Извршниот комитет на германската централно-левичарска Социјалдемократска партија (СПД) денеска го номинираше канцеларот Олаф Шолц за главен кандидат на партијата на претстојните предвремени избори, по тешка и контроверзна внатрешна дебата. Учесниците на состанокот на 33-члениот раководен комитет на СПД во Берлин ја соопштија одлуката за ДПА.

Членовите на СПД треба да ја потврдат кандидатурата на Шолц на националната партиска конференција на 11 јануари.

Предвремените избори се очекува да се одржат во февруари по колапсот на трипартиската коалиција на Шолц, која се распадна поради жестоките дебати за тоа како да се затворат големите недостатоци во владиниот буџет за 2025 година.

Анкетите сугерираат дека СПД може да се движи кон историски лош резултат на националните избори, при што неодамнешните истражувања покажуваат дека поддршката за партијата е помеѓу 14 и 16 отсто. Тоа би било голем пад од 25,7 отсто што социјалдемократите ги заработија во 2021 година и горко разочарување за партијата која е главен играч во германската политика повеќе од еден век, забележува ДПА.

Централно-десничарските Демохристијани (ЦДУ) и нивната сестринска партија Баварска Христијанско-социјална унија (ЦСУ) имаат јасно водство во анкетите со меѓу 32 и 37 отсто. Тоа го направи опозицискиот лидер Фридрих Мерц фаворит да го замени Шолц како канцелар во следната влада.

The post Германските социјалдемократи го номинираа Шолц во трката за канцелар appeared first on Република.

Гевгелија и Негорските бањи втора година по ред овој викенд ќе бидат домаќини на Панкс Бекјард Ултра - уникатна атлетска трка којa бара од учесниците да ја завршат патеката долга 6,7 километри во временскиот период од еден час, но трчајќи повторно и повторно следен круг се додека не остане само еден учесник, кој ќе се смета за победник на трката со истрчани најголем број на кругови.

Организаторите на Панкс Бекјард Ултра, здружението ТРЕКС од Скопје и АК 7 Ноември - Гевгелија, соопштија дека се пријавени се 70тина натпреварувачи од пет држави, а очекувањата се дека неколкумина од нив ќе истрчаат најмалку 24 круга односно 24 часа и околу 170 километри. Ги повикуваат сите љубители на спортот да дојдат во Негорски бањи и да се придружат во бодрење на натпреварувачите.

Официјалниот старт е денеска и е во организација на здружението ТРЕКС од Скопје во соработка со АК 7 Ноември - Гевгелија.

Новина оваа година е што Панкс Бекјард Ултра ќе биде домаќин на Националното првенство во ултрамаратонски трки во бекјард како дел од Светското првенство. Секоја држава одбира репрезентација од 15 луѓе кои ќе трчаат на бекјард организиран во својата земја, како дел од светското сателитско првенство кое ќе се одржува истовремено во 64 држави од светот.

Организацијата на Панкс Бекјард Ултра ги замолуваат возачите на моторни возила да бидат внимателни и да ја почитуваат поставената сообраќајна сигнализација на регионалниот пат Р1102 помеѓу Негорци и Мрзенци кај (јужната) крстосница за влез и излез во Негорските бањи поради тоа што учесниците на натпреварот ќе преминуваат на патот на тоа место.

The post Панкс Бекјард Ултра – атлетска трка на издржливост, сила и волја кај Негорски бањи appeared first on Република.

Утре во Битола, од 7:30 до 11:30 часот, од почеток до завршување на спортската манифестација „Трчај, бе“ ќе се применува посебен режим на сообраќај.

Од СВР-Битола информираат дека посебниот режим на сообраќај ќе се одвива на булеварот „1-ви Мај“ во близина на Саат Кула од страна на Музичкото училиште во Битола до кружниот тек кај Педагошки факултет, потоа улица „Генерал Васко Карангелевски“ до кружниот тек кај маркетот „Веро“, а режим на сообраќај ќе има и на улиците „11-та Македонска Дивизија“ до базен Довлеџик, улица „Филип Втори Македонски“ до кружниот тек кај месноста Дулие, улица „Баталјон Стив Наумов“, улица „Прилепска“ до ул. „4-ти Ноември“ и од крстосницата на улица „Солунска“ до „Широк Сокак“.

