Почитувани претставници на медиумите, почитувани приустни, навистина денеска претставува за мене посебен ден бидејќи овде во ова населено место, во ООУ „Ацо Шопов“, започнува еден проект, една надградба која што во многу нешта ќе го олесни животот на радишанци, на бутелчани, но во исто време ќе овозможи пристојни услови за другарување, за школување, за растење на децата коишто своето образование ќе го завршат овде во ова основно училиште во населбата Радишани, односно „Ацо Шопов“.

Јас можам да кажам дека секој еден нов проект којшто го правиме за Македонија, секој еден нов проект што го создаваме отпочеток претставува посебна радост и задоволство бидејќи тоа е она го очекуваат граѓаните од нас.

Ја користам оваа прилика да се заблагодарам на Министерството за образование и наука, да се заблагодарам на градоначалникот, на советниците, на администрацијата којашто неуморно работи во општина Бутел. Навистина се прават исклучително брзи и квалитетни чекори во насока на подобрување на условите за живот на нашите граѓани кога станува збор за образованието и науката, за школување и другарувањето на нашите најмили, децата. Јас сум убеден дека во периодот којшто следи ќе имаме уште многу вакви проекти ширум цела Македонија.

Овде во општина Бутел, во самиот говор градоначалникот кажа кои се проекти коишто се тековни, финансирани од општинскиот буџет, но и финансирани од буџетот на Владата. Министерството за финансии исто така министерката даде еден краток осврт за сето она што се прави низ целата територија на државата и она што ќе се прави.

Така што навистина инспиративно е да се слушаат сите овие работи дека ќе се случуваат. И тоа го препознаваат граѓаните и го одобруваат. Ние како Влада ќе продолжиме да работиме, да создаваме бидејќи тоа е она за што отприлика пред шест месеци граѓаните ја дадоа довербата.

Нема да шпекулираме, нема да се сведе нашата работа на дневна политика туку на создавање нови нешта, нови проекти. Така што еве јас уште еднаш честитам, посакувам уште многу дечиња да го завршат своето образование тука.“

https://www.youtube.com/live/3LhXVJvs3hc

The post Мицкоски: Почна надоградба на ООУ „Ацо Шопов“ со што се овозможуваат пристојни услови за школување appeared first on Република.

Почна изградбата на подрачното основно училиште во село Бањица во општина Чашка, каде настава ќе следат ученици од прво до петто одделение. Поставена е бетонска платформа и очекувам целиот процес да биде завршен за два месеци, а во меѓувреме градоначалникот ќе обезбеди опрема за новиот училишен објект.

За прогресот на инвестицијата на МОН во вредност од 6,6 милиони денари, министерката за образование и наука Весна Јаневска информираше денеска во Собранието, одговарајќи на пратеничко прашање за тоа кога учениците од ова населено место ќе почнат да следат настава на својот мајчин јазик.

За жал, проблемот во Чашка е политички инициран. Таму децата до лани учеа заедно на еден, македонски јазик, а родителите на учениците имаа потпишано и согласности за тоа. Но, високи функционери на ДУИ одлучија дека нешто не е во ред и едните ги поттикнаа на штрајк, а кај другите создадоа револт со притисокот да се воведе настава на албански јазик. Сето тоа е на штета на учениците, но еве, работиме и ќе го надминеме овој вештачки инициран проблем“, рече министерката.

The post Јаневска: Започна изградбата на училиштето во Чашка appeared first on Република.

Над 1,3 милиони ученици во Грција денеска се враќаат во училишните клупи, а новата учебна година започнува со десет промени, меѓу кои и забрана за користење на мобилните телефони за време на наставата.

Над 1,3 милиони ученици во Грција денеска се враќаат во училишните клупи, а новата учебна година започнува со десет промени, меѓу кои и забрана за користење на мобилните телефони за време на наставата, додека за прекршување на мерката, но и за снимање или сликање предвидени се казни, јави дописничката на МИА од Атина.

Првото училишно ѕвонче наместо денеска ќе заѕвони утре во училиштата во северниот дел на Грција, откако поради невремето „Атена“ што ја зафати земјата беше одлучено да се пролонгира за еден ден почетокот на наставата.

