Министерството за образование и наука, Бирото за развој на образованието и Педагошката служба ги повикуваат сите наставници и целата стручна јавност да ги достават забележаните грешки во учебниците за основното образование од прво до трето одделение.

Целта на повикот, кој МОН го објави на својата веб-страница, е подобрување на квалитетот на учебниците и исправка на технички и евентуални стручни грешки. Во објавениот повик е достапен образец кој треба да се пополни.

Забелешките се доставуваат со пополнување на образецот во кој треба да се наведе учебникот, наставниот предмет, авторот/авторите, одделението, наставниот јазик и увидената грешка, со страницата на којашто се наоѓа, се наведува во повикот.

Пополнетиот образец треба да се достави на електронските адреси: bro.macedonia@bro.gov.mk и robert.adzipetrov@mon.gov.mk, најдоцна до 15 декември 2024.

The post Повик за учество во унапредување на содржината на учебниците од прво до трето одделение appeared first on Република.

Со новиот Закон за учебници за основно и средно образование се обидуваме да го подобриме процесот на подготовка, одобрување и издавање на учебници, за да не дојдеме никогаш повеќе во ситуација на први септември да немаме учебници. Искрено се надевам дека со новото законско решение ќе постигнеме и подобар квалитет на учебниците, покрај навременото снабдување, рече министерката за образование и наука проф. д-р Весна Јаневска во неделното интервју за „Радио Слободна Европа“.

Јаневска укажа и дека министерството не може да знае кои и какви учебници недостасуваат во секое училиште, ако училиштата не дадат информација.

На крајот на секоја учебна година се отвора електронски систем во кој училиштата треба да кажат колку учебници им недостасуваат, што значи тие треба да ги пријават сите оштетени учебници од претходната година. Колку учебници пријавиле, толку учебници се печатат и откупуваат, одговори министерката.

За искинатите учебници, Јаневска дообјасни и дека дополнителен проблем што го соопшти една општина, е тоа што сакајќи да ги заштитат граѓаните да не плаќаат од 10 до 70 проценти од цената при враќање на оштетен учебник, училиштата не ги пријавувале.

The post Јаневска за РСЕ: Изготвивме нов Закон за учебници со кој спречуваме недостиг и доцнење на испораката во училиштата appeared first on Република.

Министерството за образование и наука информира дека е изготвен нов предлог Закон за учебници во основното и средното образование и дека е поставен на владиниот ЕНЕР-систем (Електронски национален регистер на прописи). Со неговото донесување ќе биде заменет актуелниот закон од 2008 година.

Сите заинтересирани граѓани може да дадат свој придонес во усвојувањето на најдобрата верзија што ќе биде проследена во собраниска процедура. Во предлог-законот се интегрирани сугестиите на издавачките куќи во Македонија со чии претставници раководството на МОН и на Педагошката служба имаа конструктивна работна средба, соопшти МОН.

Оттаму посочуваат дека новиот закон треба да обезбеди изработка на учебници со поквалитетна содржина, намалување на веројатноста за појава на грешки какви што имаше досега и да ја поедностави постапката за набавка, со цел учебниците да бидат навремено испорачани во училиштата. 

The post Подготвен нов предлог-закон за учебници, јавноста може да дава сугестии appeared first on Република.

Владата утрово соопшти дека прв пат по седум години е обезбедена навремена испорака на бесплатни учебници во сите основни училишта.

Според Владата, обезбедени се 10-тина нови наслови во основното и над 100 во средното образование, кои досега не биле отпечатени.

Суштинска определба на Владата е образованието да биде достапно за секого. Една од заложбите беше по повеќе години да се обезбеди навремено печатење и дистрибуција на бесплатни учебници за сите основци. Оваа година се става крај на учењето од скрипти и други помагала. Прв пат по седум години учебната година почнува со навремено испорачани учебници во сите основни училишта во државата. За сите ученици Министерството за образование и наука испорача 360 илјади примероци од одобрените учебници и наставни материјали. За само два месеци се постигна тоа што не беше направено седум години, наведува Владата.

Дополнува и дека во основното образование ќе недостигаат петта година по ред учебници за странски јазици од прво до деветто одделение зашто претходното раководство во Министерството за образование и наука ја поништило постапката за јавна набавка и таа одлука е во жалбена фаза која сé уште трае.

Учебниците за секого е доказ дека на овој начин државата и Владата создава за секој еден поединец, истакнува Владата.

The post Првпат по седум години обезбедена навремена испорака на бесплатни учебници во сите основни училишта appeared first on Република.

На првиот училиштен ден, идниот понеделник, учениците ќе ги добијат учебниците. На овој начин ја прекинуваме лошата практика на одредени министри од минатото кои ниту водеа грижа за навремена достава на учебници, ниту да има учебници, изјави министерката за образование и наука Весна Јаневска.

Повтори дека учебници ќе нема само за странските јазици и дека законски не може, рече, „ниту да го прекине тендерот што е почнат за нив, ниту да распише нов додека не заврши правната процедура“.

Во однос на средното образование, соопшти дека за гимназиите се обезбедени учебници - онолку колку што побарале за годината, толку им се доставува.  Дистрибуцијата е во тек и се очекува да заврши до недела.

-Гимназиското ќе има учебници, и за странски јазици. За средно стручно првпат печатиме над 164 наслови кои учениците никогаш ги немале. И продолжуваме со одобрување на други учебници, како ќе заврши процедурата на одобрување, така ќе продолжиме со печатење и ќе ги доставуваме во текот на годината,  рече Јаневска по посетата на ОУ „Љубен Лапе“ во општина Аеродром.

За училишта во кои има услови за едносменска настава анализата досега опфатила 142. Во 124 настава во една смена ќе има во оваа учебна година, дел од тие училишта и претходно работеле едносменски.

