Новите корисници на социјалната мрежа „Х“, поранешен Твитер, наводно ќе треба да платат скромна такса доколку сакаат да ја објават својата содржина.

Познатата социјална мрежа веќе експериментираше со наплата на годишна претплата од 1 долар за корисниците на Филипините и Нов Зеланд кои сакаат да објавуваат содржина и да комуницираат со други корисници на „X“, се со цел да се намали бројот на лажни корисници, т.н. ботови.

За жал, мал надомест за можноста за објавување содржина во случај на нови корисници е единствениот начин за борба против постојаниот напад на ботови. Тековната вештачка интелигенција (и фармите за бот) лесно ги поминуваат проверките од типот „дали си бот““, изјави Илон Маск.

Според новите правила, новите корисници на социјалната мрежа мора да плаќаат „мал годишен надомест“ за да можат да објавуваат содржини, да лајкуваат и да одговараат на други објави. Регистрирањето профил е сè уште бесплатно, како и следењето на другите профили и прегледувањето на содржината на платформата.

Новата политика доаѓа бидејќи „X“ се соочува со критики за неговата неспособност да го спречи напливот од спам профили кои споделуваат линкови, порнографски содржини и фалсификати, пишува „Quartz“.

На почетокот на овој месец, „X“ лансираше бот и трол „чистење“ на системот, иако не е познато колку тоа беше успешно.

The post Илон Маск воведува претплата за новите корисници на социјалната мрежа „X“ appeared first on Република.

Илон Маск размислува да ја повлече својата платформа за социјални медиуми „Х“, порано позната како Твитер, од Европската унија, според медиумски извештај.

Технолошкиот милијардер е незадоволен од Законот за дигитални услуги на ЕУ (ДСА), објави денеска веб-страницата „Business Insider“, извор од компанијата.

Законот за дигитални услуги (ДСА) ги обврзува големите онлајн платформи да преземат доследна и брза акција против говорот на омраза меѓу другото.

„X“ неодамна доби список со прашања од Европската комисија, која сака да знае повеќе за тоа како платформата за социјални медиуми ги исполнува своите обврски.

The post Твитер си од земјите на ЕУ appeared first on Република.

Платформата „X“ (порано „Твитер“), почна да им наплаќа на новите корисници во Нов Зеланд и Филипини еден американски долар годишно за пристап до социјалната мрежа на Илон Маск. Ова засега е тест-програма. Од „X“ соопштуваат дека ова е мерка против виртуелните тн. ботови.

Почнувајќи од 17 октомври 2023 година, почнавме да го тестираме ‘Not A Bot’ (‘Не бот’) – нов метод за претплата за нови корисници во две земји. Овој нов тест беше развиен за да ги зајакне нашите веќе значајни напори за намалување на појавите како спам, манипулациите со нашата платформа и активностите на ботовите. Постојните корисници не се засегнати од оваа програма, велат тие.

Како што објави „Форбс“ вчера, новите „клучни одлики“ вклучуваат објавување свои написи, одговори кон други корисници и сеопфатна активност на социјалната мрежа. Оние кои нема да плаќаат претплата ќе можат само да читаат објави, да гледаат видеа и да следат други профили.

Маск и во септември најави дека ќе почне да наплаќа за користење на „Х“. Потоа во живо рече дека компанијата ќе воведе „мала месечна претплата за борба против армијата ботови“. Покрај тоа, „X“ веќе нуди премиум претплата – „X Blue“ којашто чини осум долари месечно, што на корисниците им дава сина ознака и им овозможува подолги објави, уредување на веќе поставените, како и приоритет на нивниот профил во пребарувањето.

The post „X“ воведува претплата – пробно, во Нов Зеланд и Филипини appeared first on Република.

За љубителите на емотикони, „Емоџипедија“ на платформата „Х“ (Твитер) објави дека наскоро ќе има 118 нови лица на изразувањето чувства. Компанијата официјално го потврди „Емоџи 15.1“, што значи дека новите емотикони треба да пристигнат на сите дигитални уреди во текот на следната година.

