За време на одморот на островот Менорка во Шпанија, туристот Антонио Барбеито бил разочаран кога погледнал што сакаат да му наплатат во рибниот ресторан каде заминал на луксузна вечера. Таму вечерата го коштала 250 евра, но го изнервирала една банална ставка од сметката. Тој порачал јастог, тартар од ракчиња, пржени лигњи, школки, сладолед, сода и кафе.

Но, од кожа го извадило дека на сметката имало за наплата и чаша мраз, за која требало да плати 2,75 евра. Тој напиша дека тоа е крајно безобразно.

Тој рече дека сака да патува во својата земја и да ги поддржува локалните ресторани, но не му се допаѓаат овие практики. Имено, проблематично е што рестораните генерално се трудат да го извлечат секој денар од туристите, особено на попопуларните места каде посетеноста не зависи толку од квалитетот на услугата.

Adoro el turismo nacional y casi nunca salgo de España para apoyar a una comunidad tan importante como es la hostelera pero en una cuenta de 250 euros que te cobren 3 por hielo extra me parece extremadamente fuera de lugar. #menorca #hosteleria pic.twitter.com/EHDBSKgAPF

— antonio barbeito (@barbeitovila) August 4, 2024

The post „Е, овие 2,75 евра не ви ги плаќам!“, вели бесен турист кога виде што му наплатија со вечерата вредна 250 евра appeared first on Република.

Маж кој бил каснат од отровен пајак во Пиргос, на западот на Грција, починал како последица од каснувањето. 48-годишниот маж дошол во болница со страшни болки во ногата, но не знаел дека бил каснат. Претходно бил прегледан од приватен ортопед, кој го испратил во болница.

Здравјето на човекот се влошило еден ден подоцна, тој развил симптоми кои потсетуваат на каснување, а медицинскиот персонал вложил напори да го одржи во живот.

И покрај натчовечките напори на персоналот, пациентот на крајот не успеа да издржи. За жал, тоа беше нешто што се знаеше од самиот почеток. Ваквите инциденти не завршуваат добро. Се трудевме многу, велат од болницата.

Медиумите јавуваат дека мажот кој бил на одмор во Грција бил каснат високо кај бутот од ногата, но не забележал кога бил каснат.

Од описот мислиме дека се работи за каснување од кафеав пајак. Не постои противотров и неговиот развој е генерално доста брз, иако на почетокот не изгледа дека е ништо сериозно. Има ненадејно влошување 72 часа по каснувањето, велат од болницата.

Кафеавиот медитерански осамен пајак е малку проучен. На предниот дел од телото има изразен белег кој наликува на виолина.

Активен е ноќе, додека дење се крие под камења и лисја.

The post Турист во Грција почина по каснување од пајак appeared first on Република.

На 23.07.2024 во 12.15 часот во СВР Охрид, 68 годишно лице од Република Србија пријавило дека на улицата „Крум Точко“ во Охрид било каснато од куче скитник.

The post Лице од Србија каснато од куче скитник во Охрид appeared first on Република.

Регионалниот ЦУК Охрид, известува дека после пладне, на Единствен повикувачки број за итни повици 112 во ЦУК, било пријавено од Итна медицинска помош од Охрид дека во близина на хотел „Десарет“ во Охрид, лице (странски државјанин) паднало во непристапен терен и од паѓањето се здобило со телесни повреди, по што била повикана итнатата медицинска помош.

Заради непристапнапноста на теренот медицнската екипа екипата не можела да интервенира, па од ЦУК беа известени пожарникарите од ТППЕ Охрид, полицајците од СВР Охрид и Планинарска спасителна служба Патагонија од Охрид.
Екипата од ТППЕ Охрид со 1 ПП возло и 3 пожарникари интервенирале, при што лицето било извлечено од местото на настанот, па е префрлено во полициски глисер и преку езеро било пренесено до возилото на Итна медицинска помош, а потоа во болница во Охрид на понатамошен третман, соопшти ЦУК.

Уште една успешна спасувачка акција на нашите пожарникари-спасители ! Интервентната екипа на Тппе Охрид изврши извлекување на повреден турист паднат во амбис ,во близина на х.Десарет. Повреденото лице е лоцирано и безбедно е транспортирано на пловен објект за понатамошно лекување, велат од Противпожарната бригада.

The post Уште една спасувачка акција во Охрид, повторно турист падна во непристапен терен appeared first on Република.