Годинава во Битола на „Трчај, бе“ има 1.800 учесници од 25 држави, меѓу нив и учесници од Филипини, Индија, САД, Ерменија, Португалија, Шпанија, Бразил, Мексико, Австралија, Пакистан, Нигерија...

Организаторот апелира граѓаните да ги ослободат паркинг местата кај плоштад „Магнолија“, Саат Кула и на улицата „Солунска“ кај Широк Сокак, да ги набљудуваат и поздрават учесниците на трката „Трчај, бе“ и националното првенство во полумаратон, што утре ќе се одржи во Битола.

The post За време на трката „Трчај, бе 2024“, утре посебен режим на сообраќај во Битола appeared first on Република.

Претседателскиот кандидат Роберт Ф. Кенеди Јуниор се очекува да се откаже од трката за Белата куќа, објавија американски медиуми, а независниот кандидат треба да има големо обраќање во текот на неделава.

„Њујорк тајмс“ и „Си-Ен-Ен“ објавија дека Кенеди, чија поддршка беше 8,7 проценти во анкетата на „Хил“ ширум земјата оваа недела, ќе го поддржи републиканскиот кандидат Доналд Трамп по откажувањето.

Аналитичарите велат дека во тесната трка меѓу Камала Харис од Демократската партија и Трамп за претседателската функција, гласовите на поддржувачите на Кенеди би можеле да го одредат исходот во некои држави.

Кенеди е адвокат за заштита на животната средина и долгогодишен скептик за вакцини, чија кампања се бореше да добие привлечност кај мејнстрим гласачите.

Неговата кампања синоќа соопшти дека в петок тој ќе и се обрати на нацијата од сојузната држава Аризона, каде што Трамп исто така треба да одржи предизборен настан тој ден.

„Независниот претседателски кандидат Роберт Ф. Кенеди Јуниор в петок ќе и се обрати на нацијата во живо за сегашниот историски момент и неговиот пат напред“, се вели во кусото соопштение од кампањата.

„Њујорк тајмс“ вчера цитираше три анонимни извори дека Кенеди ќе ја заврши својата кампања и потенцијално ќе го поддржи Трамп.

Си-Ен-Ен цитира два анонимни извори кои објавија дека Кенеди се очекува да ја прекине својата кампања в петок.

The post Роберт Ф. Кенеди Јуниор се откажува од трката за претседател, гласовите ќе му ги даде на Трамп appeared first on Република.

Џо Бајден нема да се откаже од трката за нов претседателски мандат, изјави портпаролот на неговата кампања, Сет Шустер.

„Секако дека нема да се откаже,“ изјави Шустер по дебатата на Бајден со Доналд Трамп, по која некои демократи изразија незадоволство, а дел од јавноста повика тој да се повлече од трката.

Бајден по дебатата исто така потврди дека нема да се откаже од трката за нов мандат, додавајќи дека е тешко да се расправа со „лажливец“.

The post Џо Бајден нема да се откаже од трката за нов претседателски мандат appeared first on Република.

Поради одржување на ревијална трка на велосипеди, ролерки, тротинети, детска трка, како и трка на родители со бебешки колички, насловена како „Вози право, вози здраво“ денеска од 11:00 до 12:00 часот во центарот на Скопје ќе има посебен режим на сообраќај по сообраќајниците каде ќе се движат учесниците на трката.

Како што информираат од МВР, стартната позиција на трката е од Порта Македонија, десно вдолж улицата „Димитрие Чупоски“, десно по улицата „Васил Главинов“, право по булеварот „ВМРО“, лево по булеварот „Илинден“ до крстосницата со улицата „Наум Наумовски Борче“– Градски парк, кај споменикот на Гоце Делчев.

СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот

Во Скопје денеска по осми пат се одржува најмасовниот ревијален настан на тркала „Вози право, вози здраво“ во организација на Стопанска банка АД - Скопје. Центарот на Скопје повторно ќе биде преплавен со најразлични видови превозни средства кои не ја загадуваат животната средина и нудат алтернативни опции за превоз низ градските улици, со што се поттикнуваат здрави животни навики и начин на живот. Стартот на трката е од Порта Македонија, а возењето завршува во Градскиот парк со голема забава на отворено.

