Основното јавно обвинителство Скопје информира дека повело истрага против 33-годишник, македонски државјанин за извршено убиство во Ханиоти.

Основното јавно обвинителство Скопје донесе Наредба за спроведување истражна постапка против едно лице за кривично дело кое во македонскиот Кривичен законик е предвидено како - Убиство од член 123 став 2 точка 3 во врска со став 1 и член 22, како и за Неовластено изработување, држење, посредување и тргување со оружје и експлозивни материи според член 396 став 3, велат од ОЈО.

Како што посочуваат од Јавното обвинителство, осомничениот 33-годишник на 15 јули 2023 година, во Ханиоти, Република Грција, заедно со уште едно засега непознато лице, со умисла го лишиле од живот сега покојниот Орхан Бајрами, а ги довеле во опасност и животите на уште четири лица.

По претходен договор, осомничениот и неговиот соизвршител маскирани пристигнале во туристичкиот комплекс каде била сместена жртвата и се приближиле до отворената задна балконска врата. Осомничениот од огнено оружје – пиштол „Црвена застава“ со калибар 7,65 мм со пригушувач испукал 11 куршуми, а неговиот соучесник со пиштол од ист калибар уште 8 куршуми во правец кон оштетените. Од куршумите, три завршиле во телото на сега починатиот, нанесувајќи му смртоносни повреди. Грчките истражни органи имаа издадено налог за апсење на осомничениот, како и Европски налог за апсење и меѓународна потерница поради сомненија за кривични дела – Намерно убиство со соучесништво и Обид за сериско и соучесничко убиство на територијата на Република Грција, велат од Обвинителство.

Како што наведуваат од ОЈО, со оглед на тоа што станува збор за македонски државјанин за кого не постои можност за екстрадиција, врз основа на инструментите за меѓународна правна соработка, грчките власти го отстапиле кривичното гонење на Основното јавно обвинителство Скопје.

Јавниот обвинител до Основниот кривичен суд во Скопје доставил предлог за определување мерка притвор за осомничениот.

The post Во Оки испукал 11 куршуми: ОЈО поведе истрага против македонски државјанин за убиство на Орхан Бајрами во Ханиоти appeared first on Република.

Во Основниот суд Куманово, почна првото судењето во кое обвинета за убиство е Вангелица Илијевска, 36-годишна жена која во јуни, годинава ги уби сопругот и свекорот во домот во Кратово. Обвинителството бара да се осуди по член 123 од Кривичниот законик, додека нејзината одбрана тврди дека таа, постапувала во нужна одбрана. И обвинетата на прашање на судијата рече дека дејствувала во нужна оодбрана.

Јавниот обвинител во воведниот говор кажа на 13 јуни, годинава Илијевска по семејно насилство со нож ги убила нејзиниот сопруг Јован и свекорот Стојан. Таа со нож нанела повреди во пределот на градите и на Јован и на Стојан Илијевски додека била на горниот кат на куќата, на што му претходела вербална расправија со сопругот, физички била нападната, со тупаници кога ја фатил за врат, зела нож и му нанела убодни рани. Подоцна со нож му нанела убодни рани и на свекорот.

Обвинителството остана на обвинителниот акт и за продолжување на куќниот притвор на Вангелица.

Одбраната рече дека Вангелица Илијевска била во брак повеќе од десет години и била жртва на семејно насилство, физичко и психичко малтретирање од сите членови на семејството, најмногу од нејзиниот сопруг Јован. Таа, како што рече адвокатот Христијан Георгиевски, била долгогодишна жртва на семејно насилство, за што рече сведочат пријавите во Центарот за социјални работи и во полицијата. Во моментот на убиството посочи дека нејзиниот сопруг бил во алкохолизирана состојба, претепана што ја натерало жената да го изврши трагичниот настан. Одбраната рече дека жената е прилично ситна по градба, досега неосудувана, нагласувајќи дека жените жртви на семејно насилство се посебно ранлива категорија. Одбраната кажа дека таа морала да делува бидејќи претходно била брутално нападната од сопругот. Во текот на постапката внимание ќе посвети и на задоцнето постапување на институциите кои придонеле да се случи овој настан.

