Докторот кој беше уапсен во август во Берлин, сега е осомничен дека убил осум пациенти, а во некои случаи се обидел да ги прикрие доказите со палење пожари, соопштија денеска германските истражители.

Неидентификуваниот лекар, кој бил дел од тимот за палијативна нега, во моментот на апсењето бил осомничен дека убил четворица постари пациенти во јуни и јули, а потоа со помалку или повеќе успех се обидел да ги запали нивните станови.

Полицијата и обвинителството денеска соопштија дека се појавиле дополнителни случаи кога ги прегледале досиејата на пациентите и извршиле форензички прегледи на жртви, од кои две биле ексхумирани.

Во првиот случај тој е осомничен дека во јануари на 70-годишникот му дал смртоносна мешавина на лекови. Во сличен случај на почетокот на април, жртвата била 61-годишна жена. Неколку недели подоцна, тој убил 83-годишен маж во својата соба во хоспис во Берлин со мешавина на лекови. Во четвртиот случај во јуни убил 70-годишна жена во нејзиниот стан, а потоа го запалил. Пожарникарите успеале да спречат пожарот да се прошири на останатиот дел од зградата.

Четириесет-годишниот лекар првично беше уапсен поради сомнение за убиство од небрежност, подметнување пожар и обид за подметнување пожар. Обвинителите рекоа дека сега ги третираат случаите како убиства бидејќи се чини дека осомничениот немал друг мотив освен да ги убие пациентите.

Името на осомничениот не е објавено, во согласност со германските правила за приватност. Обвинителите велат дека тој засега се брани со молчење.

The post Уапсен германски лекар кој убил осум пациенти appeared first on Република.

Хрватските медиуми јавија утрово дека е уапсен министерот за здравство Вили Берош, по што премиерот Андреј Пленковиќ свикал средба со коалициските партнери.

Премиерот го разреши Вили Берош од министерската должност, и ја назначи д-р Ирена Хрстиќ за државен секретар која ќе раководи со Министерството за здравство до стапување на функцијата на новиот министер, јавија медиумите во Хрватска.

Состанокот на коалицијата е во 10 часот.

По 11 часот очекувајте медиумска конференција на премиерот, соопштуваат од Владата.

Во 13 часот прес конференција закажаа и од Државното обвинителство.

Еден од осомничените лекари е шефот на Клиниката за неврохирургија КБ Сестри на милосрдни проф. д-р. Крешимир Ротим.

Хина јави дека приведувањата се поради наводно набавка на дуални микроскопи за неврохирургија, што наводно биле преплатени, а меѓу уапсените е и Роти.

Припадници на хрватската Национална полициска канцеларија за сузбивање на корупција и организиран криминал утрово организираа голема акција во која упаднаа и во домот на актуелниот министер за здравство Вили Берош.

На адресата на министерот за здравство Вили Берош, како што објави Јутарњи лист, дошле со наредби за претрес.

Според првичните информации, истражителите освен министерот, цел се и неколку лекари, меѓу кои и директори на болници.

Канцеларија за сузбивање на корупција и организиран криминал (УСКОК) соопшти дека „приведувањата и спроведувањето на итните доказни дејствија се резултат на истрагите  што претходно ги спроведе УСКОК“.

Наведените дејствија се вршат на подрачјето на Загреб и Скрадин во врска со повеќе лица, од кои едното е висок државен функционер, а за кои постои основано сомнение дека сториле коруптивни кривични дела. По распитот на осомничените УСКОК ќе донесе одлука за понатамошно постапување по предметниот случај за што благовремено ќе ја информира јавноста“.

The post Уапсен министерот за здравство на Хрватска Вили Берош appeared first on Република.

Ученик од средно училиште во Сараево е приведен под сомнение дека десетици пати лажно пријавил за поставени бомби во училишта.

Ученикот бил приведен синоќа во акција на Полициското одделение на Министерството за внатрешни работи на кантонот Сараево, Федералната полиција и Агенцијата за разузнавање и безбедност на Босна и Херцеговина.

Малолетникот ќе биде предаден на Обвинителството на кантонот Сараево.

The post Уапсен средношколец од Сараево поради лажни пријави за бомби во училишта appeared first on Република.

