Следете го во живо последно соочување на претседателските кандидати Гордана Силјановска Давкова и Стево Пендаровски:

The post ВО ЖИВО: Последно соочување на Гордана Силјановска Давкова и Стево Пендаровски appeared first on Република.

Разликата е прилично голема, инсистира актуелниот претседател Стево Пендаровски во однос на повиците за поддршка кои тој, но и опозицијата ги упатија до гласачите на претседателските кандидати кои не влегоа во вториот круг. Смета дека лидерските договарања не придонесуваат за демократијата во Македонија и затоа тој упатува јавен повик до сите граѓани чии кандидати испаднаа во првиот круг, и до оние кои воопшто не учествуваа во првиот круг, ако се препознаваат во неговиот концепт, да гласаат за тој концепт.

Претседателот на ВМРО-ДПМНЕ уште незавршен првиот круг, значи во рамки на кампањата, велеше дека веќе имаат направено коалиција и бараше поддршка од тие коалициони, перспективни коалициони партнери, за претседателскиот кандидат кој тој и тие го поддржуваат. А, по завршување на првиот круг Мицкоски јавно рече дека разговарал и со Таравари, и со Максим Димитриевски, и во неколку наврати потоа го повторува и јавно дека од нив бара поддршка и за претседателскиот кандидат. Значи, директни разговори со лидери за претседателските избори во кои треба ние со нашиот концепт да ги убедуваме граѓаните, без да бараме јавна поддршка и задкулисни договарања и меѓупартиски договарања со другите перспективни коалициони партнери, мислам дека не приличи на највисоката политичка функција во државата, рече Пендаровски.

Партиите разговараат и преговараат, ама граѓаните гласаат, му одговори противкандидатката Гордана Силјановска Давкова.

Јас дури не им велам на граѓаните „гласајте за мене“, туку „искористете го вашето политичко право, едно од најважните, и гласајте по сопствено уверување“. Не можете да им оневозможите на коалициите и на лидерите на партиите меѓу себе да разговараат и преговараат. Инаку, логично е опозицијата да се обединува кога има противник каква што е оваа власт. Толку логично е тоа што се случувало и во собранието, веројатно и совпаѓањето и на претседателските и на парламентарните заедно оневозможува да се постави една линија, цврста, помеѓу она што, кој и како гласа за претседател, и кој како гласа за партиите. Јас не ги повикувам партиите, јас ги повикувам граѓаните, што значи нема тука разлика меѓу мене и останатите. Меѓутоа, ако ги слушаме и лидерите и на другите партии гледаме дека не само што повикуваат, туку и поставуваат услови, рече Силјановска Давкова.

За Пендаровски фактот што Силјановска Давкова беше кандидирана само со потписи на пратениците во Собранието, прави да биде сосема логично партискиот лидер кој ја предлага сега со други партиски лидери да договара дополнителна поддршка за неа.

Бидејќи не е граѓански поддржана, туку е партиите, логично е дека партискиот лидер ги прави тие меѓупартиски, меѓу-лидерски договарања, рече Пендаровски.

Ваквиот став за Силјановска Давкова е хипокризија и цинизам.

Логиката е во нешто друго. Ако господинот пендаровски го поддржале граѓаните, тогаш се треба да оди од договори со вас до финансирањето преку оние 10 проценти, а не 45 плус 45, како што тој и јас настапуваме. Сега, не ми е јасно, кој кого манипулира, одговори Силјановска Давкова

https://republika.mk/vesti/makedonija/vo-zhivo-debata-na-pretsedatelskite-kandidati-siljanovska-davkova-i-pendarovski/

The post За Пендаровски недемократски се договарањата коалиции appeared first on Република.

Следете ја во живо дебатата на претседателските кандидати Гордана Силјановска Давкова и Стево Пендаровски:

The post ВО ЖИВО: Дебата на претседателските кандидати Силјановска Давкова и Пендаровски appeared first on Република.

Вечерва од 19:30 на Телма следи ново соочување на кандидатите за претседател - проф. Гордана Силјановска Давкова и Стево Пендаровски.

Во најавата за дебатата, споделен е дел во кој тие дебатираат околу обвинетите за 27 април.

Kвалификацијата на кривичното дело е катастрофална. Јас имам право да помилувам и врз основа на анализата – не само на правото и на правдата, ќе посегнам по тој механизам, рече кандидатката за претседател Гордана Силјановска Давкова.

Пендаровски:

Разбирам ако некој не е виновен или треба да добие помала казна па и да му ублажите. Ама таа вели дека сите за 27 април ќе ги амнестираме. Како може да амнестирате за таков чин?! Прво извинување, а потоа широка општествена дебата за евентуална амнестија.

The post Kвалификацијата на кривичното дело е катастрофална, вели Силјановска Давкова за 27 април, Пендаровски не ја сфати appeared first on Република.

Кандидатите за претседатели на Македонија, Гордана Силјановска Давкова и Стево Пендаровски, вечерва ќе имаат предизборно соочување.