Учебната година во Грција носи и новини, а меѓу другото, годинава има дополнителни вработувања на 10.000 просветни работници, се воведуваат автономни класови во оддалечени и малку населени места, а први се малите острови Гавдос и Арки, се проширува програмата со интерактивните табли; се воведува специјална апликација e-Parents за информирање на родителите и старателите за оценките на учениците, а за оние кои ќе полагаат државна матура, ќе постојат попладневни бесплатни дополнители часови за подготовка.

Новините, што имаат за цел да го подобрат наставниот процес и училишниот живот, беа презентирани пред две седмици на средбата на грчкиот премиер со раководството на Министерството за образование, религија и спорт, додека пак Мицотакис преку видео што синоќа го објави на Тик Ток говори за „Десетте промени што ќе ги видиш годинава на училиште пред да излезе новата GTA 6“.

-Училниците се менуваат и наставата веќе ќе биде со речиси 40.000 дигитални интерактивни табли, кои ќе бидат поставени до крајот на 2024 година за учениците од петто одделение до оние во средните училишта. Веќе осум од десет училишта имаат такви интерактивни табли. За родителите: преку дигиталната апликација e-Parents може да следат оценки и отсуства. Извинете, деца!, вели грчкиот премиер во видеото.

Во продолжение се осврнува на новиот начин на работа на училиштата со построги правила, објаснувајќи дека ако еден ученик предизвика штета, санацијата ќе биде на товар на родителите, додека пак за употребата на мобилниот телефон посочува дека за време на наставата „мобилниот треба да биде во ранец“.

Од Министерството за образование, религија и спорт пред две седмици информираа дека Грција им се приклучува на европските земји кои се стремат кон забрана за користење на мобилни телефони во училиштата, објаснувајќи дека Португалија и Шпанија целосно ја применуваат, во Франција и Финска се применува со одредени промена, додека Кипар и Шведска се блиску до нејзино усвојување.

За непочитување на забраната, предвидено е ученикот да биде избркан од сите часови во текот на денот, во случај да ги снима или фотографира наставниците или соученици, без нивна согласност, казната е тридневна суспензија, додека ако е со согласност ќе биде суспендиран од еден до три дена.

The post Почнува учебната година во Грција – мобилниот телефон забранет за време на наставата appeared first on Република.

Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.

На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.

МВР соопшти дека е известен јавен обвинител за малолетници. Се преземаат мерки за расчистување на случајот.

The post Средношколец од Скопје се заканувал на вработени во училиштето, кршел маси и столови appeared first on Република.

Мајката на ученик во основното училиште „Јован Дучиќ“ во Белград која ја нападна и брутално ја претепа наставничката по биологија, во полиција признала дека завршила курс за боречки вештини, пишува Курир.

Мајката дојде на отворената врата и ја праша наставничката по биологија зошто нејзиниот син добил 2, но тој има просек од 3. Притоа не знаела дека и оценката од првото полугодие е собрана. Таа и кажа ужасни работи: „Не знаеш која сум јас, кучко, ќе ти ја еб*м мајката“, вели наставничката од белградското основно училиште „Јован Дучиќ“, која со повредената колешка отишла во болница..

Таа потоа се заканила дека ќе оди кај директорот, што наставничката по биологија го поддржала. Меѓутоа, таа одеднаш се вратила. Ја потегнала за косата, таа паднала на подот и ја удрила главата.

Ќе ти го убијам семејството. Нема да работиш никаде на друго место, нема да работиш во ова училиште, ќе се сеќаваш на мене, не знаеш кој сум. Ќе ти го убијам семејството“, извикувала арогантната мајка.

Бидејќи било одмор никој не ги слушнал повиците на нападнатата учителка за помош, па разгневената мајка продолжила да вреска и да вели:

Никој не те слуша, ќе те убијам“.

Дури тогаш наставничката успеала да избега, дотрчала кај обезбедувањето, но тој не бил таму. Вработените потоа повикале полиција, која дошла и земала изјава.

Колешката има контузија на градниот кош, а повредени се и ногата и раката, а има и гребаници“, рекол една од колешките на повредената наставничка која ја придружувала до болница.

Таа наведува дека сите се преплашени и згрозени од тоа што и се случило на нивната колешка.

Родителите на децата од споменатото училиште тврдат дека знаат која е жената која ги нападнала. Како што понатаму велат родителите од училиштето каде се случи овој инцидент, жената која ја нападнала професорката по биологија била крупна и била спортски тип.

