ТТК Банка АД Скопје донираше 8 компјутери со придружна опрема за децата од ОOУ „Киро Глигоров“ - Скопје. Во согласност со потребите на училиштето, компјутерите сe наменети за опремување на кабинетот по информатика. Донацијата е дел од стратегијата на Банката за спроведување општествено одговорни практики за доброто на заедницата.

„Информатичката технологија денес е од витално значење за образованието. Целта на оваа донација е да им овозможиме на децата соодветни услови за унапредување на дигиталните вештини. Веруваме дека ќе им помогнеме поефикасно да ги стекнуваат новите знаења онлајн, бидејќи образованието е процес што нема алтернатива. На овој начин Банката ја продолжува поддршката во развојот и едукацијата на децата и дава свој придонес за надминување на ограничувањата“ - изјави претседателот на Управниот одбор на ТТК Банка АД Скопје проф. д-р Драгољуб Арсовски.

Благодарение на донираните компјутери, учениците ќе ја започнат следната учебна година подготвено, со функционален компјутерски кабинет. Директорката на ООУ „Киро Глигоров“ - Скопје се заблагодари на ТТК Банка АД Скопје за донацијата и за покажаната хуманост.

„Донацијата на ТТК Банка АД Скопје ќе овозможи непречена секојдневна работа. Учениците и наставничкиот кадар ќе можат квалитетно да ги реализираат секојдневните планирани дигитални содржини, да користат онлајн образовни материјали и алатки достапни на интернет. Освен во наставата, компјутерите ќе се користат и во сите воннаставни активности и проекти коишто се особено важни за афирмацијата на училиштето, на локалната заедница и на градот“ - изјави директорката на ООУ „Киро Глигоров“ Билјана Билбиловска.

ТТК Банка АД Скопје, во улога на општествено одговорна компанија, и во иднина ќе продолжи со активна поддршка на проекти за развој на заедницата.

The post Донација на компјутери од ТТК Банка за ООУ „Киро Глигоров“ – Скопје appeared first on Република.

Успешно е спречен хакерскиот напад на кој беше изложена интернет страницата на ТТК Банка.

На 22 февруари, во вечерните часови беше направен обид за хакерски упад на интернет страницата на ТТК Банка. Благодарение на ефикасната заштита на системот и брзата реакција, интернет страницата по краток прекин, брзо беше вратена во функција и беше повторно достапна. Нема последици од нападот, велат од ТТК Банка.

Случајот е пријавен во МВР.

ТТК Банка останува во постојана и тесна соработка со стручни лица за спроведување на законите со цел за спречување на вакви настани во иднина, велат од банката.

The post Спречен хакерски напад на интернет страницата на ТТК Банка appeared first on Република.

ТТК Банка ќе изврши исплата на годишната камата по каматна стапка од 2,7 % на годишно ниво на имателите на Корпоративна обврзница – втора емисија на обврзници со ИСИН MKTTKS200020 и шифра TTKO2.

Исплатата на камата ќе се изврши на 14.02.2022 година.

Право на исплата на камата имаат лицата кои се регистрирани во книгата на иматели на Корпоративна обврзница-втора емисија на издавачот ТТК Банка АД Скопје во Централниот депозитар за хартии од вредност АД Скопје заклучно со 13.02.2022 година.

Тргувањето со обврзниците во деновите 10 и 11 февруари 2022 година ќе се реализира со пресметана акумулирана камата за 362 и 363 денови соодветно, при што купувачот при порамнувањето на 14 и 15 февруари 2022 година ќе треба да го уплати износот на чистата цена + акумулираната камата на продавачот.  При ова, купувачите ќе бидат регистрирани во книгата на иматели на Корпоративната обврзница – втора емисија на обврзници во Централниот депозитар за хартии од вредност АД Скопје на 14 и 15 февруари 2022 година, соодветно и нема да остварат право на исплата на годишната камата.

The post TTK Банка ќе ја исплати годишната камата по каматна стапка од 2,7% на годишно ниво на имателите на корпоративна обврзница од втората емисија appeared first on Република.