Со почеток во 21:15 часот на ТВ 21 ќе се емитува првата претседателска дебата пред одржувањето на вториот круг од претседателските избори.

The post Вечерва тв-дуел на претседателските кандидати Гордана Силјановска Давкова и Стево Пендаровски appeared first on Република.

При денешната посета на Стопанската Комора за Информатички Технологии – МАСИТ претседателот на ВМРО-ДПМНЕ, Христијан Мицкоски одговори на новинарско прашање во однос на тоа што Пендаровски го покани на дуел и истакна дека за Пендаровски да дебатира со него потребно е Пендаровски да е претседател на СДСМ, и да се извини на професорката Гордана Силјановска Давкова за навредите упатени на јавна цена а потоа нема никаков проблем да дебатира на било која тема.

https://republika.mk/vesti/makedonija/mitskoski-najavi-edna-milijara-evra-za-opshtinite/

„Пендаровски го гледам по митинзите како се препелка, се пресметува со сите практично и во ред, тоа е негов начин на водење кампања претпоставувам, Ковачевски не би сакал да го коментирам бидејќи го нема, човекот исчезна, а Пендаровски за да дебатира човекот со мена најпрво треба да биде претседател на СДСМ, СДСМ да биде наскоро најголема опозициска партија и јас му стојам на располагање во било кое време за било која дебата, ќе избере медиум, ќе избере време, ден и немам никаков проблем да дебатирам. Но сега треба да се завршат овие претседателски избори и како што стојат бројките ќе доживее силен пораз и треба уште еден услов да исполни а тоа е да се извини на професорката Гордана Силјановска Давкова за навредите кои што ги кажува на отворена сцена и навистина мислам дека тоа што тој го прави е непримерно но тоа е негов начин на однесување, навреда кон дама навреда кон жена е нешто кое што ниту е дел од мојот карактер ниту пак за мене е прифатливо и очекувам тој гест да го направи, да се извини па потоа се останато“, нагласи Мицкоски.

The post Мицкоски: За дуел Пендаровски треба да е претседател на СДСМ и да се извини на Силјановска Давкова за навредите appeared first on Република.

Во борбата против корупцијата според претседателот на СДСМ, Димитар Ковачевски власта покажала неселективност. Претседателот на ВМРО-ДПМНЕ Христијан Мицкоски, пак, оценува дека корупцијата и криминалот се во голема мера присутни, најавува распуштање на судски совет и совет на јавни обвинители доколку ВМРО-ДПМНЕ дојде на власт.

Во вечерашниот дуел во емисијата Само вистина на Канал 5, Ковачевски и Мицкоски беа согласни дека корупцијата е проблем кој треба што поскоро да се реши.

Ковачевски посочи дека е свесен за незадоволството кај граѓаните.

-Јас сум свесен дека граѓаните се незадоволни од владеењето на правото и борбата против корупцијата, ако некој е одговорен јас сум одговорен, бидејќи нема кој друг да е дали можеше да се направи повеќе да дали мораше да се направи повеќе да можеше. Има разлика во времето на владеење на СДСМ и ДПМНЕ, требаше ВМРО да не биде на власт за да се види што се правеа, медиуми никој не смееше ништо да каже, сите институции затворени под контрола. Овие седум години има неселективност во постпаувањето, мене не ми е сеедно кога ќе видам членови на паријата кои завршуваат во затворо, меѓутоа тоа значи дека има неселективност, оцени Ковачевски.

Според него потребно е да се обезбеди независно судство и независен совет.

Од друга страна Мицкоски во насока на подобрување на состојбата со корупцијата и недовербата во судството најави распуштање на судски совет и совет на јавни обвинители.

-Криминалот и корупцијата во Македонија се на пандемиски размери и од тие причини довербата во судството и обвинителството е едноцифрена, довербата на граѓаните и се мери со индекс 2-3-4-5 проценти. Тоа не го кажувам јас, тоа го кажува јасно Стејт Департментот во својот извештај, тоа го кажува Европската комисија во својот извештај, тоа го кажуваат германските стопанственици присутни во Македонија во својот извештај и впрочем тоа го кажува бизнис заедницата и на крај основниот суверен тоа се граѓаните преку мерење на јавното мислење, истакна Мицкоски.

Ковачевски посочи дека се согласува дека е потребно политиката да не може да се меша во правосудството, но не и дека е потребно целосно распуштање.

-Јас не се согласувам со целосни распуштања, бидејќи тие доведуваат до тоа да изберете пак нешто што ви одговара на вас, затоа се потребни механзими кои ќе овозможат учество и на граѓанскиот сектор и на експертската фела и да бидат избрани јавно оние кои се најдобри, посочи Ковачевски.

Мицкоски истакна дека распуштање на судскиот совет и советот на јавни обвинители се со цел тие да бидат независни тела.

-Прво што ќе направиме е распуштање на судскиот совет и советот на јавни обвинители. Сакаме тоа да биде независно тело, да биде независно од политичарите, од владата, од претседателот, од парламентот. Измени законски со кои обвинителите во апелациските подрачја, судиите ќе си ги изберат своите претставници на директни избори. Владата ќе овозможи независен Буџет и ќе прави набљудување на работата на овие две независни тела, заклучи Мицкоски.

