џафери?“, потпраша водителот.

„Командант Џафери“, одговори Ахмети.

На прашањето од новинарот дали тоа значи дека Македонија ќе постави за премиер командант на ОВК (УЧК), Ахмети рече:

„ОВК во 2001 година потпиша договор со НАТО за демобилизација. Униформата на ОВК останува споменик на историската меморија, неа ја има секој војник, со моќна гаранција дека нема да биде злоупотребена“.

„Значи Талат ќе биде како споменик на актуелноста?“, заклучи во потпрашањето новинарот, а Ахмети додаде дека на 28 јануари Џафери ќе биде изгласан да ја води Владата до изборите.

 

The post Ахмети: Командант Џафери ќе биде првиот премиер Албанец, униформата на УЧК останува споменик appeared first on Република.