Претседателот на Владата на Република Македонија, Христијан Мицкоски ќе присуствува на поставување на камен темелник за изградба на комплетно нова детска градинка во населено место Трубарево, во Општина Гази Баба.

Детската градинка има капацитет на згрижување на 60 деца, и е на површина од 720 метри квадратни во кои ќе се изградат 3 занимални за деца, административни простории и останати помошни простории. Вкупна инвестиција на истата во првата фаза ќе изнесува 19.000.000 денари

The post Мицкоски ќе присуствува на ставање на камен темелник за изградба на нова детска градинка во Трубарево appeared first on Република.

Поради дефект на водоводна цевка, без вода од 09:30 часот ќе бидат корисниците од н.Трубарево, соопшти ЈП Водово и канализација Скопје.

Водоснабдувањето ќе биде прекинато до отстранување на дефектот.

The post Трубарево без вода appeared first on Република.

Скопје треба да израсне во транспортен логистички центар во кој ќе се вкрстат железничкиот, патниот и поморскиот превоз на стоки. Ова според плановите ќе се реализира напоредно со изградбата на железничкиот и патниот Коридор 8 и реконструкцијата и одржувањето на Коридорот 10 со што ќе се поврзат неколку држави и транспортни коридори кои ќе ги поврзат и околните мориња. Подготовката на студијата за оправданост на изградба на еден ваков транспортен јазол е почната, а треба да биде завршена во текот на следната година. Според она што се планира, овој транспортен јазол ќе се гради во Трубарево кое е местото на вкрстување на патните и железничките коридори 8 и 10.

Потребата од едно вакво решение, велат од ЈП МЖ Инфраструктура, произлегува од фактот што со изградбата на железничкиот и патниот Коридор 8 и можноста да се искористи поморскиот транспорт се очекува зголемување на протокот на стоки и патници, а Скопје се наоѓа на тоа вкрстување и не треба да се пропушти шансата да израсне и во транспортен логистички центар. Центарот е планирано да се гради во Трубарево.

– Главна цел со изградбата на Коридорот 8 покрај другите карактеристики е тоа што Скопје ќе биде логистички центар во овој дел на Европа водејќи сметка дека се вкрстуваат двата коридора 8 и 10, се поврзуваат Јонското и Средоземното Море со Егејското и со Црното Море дека се поврзуваат повеќе држави и дека ќе биде крстосница на огромна количина луѓе и стока која би требало да се прераспредели од централен јазол и со тоа всушност ја зголемуваме не само економската, туку и геостратешката важност. Ова ќе ја зголеми и нашата трговска размена повеќекратно – вели директорот на ЈП МЖ Инфраструктура Хари Локвенец.

Во прилог на ова се и податоците од ажурираната физибилити студија за исплатливоста на проектот за изградба на железничката пруга кон Бугарија, изработена во 2017 година со изградбата на железничките делници Куманово – Бељаковце и Бељаковце – Крива Паланка од железницата кон Бугарија во 2025 година преку неа би се транспортирале 6.421 тони стока дневно, а со целосната изградба и на третата делница, од Крива Паланка до бугарската граница, во 2046 година се проектира транспорт на 22.876 тони стока. Без да се направи ништо, односно да не се поместат работите со изградбата, во 2025 година во нашиот дел на Коридорот 8 би имало транспорт на 4.967 тони стока што би се пренело генерално со камиони, а во 2046 година таа бројка би изнесувала 12.132.

Локвенец вели дека веќе се контактира со Бугарија каде што веќе е изграден ваков терминал од каде што ќе се користат искуствата за изградба на овој транспортен јазол.

– Бугарските колеги се подготвени да ни го пренесат искуството за да не ги правиме грешките во подготовката и изградбата на мултифункционалниот јазол. Имавме неколку средби со нив. Една ќе се реализира и деновиве – вели Локвенец.

Тој оценува дека е добро што е почнато да се работи на овој јазол непосредно со изградбата на железничкиот Коридор 8 и изградбата на патниот Коридор 8, бидејќи со неговата изградба ќе се заокружи целиот транспортен систем.

– Мометално се работи на студија која треба да покаже колку е исплатлив овој проект – вели Локвенец.

