турбофолк Archives - Република

Невкус и хаос, кичерајска музика до 2 часот наутро е злочин кон Охрид и кон се што овој духовен и културно-историски центар претставува, реагираат охриѓани

Nena — Mon, 31 Jul 2023 13:30:07 +0000

Лавина реакции има откога вчера ечеше турбофолк-музика од шест часот попладнето до два часот по полноќ. Охриѓани коментираат дека се слушало и на три километри од стадионот „Билјанини Извори“, каде што имаше концерт на Девито, Јала Брат и Бубо Корели.

Пред почетокот на концертот се пушташе музика – од Цеца и Северина до стари српски хитови, измиксани со тонови од познати светски хитови.

Освен за гласноста, бурно се реагира и за стилот на музиката што го окупира градот.

Да не должам многу и поедноставно да се изразам!

Оваа калаштурница, невкус и хаос во Охрид, кој моментално се случвит а се случвел и години наназад е срамота за сите нас почнувајќи од локалната самоуправа па се до сите државни институции кој на било кој начин се поврзани со ова безредие кое поттикнува една огромна лавина на некултура!

Трештење на кичерајска музика до 2 насабајле од сите страни во централното градско јадро

и вознемирувањето на сите охриѓани, домашни и странски туристи од кој повеќето дошле во потрага по мир, одмор и пријатно искуство е злочин спрема Охрид и спрема се шо овој духовен и културно-историски центар претставуват!, напиша на својот фејсбук профил Владимир Четкар и самиот музичар, охриѓанец.

Гласниот турбофолк, кој се слушаше од пробите до завршување на концертот, донесе и досетки, но и иронија.

Да му се јавиме на Стојанче Ангелов на 112 да нѐ евакуират ак не?!“, праша охриѓанецот Иљче Затаракоски, познат во јавноста по својата сатира, па во коментари додаде: „Стојанче Ангелов, криза во Охрид. Или нека намалет музика или пуштајте хеликоптери.

The post Невкус и хаос, кичерајска музика до 2 часот наутро е злочин кон Охрид и кон се што овој духовен и културно-историски центар претставува, реагираат охриѓани appeared first on Република.

Хрватски град забрани турбо-фолк во кафулињата

Сани — Thu, 23 Jun 2022 07:32:07 +0000

Ѓурѓевац, 23 јуни 2022 (МИА) – Властите на градот Ѓурѓевац, северна Хрватска, донесоа одлука за забрана за пуштање турбо-фолк музика („цајки“) во угостителските објекти. Покрај забраната за турбо-фолк, за викендов е поставено и ново работно време за рестораните и другите угостителски места.

„Од 24 јуни до 26 јуни угостителите можат да работат без престан. Работното време важи и за терасите поставени до угостителските објекти, како и за шаторите на јавни површини. Во угостителските објекти на плоштадот ‘Свети Јурај’ и ‘Староградската улица’ во Ѓурѓевац може да се изведува само соодветна традиционална и популарна музика“, се истакнува во соопштението на властите.

Одлуката важи за овој викенд, односно од петок до недела – за време на туристичката манифестација „Пицокијада“ во овој град. си/сд/

The post Хрватски град забрани турбо-фолк во кафулињата appeared first on Република.

Слаткар премина во турбофолк, ваков не сте го чуле

Марина — Mon, 31 Jan 2022 13:34:16 +0000

По подолго време, познатиот рапер Марко Маринковиќ – Слаткаристика објави нова песна, но воопшто не наликува на она што досега сме навикнати да го чуеме од него. „Безобразна си ти“ е насловот на новата композиција на познатиот рапер, кој го пишувал и текстот за истата, додека музиката и аранжманот се дело на Роберт Билбилов.

За новата песна раперот сними и доста интересен видеоспот, во кој покрај него се појавува и атрактивна црнокоса девојка.

https://youtu.be/tNw4IC5PXAQ

The post Слаткар премина во турбофолк, ваков не сте го чуле appeared first on Република.