-Следната година очекувам цели општини, како на пример Кавадарци, и со инвестиции од општината, а се разбира и од МОН, исто така во сите училишта во Кавадарци да почне. Со тек на време тој број се повеќе ќе се зголемува, рече министерката.

Во однос на анализата на просторни услови во училиштата и префрлување на мал број ученици од подрачни во централни училишта, соопшти дека оптимизацијата е веќе направена во десет општини и децата се префрлени во централни училишта, како што рече, без да има последици за кадарот, а во тек е  анализа за оптимизација во дополнителни 20 општини.  Почнато е со општини каде што треба помалку училишта да се оптимизираат, но во некои, како Аеродром на пример, не може да се прави оптимизација туку треба да се градат училишта.

- Во десет општини е завршена и стапи во сила оваа година, а во 20 општини се прави оптимизацијата... Бројот на ученици е различен секоја година поради иселување и намалување на нивниот број и затоа забрзано ја правиме анализата за оваа година. Ќе продолжиме со оптимизација за децата да може да се социјализираат, да имаат подобри услови на настава... Како Влада направивме план - едносменската настава и целодневната настава е, всушност, план наставниците да не губат работа, туку  тие наставници да работат со учениците во подолг период за учениците да добијат ефект од нивната работа, додаде Јаневска.

The post Јаневска: Учениците ќе ги имаат учебниците на првиот училиштен ден appeared first on Република.

Освен учебниците за странски јазици, по сите други предмети учебници ќе има во училиштата на почетокот на учебната година, повтори денеска министерката за образование и наука Весна Јаневска. Во однос на контролата во високото образование, за што со одлука на Владата ќе се основа посебно тело, Јаневска информираше дека тоа се формира и дека од Просветниот инспекторат веќе е побаран увид во работата на неколку универзитети.

Сите учебници кои оваа влада ги вети, оваа година ќе стигнат до почетокот на школската година. Веќе објавивме дека е почната дистрибуцијата, сѐ уште имаме учебници во печат, но според договорот, и тие до 1 септември би требало да бидат во училиштата. Јас длабоко се надевам дека тоа ќе биде испочитувано од дистрибутерите. Повторувам дека ќе нема учебници по странски јазици, не по вина на оваа Влада, туку по вина на претходната Влада, затоа што тендерот е поништен и сѐ уште е во жалбена постапка и ништо што би било во склоп на закон не би можело да се преземе надвор од тоа, да ја чекаме да заврши таа процедура. Другото, се надевам ќе биде сѐ во ред, изјави Јаневска по увидот во активностите за реконструкција на ОУ„Тошо Велков-Пепето“ во Кавадарци.

Како што рече, она што многу ги интересира и наставниците и родителите - ќе има историја и општество за петто и шесто, и историја и географија за седмо одделение.

Нив ги видов како урнек и навистина се убави учебници, додаде Јаневска.

Во врска со најавата од Владата за тело/комисија за што ќе биде надлежно Министерството за образование и наука, со задача да ја контролира работата на високообразовните установи, министерката рече дека сѐ уште е во фаза на формирање, но дека од ДПИ е побарана контрола на неколку универзитети.

Комисијата е сѐ уште во формирање, но секторите во Министерството работат. Ние сме побарале од Државниот просветен инспекторат да направи увид во неколку универзитети, направивме силни напори да овозможиме годинава неколку евалуации на неколку универзитети. Сѐ е тоа во процедура, но тој процес е тргнат и нема да запре. Ќе заврши така како што треба заврши, се разбира по закон, нагласи министерката Јаневска.

The post Јаневска: Освен за странски јазици, учебници на 1 септември ќе има и дистрибуцијата веќе почна appeared first on Република.

Министерството за образование и наука информира дека во тек испораката на одобрените и испечатени учебници и наставни материјали кои ќе се користат во основните и средните училишта во учебната 2024-2025 година. Согласно дефинираната динамика, испораката треба да биде заокружена пред првиот училишен ден – 2 септември, но за остварување на планот, неопходна е кооперативност и ажурност на сите училишни директори.

Во оваа насока е и пораката која министерката за образование и наука Весна Јаневска денеска ја упати до училишните раководства, посочувајќи дека учениците и наставниците се нивна основна грижа и токму нив им требаат учебниците, а тоа значи дека треба да организираат соодветен прием на истите.

Ваша обврска е да ги примите учебниците во терминот кој навремено ви е посочен од дистрибутерот. Сигурна сум дека секој од вас има доволно персонал на располагање и може успешно да ја заврши обврската. Очекувам сите да сме на висина на задачата, со цел добро подготвени да го дочекаме стартот на новата учебна година“, вели министерката Јаневска во пораката до директорите на основните и средните училишта.

Таа додава дека дистрибутерите немаат должност да доаѓаат по втор или по трет пат во училиштето за да ги достават учебниците и затоа, било какви изговори на директорите за одложување на приемот се неприфатливи.

Во меѓувреме, Министерството за образование и наука заедно со другите надлежни институции продолжува да се заложува за обезбедување на сите останати учебници по предметите во основното и средното образование за кои досега не се одобрени. Акцент ќе биде ставен на учебниците по странски јазици од прво до деветто одделение за кои процесот за одобрување е започнат, но и поништен од претходното раководство во МОН и во тек е жалбена постапка, по чие завршување, повторно ќе се објави јавен оглас согласно законските прописи, велат од МОН.

The post Се испорачуваат учебниците во училиштата, дистрибутерите немаат должност да доаѓаат по втор или по третпат, директорите да се организираат за прием, апелира минисерката Јаневска appeared first on Република.

