Во организација на шаховскиот клуб „Тим Анпасан" денеска во средното општинско училиште „Ѓорче Петров" во Крива Паланка се одржа турнир во забрзан шах за деца до 18 години.

На турнирот учествуваа 54 деца од Струмица, Гевгелија, Битола, Куманово, Скопје, Свети Николе, Гостивар и Крива Паланка, како и соседна Бугарија.

- Целта е развој на шахот во градот, кај најмладите да се разбуди духот, желбата за шах, како и во училиштата и низ целата држава, со желба да се воведе шах како изборен предмет во основното образование, информира Даниел Ангеловски од ШК „Тим Анпасан", Крива Паланка.

Најуспешни на денешниот турнир беа Радоњанин Никола кој заврши третопласиран, второто место го освои Андреј Неделковски, а шампион на турнирот е Кирил Николовски.

Организатори на турнирот се: Даниел Ангеловски, Оливер Дејановски, Никола Стевановски и Георги Павлов, судија на турнирот беше Владимир Павлов, а почесен гостин беше Агим Шемшиу, потпретседател на шаховската федерација на Македонија.

Од организацискиот одбор упатија благодарност до СОУ „Ѓорче Петров", градоначалникот на Општина Крива Паланка, Сашко Митовски и до поддржувачите и општествено одговорната компанија „Катил Холдинг".

Шаховскиот клуб „Тим Анпасан" веќе втора година активно работи со млади од Крива Паланка кои полека но сигурно се обучуваат за шаховска игра, спремни да настапуваат на локални, регионални и национални натпревари,а денес успешно се претставија и на меѓународниот турнир што во иднина се планира да прерасне во традиционален.

The post Во Крива Паланка се одржа меѓународен турнир во забрзан шах appeared first on Република.

Британските медиуми соопштија дека принцезата Кејт Мидлтон утре ќе се појави на централниот терен на Вимблдон и во живо ќе го следи финалето меѓу Карлос Алкараз и Новак Ѓоковиќ.

Планирано е да го додели пехарот на новиот шампион на овој турнир, еден од најпрестижните во историјата на тенисот. Присуството на финалето веќе го потврди Кенсингтонската палата во официјално соопштение.

Финалниот меч на Вимблдон меѓу Алкараз и Ѓоковиќ се игра утре од 15 часот по средноевропско време, а титулата ја брани шпанскиот тенисер.

Принцезата Кејт закрепнува од борбата со карцином и во изминатиот период искличително ретко се појавуваше во јавноста.

The post Принцезата Кејт Мидлтон ќе го додели трофејот на машкото финале на Вимблдон appeared first on Република.

Партизан и Војводина од Србија, Ујпешт од Унгарија, Чикшереда од Романија, но и Вардар, Работнички, Академија Пандев Брера, се екипи коишто фудбалски нешто значат во регионот, особено кога станува збор за работата со младинските фудбалски категории. Токму овие клубови, но и многу други, ќе бидат дел од шестото издание на „Кул куп“, меѓународниот младински фудбалски турнир во организација на фудбалската школа, ФК Кул од Скопје.

Во текот на три дена, од осми од десетти септември, на теренот на Цементарница, ќе истрчаат 80 екипи од Македонија и странство, во кои ќе бидат претставени пет возрасни генерации или околу 1.000 млади фудбалери. Покрај натпреварувачкиот момент, нивната цел ќе биде и фудбалско дружење, но и размена на искуства и практики во работата и развојот на идните фудбалери.

https://www.youtube.com/watch?v=V_RDqHJ7giw

Масовноста на овогодинешното издание на турнирот, особено е значајна затоа што претставува и своевидно возобновување на веќе воспоставената традиција, којашто, поради пандемијата на корона вирусот, мораше да има три години пауза.