Проектната документација е проценето дека ќе чини милион евра, а ќе вклучи и изработка на идеен проект за идниот објект. Парите се обезбедени од ИПА 2 програмата. Годинава ќе се потрошат 850.000 евра.

The post Преку Трубарево треба да излеземе на море appeared first on Република.

Кога се работи посветено, домаќински со јасен план и програма тогаш се реализираат проекти во текот на целата година и во сите населени места. Денес заедно со претседателот на ВМРО-ДПМНЕ, Христијан Мицкоски ќе направиме посета во неколку населени места во општина Гази Баба, во кои каде во овој момент се реализираат активности за изградба на нови проекти, порача градоначалникот на општина Гази Баба, Бобан Стефковски.

Тој го посети населеното место Трубарево, местото викано Чукур Маало, каде што почна 4-та фаза од изградбата на фекалната канализација, проект чија вредност е околу 7 милиони денари.

Стефковски најави дека во текот на денот ќе направи посета и во населеното место Смилковци каде што се реализира последната фаза од изградба на фекалната канализација, проект вреден околу 8 милиони денари, средства обезбедени од буџетот на општина Гази Баба.

Она што сакам да го потенцирам во овој период е дека во првиот месец од новата 2023 година на територија на општина Гази Баба се реализира изградба на нова фекална канализациона мрежа во повеќе населени места во вкупна должина од над 7 километри. Исто така во текот на денешниот ден ќе направиме посета и на населените места Колонија, Јурумлери и во населеното место Брњарци каде се одвиваат градежни активности за изградба на пешачки патеки и подготовка за асфалтирање на нови локални улици.

 

Гази Баба и во наредниот период ќе продолжи да се гради и менува со засилено темпо. Ова е само еден почеток на градежната офанзива која што ќе се реализира во тековната 2023 година, градежна офанзива која предвидува изградба на детска градинка, изградба на нови училишни спортски сали, изградба на нови фекални канализациони системи, изградба на нови водоводни системи, изградба нови спортски игралишта, на детски катчиња и така натаму.

 

Гази Баба ќе ја направиме едно подобро и поубаво место за живеење, жителите на Гази Баба го заслужуваат тоа, изјави Стефковски.

The post Стефковски: Во населеното место Трубарево почнува 4-та фаза од изградбата на фекалната канализација, проект чија вредност е околу 7 милиони денари appeared first on Република.

Денеска по повод празникот Св. Георгиј традиционално се одржува манифестацијата Ѓурѓовденски чествувања, во дворот на црквата Св. Георгиј Победоносец во Трубарево. Денот се одбележа со богата културно уметничка програма, со народни танци и песни со кои се негуваат традицијата, обичаите и верата. На сите граѓани им го честитам Ѓурѓовден и нека е за многу години празникот во чест на Свети Георгиј Победоносец, напиша на својот фесјбук профил градоначалничката на Скопје, Данела Арсовска.

The post Ѓурѓовденски чествувања во дворот на црквата Св. Георгиј Победоносец во Трубарево appeared first on Република.

Полицијата приведе момче од скопското село Трубарево зашто измамило девојка од Германија. Како што информира МВР, станува збор за Е.А. (22) против кого В.С.(25) поднела пријава.

Според пријавата, по претходна комуникација на социјална мрежа со Е.А., девојката дошла во Скопје, а тој ја однел во неговиот дом во село Трубарево, ѝ го одзел мобилниот телефон, физички ја нападнал и не ѝ дозволувал да си оди.

При претрес извршен од страна на полициски службеници од Одделението за насилен криминал при Единицата за насилен криминал од СВР Скопје, по добиена судска наредба, во домот на пријавениот биле пронајдени предмети поврзани со кривичното дело.

Е.А. бил приведен и задржан во полициска станица и по целосно документирање на случајот ќе следи соодветен поднесок.

The post Дошла за него од Германија во Трубарево, а тој ја натепал appeared first on Република.

Прекин во водоснабдувањето денеска од 9 часот ќе имаат дел од корисниците од село Трубарево.

Како што соопшти ЈП „Водовод и канализација” – Скопје, прекинот е поради исклучување на стара водоводна мрежа на ул. „1758″ без број во Трубарево.

Жителите ќе бидат без вода се до санирање на дефектот.

The post Дел од Трубарево денеска без вода appeared first on Република.