The post Крвнички напад во училиште во Белград: Насилна мајка ја претепала професорката по биологија appeared first on Република.

Наставникот по физичко образование А.С. во основното училиште „Абдил Фрашери“ во Боговиње брутално го малтретирал својот син со аутизам, кој воедно бил и негов ученик.

На видео снимката, објавена на повеќе медиуми на албански јазик, се гледа како возрасен човек, за кој се тврди дека е наставникот, го тепа ученикот, а потоа го соборува на земја.

https://www.youtube.com/watch?v=9CJIuEaEI-o&embeds_referring_euri=https%3A%2F%2Fskopjeinfo.mk%2F&source_ve_path=MjM4NTE&feature=emb_title

На 08.06.2024 година во 20.30 часот, припадници на полицијата од ПС Камењане, во Боговиње-Тетово, го лишиле од слобода лицето С.А.(42) по претходна пријава од лицето А.А.(45) од истото село, бидејќи на 05.06.2024 година во училишниот двор во селото, физички го нападнал својот малолетен син, велат од МВР.

Тој бил задржан во полициска станица и по документирање на случајот против него, ќе следи соодветниот поднесок, се вели во соопштението на МВР.

The post Наставник тепал ученик со аутизам среде училишниот двор appeared first on Република.

Ќе видиме што ќе одлучи министерот, изјави државниот советник во Министерството за образование и наука Сафет Незири прашан дали МОН ќе одговори позитивно на иницијативата на родителите кои поради топлото време бараат учебната година за основците да заврши порано од 17 јуни или децата да имаат скратени часови во наредните неколку дена.

На новинарско прашање дали Министерството треба да прифати ваква иницијатива, првиот човек на Детската амбасада „Меѓаши“ Драги Змијанац одговори доколку нема согласност од МОН, а родителите инсистираат, тогаш треба компромисно решение во кое приоритет ќе биде најдобриот интерес на децата – тие да не губат часови, но и да го совладаат материјалот.

Според Змијанац, одлуката е, главно, кај менаџментот на училиштата кој, како што рече, треба да изнајде креативни решенија за одвивање на наставата и дека таа може да се одвива и на отворено.

Има креативни начини како тоа да се направи, може на отворено. И за време на пандемијата предлагавме да не се затвораат училиштата, да бидат отворени училишните дворови, кои се големи, со тенди итн. и може многу поедноставно да се изучува материјалот, рече Змијанац по промоцијата на публикацијата „Модули за мировно образование во средното образование“.

The post Дали топлото ќе ги распушти и основците, ќе реши министерот за образование appeared first on Република.

Израелската армија соопшти дека денеска нападнала позиција на Хамас во училиште со кое раководат ОН на северот на Газа и протоа се убиени 17 луѓе.
Од болницата што се наоѓа во близина соопштија дека има 37 луѓе загинати.

На нападот вчера му претходеше израелски напад врз училиште на ОН во центарот на Газа, во кој загинаа најмалку 33 лица, меѓу кои 12 жени и деца, според локалните здравствени власти, иако други извештаи велат дека бројот на жртви е поголем.

Шефот на УНРВА, Филип Лазарини, рече денешниот дека нападот бил извршен „без претходно предупредување“.

https://republika.mk/vesti/svet/on-go-stavija-izrael-na-t-n-spisok-na-sramot-poradi-krshene-na-pravata-na-detsata-vo-vojna/

Тој додаде дека УНРВА „ги споделува координатите на сите свои капацитети (вклучувајќи го ова училиште) со израелската армија и другите страни во конфликтот“.

„Нападите, таргетирањето или користењето на зградите на ОН за воени цели се бесрамно непочитување на меѓународното хуманитарно право“, нагласи Лазарини.

Цел на денешниот напад беше училиштето Асма во бегалскиот камп Шати во северниот дел на Газа, со кое раководи Палестинската агенција на ОН за бегалци (УНРВА).

The post Израелската армија изврши напад врз уште едно училиште во Газа appeared first on Република.

Од Градската општа болница „Св.Наум Охридски“ - Скопје во скопската полиција било пријавено дека во средата кај нив со тешки телесни повреди бил донесен малолтеник од с.Чифлик, скопско.

По преземени мерки било констатирано дека околу 12.30 часот пред основно училиште во с.Чифлик, а по претходна расправија на социјална мрежа, малолетникот бил физички нападнат од неколку малолетници, кои употребиле и тврд предмет, соопшти МВР.