Осмото издание на „Вози право, вози здраво“ се одржува во јубилејната година на Стопанска банка, кога се одбележуваат 80 години од нејзиното основање. Големиот јубилеј е отсликан и во наградите за лотаријата каде што ќе бидат доделени по осум награди од 10 категории: Specialized велосипеди за деца и за возрасни, Specialized заштитни кациги, тротинети, Garmin паметни часовници, ролерки, спортски ранци, хамоци, JBL слушалки и Stanley термоси. Покрај лотаријата, за учесниците ќе има организирана забава со уникатните 5+ фамилија, DJ, забавни и спортски активности, освежување и подароци – пластични шишиња, торби за велосипеди и маички.

Минатогодишното издание на „Вози право, вози здраво“ обедини околу 8.000 учесници од сите возрасни категории, при што сите од нив беа победници. Настанот е наменет за забава, дружење и промоција на здравите животни навики и затоа на трката не се мери времето и не се прогласуваат поединечни победници. Најважно е сите учесници да ја пренесат пораката за користење алтернативни начини на превоз со што ќе се намали сообраќајниот метеж низ градските улици и загадувањето на воздухот, а Банката како и претходните години продолжува да донира урбана опрема во поддршка на велосипедизмот за Градот Скопје.

The post Посебен режим на сообраќај во центарот на Скопје: „Вози право, вози здраво“ осми пат низ скопските улици appeared first on Република.

Четвртиот градски триатлон - спринт дистанца Стопанска Триоги триатлин 2024 ќе се одржи на 19 мај 2024 година во Скопје. Стартот и целта на натпреварот ќе бидат во Спортскиот центар „Борис Трајковски". Пливачкиот сегмент ќе се одржи на Базенот „Борис Трајковски", за велосипедскиот сегмент ќе се користи дел од булеварот Илинден, а трчањето ќе биде околу спортскиот центар.

Ова е настан на кој може да учествуваат натпреварувачи од сите можни возрасти и нуди идеални услови за почетници и професионалци од овој спорт.

И оваа година ветуваме трка со која Скопје и спортската јавност ќе се гордее. Очекуваме и годинава да го достигнеме максималниот број учесници што условите ни го овозможуваат - 300 и се надеваме дека Скопје сè повеќе гордо ќе стои на мапата на европски триатлон градови. Во овие тешки времиња за спортот, благодарни сме на сите поединци и општествено-освестени компании што ни помагаат да го организираме настанот, особено нашиот главен спонзор Стопанска лизинг - вели Данчо Ѓорѓијевски, организатор на трката од клубот „Триоги рејсинг“ од Скопје.

Настанот се реализира со техничка поддршка на Триатлон федерација на Македонија.
Пријавувањето ќе биде отворено до 9 мај 2024 или до пополнување на максималниот број на учесници.

Kaтегории:
- Сениори (2004 и постари): 750м пливање, 20км велосипед, 5км трчање;
- Јуниори (2005-2008): 750м пливање, 20км велосипед, 5км трчање;
- Кадети (2009-20011): 375м пливање, 10км велосипед, 2,5км трчање.
- Деца 2 (2012-2014): 175м пливање, 4км велосипед, 1км трчање;
- Деца 1 (2015 и помлади - рекреативна категорија): 75м пливање, 2км велосипед, 500м трчање;
- Мастерс 1 (1994-1985): 750м пливање, 20км велосипед, 5км трчање;
- Мастерс 2 (1984-1975): 750м пливање, 20км велосипед, 5км трчање;
- Мастерс 3 (1974 и постари): 750м пливање, 20км велосипед, 5км трчање;
- Тимски триатлон: Tимoвите треба да се состојат од 3 члена (барем еден учесник од машки и еден од женски пол). Секој учесник штафетно одработува по една од дисциплините на спринт дистанцата: 750м пливање, 20км велосипед или 5км трчање.

Минималната возраст за велосипед сегмент и за трчањето е 16 години, а за пливањето е над 10 години со изјава од родител.

The post Скопје по четврти пат ќе биде домаќин на градски триатлон appeared first on Република.

Четири лица загинаа, а неколку се повредени денеска кога возило кое учествувало на рели трка во Унгарија излетало од патот и налетало на гледачите, соопштија унгарските власти.

Полицијата соопшти дека загинале четири лица, а најмалку седум лица се повредени. Несреќата се случила меѓу градовите Лабатлан ​​и Бајот на северот на Унгарија.