Ваквата упорност и посветеност на турнирот, е само продолжение на принципот и програмата на работа на фудбалската школа, која работи со деца од пет години, па се до сениорски тим и која од година в година, покажува и натпреварувачки резултати. Таков пример е генерацијата за фудбалери родени 2005 година, која во конкуренција на најдобрите клубови во Македонија, дојде и до шампионската титула во своја конкуренција.

https://www.youtube.com/watch?v=Z0OgRB8xYR0

Турнирот „Кул куп“ е само потврда за посветеноста со која ФК Кул пристапува кон развојот на младинскиот фудбал во изминативе 16 години, колку што постои фудбалската школа. Во клубот членуваат околу 650 членови и се вработени 20 спортски работници, кои се грижат сите тренинзи и се што е неопходно за работа со децата да минува без никаков проблем.

https://www.youtube.com/watch?v=tGUwaEGQ6ig

Натпреварите ќе се одвиваат на стадионот на Цементарница, а влезот за сите ќе биде слободен.

Дел од спортските клубови ќе бидат дел турнирот се:

* ФК Ујпешт – Унгарија,

* ФК Чикшереда - Романија

* ФК Партизан - Србија,

* ФК Војводина - Србија,

* ФК Титан – Краљево - Србија,

* ФК Вардар,

* ФК Ал Барса,

* ФК Орлетата - Благоевград – Бугарија,

* ФК Биџо – Куманово,

* ФК Драчево,

* ФК Кул,

* ФК Македонија Ѓорче Петров,

* ФК Скупи,

* ФК Јанг Тим,

* ФК Дрим Тим,

* ФК Академија Нацев – Велес,

* ФК Форца,

* ФК Бутел,

* ФК Партизан Фудбал Кидс,

* ФК Куманово – Куманово

* ФК Маџари Солидарност

* ФК Куманово

* ФК Дрита – Косово

* ФК Работнички

* ФК Парк Сити,

* ФК Фудбал Старс - Кочани,

* ФК Академија Пандев Брера

* ФК Кичево

* ФК Лепенец

* ФК Аеродром

* ФК Тиквеш

* ФК ССК

* ФК Глигоров

* ФК Милано

* ФК Охрид

* ФК Победа Валандово

The post Околу 1.000 деца и 80 екипи од повеќе земји ќе учествуваат на меѓународниот турнир „Кул куп“ appeared first on Република.

На 8,9 и 10 септември 2023 фудбалскиот клуб Кул ќе биде домаќин на традиционалниот 6. по ред Меѓународен турнир во фудбал  КУЛ КУП 2023 за генерации 2011 / 2012 / 2013 / 2014 и 2015.

На турнирот завземаат учество 80 екипи, 1000 учесници од земјава и странство. Ќе се одиграат натпревари помеѓу младински екипи од Македонија, Србија,  Хрватска, Унгарија, Бугарија, Косово, Романија, Турција и други клубови од други земји кои во тек се пријавуваат.

Посетеноста на турнирот е на висок степен, над 3000 публика, велат од клубот.

ФК Кул е фудбалски клуб кој за своето 16- годишно постоење се стекна со високо реноме во земјата и странство. Учествува на турнири во земјава и странство, каде постигнува солидни успеси и стекна големи искуства кој ги применува во организацијата на својот турнир КУЛ КУП. Турнирот прераснува во традиција каде екипите се дружат меѓусебно, разменуваат искуства и ги измеруваат своите фудбалски способности.

Со овој турнир сакаме да ги потикнеме дружењето на младите спортисти помеѓу земјите од Балканот и да допринесеме за развој во спортот кај младите категории. Ве покануваме на 08-09-10 Септември да проследите интересни фудбалски натпревари на КУЛ КУП 2023 на теренот на Цементарница во Кисела Вода, велат од клубот.