На денешното рочиште сведочеше мајката на Јован и сопруга на Стојан, свекрвата Славица Илијевска, која кажа дека не сведочела лично на убиствата, бидејќи не можела со штаки да се качи на вториот кат од куќата каде се случил настанот. Таа негираше дека Јован ја малтретирал Вангелица. Неа за настанот ја информирал поголемиот внук кој трчал и го повикал првин дедото да се качи горе на катот, а подоцна го повикал и соседот. Малолетните деца ги прибрал соседот. Таа ќе побара и материјално обештетување од обвинетета.

Денеска сведочеше и соседот Панче Атанасовски кој кажа дека бил повикан од синот на Јован и Вангелица околу 21 часот. Качувајќи се кон катот првин го забележал телото на Стојан, проверил и не почувствувал пулс. Ги видел во ходникот на вториот кат Јован и Вангелица како лежат на подот, Јован му кажал да и го земе ножот, го зел и оставил на првиот кат на ормар. Ја видел и Вангелица која му кажала дека се борела со двајцата. Соседот телефонски повикал полиција и амбуланта кола. Првин пристигна полицијата, а после и итна помош и тој заедно со нив се качил повторно на вториот кат тогаш и Јован не давал знаци на живот. Сведокот не знаел дали имало малтретирање, но потврди дека гледал полиција и Центар за социјални работи во домот на соседот со кој живелее куќа до куќа. Потврди дека понекогаш пиеле алккохол со починатиот Јован, ама не знаел дали често пиел.

На наредното рочиште ќе се разгледуваат доказите, материјално технички и ќе се сослушуваат вештите лица од психијатрија и ДНК анализа на предлог на обвинителството. Одбраната ги оспори психијатриското вештачење и наведе дека има листа на над 75 писмени материјални и вербални докази и ги оспори ДНК анализата и психијатриското вештачење на обвинетата.

Наредното рочиште е закажано за 18 декември годинава.

The post Почна судењето на жената за убиствата на сопругот и свекорот во Кратово appeared first on Република.

Најмалку осум лица загинаа, а 17 се ранети денеска кога студент (21) изврши напад во источниот кинески град Вукси, соопшти локалната полиција. Нападот бил извршен со нож.

Засега нема повеќе детали за масовното убиство.

The post Во Кина студент со нож уби најмалку осум лица, рани 17 appeared first on Република.

По приведувањето на 41-годишник од тетовски Порој во вторникот, за убиство во 2013 година, одреден му е притвор, а Обвинителството почна истражна постапка за него, како и за уште еден човек на иста возраст кој му помогнал во извршување на кривичното дело.

Лицето Ш.Ш на 12 октомври 2013 година, на излезот од селото Пирок, со умисла лишил од живот лице од Тетово поради претходни нерасчистени недоразбирања. Второосомничениот го ставил на располагање својот автомобил и двајцата заеднички набавиле автоматска пушка која на граѓаните им е забранета.

Основното јавно обвинителство Тетово донесе Наредба за спроведување истражна постапка против двајца сега 41-годишни жители на селото Порој, од кои првиот е директно осомничен за кривично дело – Убиство од член 123 став 1 од Кривичниот законик сторено во 2013 година, додека другиот му помогнал во извршување на убиството и бил соучесник во – Неовластено изработување, држење, посредување и тргување со оружје или експлозивни материи од член 396 став 5 во врска со став 3 од Кривичниот законик, информираше денеска Јавното Обвинителство.

Надлежниот јавен обвинител до судијата на претходна постапка достави предлог за определување мерка притвор за двајцата. Согласно донесеното решение, за првоосомничениот притворот е ефективен веднаш, а за второосомничениот, кој е во бегство, притворската мерка ќе започне да се применува по неговото пронаоѓање и лишување од слобода.