Во однос на платите и пензиите Мицкоски рече дека доколку победат на изборите ќе останат на ветувањето дека во рок од една година пензиите ќе бидат линеарно зголемени.

-Направивме проекција од каде и како тоа ќе го решиме. Цениме дека сега состојбата на пезнионерите е алармантна и многу тешка. Просечната пензија во 2024 година споредно со просечената плата во владата е некаде 54 проценти, а треба да е 60. Во времето на ВМРО-ДПМНЕ беше 64 проценти. Пари од каде?! – само од непродуктивните трошења, само од трнасферите и криминалите кои оваа влада ги прави, со нивно намалување и решавање ќе ги обезбедиме тие млијарда и двеста милиони за време на мандатот, појасни Мицкоски.

Ковачевски посочи дека во неговиот мандат како претседател на Владата, се случила најголемата економска и енергетска криза, но благодарение на правилните политики предизвиците успешно се надминале.

-Како економист, но и како социјалдемократ, знаев што треба да се прави. Прво мораше да обезбедиме доволно средства за најранливите категории на граѓани. Знаевме дека ќе има зголемена инфлација, бидејќи во услови на војна, постпандемично секогаш има поголеми стапки на инфлација кои на европско ниво достигнаа 20 отсто, колку што беше и кај нас, дека мораме да имаме антикризни мерки и притоа да ги зголемиме платите и пензиите. И тоа и го направивме, рече Ковачевски.

Притоа, Ковачевски посочи дека за да се заштити стандардот на граѓаните биле донесени најголеми пакети со антикризни мерки за граѓаните и стопанство во однос на сите земји во регионот..

-Јас знам дека на луѓето не им е лесно, знам дека денес имаме пензионери кои едвај врзуваат крај со крај. Знам дека има родители кои ќе легнат гладни за утре да имаат денар повеќе да им дадат на своите деца. Мене тоа ми е сè јасно. Но ние ја зголемивме просечната плата за 50 проценти, во однос на она што беше во 2016 година. Минималната плата од 10.000 денари стана 22.500 денари. Пензиите ги зголемивме за 50. проценти. Кај платите, минималната плата е неколкукратно зголемена во мојот мандат во однос на 2016 година. Во 2016 година, биле потребни четири минимални плати за да се покрие една потрошувачка кошничка. Денес за првпат една просечна и една минимална плата покриваат потрошувачка кошничка, зошто? Бидејќи ние имаме највисоко историско ниво на просечна плата од 40.000 денари, порача Ковачевски.

Мицкоски оцени дека со оглед на инфлацијата, зголемувањата на платите и пензиите изминатиот период не одговараат со реалните потреби.

Ковачевски истакна дека денеска за првпат една просечна и една минимална плата покривале потрошувачка кошничка.

-Еве и со бурек економија да се пресмета. Во 2016 година со минимална плата можеле да се купат 220 четвртини бурек, сега со минимална плата можат да се купат 320 четвртини бурек. Така што, кога зборуваме за економските бројки и за задолжувањето, ние во мандатот во најголема криза вративме 1,3 милијарда евра еврообврзници земени во 14-та, 15-та и 16-та. Знаете за што беа искористени тие? За Скопје 2014! Знаете каков економски раст предизвика? Никаков. Зошто? Затоа што беше стиропор, споменици, жални врби, ништо друго, рече Ковачевски.

The post За Ковачевски власта покажала неселективност во борбата против корупцијата appeared first on Република.

Коалицијата за европска иднина ќе има мнозинство во Собранието и повторно ќе ја формираме проевропската Влада на Македонија, а Стево Пендаровски ќе биде избран за Претседател на Македонија. Тоа се потврди и на вчерашната Конвенција во салата Борис Трајковски на која присуствуваа голем број граѓани“, истакна претседателот на СДСМ, Димитар Ковачевски говорејќи на дебатната емисија „Дуел за Македонија“.

„Во парламентарна демократија мнозинство формираат партии коишто имаат иста платформа и прават предизборна или постизборна коалиција. Јас сум убеден дека и по претстојните парламентарни избори, СДСМ повторно ќе ја предводи Владата која ќе ја внесе државата во Европската Унија“, рече Ковачевски.

Тој порача дека не отстапува од европската иднина на Македонија, бидејќи токму тоа е она што е најважно за државата.

„Јас го покажав тоа и на дело во 2022 година кога на ВМРО ДПМНЕ им кажав: „Повелете половина од министерските места што ги има СДСМ. Ќе бидат ваши за заедно да ги донесеме одлуките, бидејќи тоа е врвен приоритет за Македонија“. Но, тие прво прифатија, а потоа одбија. Затоа граѓаните и на 24 април и на 8 мај ќе знаат да одлучат дека само со СДСМ и Коалицијата за европска иднина може да имаат јасен план за коренити реформи и промени во државата, кои ќе бидат поддржани од ЕУ во рамки на преговарачкиот процес“, изјави претседателот на СДСМ.