Српскиот актер Сергеј Трифуновиќ доцна синоќа е приведен на границата помеѓу Србија и Хрватска, односно на граничниот премин Бајаково, јавува „Слободна Далмација“. Полицијата рано утринава веднаш од границата го спровела во Сплит во Општинскиот суд за прекршоци каде го чека ново судење.

Трифуновиќ пред речиси точно една година беше уапсен во Сплит поради напад на службено лице. Поточно поради навреда на полицијата и држење на куче без надзор.

Против Трифуновиќ тогаш полицијата поднесе пријава за навреда, како и за држење куче без надзор.

The post На српско-хрватската граница повторно уапсен актерот Сергеј Трифуновиќ appeared first on Република.

Извршниот директор на апликацијата за размена на пораки Телеграм, Павел Дуров синоќа е уапсен на аеродромот „Бурже“ во близина на Париз, пренесуваат локалните медиуми.

Дуров патувал со својот приватен авион, објави ТФ1 на својата веб-страница, додавајќи дека Дуров е уапсен во Франција како дел од прелиминарната полициска истрага.

TФ1 и БФМ соопштија дека истрагата била фокусирана на недостиг на модератори на Tелеграм и дека полицијата верува дека таквата ситуација дозволува криминалните активности да се одвиваат непречено преку апликацијата за пораки.

Француското МВР и полицијата не го коментираа апсењето на Дуров.

TФ1 јави дека Дуров патувал од Азербејџан и бил уапсен околу 20 часот.

Телеграм, чие седиште е во Дубаи, е основана од Павел Дуров, роден во Русија. Тој ја напушти во 2014 година, откако одби да ги исполни барањата за затворање на опозициските заедници на неговата социјална платформа, која ја продаде.

Дуров, чие богатство Форбс го проценува на 15,5 милијарди долари, рече дека некои влади се обиделе да му вршат притисок, но апликацијата, која сега има 900 милиони активни корисници, треба да остане „неутрална платформа“, а не „играч во геополитиката“.

The post Основачот на Teлеграм уапсен во Франција appeared first on Република.

Осумнаесетгодишен Ирачанец е приведен во Виена во врска со истрагата за наводен заговор за напад на концертот на американската пејачка Тејлор Свифт во главниот град на Австрија, соопшти денеска австриското Министерство за внатрешни работи.

Министерството наведува дека приведениот Ирачанец потекнува од истиот круг како главниот осомничен, 19-годишен Австриец, од родители Албанци со потекло од Македонија.

Свифт вчера, денеска и утре требаше да пее на виенскиот стадион „Ернст Хапел“, но концертите се откажани.

The post Уапсен уште еден од групата која планирала терористички напад во Виена appeared first on Република.

Во вторникот, полициски службеници од СВР Струмица – ОВР Радовиш го лишија од слобода С.Р. од с. Али Коч, радовишко, затоа што подметнал пожари во близина на с. Али Коч.

Истиот ден, во 12 во ОВР Радовиш од страна на ТППЕ Радовиш е пријавено дека на две места во близина на с.Али Коч настанале пожари, при што горела дабова шума.

По преземени мерки и активности, од страна на полициски службеници од ОВР Радовиш утврдено е дека С.Р. ги подметнал пожарите односно сторил кривично дело по член 288 „предизвикување општа опасност“ и кривично дело „предизвикување шумски пожар“ по чл.227 од КЗ. С.Р е лишен од слобода и во службен разговор признал дека ги сторил кривичните дела, по што е задржан во ОВР Радовиш.

По документирање на случајот, ОВР Радовиш до надлежното ОЈО Струмица ќе поднесе соодветна кривична пријава.

The post Уапсен маж од Радовишко кој подметнал пожари appeared first on Република.

Екстремно десничарски екстремист е уапсен во Франција под сомнение дека подготвувал напади за време на Олимписките игри во Париз, кои ќе бидат отворени следната недела, изјави денеска извор од безбедносните сили, кој сакаше да остане анонимен.

Осумнаесет-годишниот осомничен неонацист бил администратор на група на Телеграм наречена „француска ариевска дивизија“ каде упатувал закани за Олимпијадата во Париз од 26 јули до 11 август, рече изворот.