Низата 118 нови емотикони вклучува шест сосем нови концепти, четири нови родово неутрални семејни комбинации и 108 нови верзии на шесте постоечки емотикони за личности во насока. Меѓу новите концепти има: феникс, кафеава печурка, скршено тенџере и долгоочекуваните емотикони во вид на лимета...

Што претставува малиот цртеж со лимета? Покрај очигледното - свежина или претпочитање за храна и пијалаци со цитрус, овој симбол укажува на „лежерно дружење“, т.е. приватна забава или вечерно излегување, а може изразува и - љубомора.

The post Платформата „Х“ (Твитер) ќе воведе 118 нови емотикони appeared first on Република.

Иако многу „URL“ адреси во условите сè уште го содржат зборот „Twitter“, постојат показатели дека компанијата „X“ во целост ќе премине на „URL“ адреса која го содржи само нејзиното име.

Компанијата „X“ одлучи дефинитивно да ги остави зад себе своите корени поврзани со „Twitter“. Почнувајќи од 29-ти септември, корисниците ќе бидат известени за новите услови за користење, меѓу кои најизразена промена е замената на изразот „retweet“ со „repost“, што укажува на крајот на ерата на „твитот“. Исто така повеќе не е „tweet“, туку само „post“.

Името „Twitter“ речиси во целост е отстрането од новите услови за користење, а заменето е со името „X“. Иако многу „URL“ адреси во условите сè уште го содржат зборот „Twitter“, постојат показатели дека компанијата „X“ во целост ќе премине на „URL“ адреса која го содржи само нејзиното име. Дури и доменот „X.com“ моментално пренасочува на „twitter.com“. Не се споменува ни „Periscope“, апликација за „лајвстрим“ која „Twitter“ ја изгаси во 2021-ва година.

Во склад со овие, нови одредби во условите за користење дополнително се менува и начинот за интеракција на корисниците на платформата. Една од клучните измени се однесува на правото на корисниците да учествуваат во колективни тужби. Новите услови за користење сега јасно наведуваат дека корисниците, „во мерка дозволена со законот, се откажуваат од правото на учество како тужител или член на класа во сите наводни колективни или репрезентативни постапки“.

Сопственикот на компанијата „X“, Илон Маск, ги изразил своето негодување и кон „web scraping“-от. „Scraping“ претставува извлекување на податоци од веб страници во локални бази на податоци или табели. Во склад со тоа, условите за користење содржат строги одредби кои јасно забрануваат „scraping“ без претходна пишана согласност од компанијата.

Од 29-ти септември на сила стапува и новата политика за приватност, која најавува дека „X“ ќе го прошири обемот на податоци кои ги собира од корисниците. Овие податоци сега ќе вклучуваат и биометриски информации и работна историја на корисниците.

The post Социјалната мрежа „X“ нагласува дека „твитовите“ веќе не се „твитови“: Еве како ги нарекуваат сега appeared first on Република.

Поради грешката којашто ја призна и сопственикот на апликацијата Илон Маск, исчезна најпознатото селфи, поттикнат од Елен Деџенерис.

Поради техничка грешка на платформата „Х“ (поранешен Твитер), којашто ја призна и сопственикот на апликацијата Илон Маск, исчезна и можеби најпознатото селфи, поттикнат од Елен Деџенерис, со повеќе познати личности од свеченоста на Оскарите 2014 година.

Многупати преобјавуваното „селфи“ na Бредли Купер исчезна од „X“ во текот на викендот, што го натера Маск да признае дека тоа можеби е грешка на самата платформа, пишува лондонски „Тајмс“.

На фотографијата објавена од Елен Деџенерис пред девет години, се наоѓаат и Бред Пит, Анџелина Џоли, Џулија Робертс, Кевин Спејси, Џенифер Лоренс и други ѕвезди.

The post Поради грешката што ја призна и Илон Маск, исчезна најпознатото селфи, поттикнат од Елен Деџенерис appeared first on Република.

Американскиот специјален обвинител што го истражува Доналд Трамп доби судски налог за претрес на профилот на поранешниот претседател на Твитер, но компанијата одби да ја почитува одлуката, се вели во мислењето на Апелацискиот суд издадено денеска.