Засега не е познато зошто возилото излетало од патот и налетало на гледачите.

На местото на несреќата се испратени амбулантни возила и неколку спасувачки хеликоптери.

Релито беше прекинато по несреќата.

The post Четири лица загинаа, а најмалку седум се повредени во несреќа на рели трка во Унгарија appeared first on Република.

Трката со формули на вода на Охридско Езеро закажана за јуни годинава во водите на Охридско Езеро кај Поградец во соседна Албанија предизвика жестоки реакции во јавноста. Сепак и експертите и поголем дел од жителите се согласни дека ваква трка не треба да се одржи.

Експертската јавност предупредува за штетните последици. Настанот „F1H2O“ е дел од светското првенство во трка со високо-туражни моторни чамци, за кои основано се проценува дека имаат негативно влијание врз животната средина, живиот свет и еко-системот, настани што вообичаено се одржуваат на отворени водени површини како мориња и океани, а не на затворени водни површини како што е Охридско Езеро.

Трката со формули на вода на Охридско Езеро е закана за екосистемот алармираат еколошките здруженија и институциите.

Повеќе од 50 здруженија на граѓани, еколошки асоцијации и институции од земјава и од соседна Република Албанија покренаа иницијатива за спречување на одржување на настанот. Посочија дека одржувањето на трка со брзи моторни чамци од серијата „Формула 1“ на Охридското Езеро, планирана за јули оваа година во албанскиот дел на езерото претставува значителен ризик за неговиот деликатен екосистем и културното значење.

Ги повикаа институциите за спроведување на законот во двете земји да дадат приоритет на зачувувањето на природата. Препорачаа да се преиспита локацијата на настанот и да се истражат алтернативите, со цел да се спречи понатамошно оштетување на екосистемот на Охридското Езеро и да се зачува неговата природна убавина за идните генерации.

Потенцира дека во трките би учествувале глисери со голем капацитет чии мотори предизвикуваат физички, хемиски и биолошки промени во животната средина, следствено врз тоа и на живот свет во Охридско Езеро.

Проценките направени од информациите достапни на интернет-страницата на организаторот на настанот, а наведени во иницијативата, покажуваат дека за време на одржување на истиот ќе бидат ослободени приближно 1.639.089 килограми CO2 емисии во воздухот и езерото.

Според покренувачите на иницијативата за спречување организација на таквниот настан, за време на самата трка во водата и во воздухот за само неколку дена ќе бидат ослободени штетни гасови еквивалентни на оние што ги испуштаат моторните возила како на брегот така и во водата во текот на цела календарска година.

Исто така ќе бидат потребни 4.300 метри квадратни паркинг-простор за да се сместат 43-те тимови или 129-172 камиони ангажирани за логистика на настанот. Самата стартна платформа ќе биде изградена во езерото на длабочина од 20 метри каде што се наоѓа литоралната зона, просторот каде се мрестат и живеат рибите од езерото, предупредуваат иницијаторите на акцијата за спречување организација такви еколошко-неприфатливи настани на езерото.

The post Охриѓани против трка со формули на вода на Охридско Езеро appeared first on Република.

И годинава, в недела на 24 декември скопјани ќе имаат можност да учествуваат во традиционалната новогодишна дедомразовска трка низ улиците на главниот град, облечени во костуми на Дедо Мраз.

Трката е во организација на „Прв до Врв“, а ќе започне во 12 часот. Трасата за трчање ќе биде во должина од два километри.

Пријавувањето за учество во овој предновогодишен настан завршува в петок на 22 декември или порано, доколку се потрошат деомразовските костуми.

Трчањето во дедомразовски костум е задолжително за сите учесници во трката. Во трката може да учествува секој без ограничување според возраст, а секое дете мора да биде придружувано од родител или старател.

Сите учесници се потенцијални добитници во лотаријата со подароци, а секое дете до 10 години (родено 2013 година и помало) добива новогодишно пакетче доколку се пријави до среда, 20 декември 2023 година (доколку пријавувањето биде затворено порано заради пополнување на предвидениот број на учесници).

Според програмата, издавањето на стратните броеви ќе биде од 10 до 12 часот, а од 12 до 13 часот е фитнес загревање и почетокот на трката, додека од 13 до 14 часот е прогласувањето на победниците и лотаријата.