Тој беше приведен во источниот регион Ба-Рајн, кој го опфаќа градот Стразбур, а беше испрашуван од антитерористичката полиција.

Француските безбедносни служби се во состојба на готовност пред Игрите во Париз кога се очекуваат околу 10 милиони посетители и 10.000 спортисти во француската престолнина.

The post Екстремно десничарски екстремист уапсен поради сомневање за заговор за Олимписките игри во Париз appeared first on Република.

Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување, јави дописникот на МИА од Белград.

Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад, соопшти Дачиќ.

Тој објасни дека случајот против него и понатаму се води, а тој е пуштен од притвор.

Потоа продолжил да комуницира со екстремистите, така што имал секојдневна комуникација со убиениот терорист, поради што се сомнева дека директно учествувал во логистичката поддршка и организација на овој терористички чин. Полициската акција продолжува на повеќе локации во Србија, изјави Дачиќ.

Претседателот на Србија Александар Вучиќ посочи дека се уште се трага по неколку лица.

Едно лице не ни е достапно, но знаеме дека е на територијата на Србија. Се водел по истите принципи како и Салахудин. Ги следеле и за седум-осум дена требало да бидат уапсени, толку време му требало на обвинителот да ги собере сите докази, но очигледно е дека тие почнале порано, рече Вучиќ.

Тој наведе дека секој има право да ја избере својата вера, но дека извршителите на овој напад се приклучиле на екстремистичките кругови.

Следени се по линија – индикативни на тероризам, се знаеше дека еден од нив (главниот терорист) дошол да ја посети мајка си, но после тоа се изгубила можноста за следење, заклучи претседателот на Србија.

The post Во Белград уапсен 25-годишно лице кое било администратор на милитантни групи на Интернет кои повикувале на џихад appeared first on Република.

Ноќеска во 00.30 часот во Гостивар, во присуство на родител, полициски службеници од ОВР Гостивар лишиле од слобода малолетник од Гостивар. Тој се сомничи дека на 12.05.2024 после 23.00 часот во Гостивар, по претходна расправија, со остар предмет му нанел убодна рана на Л.М.(18) од Прилеп.

Остриот предмет бил пронајден и одземен, а по целосно документирање на случајот против него ќе биде поднесена соодветна пријава.

The post Уапсен малолетник од Гостивар кој со нож нападнал 18 годишен прилепчанец appeared first on Република.

Новинарот Фуркан Салиу денеска е уапсен од скопската полиција, на фудбалски натпревар, пишува порталот НетПрес.

Според „НетПрес“ Салиу бил приведен откако, според првичните информации, наводно нападнал полицаец – припадник на Единицата за брзо распоредување (ЕБР). По инцидентот полицијата извршила претрес на Салиу и на неговото возило, при што нашла еден пиштол во неговиот ранец.

По ова Салиу бил однесен во полициската станица Гази Баба.

The post Кај приведениот новинар Фуркан Салиу е најден пиштол appeared first on Република.

Попладнево бил уапсен новинарот Фуркан Салиу, објави 4NEWS.mk.

IN7.tv објави видео снимка од апсењето.

Се уште не е соопштена причината за апсење на Салиу.

The post Уапсен новинарот Фуркан Салиу appeared first on Република.

Уапсен е сторител на кривично дело „изнуда” и определена му е мерка притвор во траење од 30 дена.

Од страна на лицето М. Г. од Скопје на ден 05.04.2024 пријавено е дека од месец ноември 2023 година па се до денот на пријавување му се изнудуваат парични средства со сериозни закани по живот од страна на лицето И. Ј. од Скопје, на којшто до овој момент оштетениот му има исплатено парични средства во вредност од 180 000 евра, објави Панче Тошковски, министер за внатрешни работи во техничката влада.

Во врска со пријавениот настан на ден 05.04.2023 година околу 17.00 часот по претходен договор помеѓу истите и побарување на парични средства, на ул. Симеон Кавракиров во Скопје лицето М. Г. му предаде 500 евра на И. Ј. кои претходно беа криминалистичко-технички обработени, по што во заедничка соработка на Единицата за сериозен криминал и кривични дела против културното насилство при ОСОСК и Единицата за Насилен Криминал при СВР Скопје лицето И. Ј. беше лишен од слобода и задржан за понатамошно постапување во ПС Кисела Вода.