Освен учебниците по странски јазици кои ги нема неколку години наназад и за кои последниот тендер спроведен од претходното раководство е во жалбена постапка, учениците и наставниците во основните училишта на први септември ќе имаат учебници или материјали за учење за сите други предмети.

Ова го истакна министерката за образование и наука проф. д-р Весна Јаневска во утринската програма на Канал 5 ТВ, каде говореше за фокусот на Министерството за образование и наука во моментов, но и приоритетите кон кои ќе биде насочена работата во следниот период.

Дел од учебниците се веќе дистрибуирани, а дел се печатат и според договорот со печатницата, треба на први септември да бидат во училиштата. За жал, затекнавме и предмети по кои нема учебници, иако претходната Влада ја информираше јавноста дека се обезбедени. Ги посочив странските јазици, но и предметите за јазикот и културата на заедниците за кои во најголем дел поради лошиот квалитет на предложените учебници, истите не се одобрени. Но, направивме напори и за нив да обезбедиме материјали во дигитална форма кои ќе можат учениците да ги користат, рече Јаневска.

Таа додаде дека се работи на враќање на историјата како посебен предмет во македонското образование, затоа што, според мислењето на домашната и светската експертска јавност, историјата е национален предмет со исклучително значење. Како што рече, на часовите по историја се учат факти за случувања и личности, но предметот побудува и патриотизам и лојалност кон сопствената држава и затоа треба да му се посвети посебно и повеќе внимание низ образовниот систем.

Информираше дека со Министерството за култура и со Бирото за развој на образованието се дискутира за можностите за поддршка на домашни анимирани серии, филмови и едукативни емисии соодветни на возраста на учениците, како и сликовници и книги за успешни личности, за географски локалитети и слично, кои би можеле да бидат дел од формалниот воспитно – образовен процес во Македонија.

Јаневска се осврна и на предучилишното образование, кое треба да премине под надлежност на Министерството за образование и наука, потенцирајќи дека Владата прави сериозни напори за да обезбеди услови за што повеќе деца да влезат во градинките и да стекнуваат знаења кои се добра подготовка пред вклучување во училишното образование.

Потребно е време и средства за состојбите значително да се подобрат. Гледате дека се градат нови капацитети. Општините добиваат големи парични средства и очекувам дека со дел од истите ќе предвидат и изградба на нови градинки“, додаде министерката.

The post Јаневска: На први септември учебници или материјали за учење ќе има по сите предмети во основното образование, освен за странските јазици appeared first on Република.

Вчера дадов изјава за тема која е прилично актуелна неколку години – недостигот на учебници. Изјавата не беше најдобро срочена и остави простор за различно толкување, што го искористија поединци, но и политичкиот опонент, кој всушност го доведе образованието во ваква состојба каква што е денес - објави на својата фејсбук страница министерката за образование Весна Јаневска.

Во нејзиниот статус понатаму стои:

Немам никаков проблем да се извинам кога грешам и го сторив тоа денес. Уште еднаш потврдувам дека формулацијата ми беше несоодветна. Но, се случуваат вакви ситуации кога сте прилично активни, искрени во намерите да направите нешто добро за образовниот систем и целосно транспарентни кон медиумите и јавноста.

Суштината на тоа што сакав да го кажам е дека во Македонија нема учебници за јазикот и културата на заедниците. Предлог учебниците кои биле доставени лани, се оценети како несоодветни и затоа не биле одобрени од Бирото за развој на образованието. Несоодветни, затоа што во нив се повторува материја поврзана со дефиниции од областа на граматиката, дефиниции за именка, заменка и слично, а тоа е нешто што секој ученик го изучува по мајчиниот јазик. Кога се изучува јазикот на некоја од заедниците што живеат во Македонија, тогаш фокусот, според стручната фела треба да биде насочен кон комуникацискиот аспект, а во недостиг на литература, вештините за комуникација децата ги стекнуваат и преку емисии и анимирани серии и филмови соодветни на нивната возраст. Мнозинството од нив ракуваат со дигитални уреди и користејќи интернет, се едуцираат, меѓудругото и јазично. Сигурно сте забележале вашето или друго дете дека гледа емисија, едукативно видео и слично што се емитува на друг јазик, на пример албански, српски, босански и така натаму и почнува да ја разбира содржината и да меморира зборови. И токму тоа сакав да го потенцирам. Децата годинава ќе ги немаат овие учебници за изучување на јазикот и културата на заедниците, но ќе имаат помошни материјали објавени на веб страната на Бирото за развој на образованието, а опција се и други содржини на интернетот.

Догодина сигурна сум дека ќе ги обезбедиме и овие и учебниците по сите странски јазици. За квалитетно изучување и на граматичките аспекти на јазиците. Тоа се два различни типа на учебници кои, да повторам, ги немало со години наназад. Од следната 2025-2026 учебна година, ќе ги има сите!
Се надевам дека сега е малку појасно, тоа што сакав и вчера да го објаснам на граѓаните. Денес го дообјаснувам, на сите оние кои сметаат дека состојбите не чинат и навистина сакаат промени кон подобро.

А душегрижниците кои 7 години не мрднаа со прст кога образованието пропаѓаше, кога деца немаа никакви учебници, кога учеа за нови родови, кога се укинуваше историјата како предмет, се спојуваа хемии и физики, кога булингот стана вообичаена појава во училиштата...нема потреба сега да се истакнуваат. Индиферентноста за општеството и интересот само за сеир, на таквите како нив, нè доведоа до ова. Ќе прифатам само доколку дадат некој сериозен и конструктивен предлог како да напредуваме на ранг листите на ПИСА, како да ја развиеме креативноста кај младите, да ги стимулираме да создаваат иновации, да имаме што повеќе претставници на меѓународни олимпијади и натпревари. Ајде покажете интерес, волја за единство и заедничка акција. Способноста за лаги и манипулации не е вистинската вредност на човекот.