Дел од екипите кој ќе завземат учество се: ФК Партизан - Србија, ФК Динамо- Хрватска, ФК Ујпешт-Унгарија, ФК Вардар, ФК Парк, ФК Албарса, ФК Тиквеш, ФК Македонија Ѓорче Петров, ФК Скупи, ФК Јанг Тим, ФК Бутел, ФК Дрим Тим, ФК Форца, ФК Драчево, ФК Орлетата – Бугарија, ФК Титан- Србија, ФК Лепенец, ФК Маџари, ФК Аеродром, ФК Партизан Фудбал Кидс, ФК Дрита - Косово, ФК Биџо, ФК ССК, ФК Академија Нацев, ФК Војводина –Србија, ФК Милано, ФК Охрид

The post ФК Партизан, ФК Динамо, ФК Ујпешт, ФК Војводина и уште многу други клубови ќе завземат учество на КУЛ КУП 2023 appeared first on Република.

Хорор тепачка во Радовиш на турнир во мал фудбал, летаа столичиња, боксови, клици, објави порталот Спорт1.

Тепачката се случила во Спортско-рекреативниот центар „25 мај“ во Радовиш каде што се одржувал традиционалниот турнир во мал фудбал по повод муслиманскиот празник Курбан Бајрам.

На видеото може да се забележи како играчите се бркаат низ целата сала, публиката се обидува да ги нападне, не се знае кој кого тепа и кој од кого бега, а притоа се користат и тврди предмети, меѓу кои и столчиња од трибината.

https://youtu.be/GKn8hEWiyt0

The post Хорор тепачка во Радовиш на турнир во мал фудбал! appeared first on Република.

Американските власти одбија да му дозволат на Новак Ѓоковиќ влез во САД бидејќи не бил вакциниран. По оваа одлука, светскиот број 1 и официјално се повлече од ждрепката за Мастерс турнирот во Индијан Велс

Странците кои не се вакцинирани против корона вирусот се уште не можат да влезат во земјата. Ѓоковиќ не е вакциниран, поради што не доби ослободување, а неговото место ќе го заземе Николоз Басилашвили од Грузија.

Ѓоковиќ на Мастерс турнирите во Индијан Велс и Мајами последен пат настапил во 2019 година.

Србинот, кој е еден од најистакнатите спортисти невакцинирани против вирусот, минатиот месец поднесе барање до американската влада за специјална дозвола да игра на АТП Мастерс турнирите во Индијан Велс и Мајами, објави Ројтерс.

Турнирот во Индијан Велс започнува во понеделник и ќе трае до 19. март.

The post Ѓоковиќ нема да игра во Индијан Велс и Мајами, власите во Америка не му дозволија бидејќи не е вакциниран appeared first on Република.

Првиот светски рекет Новак Ѓоковиќ, го заврши настапот на турнирот во Мадрид, откако вечерва во полуфиналето загуби од Шпанецот Карлос Алкараз во три сета (7:6, 5:7 и 6:7).

Тенисерите на теренот минаа 3 часа и 38 минути. За тоа време, 34-годишниот Ѓоковиќ комплетираше осум асови, двапати погреши при сервисот и направи еден брејк. Деветнаесетгодишниот Алкараз четири пати сервираше ас, имаше исто толку двојни сервис грешки и искористи две шанси за брејк.

Вториот финалист ќе биде познат доцна вечер по одигрување на мечот Стефанос Циципас (Грција) – Александар Зверев (Германија).

The post Шпанецот Алкараз го елиминира Ѓоковиќ од турнирот во Мадрид appeared first on Република.

Првиот светски рекет Новак Ѓоковиќ изјави дека не може да влезе во САД за да учествува на турнирот во Индијан Велс.

Засега ситуацијата е таква што нема да можам да учествувам на турнирот. Ајде да видиме како ќе биде. Мислам дека околностите може да се променат во следните неколку недели, ја цитира изјавата на Србинот „Tennishead“.

За потсетување, влезот во САД е забранет за оние кои не се вакцинирани против коронавирус.

Ѓоковиќ претходно изјави дека во принцип нема да се вакцинира и затоа е подготвен да ги прескокне турнирите на кои ова барање е задолжително.

Ѓоковиќ на 21 февруари го одигра првиот натпревар по скандалот во Мелбрун, кога не му беше дозволено да остане во земјата и да учествува на Австралија опен.

The post Ѓоковиќ не може да влезе во САД и да игра на Индијан Велс appeared first on Република.