Во вторникот 12 ноември во 16.30 часот од страна на полициски службеници од Одделот за криминалистичка полиција - Сектор за општ и насилен криминал во содејство со СВР Тетово - Одделение за општ криминал Ш.Ш.(41) од с.Порој беше лишен од слобода.

https://republika.mk/vesti/crna-hronika/osomnichen-za-ubistvo-po-10-godini-konechno-uapsen/

The post Правда бавна 11 години: За убиство со умисла еден во притвор, еден во бегство appeared first on Република.

Вчера во 16.30 часот од страна на полициски службеници од Одделот за криминалистичка полиција - Сектор за општ и насилен криминал во содејство со СВР Тетово - Одделение за општ криминал од слобода бил лишен Ш.Ш.(41) од с.Порој поради основано сомнение дека е сторител на кривично дело „убиство“, извршено на 12.10.2013 на регионалниот пат од с.Пирок кон с. Жеровјане.

По наредба на Основен суд Тетово извршен е претрес во домот на Ш.Ш..

Против лицето е поднесена кривична пријава, при што од страна на Основен суд Тетово му е изречена мерка притвор од 30 дена, велат од МВР.

The post Осомничен за убиство по 10 години конечно уапсен appeared first on Република.

Градоначалникот на Балашеих, и неговиот возач загинаа денеска во воружен напад. Ова го соопшти гувернерот на централниот турски округ Мехмет Макас, цитиран од Си-Ен-Ен Турк, додавајќи дека во нападот биле повредени уште три лица.

Хилми Шен (50) бил тешко ранет во престрелката, но подоцна им подлегнал на повредите. Во вооружениот напад загинал и Микаил Челикол, шофер на Шен, а три лица се повредени и сите се примени во болница.

Нападот го извршил лице со иницјиали Е.Ш. кој бил роднина на градоначалникот, и бил приведен. Засега не се познати мотивите за убиството.

The post Градоначалник во Турција и неговиот возач убиени во престрелка, тројца се повредени appeared first on Република.

Убиството на 29-годишната Емилија Пешева е фемицид. Невладините организации кои работат на женските права и со жртвите на семејно насилство се согласни дека убиството на Пешева треба да се квалификува како фемицид.  Жртвата  претходно пријавила насилство, но постапката против Ф.З кој го изврши убиството врз неа ја има запрено на 2 септември потврдија и од Центарот за социјални работи во Штип.

Образложението и било дека предупредувањето од полицијата имало влијание врз неговото однесување, но и дека ќе ја заштитат родителите.  Бети Пеева од Невладината „ЕХО“ од Штип за МИА вели дека подолг временски период бараат законски измени, со цел кривичното гонење против насилнокот да оди по службена должност.

Ние имаме кривично гонење по предлог на жртвата, а голем дел од нив ги повлекуваат своите пријави до Полицијата и може да се случи дури и кога ќе биде покреното и кривично гонење може странката во меѓувреме да ја повлече таа пријава и тогаш институциите остануваат токму со врзани раце и не можат да преземат ништо во таа смисла. Поради тоа често се случува самите насилници да добијат уште поголема сила и моќ да продолжат понатаму со насилството, вели Пеева.

Таа посочува дека во пракса се случува многу често и какошто вели еве за жал какошто е завчерашниот фемицид во Штип на ваков начин и ескалираат.

Психологот, Стојне Митева од струмичкото Здружение „Скај плус“ кое раководи со шелтер центар вели дека во изминатиот период имаат згрижено голем број на жртви на семејно насилство од Штип и тоа какошто вели меѓу кои и тешки форми на насилство.

Сметам дека овде треба да го кренеме алармот, да се зголеми координацијата меѓу институциите и многу внимателно  да се следат насилниците. Бидејќи праксата покажува дека, честопати насилството, прераснува во убиство за жал. Убиството на жени е фемицид и важно е така да се квалификува, бидејќи оваа и многу други жени се убиени само затоа што се жени, вели Митева.

Таа посочува дека во шелтер центарот во Струмица во текот на годинава се згрижени околу 30 жртви на семејно насилство, заедно со нивните деца. Во Штип завчера беше убиена Пешева од нејзиниот поранешен партнер, кој претходно има и извршено насилство. На сторителот на делото му е одредена мерка притвор од 30 дена. Инаку казните за сторено кривично дело фемицид се движат од 10 години до доживотен затвор.