The post Ковачевски: Коалицијата за европска иднина ќе ја формира следната проевропска Влада appeared first on Република.

Тимот на ВМРО-ДПМНЕ и коалицијата јасно изминативе 6 и половина години ја дијагностицираше секоја болка, го дијагностицираше секој проблем на секој еден граѓанин во секоја една област кој треба да се решава во периодот кој следи. Нема да биде лесно бидејќи тоа што ќе го наследиме е една тешка лоша состојба во системот не функционира кој за жал го водат корумпирани луѓе кои ја имаат шансата изминативе години да најдат решение за проблемите на граѓаните но не успеаа, истакна претседателот на ВМРО-ДПМНЕ Христијан Мицкоски на денешниот „Дуел за Македонија“ во „Само Вистина“ на Канал 5 телевизија.

Мицкоски посочи дека ги детектирале сите проблеми и работеле напорно за креирање на изборната програма.

„Знам дека е тешко да се сопре најпрво падот а потоа да се кренеме нагоре, но сме мотивирани. Ги детектиравме проблемите, работевме напорно да ја креираме нашата изборна програма „Платформа 1198“ која содржи решенија за сите напластени проблеми кои вие граѓаните ги чувствуваа и кои Македонија како држава ги чувствува“, рече Мицкоски.

Тој кажа дека следува кампања на монтажи и измислици од власта, но тоа нема да ги поколеба да ги променат и жестоко да ги поразат.

„Следната кампања однапред ви се извинувам ќе бидете сведоци на многу невистини кои нашиот политички противник ќе ги пласира, на многу креации, на многу монтажи. На многу работи кои немаат никаква врска со вашата иднина. Ве молам да извините за тоа што ние како ВМРО-ДПМНЕ нема да бидеме заложници на таква кампања и едноставно сакаме да имаме позитивен пристап, едноставно сакаме да ги решаваме вашите проблеми и проблемите на Македонија како држава“, вели Мицкоски.

Лидерот на ВМРО-ДПМНЕ упати апел до граѓаните и посочи:

„Ве повикувам на следните избори молчењето да не биде опција туку сите масовно да излезете на избори и да оцените кој е тој кој нуди вистинска иднина и трансформација на Македонија, а кој е оној кој изминативе години ја врати Македонија години наназад“, заклучи Мицкоски.

The post Мицкоски: Следува кампања на монтажи и измислици од власта, но нема да не поколебаат да ги промениме и поразиме жестоко appeared first on Република.

Лидерот на ВМРО-ДПМНЕ, Христијан Мицкоски на ТВ дуелот со претседателот на СДСМ Димитар Ковачевски на Канал 5 телевизија, кажа дека СДСМ е измеќар на ДУИ во изминатите седум години, и дека се срамел од тоа.

„Бев засрамен од тоа како СДСМ се однесуваше како измеќар на ДУИ во изминатите седум години. И тоа ме болеше. И се прашував што е тоа што го направи од државотворна партија, да се претворат во измеќар на Артан Груби и на Али Ахмети. Но после ова што го кажа Ковачевски, ми е јасно. Сега се закани жестоко дека во следниот мандат што ќе го помине како опозиција, нема да дозволи фудбалчиња. Целокупната критики на работењето на ДУИ се сведува на играњето фудбалче кај Груби во кабинет. Кога не би било трагично, би било смешно. Кога човекот беше премиер кога се случуваше скандалот со Соравија, кога луѓе од ДУИ купуваа имоти по Македонија, кога се случуваа безброј скандали, и сега велат од следниот мандат ќе им направеле нешто. Нема да направат ништо. СДСМ нема ништо да им направат на ДУИ, само може да продолжат да им бидат измеќари. Од мачиња лавови не бидува. Затоа и народот нема да им дозволи. Ставот на ВМРО-ДПМНЕ е дека треба да одговараат луѓето од ДУИ кои ја засрамуваат Македонија“, изјави Мицкоски.

The post Мицкоски: СДСМ нема ништо да им направат на ДУИ, може само да продолжат да им бидат измеќари appeared first on Република.

Овие избори се избор меѓу надеж и безнадежност, избор меѓу европска интеграција и изолација“, порача претседателот на СДСМ, Димитар Ковачевски, во вечерашната емисија „Дуел за Македонија“, на Канал 5 телевизија.

Ковачевски потенцираше дека јасно се гледа кој од претседателските кандидати се застапува за надеж и европска интеграција, а тоа е кандидатот на СДСМ, Стево Пендаровски, наспроти кандидатот на ВМРО ДПМНЕ, Гордана Силјановска, која единствено граѓаните ја паметат по репликите во однос на потребата Македонија бескрајно да го одложува носењето на потребните одлуки за интеграција на државата во ЕУ.