Македонија заслужува да има и ќе има поквалитетен образовен систем, во тоа сум сигурна! Колку и да се обидува некој да ја попречи или оспори мојата работа.

The post Јаневска се извини: Формулацијата за учебниците по странски јазик ми беше несоодветна appeared first on Република.

Министерската за образование и наука Весна Јаневска денеска изјави дека од прво во деветто одделение за престојната училишна година учебници ќе има за сите одделенија, освен за странските јазици. Додаде дека во моментов се печатат стотици илјади учебници, дел од нив се дистрибуирани, а за дел ќе почне диструбицијата, откако ќе излезат во печат и нагласи оти од следната година ќе има и учебници за странски јазик.

- Учебници ќе има за сите одделенија. Нагласувам како и многу години наназад, за жал, не по моја вина, затоа што постапката е сѐ уште во одредени процедури, нема да има учебници за странски јазици. Но, учебници за странски јазици ќе има догодина и нема да има печатен, значи хартиен материјал за јазиците на заедниците, кои ќе бидат објавени на веб-страницата на Бирото за образование, а бидејќи станува збор за јазик, наставниците користејќи ги тие материјали, ќе можат да им предаваат на учениците. Јазикот е жив, знаете децата почнуваат да го учат и од сериите. Поентата е да разбираат и да зборуваат, не да учат граматика на страниот за нив јазик - именки, заменки и така натаму, сметам дека тоа нема да биде никаков проблем, а следната година ќе го имаме и тоа, додаде Јаневска, одговарајќи на новинарско прашање за време на увидот во активностите за изградба на спортска сала во рамки на основното училиште „Наум Охридски“ во село Булачани.

Таа потврди дека учебниците за седмо одделение ќе се печатат по стара програма.

- Да, за седмо се печатат по стара програма затоа што ние новите програми ги ставивме на јавна расправа. На јавна расправа и за седмо и за осмо одделение. Поради големото незадоволство од сите чинители во образованието, ги ставивме на јавна расправа за да можеме да ги усвоиме забелешките, кои ги имаат генерално наставниците, но и родителите, за да ја направиме програмата поприфатлива за учениците, па и за наставниците оти тие се оние кои ги поучуваат учениците, појасни министерката.

Кога ќе заврши јавната распава, додаде таа, Бирото за развој на образование ќе пристапи на подготовка на коригираната нова програма.

- Коригираната програма од концепцијата, така како што ветивме, со тоа што најзначајниот дел ќе биде одделување на предметите за кои имаше и бурна дискусија и експлицитно барање дека треба да бидат одвоени и тоа ќе биде направено, рече таа.

Прашана за учебниците за средно стручно образование министерката изјави дека целата едиција за прва година е во печат и сите одобрени учебници за втора година.

- Значи, процесот не бил завршен за втора, трета и четврта, но, ние ќе го интензивираме и како ќе бидат одобрувани учебниците, така преку цела година ќе влегуваат во печат. Нема потреба ние да чекаме, затоа што имаме рамковна спогодба со печатницата, доколку заврши таа можеме веднаш да објавиме нов тендер и да почнеме со подготовка за учебниците за следната година, додаде Јаневска.

The post Јаневска: Учебници ќе има за сите предмети, освен за странски јазик appeared first on Република.

Запрен е Конкурсот за издавање учебници во деветгодишното основно образование, објавен на 9 април 2024 од Министерството за образование и наука. МОН на својата веб-страница објави дека оваа одлука е согласно заклучокот од седницата на Владата во петокот (5 јули 2024) и од причина што ќе следуваат измени и дополнувања на Концепцијата за основно образование.

Како што наведува МОН во објавата за запирањето на Конкурсот, измените на Концепцијата се „во насока на соодветно изучување на научните дисциплини историја, географија, биологија, хемија и физика како посебни наставни предмети, а кои сега се изучуваат интегрирано во наставните предмети „Историја и општество“ и „Природни науки“ (од шесто до деветто одделение)“.

Истото е со цел учениците потребните знаења, вештини и ставови од овие наставни предмети да ги стекнуваат согласно националните стандарди на крајот од основното образование, како и да се обезбеди меѓународна споредливост на постигањата на учениците на определена возраст во основното образование, наведува МОН.

Во објавата за запирање на Конкурсот кој е објавен пред три месеци, МОН го известува авторот односно авторите кои доставиле ракопис во архивата на Педагошката служба, заклучно со 8 јули 2024 година, дека тој може да се подигне од Педагошката служба најдоцна 15 дена од објавата на ова соопштение.

Министерката за образование и наука Весна Јаневска во петокот на прес-конференција го соопшти заклучокот на Владата за одложување на имплементацијата на дел од Концепцијата што се однесува на седмо, осмо и деветто одделение во однос на наставните планови и програми, како што рече, „без да бидат засегнати изборните предмети за кои сметаме дека се добро решение во идниот процес на образование кај младите“.

The post Запрен е Конкурсот за издавање учебници за деветгодишно основно образование appeared first on Република.

Со одлуката на Владата денеска почнуваат позитивните промени во образованието во нашата држава и децата на 1 септември оваа година ќе имаат учебници. Се одложува имплементацијата на дел од Концепцијата што се однесува на седмо, осмо и деветто одделение во однос на наставните планови и програми, без да бидат засегнати изборните предмети за кои сметаме дека се добро решение во идниот процес на образование кај младите.

