Нова семејна трагедија го тресе Балканот, откако вчера во Тузла, Босна и Херцеговина, маж се самоуби скокајќи од зграда, откако претходно ги убил сопругата и двете деца.

Истражни тимови на полицијата и на обвинителството се на терен.

Синоќа околу 21 часот и 15 минути сопругот и татко на децата се самоубил скокајќи од зграда во истата населба. Во моментов се утврдуваат сите околности поврзани со овие настани, изјави портпаролот на Обвинителството на ТК, Адмир Арнаутовиќ.

Според информациите на локалниот портал „Кликс“, М.Ч. е мажот кој се самоуби скокајќи од 14 спрат. Тој бил вработен како медицински техничар во Германија, а во Тузла пристигнал пред неколку дена.

Според Дневни Аваз децата биле на возраст од 2 и 9 години. Порталот објави снимка од зградата каде се случи трагедијата:

The post Трагедија во Тузла: Татко си ги уби сопругата и децата на 9 и 2 години appeared first on Република.

Шестмина млади пријатели, на возраст од 21 до 37 години се тешко повредени откако во нив влета возач кој дивееше по улиците на Тузла, Бих. Според босанските медиуми, сите повредени засега се стабилни, но со тешки скршеници, повреди на градниот кош, главата, 'рбетот, ребрата...

Како што пренесува „Црна хроника БиХ“, тешката сообраќајка се случила откако, ткн, Смајл Мехмедовиќ, со својот „мерцедес“ дивеел по улиците на Тузла, поминувал на црвени семафори, возел над 155 км/час додека фолк-музика ечела од неговиот автомобил. Тој цело време се снимал и пренесувал во живо преку „Инстаграм“.

 

View this post on Instagram

 

A post shared by Crna Hronika BiH (@crnahronikabih)

The post Дивјак од Тузла во живо на „Инстаграм“ го пренел моментот кога со 155км/час влета во група од шестмина млади appeared first on Република.

По рутинска операција ,која била извршена во понеделникот на 29 август, бебе почина во Медицинскиот центар во Тузла, пренесува босански „Аваз“.

Веднаш по операцијата и по преземени мерки за реанимација, почина малолетна пациентка, родена 2022 година, изјавија од Универзитетската болница Тузла.

Според информациите на тамошните медиуми, бебето починало по рутинска операција на непцето.

Формиран е тим кој ќе ги утврдува околностите на сите спроведени процедури при лекувањето на малата пациентка.

The post Почина бебе по рутинска операција на непце во Тузла appeared first on Република.

На социјалните мрежи е објавено компромитирачко видео на кое се гледа поранешниот директор на Центарот за социјална работа Бановиќи Невзет Туфекчиќ обвинет за сексуална уцена. Добил и закани, објави Klix.ba

Видеото најверојатно е снимено пред околу две години, а Туфекчиќ е прикажан во момент кога е гол, облекува долна облека и комуницира со женска личност. Видеото беше отстрането од Фејсбук набргу по објавувањето, но оттогаш беше објавено на Твитер.

Дел од видеото кое брзо стана вирално, го прикажува говорот на една жена која додека Туфекчиќ облекува долна облека вели дека ги опремила децата, им купила облека, обувки, книги и тетратки, а допрва треба да добие автомобил.

Во коментарите почнаа да се слеваат обвинувања на сметката на Туфекчиќ, меѓу другото, дека тој како директор на Центарот за социјална работа сексуално уценувал мајки за уверенија за детски додаток, а многумина не се согласуваат да добијат илјади конвертибилни марки еднократна парична помош во замена за давање сексуални услуги.

Иако во коментарите може да се види дека се поднесени пријави против Туфекчиќ, ниту една од нив не стигнала до Обвинителството на кантонот Тузла, што било потврдено за порталот. Инаку, Туфекчиќ по смената на локалната власт е разрешен од функцијата директор на Центарот за социјална работа Бановиќи, поради, како што неофицијално за Клик.ба е потврдено, злоупотреба на положбата.

Zašto?!
Majke slabog imovinskog stanja
moraju svojim tijelom plaćati socijalnu pomoć - hranu i školske knjige za svoju djecu?
Je li ovo politika koalicije @EdinForto @NiksicN #KukićM "Naša zemlja"? "Da svane dan"?! pic.twitter.com/fxAw7Wtucq

— Dajdža® (@FavouriteDajdza) August 9, 2022

Исто така, преку оригиналната група на Фејсбук каде е објавено компромитирачкото видео, на Туфекчиќ му се заканува објавување на нова содржина. „По неколку пријави, претходната објава за Невзет Туфекчиќ беше отстранета поради прекршување на правилата на Фејсбук. Тоа нема да не спречи да ја откриеме целата вистина за овој случај, а нашите следбеници можат да очекуваат целосното видео (вклучувајќи ги и сцените со секс) да биде објавено на други сајтови во следните неколку дена, а ние овде ќе ги споделиме упатствата за гледање. Невзет Туфекчиќ треба да се засрами од своите постапки и јавно да се извини пред да го објавиме видеото“, се вели во објавата на страницата.

Во врска со објавувањето на видеото на социјалните мрежи, порталот klix.ba стапи во контакт и со Туфекчиќ, кој до објавувањето на овој напис не одговори на нашето прашање.

Сепак, тој јавно ја коментираше споменатата објава на својата Фејсбук страница, велејќи дека треба да се срамат и да одговараат оние кои ги прекршиле основните човекови права и незаконски ја следеле, демнеле, уредувале и навлегле во неговата приватност. Тој исто така нагласи дека видеото е валкана игра и монтажа.

„…и тие се кријат зад страницата на Фејсбук…и сите знаат дека во позадина има политичка игра и одмазда што ја тужев институцијата за незаконско разрешување“, рече Туфекчиќ, нагласувајќи дека нема да бега од одговорност, доколку се докаже инкриминираното дело, но и да одговара на оние кои незаконски го демнеле, без судска наредба.

The post Пријавите завршувале во фиока: Директор на центар за социјална работа сексуално уценувал мајки за детски додаток appeared first on Република.

Попладнево е регистриран земјотрес со интензитет од 4,2 степени според Рихтер во Босна и Херцеговина.

Земјотресот е со епицентар 23 километри северозападно од градот Тузла, на длабочина од 10 километри.

The post Земјотрес во Босна и Херцеговина appeared first on Република.