„Силјановска покажа дека нема лидерски капацитет и никаква одлучност при носењето на важни одлуки за државата. Вие можете да замислите како би изгледала да нe претставува во НАТО или на самитите на ЕУ човек којшто секогаш бил против носење на одлуки за зачленување во НАТО и за продолжување на европскиот пат на државата. Затоа сметам дека победничкиот кандидат кој нуди визија, одлучност и лидерство за Македонија да стане тоа што граѓаните го сакаат, а тоа земја членка на ЕУ, е претседателскиот кандидат Стево Пендаровски“, рече Ковачевски.

Притоа, Ковачевски посочи дека во вториот круг ќе има два кандидати кои ќе се натпреваруваат за гласот на граѓаните, со тоа што потенцијалот на Пендаровски е поголем во однос на сите други кандидати.

„Затоа на 8 мај Пендаровски повторно ќе биде избран за Претседател на државата и на 8 мај заедно со коалицијата за европска иднина ќе формираме Влада којашто ќе ја внесе Македонија во ЕУ до 2030 година“, потенцираше Ковачевски.

The post Ковачевски: Овие избори се избор меѓу надеж и безнадежност appeared first on Република.

„Ние имаме формално отпочнати преговори, но заради блокадата којашто на нас ни се случи тука во Македонија, ние сега имаме застој, рече претседателот на СДСМ, Димитар Ковачевски во дебата со лидерот на опозицијата, Христијан Мицкоски.

Говорејќи за евроинтегративниот процес, Ковачевски посочи дека за да се направи исчекор потребни се одлуки, граѓаните очекуваат конкретни одлуки, наместо постојано да се критикува.

„И Киро Глигоров го критикуваа, ама денес Киро Глигоров е запишан во историјата, како човекот што ја внесе Македонија во ОН. Се критикуваше и кога станувавме членка на НАТО, денес сите се горди на членството во НАТО. Вие бевте горди кога бевме во Брисел, кога чешкиот министер за надворешни кажа преговорите со Република Cеверна Македонија ги прогласувам за отпочнати. Формално се отпочнати, но заради блокадата којашто на нас ни се случи тука во Македонија, ние сега имаме застој, такви блокади ние сме имале и во минатото. Кој го блокираше зачленувањето во НАТО? Неодлучноста на претходникот на господинот Мицкоски“, рече Ковачевски.

Притоа, Ковачевски посочи дека овие избори се за тоа кој има план за Европа, а кој нема план за Европа.

„Ние спроведовме скрининг за една и пол година, нешто на што им требаше, на наши соседни држави, две до две и пол години. 1.000 професионалци беа организирани, беа поканети од ВМРО-ДПМНЕ да учествуваат, одбија, беа ангажирани 1.000 професионалци во 100 тимови, часови и часови презентации и состаноци во Брисел и добивме позитивен извештај за билатералниот скрининг. Ние веќе имаме добиено извештаи за два кластери, тие се дојдени и точно знаеме што треба да правиме. Ние веќе предложивме во нашата програма зголемување за 50% на платите за оние кои ќе учествуваат во преговорите, точно знаеме со какви ресурси ќе преговараме и точно знаеме дека до 2028 година ќе завршат преговорите и после 2 години ратификација, до 2030 година, Македонија ќе стане земја членка на ЕУ. Тоа е план, термински, со ресурси, со човечки ресурси и со конкретни активности, се друго е замајување и неносење на одлуки, тоа го гледавме 11 години, 11 години ние гледавме некакви преговори со Грција кадешто не се носеше никаква одлука“, рече Ковачевски.

„На изборите граѓаните ќе се определат дали се за европска Македонија. Јас сум убеден дека ќе се определат за европска Македонија и кога на 8 мај ќе ги видиме резултатите тогаш ќе биде јасно дека Македонија ќе ја спроведе својата обврска и дека ќе ги отвориме преговорите со ЕУ по поглавјата“, порача Ковачевски.

The post Ковачевски: Европскиот пат е блокиран дома поради неодлучноста на ВМРО-ДПМНЕ appeared first on Република.

„Просечниот раст на БДП како резултат на оваа политика која што ја кажува Ковачевски, изминативе шест години од 2017 – 2023 е 1,2%. Или во тотал 10%, кумулативно ако го гледаме целиот период. Просечниот раст во периодот на владите на ВМРО-ДПМНЕ 2007 – 2016 е 3,2% или во тотал 35% кумулативно ако сето тоа го гледаме“, истакна претседателот на ВМРО-ДПМНЕ, Христијан Мицкоски во „Дуел за Македонија“ на „Само вистина“ на Канал 5 телевизија каде се соочи со лидерот на СДСМ, Димитар Ковачевски.

Тој зборуваше за тоа колку таа зголемена плата за која зборува СДСМ вреди реално кога ќе се вклучи инфлацијата.

„Ајде да зборуваме за платата бидејќи сте економист, вашиот претходник ми држеше лекции по економија, еве сега претпоставувам и Вие сакате да држите лекции по економија. Ајде да зборуваме за вистинските параметри, а да не зборуваме номинално колку е зголемена платата, туку да видиме колку таа плата вреди реално кога ќе ја вклучиме инфлацијата“, рече претседателот на ВМРО-ДПМНЕ.