The post Невладините бараат убиството на штипјанката Емилија Пешева да се квалификува како фемицид appeared first on Република.

Во врска со извршеното кривично дело „убиство" на 01.11.2024 во скопско Арачиново, каде со огнено оружје беше убиен С.А. (56) од село Арачиново, a Х.А. (20) од село Арачиново, се здобил со прострелни рани, од страна на Единицата за насилен криминал при СВР Скопје преземени се мерки и активности, при што е утврден идентитетот на сторителите и тоа Ш.Ш. (23) од с.Арачиново и Е.Ш. (31) од с.Арачиново.

ОД МВР денеска соопштија дека исто така е утврдено и возилото со кое е извршено кривичното дело „ауди А5" со скопски регистерски ознаки, во сопственост на Е.Ш., кое е пронајдено и одземено.

- На 02.11.2024 од страна на ЕНК-ОКСД во координација со ОЈО Скопје поднесена е кривична пријава по брза постапка против Ш.Ш. за кривично дело „убиство" предвидено и казниво по член 123 од КЗ и кривично дело „убиство" предвидено и казниво по член 123 во врска со член 19 од КЗ и кривична пријава против Е.Ш. за кривично дело „убиство" предвидено и казниво по член 123 во врска со член 22 од КЗ и кривично дело „убиство" предвидено и казниво по член 123 во врска со член 19 во врска со член 22 од КЗ, при што Е.Ш. е лишен од слобода, а Ш.Ш. е во бегство и се преземаат мерки за негово пронаоѓање..

Од страна на Судија на претходна постапка на двете пријавени лица им е одредена мерка притвор во траење од 30 дена, појаснуваат во соопштението од МВР.

The post СВР Скопје го расчисти убиството во Арачиново appeared first on Република.

Поради основано сомнение за сторено кривично дело – Убиство од член 123 став 2 точка 2 од Кривичниот законик, Основното јавно обвинителство Штип донесе Наредба за спроведување истрага против 33-годишен осомничен.

На 1 ноември во попладневните часови, при вршење семејно насилство, осомничениот со умисла ја лишил од живот неговата вонбрачна партнерка. Откако со жртвата се договориле да се сретнат во помошен објект на ЈП Исар, каде и претходно често се среќавале за да разговараат за проблемите во нивната врска, меѓу нив настанала расправија, по што осомничениот физички ја нападнал. Ја удирал со тупаници, па ја фатил за вратот, ја турнал на подот и со двете раце ја притискал и давел подолго време додека жената не престанала да дава знаци на живот. Потоа самиот се пријавил во полициската станица во Штип.

Бидејќи постојат околности кои укажуваат на опасност од бегство, а се работи и за претходно осудувано лице, јавниот обвинител до судијата на претходна постапка од Основниот суд во Штип достави предлог за определување мерка притвор. Судот го прифати предлогот и определи притвор за осомничениот во траење од 30 дена.

The post Ја удирал вонбрачната партнерка, ја турнал на под и ја давел до смрт: Ужасни детали за убиството во Штип appeared first on Република.

Дамир И.(23) е осомничен дека до смрт ја претепал својата партнерка Драгана М.(23), а претходно бил уапсен бидејќи со нож ја избодел бремената сопруга Драгана В. бидејќи му рекла дека детето не е негово.

Тој  се фатил за нож и и нанел три убодни рани на девојката - една во пределот на стомакот и една во грбот, при што и нанел сериозни повреди.

Роднините на убиената за медиумите изјавија дека не знаат зошто Д.И. ја убил жената, но дека можно е да се работи за љубомора.

The post Ја претепал бремената девојката оти му кажала дека детето не е негово appeared first on Република.

Основното јавно обвинителство Битола поведе постапка против 39-годишен битолчанец, осомничен за дело – Противправно лишување од слобода од член 140 став 5 во врска со став 2 и со став 1, како и – Телесна повреда од член 130 став 2 во врска со став 1 од Кривичниот законик.