На 06.04.2024 година, од страна на ЕНК при СВР Скопје е поднесена кривична пријава по брза постапка за кривично дело ,,Изнуда" по чл. 258 од КЗ, при што од страна на Судија на претходна постапка на пријавениот И. Ј. му е определена мерка притвор во траење од 30 дена.

The post Уапсен скопјанец за изнудување пари, доби притвор од 30 дена appeared first on Република.

Судот во Москва го уапси единаесеттиот обвинет во случајот со терористичкиот напад на Крокус, Мухамед Зоир Шарипзода, соопшти судот.

„Окружниот суд избра мерка за превенција против Шарипзода Мухамед Зоир, родум од Република Таџикистан, кој е обвинет за сторено кривично дело од став „б“ од дел 3 од член 205 од Кривичниот законик (“ Терористички чин“)“, изјави соговорникот на агенцијата РИА Новости.

Пукањето и пожарот во концертната сала Крокус во Красногорск се случија вечерта на 22 март.

Неколку мажи упаднаа во зградата, пукајќи во луѓето од непосредна близина и фрлајќи запаливи бомби.

Според последните податоци на Министерството за вонредни состојби, во нападот загинале 144 лица.

Во тој случај претходно беа уапсени десет обвинети, меѓу кои и четворица државјани на Таџикистан, кои според истрагата биле директни извршители на терористичкиот напад.

Покрај тоа, на 1 април во Дагестан беа приведени четворица странци кои учествуваа во финансирањето и обезбедувањето оружје на криминалците кои го нападнаа Крокус. Еден ден претходно, безбедносните сили уапсија уште тројца централноазијци осомничени за вмешаност во терористички напад во Москва, Екатеринбург и Омск.

Како што изјави минатата недела директорот на ФСБ, Александар Бортников, првото сведочење на уапсениот ја потврдува украинската трага. Според Истражниот комитет, терористите по нападот заминале кон Киев за да ја добијат наградата. Руските разузнавачки служби сметаат дека зад ова злосторство стојат САД и Велика Британија, анализираат локалните медиуми.

The post Уапсен единаесеттиот обвинет вмешан во масакрот во Москва appeared first on Република.

Последните информации од Вишото обвинителство во Зајечар се дека освен сослушувањето на двајцата уапсени осомничени за убиството на девојчето Данка Илиќ, како што јави „Н1“, приведен е и братот на еден од осомничените.

Целата механизација, како и полициските патроли е повлечена од депонијата каде се трага по телото на Данка Илиќ. Во текот на денот на горната и долната страна силни полициски сили го обезбедуваа овој дел од патот. Засега не се знае дали потрагата на овој простор е прекината, а полицијата се преселила на нова локација недалеку од Бањско поле во потрага по телото, пишува Блиц.

Српскиот претседател Александар Вучиќ претходно соопшти дека се приведени две лица кои го признале убиството.

Уапсени се работниците на јавното комунално претпријатие Водовод Срѓан Јанковиќ (50) од село Лука и Дејан Драгијевиќ (50) од селото Злот кај Бор. Со автомобилот налетале на Данка. Нејзиното тело наводно го оставиле на депонија.

Потрагата по двегодишната Данка Илиќ која исчезна во Бањско поле кај Бор траеше десет дена.

The post Приведен е и братот на еден од осомничените за убиството на Данка Илиќ appeared first on Република.

Французин за кој се верува дека е „главниот член на марсејскиот клан“, вклучен во шверц на дрога, е уапсен денеска во Шпанија, соопшти шпанската полиција, која го опиша како „еден од најбараните бегалци во Франција“.

Криминалецот, против кого е распишана европска потерница, е уапсен во бар на брегот јужно од Барселона, а идентификуван е како Жан-Ентони Блас, роден 1990 година“, се вели во соопштението на шпанската полиција.

Уапсениот е осуден на 10 години затвор во Франција за трговија со дрога, недозволено поседување оружје, дела против јавниот ред и безбедност и припадност во организирана криминална банда.