Апелациониот суд на округот Колумбија ја потврди одлуката на федералниот судија да го процени потегот на Твитер, сега именуван како Х, како непочитување и го казни со 350.000 долари.

Американски медиуми јавија дека во тие околности, судот не го злоупотребил своето дискреционо право. Во мислењето на судот се вели дека налогот е поврзан со истрагата за настаните околу опсадата на американскиот Капитол на 6 јануари 2021 година од поддржувачите на Трамп додека тој се уште беше претседател.

Трамп во објава на својата веб-страница рече дека Министерството за правда „тајно го нападнало неговиот профил на Твитер, за да не биде информиран за голем напад врз неговите граѓански права“.

The post Парична казна за Твитер откако одби да го испочитува налогот за претрес на профилот на Трамп на таа мрежа appeared first on Република.

Бројот на месечни корисници на платформата X, порано позната како Твитер, достигна нов максимум, изјави Илон Маск и сподели графикон што покажува дека сега има над 540 милиони.

Објавата на Маск на X за бројот на корисници доаѓа кога компанијата претрпува организациски промени и се соочува со конкуренција од ново лансираната апликација Тредс, со која управува компанијата Мета.

Твитер имаше 229 милиони месечни активни корисници во мај 2022 година, се вели во соопштението објавено пред купувањето на платформата.

Под водство на Маск, X помина низ низа промени во понудата на производи и намалувања на персоналот во обид да ги зголеми приходите.

Платформата Х останува негативна за готовинскиот тек поради речиси 50 отсто пад на приходите од реклами и големиот долг, рече Маск претходно овој месец, што значи дека неговите мартовски очекувања дека платформата ќе биде позитивна за готовинскиот тек до јуни нема да бидат исполнети.

The post Илон Маск се пофали: Бројот на месечни корисници на платформата Х (Твитер) достигна нов максимум appeared first on Република.

Преименувањето на „Твитер“ во „Икс“, што се случи оваа недела, би можело да резултира со правни постапки против сопственикот на социјалната мрежа Илон Маск од страна на неколку компании на територијата на Европската Унија.

Како што објави „Политико“, во Канцеларијата за интелектуална сопственост на Европската Унија веќе има регистрирано 262 заштитени трговски марки „Икс“, меѓу кои и на компании како „Рокерс Металика“, „Мајкрософт“, „Хонда“ и „Адидас“.

Со регистрирањето на трговската марка во Канцеларијата за интелектуална сопственост на ЕУ, овие компании имаат ексклузивни права за користење на брендот „Икс“ во различни формати на дизајн, облека, индустрии за забава или финансиски услуги. Но, меѓу овие брендови во регистерот на ЕУ не се појавува името на „Твитер“ или Маск.

Според застапникот за трговски марки на адвокатската фирма „Аомб“, Дејвид Кранц, доколку некој планира да го преименува својот бренд и за тоа да одбере „добро познато име“, би очекувале да ги почитува правата на интелектуална сопственост.

Во овај случај, сепак, се чини дека тоа не е испочитувно, изјави Кранц.

Доколку не добие одобрение за користење на брендот „Икс“, Маск би можел да се соочи со правни постаки кои може да резултираат со забрана за употреба на тој назив или симбол или во целина или во одредени околности, како и со барања за исплата за надомест на штета за повреда на правата на регистрирана трговска марка на друга компанија, наведува „Политико“.

„Сони“ и „Панасоник“ поседуваат права на неколку заштитени брендови под називот „Икс“, „Мајкрософт“ има два, вклучително и за логото на неговата најпродавана конзола за игри „Иксбокс“, а британската „Фриментал Медија“ го поседува ова име како заштитен знак за своето телевизиско талент шоу „Икс Фактор“.

Доколку сопствениците на овие заштитени марки „Икс“ сметаат дека нивните логоа се „премногу слични“ со она на Маск и може да создадат „ризик од забуна меѓу потрошувачите“, би можеле да преземат правна постапка против него.

Адвокатката на „Пинсент Мејсонс“, Триона Дезмонд, изјави дека Маск би можел да се соочи со барања за „прилично високи отштети“ за прекршување на правото на заштитен бренд, оценувајќи ја неговата за одлука за преименување на „Твитер“ во „Икс“ како „храбра работа“.