Ова попладнево на прес-конференција го соопшти министерката за образование и наука Весна Јаневска откако претходно денеска МОН информираше дека по неколку дена разговори со Бирото за развој на образованието изнашле преодно решение за учениците кои од 1 септември ќе бидат седмо одделение - дека ќе може да ги користат учебниците кои се применуваат досега затоа што нови, според наставните програми од новата Концепција, не се изработени. За она што недостига во старите учебници, а е предвидено за изучување, ќе има додатни материјали што ќе ги изработи Бирото за развој на образованието (БРО).

Јаневска нагласи дека учениците нема да останат без учебници, како што рече, „за разлика од претходните години кога процесот на креирање, печатење, одобрување на учебници, од за нас навистина непознати причини, беше неодржлив, променлив, со бројни промени во повиците, со грешки во учебниците итн.“

-Ова решение ќе овозможи да надминеме еден сериозен проблем наталожен веќе неколку години наназад на недостиг на учебници. Секојдневно, макотрпно работевме на изнаоѓање на решение за овој проблем, дадовме максимални напори, секојдневно бевме во комуникација и се среќававме со Бирото за развој на образованието за да изнајдеме решение и конечно тоа и се случи, рече Јаневска.

Поради тоа што не се изработени учебници според наставните програми од новата Концепцијата за основно образование, која со етапната примена што почна во 2021 годинава треба да ги опфати седмооделенците, тие ќе ги користат учебниците што се употребуваа досега односно според старата програма.

-Од БРО добивме информации дека програмите се компатибилни, дека нема да има штета во знаењето на децата, целите од образованието ќе бидат остварени и проблемот ќе биде надминат, истакна Јаневска.

На новинарско прашање дали оваа одлука значи дека нема да се распишуваат конкурси за авторски тимови за изработка на учебници за седмо по новата концепција, министерката одговори дека носејќи ја одлуката, Владата донела заклучок со кој го задолжува Министерството за образование и наука „веднаш да се прекинат сите постапки кои се поврзани со овој процес“. Притоа нагласи дека ниту еден учебник за седмо одделение не бил предаден за печатење.

-Освен два учебника, ниту кај еден учебник не беше завршена процедурата – кај дел на пишување на учебникот, кај дел на одобрување на учебникот, што опфаќа рецензентски комисии, проверка во Бирото за образование и во Националната комисија, додаде Јаневска.

На прашањето дали одложувањето на концепцијата се однесува само на последната третина од основното образование (седмо, осмо и деветто) и што ќе се случува со претходните одделенија каде што таа веќе се применува, министерката одговори дека сакаат да се обезбеди континуитет во образованието, како што рече, „без нагли промени и премини“.

-Оттука, се што сметаме дека во концепцијата е добро, ќе продолжи да постои. Ќе се менуваат наставните планови и програми за седмо, осмо и деветто одделение, ќе се поделат интегрираните предмети Историја, Географија, Хемија, Физика, Биологија, Техничко итн., а изборните предмети за кои сметаме дека ќе бидат многу корисни во образованиот систем, ќе си останат, додаде Јаневска.

За Историја и Географија, за кои учениците немаа учебници минатата учебна година, БРО е задолжено во овие два месеца да изработи наставни материјали за овие два предмета.

-Во меѓувреме, ќе се распише и конкурс за да се јават автори и заедно со БРО, со заеднички сили, да го создадат едниот и другиот учебник, па некаде од половината на август да стигнеме и да ги пуштиме во печат, додаде министерката за образование и наука.

The post Јаневска: Децата на први септември ќе имаат учебници appeared first on Република.

The post Јаневска: На први септември ќе има учебници за основно, исклучок ќе бидат неколку предмети appeared first on Република.

Министерството за образование и наука и Бирото за развој на образованието ќе утврдат по кои учебници ќе учат седмоодделенците во претстојната учебна година бидејќи до 1 септември не ќе може да се отпечатат нови согласно новите наставни од Концепцијата за основно образование.

Министерката Весна Јаневска денеска изјави дека за ден-два ќе биде соопштено во јавноста како ќе учат основците во седмо одделение, посочувајќи дека иако било соопштено дека учебници на 1 септември ќе има и за седмо одделение, „фактичката состојба е сосема различна“.

Волшебно стапче да имаме, ние до септември како Влада не можеме да стигнеме да обезбедиме учебници за во седмо одделение. Ниту еден учебник за седмо одделение не е даден во печат. Не само што не се дадени во печат, огромен број од нив не се одобрени. Некои не се ни напишани, значи не е креиран учебникот. Некои не поминале рецензија, изјави Јаневска пред отворањето на конференција за инклузивно образование организирана од Комисијата за спречување и заштита од дискриминација.

Поради тоа, неколку дена, рече, имаат разговори со Бирото за развој на образованието за да се надмине проблемот, а решението веројатно е учениците од седмо и наредната година да учат од старите учебници, односно тие што беа досега во употреба. Доколку законот, рече, не дозволува, за одреден период ќе биде одложена примената на Концепцијата за преостанатите одделенија – седмо, осмо и деветто.

Со тоа што мора да провериме дали тие учебници одговараат на наставните програми. Имаме едно образложение од Бирото дека се прилично компатибилни, освен за две до три теми за кои може да се направат наставни материјали. Но, разговорите и дискусиите се уште траат и доколку законското решение не дозволува ништо поинаку, ние ќе ја одложиме концепцијата на извесен период за учениците од седмо, осмо и деветто одделение да имаат учебници, посочи Јаневска.

Додаде дека наставниците ќе треба да бидат спремни да им ги предаваат темите со тоа што ќе обезбедат одредени наставни материјали од кои децата ќе учат, да им посочат друга литература, интернет литература.

Мене ми е многу жал, но во Македонија ниту учениците, ниту наставниците се спремни да работат комплетно без учебници. Но, не е така страшно затоа што некои земји од Западот, на пример Шведска, кои користеле само дигитални учебници или воопшто не користеле, увиделе дека е потребно да им се вратат учебниците на децата од многу причини, додаде министерката.

