Уреди кои вклучуваат и мобилни телефони ќе се забранат во училниците за да не се наруши текот на учењето, објавија холандските власти.

„Би-би-си“ пренесува дека новото правило ќе се воведе во училиштата и ќе започне со почетокот на следната учебна година.

Правилото за забранета употреба на мобилни и слични уреди ќе има исклучоци за ученици со посебни медицински потреби или со инвалидитет, а тоа нема да важи и за часовите за дигитални вештини.

Иако забраната не е законски официјализирана, холандското министерство за образование истакна дека во иднина, тоа може да се промени.

Иако мобилните телефони станаа неизоставен дел од нашите животи, тие не припаѓаат во училниците. Учениците треба да се концентрирани и да ја имаат секоја шанса добро да учат. Има научни докази дека телефоните ги деконцентрираат“, изјавил министерот за образование Роберт Дијкграф.

Разни студии покажуваат дека ограничената употреба на мобилните телефони е поврзана со подобрена концентрација.

Забраната опфаќа и уреди како таблети и паметни часовници.

Според министерството за образование, секое училиште индивидуално ќе може да ги договори новите правила во консултации со наставниците, родителите и учениците.

На крајот на следната учебна година, холандското министерство ќе го процени влијанието на новото правило и ќе одлучи дали таа ќе биде законски воведена.

The post Холандија ги забрани мобилните телефони за време на училишните часови appeared first on Република.

Дејан Ристиќ, директор на Музејот на жртвите на геноцидот, член на советот на родители на белградското основно училиште „Владислав Рибникар“, соопшти дека училницата во која минатата недела се случи масакрот никогаш повеќе нема да се користи.

Тоа е училницата во која загинаа пет деца од клас 7/2, а беа ранети шест ученички и ученички. Сите заедно, на ниво на училиште донесовме одлука училницата во која се случи злосторството никогаш повеќе да не се користи како училница. Ќе стане спомен училница, посветена на малите девојчиња кои загинаа, девојчињата кои беа ранети и кои, Боже на здравје, ќе закрепнат и на нашиот Драган, тој прекрасен чувар кој ги чуваше нашите деца во времето кога тие беа во училиште – изјави Ристиќ.

The post Таму никогаш повторно нема да има настава: Клуч на училницата во која беа убиени учениците appeared first on Република.