-На 21 октомври, при вршење на семејно насилство и на свиреп начин, осомничениот противправно ја затворил и ја држел затворена, а потоа и телесно ја повредил неговата поранешна партнерка. Оштетената, пред нејзината куќа, влегла во неговото возило. Тој започнал да вози и најпрво со тупаница ја удрил во пределот на главата. Потоа ја однел во неговата викендица во Нижеполе, каде насилно ја турнал, ја заклучил и додека ја држел затворена, еден час ја удирал со шлаканици, тупаници и клоци по главата и телото.

Оштетената не можела повеќе да го издржи ваквото негово насилничко однесување, па посегнала по нож од кујната со кој си ги исекла вените на левата рака. Но, осомничениот продолжил свирепо да ја удира, нанесувајќи и повеќе телесни повреди, информираат од Обвинителството.

Јавниот обвинител до судијата на претходна постапка достави предлог за определување мерка притвор, но осомничениот е во бегство, па притворската мерка ќе започне да се спроведува сметано од денот на неговото пронаоѓање, лишување од слобода и приведување.

The post Битолчанец ја затворил поранешната девојка, ја тепал, а таа си ги исекла вените appeared first on Република.

Градоначалникот на Кирхберг, Франц Хофер е убиен во денешниот напад во Австрија, поради што полицијата започнала голема операција.

Како што е потврдено за Кроне, напаѓачот е во бегство.

Веднаш по страшното откритие, на местото се испратени сите полициски единици. Исто така, алармирани се и специјалните единици, а на местото на злосторството пристигна и блиндиран автомобил „Кобра“.

Ловецот кој бил на нива или во шума, откако пукал се упатил во непознат правец.

Нападот се случил околу 9:15 часот.

Канцеларијата на гувернерот на државата, Томас Стелцер, потврди за Кроне во 9:45 часот дека е убиен градоначалникот на Кирхберг.

The post Атентат во Австрија, убиен градоначалник: Полицајците и специјалците на нозе, напаѓачот во бегство appeared first on Република.

Во семејната куќа во Бездан кај Сомбор, Србија 48-годишен маж со неколку истрели од огнено оружје си го убил синот (20), а потоа си го одзел животот, потврдија за Танјуг од сомборската полиција и Обвинителството.

На трагедијата и претходела вербален конфликт, а причината не е позната.

Несреќата ја пријавила постара жена која во тој момент била во куќата, за која постои сомнеж дека е мајка на лицето кое го извршило убиството и самоубиството, дознава Танјуг.

Се сомнева дека оружјето со кое е извршено убиството и самоубиството било нелегално поседувано, а според соседите, семејството не се сметало дека е во конфликт и велат дека живееле во Австрија и дека дошле во Бездан на одмор.

Телата се испратени на обдукција во Нови Сад, а понатамошната истрага на надлежното Вишо јавно обвинителство во Сомбор ќе ја утврдува причината за оваа трагедија.

The post Нивните тела се најдени во семејната куќа во Бездан: Томислав го убил синот единец, па си пресудил на себе appeared first on Република.

Тинејџер (14) е уапсен во Пловдив под сомнение дека ја убил мајка си.

Во станот било пронајдено тело на жена (50).

Според неофицијални информации, семејството имало проблеми со алкохолот.

Вечерта настанала жестока расправија помеѓу мајка и син, која за жал завршила трагично.

Момчето во еден момент ја турнало мајка си, таа паднала, удрила во главата и починало на лице место.

По доаѓањето на местото на настанот, полицијата го привела момчето кое е задржано во притвор.

The post 14-годишно момче од Бугарија осомничено дека ја убило мајка си appeared first on Република.

Безживотното тело на македонски државјанин било пронајдено минатата недела на гробишта во Бремен, Германија а бидејќи по телото имало убодни рани, било утврдено дека несреќниот маж бил жртва на убиство.

Според информациите на „БИЛД“, усмртен е И. Д. (41), кој и бил од претходно познат на полицијата, бидејќи ја демнел својата поранешна партнерка со која има и малолетно дете.