Тој избега за време на полициска операција против него во март 2023 година во Франција. За време на бегството користел четири различни идентитети.

Марсејскиот клан наводно шверцува канабис во Шпанија и поседува голем арсенал на воено оружје, се вели во соопштението на шпанската полиција.

The post Во Шпанија уапсен еден од најбараните криминалци во Франција appeared first on Република.

33-годишник од Црна Гора уапсен во центарот на Скопје.

На 18.01.2024 на ул.„Јадранска Магистрала“ во Скопје, полициски службеници од Одделението за прекуграничен криминал, миграции, странци и реадмисија Скопје го привеле А.А.(33) од Република Црна Гора затоа што при извршена контрола било констатирано дека немал регулиран престој во државата. Лицето било предадено на полициски службеници од Регионалниот центар за гранични работи Север за понатамошна постапка, информираа од МВР.

The post 33-годишник од Црна Гора уапсен во центарот на Скопје appeared first on Република.

Осомничениот демнач кој тврди дека Шакира е „неговата сопруга“ беше уапсен пред нејзиниот дом во Мајами, откако наводно и испратил подароци, вклучувајќи вино, чоколади и играчки.

Даниел Џон Валтиер беше приведен во понеделникот и обвинет за следење, според извештајот за апсење.

Според „Дејли Мејл“, 56-годишникот од Ел Пасо, Тексас, наводно споделил повеќе објави на социјалните мрежи за Шакира, кои нејзиниот тим за безбедност ги предал на властите на 3 јануари. Тој се појавил пред куќата на пејачката само пет дена подоцна, со такси, во 12 часот и 45 минути, а набрзо бил уапсен. На Валтиер му беше одреден притвор и се појави на суд во вторникот, каде рече дека не може да ја исполни наредбата да се држи подалеку од колумбиската пејачка.

„Таа е моја сопруга“, му рекол тој на судијата, истакнувајќи дека „постојано разговара со неа“.

Инаку, не е јасно дали Шакира била во куќата кога осомничениот пристигнал и брзо бил приведен.

The post Уапсен демначот на Шакира appeared first on Република.

Германските власти денеска објавија дека уапсиле уште еден осомничен во врска со наводната закана за напад на познатата катедрала во Келн за време на празниците, со што вкупниот број на приведени во врска со случајот се искачи на пет.

Најновиот осомничен, 41-годишен Германец со турско потекло, беше приведен во синоќа во западниот град Бохум во покраината Северна Рајна-Вестфалија.

Полицијата вчера наутро приведе три лица, а минатата недела еден осомничен маж и сите уапсени наводно припаѓаат на поголема исламска екстремистичка мрежа.

Четворица осомничени беа приведени во различни градови низ Северна Рајна-Вестфалија, а лицето кое беше уапсено минатата недела беше идентификувано како 30-годишен Таџикистанец.

Според локалните медиуми, постоело сомневање дека нападот би можел да биде извршен на новогодишната ноќ со автомобил со експлозив, а надлежните поради ризикот, ги зајакнале безбедносните мерки во Келн.

The post Уапсен петиот осомничен за планирање напад на катедралата во Келн appeared first on Република.

Германските власти објавија дека уапсиле уште еден осомничен во врска со наводната закана за напад на познатата катедрала во Келн за време на празниците, со што вкупниот број на приведени во врска со случајот се искачи на пет.

Најновиот осомничен, 41-годишен Германец со турско потекло, e приведен во западниот град Бохум во покраината Cеверна Рајна-Вестфалија.

Полицијата вчера наутро приведе три лица, а минатата недела еден осомничен. Сите уапсени наводно припаѓаат на поголема исламска екстремистичка мрежа.

Четворица осомничени биле приведени во различни градови низ Cеверна Рајна-Вестфалија, а лицето кое беше уапсено минатата недела беше идентификувано како 30-годишен Таџикистанец.

Според локалните медиуми, постоело сомневање дека нападот би можел да биде извршен на новогодишната ноќ со автомобил со експлозив, а надлежните поради ризикот, ги зајакнале безбедносните мерки во Келн.

The post Германец со турско потекло: Уапсен петтиот осомничен за планирање напад на катедралата во Келн appeared first on Република.