Очекувам трети страни да преземат акција, изјави Дезмонд.

The post Преименувањето на „Твитер“ во „Икс“ може да му предизвика „правни главоболки“ на Маск во ЕУ appeared first on Република.

Шефот на Твитер го откри новото лого на социјалната мрежа, со бел X на црна позадина, што ќе ја замени сината птица. Утрово во објава на Твитер, Линда Јакарино напиша „Х е тука! Ајде да го направиме ова“.

„Твитовите“ исто така ќе бидат заменети, според сопственикот на Твитер Илон Маск, а објавите ќе се нарекуваат „икс“.

X is here! Let’s do this. pic.twitter.com/1VqEPlLchj

— Linda Yaccarino (@lindayacc) July 24, 2023

Милијардерот ја смени сликата на профилот во новото лого и додаде „X.com“ во својата биографија на Твитер. Маск сака да создаде „супер апликација“ наречена „Х“ – неговата визија за нов вид платформа за социјални мрежи за која тој зборуваше со месеци, пишува „Би-Би-Си“.

Во неделата, милијардерот објави дека сака да го смени логото на Твитер, пишувајќи: „И наскоро ќе се поздравиме со брендот Твитер и, постепено, со сите птици“.

pic.twitter.com/IwcbqMnQtA

— Elon Musk (@elonmusk) July 23, 2023

pic.twitter.com/IwcbqMnQtA

— Elon Musk (@elonmusk) July 23, 2023

The post Сината птица на Твитер отиде во историја, социјалната мрежа на Елон Маск има ново лого appeared first on Република.

Твитер изгуби речиси половина од приходите од реклами откако беше купен од Илон Маск за 44 милијарди долари минатиот октомври, откри неговиот сопственик. Тој рече дека компанијата не забележала зголемување на продажбата што се очекуваше во јуни, но додаде дека јули е „малку повеќе ветувачки“.

Маск отпушти околу половина од 7.500 вработени од Твитер кога го презеде во 2022 година, во обид да ги намали трошоците.

Ривалската апликација Тредс сега има 150 милиони корисници, според некои проценки.

Нејзината вградена врска со Инстаграм автоматски и дава пристап на Мета-дизајнираната платформа до потенцијални две милијарди корисници.

Во меѓувреме, Твитер се бори под голем долг. Готовинскиот тек останува негативен, рече Маск викендот, иако милијардерот не постави временска рамка за падот на приходите од реклами од 50%.

Во твит тој рече: „Треба да постигнеме позитивен готовински тек пред да го имаме луксузот на нешто друго“.

The post Твитер изгуби половина од приходите од реклами откако го презеде Маск appeared first on Република.

Сопственикот на „Твитер“, Илон Маск објави дека платформата привремено го ограничила бројот на твитови што корисниците можат да ги прочитаат во еден ден.

Маск на Твитер објави дека неверификувани профили ќе може да читаат до 600 објави дневно.

Од друга страна, верификуваните профили се привремено ограничени на читање на шест илјади објави дневно. Маск посочува дека новоотворените неверификувани профили може да видат само 300 објави дневно.

Во изјавата, Маск вели дека привремените ограничувања за читање се поставени за да се решат „екстремните нивоа“ на собирање податоци и манипулација со системот.

The post Твитер го ограничи бројот на твитови што луѓето можe да ги гледаат во еден ден appeared first on Република.

Илон Маск, сопственикот на популарната социјална мрежа Твитер, презема нови чекори за борба против измамничките активности на платформата.

Пред да ја напушти функцијата извршен директор на Твитер, тој планира да воведе ажурирање што ќе го промени начинот на испраќање директни пораки.

Конкретно, оваа промена ќе ја ограничи можноста за испраќање директни пораки до корисниците кои не го следат испраќачот, а функцијата ќе биде достапна само за претплатниците. Оваа промена доаѓа како одговор на зголемениот број на ботови со вештачка интелигенција на платформата.