Мицкоски додаде дека во 2006 година минимална пензија е 65 евра, 2016 година е 137 евра, а 2023 е 204 евра. Во периодот од 2006 до 2016 година пензијата е зголемена за 110 евра бруто каде што не е вклучена инфлацијата. А, во 2017 до 2023 пензијата е качена за 48 евра. И ако се вклучи инфлацијата реалниот пораст на пензиите во периодот 2006 – 2016 е 72 евра, а во 2017 – 2023 е 10 евра. Седум пати е разликата.

„Оваа Влада го зголеми јавниот долг точно за 4 милијарди евра“, нагласи Мицкоски.

Ковачевски посочи дека за да се заштити стандардот на граѓаните се донесоа најголеми пакети со антикризни мерки за граѓаните и стопанство во однос на сите земји во регионот што го потврди и Светската Банка и во време на криза се зголемија платите и пензиите.

„Јас знам дека на луѓето не им е лесно, знам дека денес имаме пензионери кои едвај врзуваат крај со крај. Знам дека има родители кои ќе легнат гладни за утре да имаат денар повеќе да им дадат на своите деца. Мене тоа ми е сè јасно. Но ние ја зголемивме просечната плата за 50%, во однос на она што беше во 2016 година. Минималната плата од 10.000 денари стана 22.500 денари. Пензиите ги зголемивме за 50%. Кај платите, минималната плата е неколкукратно зголемена во мојот мандат во однос на 2016 година. Во 2016 година, биле потребни четири минимални плати за да се покрие една потрошувачка кошничка. Денес за првпат една просечна и една минимална плата покриваат потрошувачка кошничка, зошто? Бидејќи ние имаме највисоко историско ниво на просечна плата од 40.000 денари“, рече Ковачевски.

Тој говорејќи за економските состојби посочи дека во неговиот мандат како Претседател на Владата, се случи најголемата економска и енергетска криза, но благодарение на правилните политики предизвиците успешно се надминаа.

„Како економист, но и како социјалдемократ, знаев што треба да се прави. Прво мораше да обезбедиме доволно средства за најранливите категории на граѓани. Знаевме дека ќе има зголемена инфлација, бидејќи во услови на војна, постпандемично секогаш има поголеми стапки на инфлација кои на европско ниво достигнаа 20%, колку што беше и кај нас, дека мораме да имаме антикризни мерки и притоа да ги зголемиме платите и пензиите. И тоа и го направивме“, рече Ковачевски.

Притоа,

The post СДС и Ковачевски за 4 милијарди евра го зголемија јавниот долг appeared first on Република.

Претседателот на ВМРО-ДПМНЕ, Христијан Мицкоски во „Дуел за Македонија“ на „Само вистина“ на Канал 5 телевизија во врска со Законот за рестриктивни мерки го запраша Димитар Ковачевски, зошто ако тој закон толку го сакале не го ставиле со европско знаме како што прават и со други штетни закони, а воедно го потсети дека не ни треба друг да каже дека има тука криминалци, туку треба да се ослободат обвинителството и судството.

- Зошто Законот за рестриктивни мерки исто како што ги поднесовте законите за Бехтел, односно коридорите 8 и 10, не го поднесовте со европско знаме, ако толку се грижевте овој закон да помине, зошто не му ставивте европско знаме и истиот закон за 2-3 дена ќе поминеше и немаше да го обвинувате Милошоски дека го не го ставал на дневен ред, изјави Мицкоски.

Мицкоски посочи Милошоски како претседател на собраниската комисија е правник и тој ја слуша фелата правна што зборува.

- Правната фела, излегоа еминентни професори и кажаа дека многу работи различни од тоа што Ковачевски вели дека го потпишале. Сега се поставува прашањето, дали фелата редовни професори на Правен факултет по кривично право не ја зборуваат вистината или Ковачевски не знае што потпишале? Не треба САД да ни кажат кој е, како е, за кого има докази или нема. Се додека бираме обвинители и судии кои на врат им стојат роднини на политички моќници ние нема да имаме независно обвинителство и судство, нагласи Мицкоски.

Мицкоски му порача на Ковачевски да внимава што посакува да не му се налутат ДУИ и да не го остават без поддршка.

- На крај амбасадор, претставник на САД рече дека се тука и никој не ги побарал да се дадат доказите. Еве заедно да го повикаме јавниот обвинител да ги побара доказите, да видиме што е тоа што го нудат нашите стратешки партнери и да најдеме решение, така систематски се решаваат работите, рече Мицкоски.

The post Не ни треба друг да каже дека има криминалци кои ја крадат Македонија, туку треба да се ослободат обвинителството и судството appeared first on Република.