The post Јаневска: Ниту еден учебник за седмо одделение не е даден во печат, огромен број од нив не се одобрени appeared first on Република.

Министерката за образование и наука, Весна Јаневска за 360 степени откри дека нема да има нови учебници за децата од седмо одделение. Таа додава дека овој проблем е само за учениците од седмо одделние додека другите веќе се дистрибуираат.

Уште првиот ден кога влегов во Министерството за образование и наука, прва задача ми беше да видам што се случува со учебниците. Иако имаше информации дека сè е во ред, за жал, тоа не беше така. За седмо одделение нема да печатат ниту еден единствен учебник, ниту еден не е предаден за печат, а колку што разбрав, за одреден број учебници процедурата не е завршена, некои не се напишани, кај некои не е помината рецензијата, не е поминато ниту во БРО, ниту во национална комисија, што значи дека апсолутно никаква, ни минимална шанса нема да се стигне, ниту за еден учебник до 1 септември“, рече Јаневска.

Проблемот според Јаневска ќе се решава со користење на стари учебници откако се потврдило дека има компатибилност помеѓу старата и новата програма.Добила и уверување дека децата нема да имаат никаква штета доколку во седмо одделение продолжат да учат по старата програма, со тоа што, како што вели, можеби ќе треба да се доработат одредени теми кои ги немало претходно.

The post Јаневска: Нема нови учебници за седмо одделение, ќе се учи по старата програма appeared first on Република.

Министерката за образование и наука Весна Јаневска денеска изјави дека ќе има учебници за учениците во новата учебна година која започнува во септември.

Да, ќе има за основно и за средно во најголем дел ќе ги имаат учебниците, изјави Јаневска која беше на поставување камен темелник на основно училиште во Драчево.

Таму присуствуваше и премиерот Христијан Мицкоски, кој рече дека тој и министерката за финансии работат на ребалансот на Буџетот и оти Владата ќе направи се за да се обезбедат учебници за новата школска година.

The post Јаневска: Во септември ќе има учебници за основно образование и за средно во најголем дел appeared first on Република.

Министерството за образование и наука информира дека во тек е испораката на сите учебници од прво до седмо одделение во основното образование кои досега се одобрени од Националната комисија за учебници и ќе се применуваат во учебната 2024-2025 година.

Процесот ќе биде заокружен на почетокот на јуни, така што учениците ќе ги имаат потребните учебници навремено, пред стартот нновата учебна година.

Постапката за печатење на новите учебници започна пред две недели, а секое училиште ќе го добие тиражот кој го има побарано преку посебна електронска апликација на министерството. Прашањето за новите учебници го решивме системски и долгорочно. Во меѓувреме, МОН заедно со другите надлежни институции ќе продолжи да вложува во изработка на нови наставни програми и учебници, затоа што тоа е еден од основните услови за квалитетна едукација, односно воспитно – образовен процес, велат од МОН.

The post МОН почна да ги дели учебниците од прво до седмо одделение appeared first on Република.

Нема никаков напредок во разговорите на македонско – бугарската историска комисија, иако состаноците се одржуваат редовно, изјави во Штип Драги Ѓорѓиев, копретстедател на заедничката комисија за историски и образовни прашања на двете држави. Последен пат се сретнале во февруари, а следниот состанок е закажан за во април, но не можеше да прецизира кога ќе има на повидок некакво решение.

- Комисијата ќе работи се додека има простор за разговор, а треба да се водат разговори, дијалогот треба да продолжи, а резултатите кога ќе дојдат, тое е неизвесно, изјави Драги Ѓорѓиев, копретседател на комисијата за историски и образовни прашања на Македонија и Бугарија

На дневен ред се учебниците за VII одделение во македонскиот и за VI-то одделение во бугарскиот образовен систем, каде според наставната програма се изучува историјата на средниот век.

- Во тек е дискусија за нив веќе подолго време, така што нема никакви препораки кои се дадени до Владите во двете земји за учебниците, додаде Ѓорѓиев

Животот и делото на Гоце Делчев се изучува во VIII одделение и за него допрва ќе треба да се разговара. Во однос на тоа, дали ќе има промени на членовите на Комисијата, Ѓорѓиев истакна дека тоа не зависи од нив, туку од политичките гарнитури.

The post Нема напредок во историската комисија: На дневен ред се учебниците за VII одделение во македонскиот и за VI-то одделение во бугарскиот образовен систем appeared first on Република.

Ги информирам родителите и учениците дека навременото доставување на учебниците за учебната 2024/2025 година е одговорност на владата на ДИУ и СДСМ.
Поводот за оваа информација е сознанието дека по ВТОР пат е ПОНИШТЕН огласот за набавка на учебници по странски јазици. Имено учениците веќе повеќе години немаат учебници по странски јазици и сега ПОВТОРНО поради неспособноста на Владатa и службите во МОН, од кои најодговорна е одредена госпоѓа Вангелија Велева, но и Министерот, УЧЕБНИЦИ ЗА СТРАНСКИ ЈАЗИЦИ ПАК ЌЕ НЕМА.
Министерот и Педгошката служба треба да одговорат зошто е поништен конкурсот. Не ми се верува дека тоа е така затоа што службите во МОН не знаат да спроведат легална постпка за набавка на учебници, веројатно е во прашање нешто друго. Молам одговор на ова прашање. Јавноста има право да знае.
Кога се учебници во прашање, ве информирам дека Министерот промовораше дигитални учебници за четврто, петто и шесто одделение. Убаво, немам ништо против дигитални учебници, но моето прашање е КОЈ ГИ ОДОБРИ ОВИЕ УЧЕБНИЦИ? Ги провери ли некој, даде ли мислење, или и ова е експеримнтална програма спроведена на територија на цела Македонија?
Министре, на учениците им требаат УЧЕБНИЦИ! Ваша е одговорноста за нивно навремено доставување. Изборите не се причина и изговор за немање учебници. Без оглед на исходот од изборите, кој е сосема извесен, Вие сепак треба да си ја срботите работата за која Ве плаќаат граѓаните, напиша на Фејсбук, Проф д-р Весна Јаневска.