За настанот бил известен јавен обвинител и се преземаат мерки за негово расчистување.

The post Претепано дете со тешки повреди во болница, врсници го нападнале пред училиште appeared first on Република.

Основното јавно обвинителство Битола поведе постапка против две лица – маж и жена кои се осомничени дека во група извршиле грубо насилство врз дете родено 2009 година, со што сториле кривично дело – Насилство согласно член 386 став 2 во врска со став 1 од Кривичниот законик.

Двајцата сопружници, на 15 мај, влегле во основно училиште во Битола, при што таткото физички ја оттурнал наставничката и директно нападнал еден од учениците, соученик на нивното дете, заканувајќи му се дека ќе го убие. Го фатил детето за уво, го стапнал на ногата и го тегнел, а за тоа време неговата сопруга ја држела наставничката за да не може да му помогне и да го одбрани ученикот. Со насилството двајцата предизвикале чувство на несигурност и вознемиреност кај другите ученици, кои од страв кога заминале осомничените барале наставничката да ги заклучи во училницата за да не се вратат.

Надлежниот јавен обвинител до судијата на претходна постапка достави предлог за определување куќен притвор за осомничениот татко. Предлогот беше прифатен и на осомничениот му е определена притворска мерка.

The post Поведена постапка за насилство во училиште во Битола appeared first on Република.

Полициски службеници од ЕВР ОКР Карпош на 22 април во 12.40 часот во основно училиште на подрачјето на населба Влае во Скопје, лишиле од слобода ученик по тежок инцидент кој тој го предизвикал во училиштето.

Како што соопшти МВР, станува збор за штитеник од Јавна установа за згрижување на деца, кој околу 10 часот во училиштето, откако претходно скршил дел од инвентар, физички нападнал негови соученици и двајца наставници, а го скршил и мобилниот телефон на еден од наставниците.

По целосно документирање на случајот ќе следува соодветен поднесок, велат од полицијата.

The post Тежок инцидент во училиште во Влае: Уапсен ученик кој нападнал ученици и наставници, искршил сè наоколу appeared first on Република.

Едно 12-годишно дете загина откако беше застрелано во основно училиште во финскиот град Вантаа, во близина на Хелсинки, соопшти денеска финската полиција, пренесе ДПА.

Други две 12-годишници се тешко повредени, соопшти полицијата.

Службите за итни случаи уапсија еден 12-годишен ученик пред училиштето. Осомничениот сторител со себе имал огнено оружје. Полицијата соопшти дека апсењето поминало без проблеми.

Од јавноста беше побарано да се држи подалеку од областа додека полицијата продолжува со истрагата во основното училиште во областа Виертола во Вантаа, на југот на Финска, потсетува ДПА.

The post Почина 12-годишник, едно од трите ранети деца во пукањето во основно училиште во Финска appeared first on Република.

Вчера во 12 часот и 50 минути, 35-годишниот гостиварец М.Т. во СВР Тетово пријавил дека на 24-ти овој месец околу 17 часот и 30 минути, играјќи во дворот на основно училиште во околната населба Циглана, врз неговиот малолетен син паднала метална врата и му нанела повреди.

Тој бил пренесен во гостиварската Општа болница „Ферид Мурад“.

Полицијата соопшти дека се расчистува и документира случајот.

The post Метална врата паднала врз дете во училишен двор во Гостивар appeared first on Република.

Со чекан и нож, 19-годишен утрово упаднал во средно училиште во Атина и ги повредил директорот и еден ученик, кои се пренесени во болница, а сторителот е уапсен, јави дописничката на МИА од Атина.

Неофицијално момчето рано утрово влетало во училиштето и со чеканот го нападнал ученикот, а веднаш потоа со нож го нападнал и директорот, а двајцата повредени не се во животна опасност.

Според грчките медиуми, сторителот, со потекло од Грузија го нападнал ученикот со потекло од Нигерија, бидејќи бил во конфликт со неговиот брат, додека пак директорот настрадал во обид да го спречи, сега веќе уапсениот, 19-годишен.

The post 19-годишник со чекан и нож влегол во училиште во Атина, повредени ученик и директор appeared first on Република.

