Македонскиот репрезентативец Цветан Кузманоски доживеа голем пех на првиот пријателски натпревар против Грција во Солун и се повреди, па го чека подолга пауза.

Играчот на Еурофарм Пелистер има фрактура на прстот на десната рака и ќе мора да паузира. Според лекарските прогнози, Цветан Кузманоски го чека пауза од најмалку еден месец, што значи дека ќе пропушти седум натпревари.

Прогнозата е најмалку седум натпревари, а ако рехабилитацијата не оди според текот, може таа да скокне и до девет натпревари од Лигата на шампионите и од Суперлигата.

До крајот на полусезоната Еурофарм Пелистер го чекаат вкупно девет натпревари.

The post Кузманоски ќе паузира најмалку седум меча поради фрактура на прстот appeared first on Република.