The post Учениците остануваат без книги: По втор пат е поништен огласот за набавка на учебници по странски јазици appeared first on Република.

Основците и средношколците се на зимски распуст и во училишните клупи ќе се вратат на 22 јануари за второто полугодие од 2023/2024 година. Учебната година првпат ќе заврши на 17 јуни затоа што со одлука на Владата се воведува и пролетен распуст, од 29 април до 5 мај 2024.

Во календарската 2023 продолжи примената на Концепцијата за основно образование, почната во 2020-та, и се повтори проблемот со доцнење на новите учебници - годинава за трето и за шесто одделение. МОН и МВР со недели се справуваа со заканите за наводно поставени бомби во училиштата, македонските ученици покажаа потпросечни резултати на новото меѓународно ПИСА-тестирање.

Третоодделенците ги добија учебниците во првата половина на септември, а шестооделенците чекаа до ноември. Едните и другите во 2023/2024 учат по нови наставни програми согласно Концепцијата за основно образование која три години се спроведува етапно. По критиките дека учебниците доцнат и во оваа учебна година, МОН објаснуваше дека доцна им биле доставени наставните програми од Бирото за развој на образованието (за трето во декември 2022, за шесто во март 2023), појаснуваше дека е потребно време да се состават ракописи за учебници според новите програми и доволно време за другите фази - рецензирање и одобрување од Националната комисија за учебници, графичкото обликување и избор на економски оператор за печатење, пред тие да се достават до училиштата.

За да нема доцнење и во наредната учебна година, кога по нова наставна програма ќе учат седмоодделенците, министерот Јетон Шаќири побара програмите да бидат готови до крајот на ноември и БРО ги достави во дадениот рок. Набргу потоа МОН објави и огласи/повици за авторски тимови кои ќе ги пишуваат ракописите за новите учебници за седмо.

Студентскиот оброк по цена од 120 денари дневно да се исплаќа ретроактивно до март, а дотогаш да се најде системско решение за оваа субвенција. Тоа е договорено на средбата во Собранието меѓу

-Во минатиот период имавме проблеми, но сакаме да докажеме дека со навремени повици за автори ќе имаме долг период за изработка и печатење на учебниците за наредната учебна година, изјави Шаќири во ноември откако во првите два месеца од учебната година секојдневно беше соочен со прашањето: Кога ќе стигнат учебниците за шесто? Во повеќе наврати изјавуваше дека проблем има и во тоа што не се пријавуваат кандидати што ќе ги рецензираат ракописите, а тоа е причината и што сѐ уште не е готов учебникот за Историја и општество.

Комисијата за спречување и заштита од дискриминација (КСЗД) во септември одлучи против Министерството за образование и наука да поднесе судска тужба за заштита од дискриминација од јавен интерес поради необезбедени учебници.

Според извештај што од МОН го побарала оваа Комисија, од 126 учебници потребни за сите задолжителни и изборни предмети во деветгодишното основно образование, на почетокот на учебната 2023/2024 година не биле обезбедени 43 учебници, односно недостигале 34 отсто или една третина. По сите наставни предмети и на сите наставни јазици учебници на 1 септември имале само учениците во прво и второ одделение, соопшти КСЗД.

На крајот од годината МОН го почна процесот на дигитализација на учебниците со промовирање на учебници по сите предмети за четврто, петто и шесто одделение, на сите наставни јазици, поставени на платформата nastava.mk и достапни во секое време. Тие се првата фаза на дигитализацијата која ќе продолжи и во наредните години односно со секој одобрен учебник што ќе се печати, ќе има и дигитална верзија. Од МОН појаснија дека не се работи за ПДФ-формат на печатените учебници, туку за богата мултимедијална содржина - видеа, фотографии, илустрации, квизови, со што учењето на младите ќе биде поинтересно и поефектно.

На почетокот на декември беа објавени резултатите од Програмата на ОЕЦД за меѓународно оценување на учениците (ПИСА) од 2022, според кои македонските ученици на 15-годишна возраст се потпросечни во математика, писменост и природни науки.

Меѓу нивни врсници од 81 држава во светот, кои лани учествувале во тестирањето на ОЕЦД (Организацијата за економска соработка и развој), учениците од Македонија се рангирани на 61 место по математика, на 71-во на тестот за читање со разбирање и на 68 место за знаења од природните науки.

Министерството за образование и наука соопшти дека е минимална разликата со резултатите од претходното тестирање во кое учествуваше земјава, во 2018, наведе дека резултатите од 2022 покажуваат „генерално намалување“ на нивото на јазичната, математичката и научната писменост кај учениците во речиси сите држави учеснички и дека тоа се должи на „негативните последици од пандемијата со Ковид-19 врз квалитетот на образованието во глобални размери“.

Канцеларијата на УНИЦЕФ во Скопје во реакција по повод резултатите укажа дека е „висока цената што ќе ја платиме ако кризата со учењето не стане национален приоритет“. Претставничката на УНИЦЕФ, Патриција ДиЏовани, порача дека „државата треба да биде сериозно загрижена од најновите резултати коишто покажуваат уназадување“ и дека „предолго време дозволуваме децата да заостануваат во читањето, математиката и природните науки“.