Огромен скандал тлее во Куманово. Веќе две години, Државното средно училиште „Киро Бурназ” не работи со физичко присуство на учениците во училиштето. Наставата се одвива онлајн, преку интернет. 450 ученици седат дома!, изјави денеска Бобан Николовски, претседател на ОК на ВМРО-ДПМНЕ Куманово.

-А, причината е банална, и по две години, немало клупи и столчиња за децата!

Училиштето е под ингеренции на централната власт и со него управуваат партиски кадри од кумановската општинска организација на СДС.

Оттука:

Зошто управата на училиштето цели две години не обезбедува елементарни услови за настава?

Каде завршил стариот инвентар со кој биле опремени 20-тина училници, кабинети и лаборатории?

Зошто министерството за образование две години не презема ништо и по низа поплаки и протести на родителите чии деца две години седат дома?

Постои ли, работи ли просветен инспекторат во Македонија?

Две години училиште без клупи, вака СДС замислува европско образование, поради ваквата нефункционалност, народот со право вели дека немаме држава.

За скандалот да е поголем, лани половина влада заедно со Ковачевски којшто е од Куманово, го посетија училиштето и притоа воопшто не се потресоа за оваа срамна состојба, туку напротив, со голема помпа, а за пропагандни цели се сликаа низ полупразните простории. Беа и заминаа, а децата уште учат од дома!

Никогаш не било полошо! Доста е! Време е да се промени власта, време е да ги поразиме и да си ја вратиме државата!, порача Николовски.

The post Николовски: СДС две години се слика во ново школо, а децата учат онлајн, затоа што нема клупи appeared first on Република.

Децата кои го посетуваат основното училиште „Владислав Рибникар“ денеска се пратени дома, бидејќи во ранецот на едно од децата најверојатно бил пронајден нож, јави Н1.

Во пораката на Вибер, испратена до родителите, било наведено дека подоцна ќе добијат детални информации за се, а родителите добиле порака дека нема да продолжи наставата до крајот на денот.

Во исто време, на социјалните мрежи се појави информација дека кај ученик, наводно, од 8-мо одделение бил пронајден нож. Како што потврди еден од родителите на Н1, тие информации се вистинити. Според извештаите, ножот бил пронајден во ранецот.

На прашањето на Н1 како ножот влегол во училницата, покрај обезбедувањето, родителот рекол дека „обезбедувањето е никакво“.

Пред училиштето во моментов се распоредени полициски сили поради дојава дека ученик донел нож во училиштето.

Лани, на 3 мај во тоа училиште беше извршено масовно убиство кога 13-годишно момче уби девет ученици и чувар.

The post Полиција пред училиштето во Србија каде што беше извршено масовно убиство поради дојава дека ученик донел нож appeared first on Република.

Претседателот на Владата на Република Македонија, Талат Џафери заедно со министерот за образование и наука, Јетон Шаќири на 12.02.2024 година, во 10:00 часот ќе присуствуваат и ќе се обратат на поставување на камен - темелник на ООУ „Рилиндја“ во село Селце, Тетово.

The post Џафери на поставување на камен – темелник на ООУ „Рилиндја“ во Селце, Тетово appeared first on Република.

Шефот на агенцијата на ОН за палестински бегалци Филип Лазарини соопшти дека војната во Газа предизвикала повеќе од половина милион момчиња и девојчиња да не одат на училиште.

„Секој ден на војна ги продлабочува лузните, создавајќи изгубена генерација ранлива на експлоатација“, порача Лазарини во објавата на социјалните мрежи. „На децата им се краде детството.

Високиот комесар потенцира дека оваа ситуација „треба да се промени, почнувајќи со хуманитарен прекин на огнот“.

The post Над 500.000 деца во Газа не одат на училиште appeared first on Република.

По тринеделниот зимски распуст, основците и средношколците утре ќе се вратат во училишните клупи за да ја продолжат наставата од второто полугодие на 2023/2024 година.

Ќе имаат уште еден, пролетен одмор, од 29 април до 6 мај 2024, што е новина оваа учебна година.

Ново е и што учениците во основните училишта ќе учат до 17 јуни, за да се исполни утврдениот број работни денови (180) согласно календарот за организација на наставата.

За средношколците учебната година ќе заврши на 10-ти наместо на 17 јуни. МОН ја смени првичната одлука на барање на Средношколскиот сојуз заради подготовките за запишување во високото образование.