Планинарска спасителна служба на 20 јуни извлекла холандски турист со скршена нога од околината на село Елшани. Несртеќниот турист потоа бил предаден на екипа од Итната медицинска помош од Охрид.

Планинарска спасителна служба од 13.40 до 15.00 часот имала спасителна акција на територија на општина Охрид. Извршено е извлекување на повреден холандски турист од околината на село Елшани, кој имал скршеница на нога и е предаден на екипа од Итната медицинска помош од Охрид, соопшти Центарот за управување со кризи (ЦУК).

Лицето е пренесено во болницата „Св. Еразмо“ во Охрид на понатамошен третман.

Од ЦУК посетуваат дека сите итни случаи може да се пријавуваат на Единствениот повикувачки број за итни случаи 112, особено кога граѓаните имаат животозагрозувачки ситуации.

Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.

The post Холандски турист со скршена нога извлечен кај Елшани во Охрид appeared first on Република.

Преку Единствен повикувачки број за итни повици 112 во околу 12.00 часот е добиена дојава за повредено лице кое удрило во камен во Охридското Езеро и истото со кајче се пренесува до пристаништето на хотелот „Александрија“ во Охрид, соопшти Центарот за управување со кризи.

За итниот случај, од ЦУК веднаш е известена Итна медицинска помош и од нивна страна во моментот се презема лицето, по што истото ќе биде пренесено во болница во Охрид. Инаку, повреденото лице е странски државјанин од Холандија.

Како удрил и како се повредил ќе се дознае по истрагата, поточно, како што велат од ЦУК, кога ке биде комиуникативно лицето.

РЦУК - Охрид, известува дека повреденото лице од Холандија кое удри во камен во Охридско Езеро е превземено од Итна медицинска помош е надвор од животна опасност и истото е пренесено во Општа болница во Охрид на одделот за хирургија.

The post Со кајче се спасува онесвестен турист кој удрил во камен во Охридско Езеро appeared first on Република.

Денес околу 10.45 часот, во месноста Јелак на Шар Планина, мечка нападнала дански турист кој заедно со група скијачи учествувал во т.н. „фри рајд" скијање во близина на Попова Шапка, информираат од Центарот за управување со кризи (ЦУК).

Мечката со гризнување и гребење му нанела повреди на нозете на скијачот. Екипа на итната медицинска помош од Тетово го транспортира повредениот скијач кон тетовска болница каде дополнително ќе биде утврдена тежината на повредите, соопштија од ЦУК.

The post Мечка гризнала и изгребала по нозете турист од Данска кој скијал на Шар Планина appeared first on Република.

Трагедија се случи вчера на плажа во Валона, Албанија, каде починал турист од Србија. Како што јавува ABC News Albania, 54-годишен маж добил срцеви проблеми само што дошол во контакт со водата на морскиот брег.

Нему му била укажана итна медицинска помош од турист, крајбрежната стража, а потоа и екипа на итната помош.

Сепак, нивните напори биле залудни, па 54-годишникот починал.

Полицијата го презела овој случај и води истрага за утврдување на сите околности, јавува ABC News Albania.

The post Почина турист на плажата во Валона appeared first on Република.

Српскиот државјанин В.М.(55) од Белград доби казна од 500 евра за вербално насилство врз својата малолетна ќерка во Будва, се вели во соопштението на Судот за прекршоци во Будва потпишано од претседателот Марко Ѓукановиќ.

Како што се посочува, тој во четвртокот околу 16 часот на шеталиштето „Словенска обала“ неколку пати грубо ја навредувал ќерка си, поради што реагирала и полицијата.

Властите во Будва објавија нацрт на Одлуката за комунален ред, која помина на јавна расправа, а во која, меѓудругото, се предвидени казни од 200 евра за сите оние туристи, како и локалните жители, кои се движат во Стариот град на Будва во костим за капење или без дел од облеката.

The post Турист со казна од 500 евра научи горка лекција што не смее да прави во Будва appeared first on Република.

Австралиски турист е убиен во напад на ајкула на преполна плажа во Нова Каледонија, француска колонија во Меланезија во југозападниот дел на Пацификот, објави денеска Гардијан.

Плажите во Нуомеа беа затворени откако 59-годишен маж почина во неделата по неколку каснувања од ајкула.

Мажот, наводно, пливал на околу 150 метри од плажата Шато-Ројал во главниот град Нуомеи кога ајкулата го нападнала, соопштија властите.

Две лица, кои пловеле со чамец во близина, го однеле повредениот турист на плажата, каде итните служби се обиделе да го спасат.

