Тројца се убиени во напад со нож на Менхетен, а полицијата уапсила осомничен кој, според властите, ги извршил нападите без очигледна причина.

Рамон Ривера, 51-годишен бездомник, вчера е обвинет за три убиства, соопшти њујоршката полиција, пренесува Еј-Би-Си Њуз. Првата жртва, 36-годишниот Анхел Лата Ленди, бил убиен околу осум часот наутро додека работел на градилиште. Два часа подоцна, 68-годишен маж починал од повеќе убоди. Идентитетот на втората жртва не е соопштен. Третата жртва, 36-годишна жена, имала повеќе убодни рани во градите и раката и била пренесена во болница, каде подоцна починала.

Осомничениот досега бил уапсен осум пати и се верува дека има проблеми со менталното здравје, изјави градоначалникот на Њујорк, Ерик Адамс.

The post Три лица убиени во напад со нож на Менхетен appeared first on Република.

Најмалку три лица се убиени во вторникот во напад со нож во Беер Шева (Бершеба), град во пустината Негев на југот на Израел, објавија безбедносни извори.

Маж влегол во трговскиот кварт во градот и со ниж нападна и ранил цивили, соопшти израелската полиција којашто изрази сомневање дека станува збор за „терористички чин“.

Според полицијата, осомниечениот со нож ѝ задал удар на жена, а потоа со своето возило удрил велосипедист и продолжил да вози кон трговски центар каде излегол од автомобилот и со нож избодел уште една жена и еден маж.

Цивилите кои се нашле на местото на нападот отвориле оган кон напаѓачот и успеале да го „неутрализираат“, додаде израелската полиција без да појасни дали осомничениот е сѐ уште жив.

Центарот Маген Давид Адом, што е изралеска служба еквивален на Црвениот крст, потврди дека трите жртви се мртви.

Израелскиот премиер Нафтали Бенер кој штотуки се врати во земјата од регионален самит во Египет каде се сретна со египетскиот претседател Абдел Фатах ал-Сиси и си емирот на Обединетите Арапски Емирати, Мохамед бин Заед, е запознат со нападот во Беер Шефа се консултира со министерството за јавна безбедност и полицијата.

The post Најмалку три жртви во напад со нож во Израел appeared first on Република.