Маск за ова зборуваше за прв пат во еден од своите твитови, каде истакна дека промените ќе бидат видливи веќе оваа недела. Тој, исто така, истакна дека социјалните мрежи се соочени со зголемен предизвик да ги разликуваат вистинските корисници од ботови со вештачка интелигенција и дека таквиот систем за верификација, како воведувањето на плаќањата, драстично ќе ги зголеми трошоците за користење ботови.

Корисниците на Твитер веќе имаат можност автоматски да ги отфрлат сите директни пораки од корисниците кои не ги следат, што досега значително помогна во справувањето со проблемот со пораките за измама.

Tвитер нуди и премиум услуга позната како Twitter Blue, која на корисниците им овозможува дополнителни бенефиции, како што е можноста за уредување твитови и објавување подолги пораки, за годишна претплата од 120 долари.

The post Нема да можете така лесно да испраќате пораки: Маск воведува уште една промена на Твитер appeared first on Република.

Новата извршна директорка на Twitter, Линда Џакарино, ги објави првите планови една недела по преземањето на новата функција во компанијата. Џакарино ги повтори целите на Елон Маск за тоа како Твитер мора да се трансформира во „глобален градски плоштад“.

Таа рече дека тоа ќе ѝ помогне на цивилизацијата да оди напред преку нефилтрирана размена на информации и отворен дијалог за важни работи, пишува Би-би-си.

Таа исто така нагласи дека компанијата има цел и мисија да стане најпрецизен извор на информации во светот во реално време.

Треба искрено да верувате и да работите напорно

Од истражување на вселената до електрични возила, Елон знаеше дека на овие индустрии им е потребна трансформација, па го направи тоа. Станува сè појасно дека на глобалниот градски плоштад му треба трансформација. Треба навистина да верувате и да работите напорно за тоа. Имаме можност да создадеме нови партнерства и заедно да изградиме нешто што може да го промени светот. Вие сте создадени за ова - изјави Џакарино.

The post Новата шефица на Твитер: Сакаме да станеме најточен извор на информации appeared first on Република.

Американскиот бизнисмен Џорџ Сорос се огласи на својот Твитер налог, демантирајќи ги гласините дека починал, кои од синоќа се актуелни на оваа социјална мрежа.

Гласината дека милијардерот (92) починал започна на страницата Politics For All Ireland, која во меѓувреме го отстрани контроверзниот твит.  Оттогаш објавата стана вирална, но неговиот портпарол „MailOnlinе“ ја демантираше веста за смртта додека самиот Сорос се огласи на Твитер.

„Гласините дека имав срцев удар се целосно лажни. Жив и здрав сум“, напиша тој.

Сорос неколку пати на интернет беше „прогласуван за мртов“.

The post Сорос по гласините дека починал: Жив и здрав сум appeared first on Република.

Сопственикот на Твитер Илон Маск најави дека платформата ќе воведе видео и аудиоповици, како и шифрирани пораки. На овој начин Твитер ги следи Фејсбук и Инстаграм коишто веќе имаат слични опции за видео и аудиоповик.

Така, корисниците на Твитер наскоро ќе можат да се чујат и видат со луѓе ширум светот и преку оваа социјална мрежа без да мора да го дадат својот телефонски број, напиша Маск на својот Твитер-профил.

Тој додава дека ќе може да се испраќаат и шифрирани пораки, но не појасни дали и повиците ќе бидат шифрирани.

Милијардерот лани ги објави своите планови за подобрување на оваа социјална мрежа, нарекувајќи ја „Твитер 2.0 – апликација за секого“. Најавите и тогаш говореа за шифрирани пораки, подолги објави и опции за плаќање преку оваа платформа.

The post Твитер станува како Фејсбук и Инстаграм: Илон Маск воведува голема промена на платформата appeared first on Република.

Поранешниот водител на Фокс њуз, Такер Карлсон, кој од минатиот месец веќе не работи во таа телевизиска мрежа соопшти дека свое шоу „наскоро“ ќе има на Твитер.

Фокс Њуз Медиа и Карлсон се разделија минатиот месец откако матичната компанија Фокс Корп се спогоди во тужбата за клевета со компанијата Dominion Voting Systems за 787,5 милиони долари.

