Македонката која минатиот четврток беше убиена од страна на нејзиниот сопруг во Есен, Германија, ќе биде погребана утре, во петок, на гробишта во Есен. Детали за погребот на убиената 41-годишна Ванеса П. објавија повеќе нејзини роднини од Кавадарци на социјалните мрежи, кои со трогателни пораки, фотографии и видеа се простуваат од неа.

За трагедијата која се случила во вечерните часови минатиот четврток, известија германските медиуми, опишувајќи го настанот како ужасно крвопролевање. Ванеса била избодена во станот во кој живеела, пред очите на нејзиниот осум-годишен син.
Како осомничен за убиството беше наведен нејзиниот 47-годишен сопруг, по кого била распишана потерница.
Како што пренесуваат тамошните медиуми, набргу потоа тој самиот се предал на полицијата и бил приведен.

The post Кавадарчанката која ја уби сопругот во Германија, ќе биде погребана утре appeared first on Република.

Двајца браќа тинејџери се уапсени откако нивната сестра била смртно застрелана за време на семејна расправија околу божиќните подароци, објави Би-Би-Си.

23-годишната жена била застрелана во градите од нејзиниот брат додека го носела својот 10-месечен син, соопшти Канцеларијата на шерифот на Флорида.

Детето било неповредено.

По пукањето следело расправија кој ќе добие повеќе подароци.

15-годишниот стрелец побегнал од местото и го фрлил пиштолот.

Помладиот брат кој има 14 години е пренесен во болница во стабилна состојба. И тој ќе биде приведен.

Жената, мајка на две деца, била пренесена во болница каде била констатирана смрт. Таа претрпела внатрешно крварење.

The post Со бебе во раце: Мајка убиена од нејзиниот брат за време на расправија околу божиќните подароци appeared first on Република.

Тереза ​​Качуела (33), мајка на три деца и сопственичка на „Хаус оф глам“ во Ваипаху, Хаваи беше застрелана во главата од Џејсон Качуела (44) на паркингот во Центарот Перлиџ, пренесува „КИТВ“.

Нејзината ќерка била сведок на пукањето и на полицијата ѝ кажала дека нејзиниот татко го повлекол чкрапалото. Локалните медиуми објавија дека девојчето има 6 или 8 години. Џејсон, наводно, се застрелал веднаш откако побегнал од местото на настанот со сив автомобил марка „мазда“.

Полицијата го испитува трагичниот настан, кој се случи две недели откако судијата го одобри барањето на Тереза ​​Качуела за забрана за приближување.

Во деновите пред убиството, Џејсон постојано се заканувал дека ќе изврши самоубиство. Нему му беше дозволено да стапи во контакт со Тереза ​​Качуела само за старателство над детето.

Мајката на убиената рече дека пукањето можело да се спречи доколку посериозно се сфателе барањата на нејзината ќерка за полициска помош.

The post Позната инфлуенсерка убиена од сопругот пред очите на нивната ќерка appeared first on Република.

Израелската полиција на контролниот пункт Каландија кај Ерусалим ранила Палестинка завиткана во знамето на милитантната група Хамас, што, како што информираат од полицијата, „спречи терористички напад“.

Жената, која била застрелана од полицијата, носела мал нож. Таа е уапсена на лице место и сега е во притвор, пишува Тајмс оф Израел.

Наводно, до контролниот пункт стигнала пеш и, како што пренесува израелскиот портал, одбила да ги послуша инструкциите на чуварите и припадниците на граничната полиција, кои, според соопштението на полицијата, „брзо реагирале отворајќи оган кон неа и ја неутрализирале.

При претресот на нејзините работи бил откриен мал нож. Никој друг не е повреден во инцидентот.

The post Израелските сили застрелаа Палестинка која наводно носела нож appeared first on Република.

Маж кој со нож влегол во сиропиталиште во Полска убил тинејџерка и повредил девет лица, соопшти денеска полицијата.

Нападот се случил во вторникот вечерта, а полицијата го уапсила напаѓачот и го истражува мотивот за нападот, изјавила за државната телевизија портпаролката на полицијата Анета Собјерај.

„За жал, како резултат на нападот, 16-годишна тинејџерка, жителка на сиропиталиштето, почина на самото место, а пет лица се хоспитализирани“, рече Собиерај, пренесе Ројтерс.

На останатите повредени им била укажана лекарска помош на лице место.

The post Хорор во сиропиталиште во Полска: Убиена тинејџерка, повредени девет лица appeared first on Република.

Сопругот на Ирма Гарсија, учителката во основното училиште во Увалде, убиена додека со своето тело ги штитеше нејзините ученици, почина вчера од срцев удар, два дена по масакрот  кој се случи во Тексас.

Џо и Ирма беа во брак 24 години и имаа четири деца, а најстарото штотуку им се придружи на маринците, најмладото пак, оди во средно училиште.

На интернет имаше повик за помош на семејството со цел да собере 10.000 долари, а до синоќа имаше собрано 1,6 милиони долари.

„Навистина мислам дека Џои почина од скршено срце“, напиша на веб страницата за донации роднина на Ирма Гарсија.

На Твитер, внук на Ирма на Гарсија напиша дека Џои почина од тага.

По пукањето, „Њујорк Тајмс“ објави дека наставничката Гарсија била најдена од полиција како ги држела децата во прегратка до последниот здив.

The post Почина од инфаркт сопругот на наставничката убиена во нападот во Тексас appeared first on Република.

Израелските сили на окупираниот Западен Брег ја убиле новинарката на Ал Џезира, Ширин Абу Аклех, соопшти палестинското Министерство за здравство.

Новинарката била убиена додека известувала за израелските напади во близина на градот Џенин, информира Нида Ибрахим од Ал Џезира.

– Она што досега го знаеме е дека палестинското Министерство за здравство ја објави нејзината смрт. Ширин Абу Аклех известуваше за настаните во Џенин, поточно израелскиот напад на градот во северниот дел на Западниот брег, кога беше погодена со куршум во главата, изјави Ибрахим од палестинскиот град Рамала.

The post На Западниот брег убиена новинарка на Ал Џезира додека известувала за израелските напади appeared first on Република.

Руската новинарка Оксана Баулина загина при бомбардирањето на Киев, објави британски „Гардијан“.

Според информациите, таа го снимала уништувањето на еден трговски центар и загинала кога почнало гранатирањето.

Баулина работела за независна веб-страница во Русија, „Insider“, која главно се фокусирала на известување за корупција во руската влада.

Минатата година властите ја прогласија фондацијата за нелегална и екстремистичка, поради што многу нејзини вработени избегаа во странство.

Во гранатирањето уште едно лице загина, а двајца се повредени, пишува Инсајдер.

Баулина е една од петте новинари за кои се знае дека биле убиени во изминатиот месец од војната.

The post Руска новинарка загина во Киев appeared first on Република.