Министерот за образование и наука Јетон Шаќири појасни дека Законот за средно образование дозволува да се постапи и да им се излезе во пресрет на засегнатите затоа што нема одредена законска обврска за точен број работни денови.

За основците, Владата дополнително ќе треба да одлучи како ќе бидат надоместени двете неработни среди кога ќе се одржуваат изборите (24 април и 8 мај) и дали учебната година во основните училишта ќе заврши два дена подоцна од 17 јуни.

Ресорниот министер изјави дека јавноста ќе биде навремено известена.

-Ќе треба да се разгледа како може да се постапи за тие два дена кои се предвидени за реализација во календарот за работа на годишно ниво.

Ќе известиме навремено кога ќе има владина одлука за тоа, рече Шаќири.

Покрај пролетниот распуст за сите ученици и продолжената учебна година за основците, новина во второто полугодие ќе биде и постепената примена на нов електронски дневник (Е-дневник).

Како пилот-проект ќе се воведе во 40 основни и средни училишта во неколку општини во државава за да се отстранат евентуалните слабости пред да се употребува во сите училишта.

Изготвен е со поддршка на ЕУ преку ИПА-фондови.

Пред неколку години целосно беше повлечена хартиената форма на дневникот и воведен Е-дневник, но се појавија проблеми во функционирањето – пад на системот поради што податоците требаше да се воведуваат постепено и во периоди.

По реакции на наставниците, повторно беше воведен хартиен дневник, а воедно почна и ИПА-проект за креирање нов електронски дневник кој ќе биде пофункционален од претходниот.

За време на зимскиот распуст Владата, на предлог на МОН, усвои два предлог-закона – за средно образование и за средно стручно образование и обука, кои треба да ги заменат актуелните од 1995 и 2007 година.

Тие се проследени во Собранието и се очекува да бидат донесени од овој пратенички состав.

Министерот Шаќири ги повика парламентарците да ги изгласаат новите закони затоа што постојните, како што рече, не соодветствуваат со реалноста.

-Во интерес на унапредување на образовниот систем во државата и во интерес на граѓаните, апелирам што поскоро да бидат усвоени овие законски решенија.

Не очекувам политизација на процесот бидејќи политичките партии беа повикани, запознаени и вклучени во креирање на нивната содржина и не треба да постојат дилеми дали тие се потребни, изјави Шаќири, ден по усвојувањето на предлог-законите на владина седница.

Европската комисија во последниот извештај за напредокот на државава, објавен во ноември 2023, исто како и во извештајот од 2022 година, во областа образование нотираше дека се одложува донесувањето клучни закони во образованието.

ЕК укажа дека земјава треба особено да се фокусира на финализирање и усвојување на законите за средно образование и за стручно образование и обука, на формирање и операционализација на регионалните центри за стручно образование и обука (ВЕТ-центри) и на донесување на Законот за образование на возрасни.

The post Учениците утре се враќаат на настава, до крајот на учебната година ќе имаат и пролетен распуст appeared first on Република.

Едно училиштe во Њујорк е затворено за во него да бидат сместени илегални мигранти. Ова е прв случај во кој, наместо да бидат сместени во хотелски соби што ги плаќа градскиот буџет, илегалните мигранти ќе добијат сместување во социјалните објекти.

Сепак, ваквата одлука не е толку неочекувана.

Неодамна беше обелоденето дека миграциската криза ќе го чини градот речиси 11 милијарди долари од јавни средства во следните две фискални години.

Буџетот за 2024 година во моментов е избалансиран, но ситуацијата со финансирањето во Њујорк брзо ќе се влоши без акција. Според извештаите на медиумите, буџетскиот дефицит за 2025 година ќе надмине невидени седум милијарди долари.

За дополнително да се комплицираат работите, не само што мигрантите се поскапи, туку и износот на даночните приходи од федералната влада во градскиот буџет се намалува.

Неодамна, градоначалникот на Њујорк Ерик Адамс изјави дека поради миграциската криза ќе има масовни отпуштања меѓу работниците во градските служби - полицајци, вработени во домувањето и комуналните служби, социјални работници и други.

Се чини дека градскиот имот, вклучително и зградите на јавните училишта и болниците, исто така ќе бидат погодени.

The post Училиште во Њујорк затворено за во него да се сместат илегални мигранти appeared first on Република.