Многумина сега се млади возрасни лица, кои се запишуваат во високото образование или почнуваат да работат, а празнините во нивното знаење ќе излезат на виделина и тоа има своја цена. Тоа ќе има сериозни последици врз сегашните и идните генерации. Ситуацијата налага сите да се обединат сега. Децата не можат да чекаат. Образованието не може повеќе да чека. Справувањето со кризата во учењето мора да биде национален приоритет. Овие загуби не само што имаат негативно влијание врз децата денес, туку тие, исто така, ќе влијаат врз исходот во животот на децата и ќе го попречат економскиот развој на земјата во следните децении, беше наведено во соопштението на ДиЏовани.

Откако МОН пролетта ги прифати четирите барања на Сојузот на средношколци за олеснување на полагањето на државната матура, тие што неа ја спроведуваат почнаа генерален штрајк.

Синдикатот на Државниот испитен центар (ДИЦ) на крајот на април побара повисоки плати за 29-те вработени и ги стопираше подготовките за државната матура во јуни и на сите други процеси во нивна надлежност (меѓународните тестирања, обуката и испитот за директори на училишта...) Бараа од министерствата за образование и за финансии да ги прифатат измените на колективниот договор со кои би добиле линеарно покачување.

По апелите дека од штрајкот на ДИЦ се засегнати и во неизвесност над 15 илјади матуранти и откако МОН соопшти дека за да се реализира државната матура ќе ангажира вработени од Министерството, синдикатот на ДИЦ одлучи да го стави штрајкот во мирување за да не се доведе во прашање валидноста на тестирањето и резултатите од матурата. Штрајкот беше активиран повторно на крајот на 2023, а ресорниот министер во ТВ-интервју вети повисоки плати во ДИЦ по Нова година.

Пријавите за наводно поставени експлозивни направи кои почнаа во октомври 2022, продолжија и по зимскиот распуст во 2023. Во неколку недели имаше секојдневни евакуации на ученици, вознемирена јавност и изјави од надлежните и од експерти дека се работи за хибридни закани во целиот регион чија цел е да се создаде чувство на несигурност и страв.

МОН донесе одлука училиштата што добиваат заканувачки дојави за кратко време да се префрлат на онлајн-настава, но тоа се покажа не многу функционално поради проблеми на голем број ученици да се регистрираат на платформата Тимс, а некои, пак, што живеат подалеку, не беа во можност во рок од еден час да се вратат дома за да ги продолжат часовите.

По секојдневно броење колку училишта добиле закани по е-пошта, за кои МВР, по оперативните полициски проверки, соопштуваше дека се лажни, престана јавното објавување на пријавите за бомби. МВР во соработка со МОН ги смени протоколите и почна да ги спроведува безбедносните процедури без да се наруши текот на наставата со физичко присуство на учениците и наставниците.

Масовното убиство во училиште во Белград, кое го изврши 13-годишен ученик во мај, и кај нас отвори низа дебати за безбедноста во училиштата и, до крајот на минатата учебна 2022/2023 година, секојдневни беа темите за нивната екипираност со стручен кадар и за проблемот со меѓуврсничкото насилство.

МОН апелираше стручните тимови во училиштата помалку да бидат окупирани со административна работа, а повеќе да се посветат на работата за која постојат. Во широка консултативна дискусија со стручни лица, педагози и психолози практичари и со вклученост на средношколци и родители, беа утврдени десет препораки – заклучоци, што ги усвои Владата, за подигнување на безбедноста во училишните објекти и превенирање на меѓуврсничкото насилство.

Меѓу препораките беше и да се ограничи користењето на мобилните телефони во училниците. Во дебатите се слушнаа предлози и да се забрани апликацијата ТикТок, но заклучокот беше дека тоа нема да го реши проблемот со булингот.

Во деветтиот пакет антикризни мерки за социјално ранливи граѓани за справување со енергетската и ценовната криза, што го одобри Владата на крајот од годината, за помош на учениците и студентите се наменети 16,3 милиони евра.

Финансиската поддршка е за ученици од основните и средните училишта чии семејства имаат вкупни месечни приходи од нето плата до 50.000 денари.

Таканаречениот „Концепт“ што го нуди МОН е донесен на целосно нетранспарентен начин, без консултација ниту со Институтот или други високошколски установи, ниту со научната и професионалната ј

Со антикризните мерки се опфатени и над 15 илјади студенти кои до крајот на академската 2023/2024 ќе добиваат ваучер за превоз од 600 до 1.200 денари доколку студираат надвор од местото на живеење, а износот ќе зависи од оддалеченоста.

Покрај ова, Владата најави и дополнителна мерка за студентите за да го подобри нивниот стандард – ваучери за посета на туристичко место во земјава, за што се предвидени 64 милиони денари. Како што беше најавено од министерствата за економија и за образование и наука, новата поволност за студентите ќе почне да се применува од јануари и се очекува да бидат опфатени околу три до четири илјади студенти од државните универзитети.

Со заем од 20 милиони евра од Германската развојна банка и грант од 5 милиони евра преку Програмата за регионална енергетска ефикасност за Западен Балкан на Европската Унија, ќе бидат реновирани деветте државни студентски домови во Скопје, Прилеп, Битола, Штип и Охрид.

Реконструкцијата на државните студентски домови е во рамки на Проектот за нивна енергетски ефикасна рехабилитација и ќе се одвива во три фази. Во првата ќе бидат реновирани домовите „Стив Наумов“ и „Кузман Јосифовски Питу“ во Скопје. На самиот крај од годината во Владата беше потпишан договор со економскиот оператор Страбаг АГ за реновирање на овие два дома што се очекува да трае 18 месеци.

The post Лажни бомби, поразителни резултати на ПИСА-тестирањето, ученици без учебници appeared first on Република.