Посетителите на гробиштата го пронашле неговото тело во локва крв меѓу гробовите и веднаш повикале полиција. Според очевидците, мажот бил облечен во сиви панталони, впечатлива црвена јакна и црни влечки.

The post Тело на македонски државјанин е пронајдено на гробишта во Бремен appeared first on Република.

Основното јавно обвинителство Кочани донесе Наредба за спроведување истражна постапка против две лица, кои се осомничени дека како соизвршители извршиле кривично дело – Убиство според член 123 став 1 во врска со член 22 од Кривичниот законик.

Двајцата осомничени, по претходна расправија, лишиле од живот едно лице, нивен сосед, удирајќи го повеќе пати со тврди предмети и нанесувајќи му повреди по целото тело.

По наредба на јавен обвинител, на телото на починатиот е извршена обдукција, а од лице место се прибрани траги и материјални докази кои се предмет на вештачења.

Јавниот обвинител до судијата на претходна постапка достави предлог за определување мерка притвор за двајцата осомничени. Кочанскиот суд го прифати предлогот и им определи притвор од по 30 дена.

The post Истрага во Кочани, двајца осомничени дека убиле сосед appeared first on Република.

Коди Греј ќе биде обвинет за убиствата на 14-годишниот Мејсон Шермерхорн, 14-годишниот Кристијан Ангуло, Ричард Аспинвол (39) и Кристина Ирими (53). Аспинвол и Ирими предавале математика, а Аспинвол истовремено бил и помошник фудбалски тренер. Девет други жртви, осум ученици и еден наставник, се пренесени во болниците.

Училиштата во округот Бароу ќе бидат затворени до крајот на неделата.

Белата куќа преку соопштението рече дека претседателот Џозеф Бајден е известен за пукањето и дека неговата администрација ќе остане во контакт со федералните, државните и локалните власти за повеќе информации.

Американското Федерално биро за истраги (ФБИ) соопшти дека напаѓачот во смртоносното пукање во средата во училиште во Џорџија, Колт Греј, бил испрашуван од полицијата минатата година за анонимни закани на Интернет, по дојава на ФБИ.

Греј (14) во мај 2023 година ѝ негираше на полицијата дека стои зад објавите на Интернет кои содржеле слики од оружје, предупредувајќи за пукање во училиштата.

The post Ова се жртвите на 14-годишниот напаѓач во училиште во Џорџија appeared first on Република.

Основното јавно обвинителство Скопје информира дека во текот на вчерашниот ден е лишено од слобода едно лице за кое постои сомнение дека било инволвирано во убиството кај Трговскиот центар „Мавровка“. Станува збор за затвореник кој бил во бегство од КПУ Затвор - Скопје.

Како што информираат од Обвинителството во тек се вештачења на материјалните докази со кои се утврдува основаноста на сомненијата за вклученост на ова лице во настанот, а осомничениот е вратен во затворот со максимални мерки за обезбедување.

Со оглед на тоа што приведениот е осудено лице за друго кривично дело и бил во бегство од КПУ Затвор – Скопје врз основа на издадената потерница и по консултација со јавен обвинител, тој денеска е вратен во затворот со максимални мерки за обезбедување, стои во соопштението.

За овој настан, Основното јавно обвинителство Скопје претходно поведе истрага против едно лице, кое се гони за кривични дела – убиство, обид за убиство и недозволено поседување оружје и на кое по предлог на јавниот обвинител му е определена мерка притвор во траење од 30 дена.

The post Затвореник кој бил во бегство се сомничи дека бил вмешан во убиството кај ТЦ „Мавровка“ appeared first on Република.

„Најпрвин дозволете ми да изразам жалење за тој грозоморен чин и загубениот човечки живот“, кажа претседателот на Владата на Република Македонија, Христијан Мицкоски одговарајќи на новинарско прашање за убиството пред Мавровка и обвинувањата на опозицијата дека институциите не ги презеле сите мерки навреме и додаде:

Но, она што е важно е дека веќе во серија, криминалци и корумпирани судии и обвинители се одговорни пред законите и институциите откако најпрвин врховниот судија и оној обвинител кој што е дел од Советот на јавни обвинители призна вина дека учествувале во коруптивен скандал и дека на тој начин само ги докажаа тезите кои што ние ги имаме дека имаме партизирано оптруирано обвинителство и судство во најголема мерка.