Мажот имал тешки рани на ногата и двете раце и починал на местото на настанот, и покрај масажата на срцето.

Полицијата ја евакуираше областа.

Градоначалничката на Нуоме, Соња Лагард нареди затворање на повеќето плажи во областа и ловење на ајкулите во блиските води.

Властите распоредија беспилотни летала за да ги следат ајкулите, а две беа забележани пред да бидат прекинати операциите, соопшти полицијата.

Локалниот обвинител изјави дека е отворена истрага за инцидентот.

49-годишен пливач минатиот месец беше тешко повреден од ајкула, исто така во близина на плажата Шато-Ројал, а неколку дена подоцна беше нападнат сурфер, но тој не беше повреден.

Нова Каледонија е на 13-то место во светот по вкупниот број на напади на ајкули, според Природонаучниот музеј на Флорида, кој води евиденција за нападите на ајкули низ светот од 1958 година.

The post Ајкула уби турист на преполна плажа appeared first on Република.

Бугарските надлежни служби соопштија дека е утврдено оти телото на вториот починат турист пронајден на една од падините под врвот Вихрен на планината Пирин му припаѓа на 55-годишниот Драган Глишиќ, жител на Австрија по потекло од Македонија.

Како што информира бТВ, по речиси 20-часовната спасувачка акција на падините на Пирин, телото на Глишиќ и на вториот починат, 69-годишниот бугарски државјанин Пламен Христов се пренесени на обудкција.

Дописникот на МИА од Софија јави дека е утвредено оти Глишиќ и Христов починале како последици на повреди здобиени при пад.

Глишиќ допатувал сам во Банско пред Нова година со неговиот автомобил со австриски регистарски таблички. Според неговиот пријател Горан Безениќ, тој и Глишиќ се познаваат од деца и често патувале низ Европа. Безениќ посочува дека Глишиќ претходно бил службено во земјава, од каде заминал на скијање во Банско.

Бугарските медиуми посочуваат дека останува мистерија како телата на двајцата починати завршиле едно до друго, имајќи пред вид дека според расположливите информации тие не се познавале и Глишиќ немал пријатели во Бугарија.

Јавното обвинителство на Бугарија започна предистражна истрага за смртта на Глишиќ и Христов.

The post Вториот починат турист пронајден на Пирин идентификуван како жител на Австрија по потекло од Македонија appeared first on Република.

Дваесетиедногодишен англиски турист, кој за време на годишниот одмор ангажирал хеликоптер да ги обиколува грчките острови, трагично загинал кога пропелерот на еден од хеликоптерите го растргнал недалеку од Атина.

Трагедијата се случила во понеделникот попладне на хелиодромот во Спата, недалеку од атинскиот аеродром, каде младото момче со семејството требало да се качи во приватен авион и да се врати во Велика Британија.

Младиот човек бил во едниот хеликоптер со тројца пријатели, додека во другиот хеликоптер биле неговите родители.

Групата претходно престојуваше во Миконос, а планот бил синоќа да полета за Англија.

Двата хеликоптера летале еден по друг кон Атина, а на хелиодромот прв слетал Бел 407, во кој било момчето со пријателите.

Под околности кои допрва треба да се утврдат, младиот човек се закачил за пропелерот по излегувањето од леталото, а перките го распарчиле.

Шокираниот пилот веднаш го повикал својот колега во другиот хеликоптер и му кажал што се случило, по што вториот хеликоптер продолжил да кружи за родителите да не се шокираат кога ќе го видат осакатеното тело на нивниот син. Хеликоптерот кружел додека не бил ослободен да слета на аеродромот во Атина.

Во тек е истрага, а пилотот е приведен поради сомнение за убиство од небрежност, пренесува Telegraf.rs.

The post Нова несреќа во Грција: Загина 21-годишен турист appeared first on Република.

Парче карпа падна и погоди во глава Србин (45) во петокот попладне додека бил на излет на реката Ахерон во Грција.

Според грчките медиуми, мажот со сопругата и детето бил на екскурзија по реката, кога големо парче камен се откинало од карпа и го удрило во главата, по што паднал.

Семејството веднаш повикало помош, додека несреќниот турист лежел на земја облеан во крв.

Со возило на Итна медицинска помош бил пренесен во болницата во Превеза, каде по првите прегледи бил префрлен на понатамошно болничко лекување во Јанина.

The post Турист тешко повреден откако карпа му паднала на глава во Грција appeared first on Република.