„Криминалот и корупцијата во Македонија се на пандемиски размери и од тие причини довербата во судството и обвинителството е едноцифрена, довербата на граѓаните и се мери со индекс 2-3-4-5%. Тоа не го кажувам јас, тоа го кажува јасно Стејт Департментот во својот извештај, тоа го кажува Европската комисија во својот извештај, тоа го кажуваат германските стопанственици присутни во Македонија во својот извештај и впрочем тоа го кажува бизнис заедницата и на крај основниот суверен тоа се граѓаните преку мерење на јавното мислење“, истакна претседателот на ВМРО-ДПМНЕ Христијан Мицкоски на денешниот „Дуел за Македонија“ во „Само Вистина“ на Канал 5 телевизија.

Претседателот Мицкоски истакна дека како идна Влада ќе отворат фронт против криминалот, распуштање на судскиот совет и советот на јавни обвинители се со цел тие да бидат независни тела.

„Прво што ќе направиме е распуштање на судскиот совет и советот на јавни обвинители. Сакаме тоа да биде независно тело, да биде независно од политичарите, од владата, од претседателот, од парламентот. Измени законски со кои обвинителите во апелациските подрачја, судиите ќе си ги изберат своите претставници на директни избори. Владата ќе овозможи независен Буџет и ќе прави набљудување на работата на овие две независни тела“, заклучи Мицкоски.

The post Мицкоски: Ќе отвориме фронт против криминалот, ќе направиме распуштање на судски совет и совет на јавни обвинители appeared first on Република.

Во вечерниот дуел помеѓу лидерот на СДСМ, Димитар Ковачевски и лидерот на ВМРО-ДПМНЕ, Христијан Мицкоски на телевизија Канал 5, Ковачевски вели „факт е дека ВМРО-ДПМНЕ не поднеле 28.000 потписи и тоа го потврди сега господинот Мицкоски со оглед на тоа дека Гордана Силјаноска е кандидат меѓутоа не ги поднеле“.

– Што има во тие потписи сега да проверува ДИК, да проверува обвинителство, јас да кажам можеби дел од нив се фалсификувани, можеби не се факт е дека не се поднесени. Кога зборуваме за легитимитет на присутните тука сакам да ги расчистиме и тука работите. Јас сум избран за претседател на СДСМ на непосредно гласање тоа е единствена партија којашто својот претседател го бира на непосредно гласање со двајца против кандидати и мојот избор е направен со над 40.000 гласови на гласачки кутии. Спроти мене седи претседател на ВМРО-ДПМНЕ којшто е избран со 400 делегати напишани на лист од неговиот претходник ставени во автобуси однесени во „Фолк вест“ Валандово и таму на конгрес еден кандидат станува претседател. Тоа е нивни начин како го бираат претседателот на партијата јас во тоа не се мешам меѓутоа мора да го разјасниме легитимитетот на претседателите на партиите, изјави лидерот на СДСМ, Димитар Ковачевски.

The post Ковачевски: Лидерот на ВМРО-ДПМНЕ е избран на фолк фест Валандово, а јас на легален начин appeared first on Република.

„Ова сме го слушале, преговарање. Целта на ВМРО ДПМНЕ што е? Тие да се вратат пак да си преговараат со Бугарија, исто како што 11 години си преговараа со Грција. Ние сега преговараме со ЕУ. Главните разговори со француското претседателство беа и тоа посебно во месецот јуни, Македонија да ја одржи на 19 јули првата меѓувладина, да ги отвори преговорите со билатерален скрининг, втората меѓувладина да биде одржана без никвко закажување откако ќе биде спроведена обврската во делот на вклучување на други делови од народи во нашиот устав каде веќе има други делови од народи, вклучително и бугарскиот народ и да почне отворањето на поглавјата со нормално чист, наведен македонски јазик во преговарачката рамка. Тоа го добивме,“ рече претседателот на СДСМ и носител на листа во ИЕ 1, Димитар Ковачевски на дуелот со Христијан Мицкоски, претседател на ВМРО-ДПМНЕ на Канал 5 Телевизија.

Ковачевски посочи дека обврска на секој пратеник, обврска на секој кој ги претставува граѓаните е да им обезбеди европска иднина.

„Во Собранието мнозинството пратеници донесоа заклучоци со кои што ја одобрија преговарачката рамка и ја задолжија и оваа влада, односно мојата влада, и оваа која што е сега и било која идна влада при преговорите со ЕУ да се држи до заклучоците во она што го донесе Собранието, а во согласност со преговарачката рамка. И јас ви кажувам, еден ден кој што ќе биде многу скоро Македонија ќе ги донесе уставните измени, Македонија ќе ги отвори кластерите и Македонија ќе стане земја членка на ЕУ. Се друго е неодлучност и бегање од одговорност“, порача Ковачевски.

The post Ковачевски: Целта на ВМРО- ДПМНЕ што е? Да си преговараат со Бугарија, исто како што 11 години си преговараа со Грција appeared first on Република.

Претседателот на ВМРО-ДПМНЕ, Христијан Мицкоски во „Дуел за Македонија“ на „Само вистина“ на Канал 5 телевизија истакна дека Брисел и Европската Унија најмалку ги интересираат нашите емоции и идентитетот, туку само парафот на Ковачевски на штета на државата, затоа што тие би прифатиле секаков договор кој ќе реши некое прашање и не ги интересира нашиот интерес.