Тој истакна дека институциите брзо реагирале на расчистување на овој грозоморен чин и ги привеле сторителите, нешто што не било случај во минатото.

Сега следеше втор чин кога институциите брзо молскавично сторителите на овој грозоморен чин ги приведоа и ги извадија пред органите на правдата. Сите буквално учесници се приведени, нешто што во минатото не беше случај. Нешто што морам да признам во минатото не беше случај и затоа довербата во правната држава беше еднаква на нула, подвлече премиерот Мицкоски.

„Добро е што последните мерења конкретно од август кои што како партија ги правиме во довербата во институциите во борбата против криминалот и корупцијата постепено се враќа и можам со задоволство да кажам дека за прв пат имаме повеќе наши сограѓани кои што веруваат во борбата против криминалот и корупцијата на оваа влада отколку што не веруваат. И тоа е само уште една причина повеќе да продолжиме да се бориме со овие криминални битанги, без разлика дали се вакви безочни криминалци или криминалци во политиката“, изјави тој.

Премиерот Мицкоски е дециден дека сите кои што се огрешиле пред законот ќе бидат изведени пред лицето на правдата.

Набргу од денеска сите кои што се огрешиле пред законот ќе бидат изведени пред лицето на правдата, вклучително и оние групи кои што во последно време се обидуваат да бидат активни во скопското подземје, ги следиме и нив, рече Мицкоски.

The post Мицкоски: Секој кој се огрешил пред законот ќе одговара, убиството во Мавровка е расчистено, институциите експресно реагираа appeared first on Република.

СВР Скопје целосно ги расчисти кривичните дела „убиство" и „убиство во обид“, кои беа извршени на 20.08.2024 на паркинг просторот позади трговскиот центар Мавровка, каде што со употреба на огнено оружје беше убиен В.Е.(58) од Скопје и на ул.„Стојна Стефкова“, каде со пиштол беше пукано кон полициски службеници од Единицата за интервентна полиција при СВР Скопје, објави на фејсбук министерот за внатрешни работи Панче Тошковски.

Имено, по преземени мерки и брза реакција на СВР Скопје, специјалните полициски сили, хеликоптери и дронови беше фатен и лишен од слобода сторителот на кривичните дела Е.К.(39) од Скопје.

Веднаш потоа, од Единицата за насилен криминал – Одделение за крвни и сексуални деликти при СВР Скопје беа извршени увиди на местата, беа извршени разговори со сведоци како и претреси во домови на неколку локации, беа прегледани видео записи и беше извршена претрага на терен за обезбедување на материјални докази како што се возила, пиштол, чаури и други одземени предмети. Од страна на Одделот за форензички испитувања при МВР извршено е вештачење на чаури и пиштол со кое вештачење се поврзуваат двете кривични дела со сторителот Е.К.

По обезбедување на целокупниот доказен материјал, Единицата за насилен криминал – Одделение за крвни и сексуални деликти при СВР Скопје во координација со Основното јавно обвинителство Скопје, против Е.К. поднесе кривична пријава по брза постапка поради постоење основи на сомнение за сторено кривично дело „убиство” казниво по член 123 став 2 точка 4, кривично дело „убиство” во обид, казниво по член 123 во врска со член 19 и кривично дело „неовластено изработување, држење, посредување и тргување со оружје или распрскувачки материјали” казниво по член 396 од Кривичниот законик.

За второто лице кое беше лишено од слобода вчера до овој момент не е утврдена поврзаност со настанот и е ослободен, а се преземаат интензивни мерки за пронаоѓање и на уште едно инволвирано лице за кое постои сомневање дека помагало во извршувањето на кривичното дело “Убиство“.

The post Тошковски: СВР Скопје целосно го расчисти убиството пред „Мавровка“ appeared first on Република.