Карлсон беше клучна фигура во тужба за клевета на компанијата против Фокс Њуз.

Додека беше водител во ударен термин на Фокс Њуз, Карлсон стана една од највлијателните личности во Републиканската партија.

The post Поранешниот водител на Фокс Њуз, Такер Карлсон ќе води свое шоу на Твитер appeared first on Република.

Дмитриј Медведев, долгогодишен сојузник на Владимир Путин и моментално заменик-претседател на Советот за безбедност на Русија, на Први мај го насочи својот напад на Твитер, кој отстран една од неговите неодамнешни објави.

Во пораката тој се закани на широк спектар на цели надвор од Русија.

Во својата објава на Телеграм, поранешниот претседател и премиер на Русија напиша:

„Сериозно, можеме без Твитер. На крајот на краиштата, ова е само странска социјална мрежа која работи во интерес на американскиот естаблишмент. Ние прилично цинично ја искористивме за да ги промовираме нашите пропагандни цели“, напиша тој.

„Нашата главна задача е сосема поинаква: да им нанесеме крупен пораз на сите непријатели – нацисти, САД, нивните миленици во НАТО, вклучително и подмолната Полска и другите западни гниди. Конечно мораме да ја вратиме целата наша земја. Да го заштитиме целиот наш народ засекогаш. За тоа ќе работиме напорно. Среќен Први мај на сите!“ напиша Медведев.

The post Медведев бесен на Твитер откако му отстрани твит appeared first on Република.

Сопственикот на Твитер, Илон Маск, најави дека социјалната мрежа почнувајќи од следниот месец ќе воведе опција која на медиумите ќе им даде можност да наплаќаат за читање на нивните текстови.

„Ова им овозможува на корисниците кои не би се регистрирале за месечна претплата да плаќаат повисока цена по напис кога сакаат да ја прочитаат“, напиша Маск на Твитер.

Тој изјави дека новата опција треба да биде од голема корист и за медиумските организации и за јавноста.

Откако ја презеде компанијата во октомври минатата година, Маск воведе низа промени во обид да ги зголеми приходите на Твитер, откако платформата забележа пад на приходите од рекламирање, пишува „Гардијан“.

Маск го намали бројот на вработени во Твитер од 7.500 на околу 1.500 луѓе, додава весникот.

The post Маск: Од следниот месец медиумите ќе можат да наплаќаат за читање текстови appeared first on Република.

Неколку светски ѕвезди остана без стариот син знак на „Твитер“. Сопственикот на компанијата Илон Маск им ги тргна ознаките за автентичност на Папата Франциск, Бијонсе, Доналд Трамп, Бил Гејтс, Ким Кардашијан, затоа што не платиле за услугата. Социјалната мрежа од неодамна почна да ја наплаќа оваа опција во рамките на системот „Твитер Блу“.

Откако Илон Маск ја презеде сопственоста на компанијата, „Твитер“ го смени начинот на кој ги дистрибуира сините значки што претходно им беа дадени на познати личности, новинари, политичари и институции по проверка на нивниот идентитет.

Значката служеше како знак дека профилот е автентичен, но Маск минатиот ноември објави дека „Твитер“ ќе почне да наплаќа по 8 долари месечно за него, за да може да генерира нов приход.

Покрај сината ознака, социјалната мрежа сега нуди и златен знак за бизнисите и знак во сива боја за сметките на владите, државните службеници и меѓународните организации.

Како што е објаснија од „Твитер“, синиот знак е со различна цена во однос на платформата на која е прикажан. Почетната цена е осум долари месечно или 84 долари годишно, а на апликацијата iOS чини 11 долари месечно или 114,99 долари годишно. Цените се исти и за апликацијата Андроид.

Маск откри дека ќе им ги плати сините знаци некои од познатите личности како што се кошаркарот на Лос Анџелес лејкерс, Леброн Џејмс и писателот Стивен Кинг.

The post Не платиле за услугата: Илон Маск им ја отстрани сината ознака на Твитер на Папата, Бијонсе, Трамп, Бил Гејтс и Ким Кардашијан appeared first on Република.