– Тука е најголемата грешка што зборува Ковачевски за Брисел, Брисел. Најмалку тие луѓе ги интересира нашата емоција и идентитет, нив ги интересира нивниот интерес, прво личен а потоа и на земјата од која доаѓаат, рече Мицкоски.

Мицкоски нагласи дека тие ќе поддржат секој кој ќе стави потпис на било каков договор кој ќе значи моментално решение на некаков проблем без разлика кои се последиците од тој договор, како што направи Ковачевски.

– Ако утре Ковачевски потпише теоретски дека Илинденското востание е Преображенско, дека не се илинденците Македонци кои се бореле за независна македонска република во срцето на Балканот, дека преродбениците не се Македонци, туку Бугари, дека вашите предци биле Бугари, дека Бугарите не биле фашистички окупатори, туку администратори, јас ви гарантирам дека бугарската влада ќе биде најголем промотор, а Ковачевски ќе го прогласат за најголемиот човек и Европеец во Брисел, но дали е тоа правилно? – вели Мицкоски.

Мицкоски потсети дека Билатералниот договор со Бугарија е дел од преговарачката рамка, веднаш под Копенхагеншките критериуми.

– Тука ќе се надоврзам дека Протоколите се составен дел од Билатералниот договор којшто е составен дел од Преговарачката рамка. Тука е направена клучната грешка, немаат план и направија потешко на сите после нив, изјави Мицкоски.

The post Мицкоски: Најмалку тие луѓе во Брисел ги интересира нашата емоција и идентитет, нив ги интересира нивниот интерес appeared first on Република.

До 2028 година ќе завршат преговорите, по две години ратификација ќе следи членство во ЕУ, изјави претседателот на СДСМ, Димитар Ковачевски на вечерашниот дуел со лидерот на ВМРО-ДПМНЕ, Христијан Мицкоски.

„Вакви муабети дека водата е мокра, сонцето е топло, се изнаслушавме вакви муабети“, возврати Мицкоски.

Тој додава дека по потпишување на договорот со Бугарија, се случи антагонизам меѓу двата народи. Според него туристичките посети меѓу двете земји се намалени, а односите се влошени.

Ковачевски вели дека ВМРО-ДПМНЕ нема план како да станеме членка на ЕУ. Според него опозицијата сака да ја блокира иднината на државата.

Мицкоски вели дека за ниту една работа никогаш вратата не се затвора. Тој додаде дека она што е во интерес на граѓаните, тој ќе го поддржи, било да е тоа прекугранична соработка со источниот сосед, туризам или нешто друго.

Ковачевски не го оправдува ставот дека сите се против нас и дека сите се здружиле против нас.

„На крај на што ќе се сведе? Криви ни се соседите, криви се внатре, на крај крива ќе биде ЕУ“, рече Ковачевски.

Тој потсети дека се отворени преговори со Украина, Молдавија и БиХ. Вели дека сака да ја види Македонија на масата во Брисел.

The post Ковачевски: До 2028 година ќе завршат преговорите, по две години влегуваме во ЕУ! Мицкоски: Се изнаслушавме муабети дека водата е мокра, а сонцето грее appeared first on Република.

Кога зборуваме за единствениот пат мислиме на Европската унија, ние со промена на Уставот нема да обезбедиме членство во ЕУ. Да ги разјасниме работите имаме една позиција Македонија членка на ОН под времената референца и јазик стоеше македонски, националност Македонска, тоа го имаме од осамостојувањето на Македонија и никој не ја спорел. Тоа што било идентитет никој не го спорел, рече Христијан Мицкоски, претседател на ВМРО-ДПМНЕ на денешниот дуелот со лидерот на СДСМ, Димитар Ковачевски. што се емитува на телевизија Канал 5.

Мицкоски го праша лидерот на СДСМ, Димитар Ковачевски кој е всушност тој? - Оној кој го поддржувал проектот Скопје 2014 во минатото и аплаудирал на настаните или овој сега кој го критикува.

„Околу вашата позиција кој е сега Ковачевски оној при отворање на проектите од Скопје 2014 како официјално лице на една компанија или овој кој сега ги критикува. Кој Ковачевски сте тој што се поклонуваше на тие антички статуи, отворајќи објекти како Македонскиот театар, Музејот на ВМРО, македонската јавност мора да знае“, кажа Мицкоски.

Мицкоски му укажа на Ковачевски дека тогаш не ги штедел дланките и можеби давал најгласен аплауз.

„Ако ве советувале да правите компарација еве да направиме од една страна Aли Ахмети кој дава совет - како до сега Ковачевски и Пендаровски, од друга страна ВМРО-ДПМНЕ и коалицијата заедно со народот“, порача Мицкоски заклучувајќи дека нема никој дилема оти иднината на Македонија е во ЕУ.

The post Мицкоски: Кој е сега Ковачевски?! Оној што при отворање на проектите од Скопје 2014 најгласно аплаудираше или овој кој сега ги критикува?! appeared first on Република.