The post Дедомразовска трка низ улиците на Скопје на 24 декември appeared first on Република.

МВР информира дека денеска, од 16.30 часот, ќе има посебен режим на сообраќајот по улиците во централното подрачје во Скопје, поради одржување на меѓународна ноќна атлетска трка насловена како „Низ улиците на Скопје 2023“.

Трката ќе се одвива со траса на движење од „Порта Македонија“, плоштад „Македонија“, ул.„Никола Вапцаров“, па лево по ул.„Димитрие Чуповски“, потоа десно по ул.„11 Октомври“, лево по ул.„Филип Втори Македонски“, повторно лево по пристапната улица на ГТЦ и десно до целта кај „Порта Македонија“ во Скопје, известуваат од МВР.

Од тие причини, од страна на Единицата за безбедност на патниот сообраќај, сообраќајот ќе се пренасочува по околните сообраќајници. За таа цел МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.

The post Посебен режим на сообраќај во Скопје поради меѓународна ноќна атлетска трка appeared first on Република.

Кенијката Агнес Нгетич постави светски рекорд на 10 километри со време 29:24 на уличната трка од серијата „Ворлд Атлетик Елит Лејбл“ во романскиот град Брашов.

Досегашниот рекорд (30:01) беше во сопственост на нејзината сонародничка Агнес Тироп од 2021 година

Покрај тоа што е најбрзата жена на 10 километри, Нгетич има и трето најбрзо време во женската атлетика. Етиопјанката Јалемзерф Јехуалав истрча 29:14 во микс трката во Кастељон лани, а 29:19 во Валенсија претходно оваа година“, соопшти „Ворлд Атлетик“.

The post Кенијката Нгетич го урна светскиот рекорд на 10 километри appeared first on Република.

Сообраќајот на патот од Зрновци кон Пониква од 8 часот изутринава е во застој.

Како што соопшти АМСм причина за застојот е трка.

The post Поради трка во застој сообраќајот од Зрновци кон Пониква appeared first on Република.

Поради најава за неповолна временска прогноза со дожд мото-клубот „Мото Велес“ ја одложува дводневната трка во ендуро што викендов требаше да се одржи на патеката за ендуро над велешкото езеро Младост. Трката е презакажана а 25 јуни информира за МИА,Сашко Ванов, организатор на трката и основач и претседател на „Мото Велес“.

Оваа 13. по ред трка ќе се одржи во соработка со МФМ и Општина Велес, а на неа ќе се вози во класите Е1,Е2,Е3 и Е јуниор.

За годинава на трката која е меѓународна се најавени учесници од мото клубови од повеќе држави.

The post Се одложува Ендуро трката на патеката над Младост appeared first on Република.

Околу 1.200 учесници од 11 држави во три атлетски трки ќе бидат дел од третото издание на „Трка на поезијата“, што на 21 мај ќе се одржи во Струга во организација на атлетскиот клуб „Спортски мостови“.

Новина годинава, како што најави организаторот на манифестацијата, е тоа што официјалните маици ќе бидат испишани со поезија.

– Во координација со победниците на минатите изданија на поетскиот конкурс, Биљана и Ана, но и во координација и одобрение од потомците на Димитар и Константин Миладинови на нашата официјална маица оваа година ќе ги најдете стиховите на браќата Миладиновци како едни од главните претставници на македонската преродба во средината на XIX век. Познатата „Т`га за Југ“ ќе оди на двете официјални маици од настанот, а додека „До целта“ од Ана Стојаноска ќе оди на машките учесници и „Трчам со силата на зборот“ од Биљана Тодоровска ќе оди на женските учесници на настанот, соопшти атлетскиот клуб „Спортски мостови“.

Најавија дека дел од учесниците ќе бидат истакнати атлетски имиња мешу кои се Дарио Ивановски, Адријана Поп Арсова, Александар и Биљана Кираџиеви, Атанас Анчевски, Димитар Петровски, Весна Кираџиева, Игор Јакимовски, Жан Тосев…

Дел од манифестацијата, додаваат, ќе бидат и локалните компании со учество на нивни вработени во трките. На настанот со повеќе од 120 учесници ќе биде компанијата „Магна“, ИТ компанијата RLDatix со над 60 учесници, „Костал“ ќе учествува со над 50 учесници

Ден пред официјалмата трка, ќе се одржи Детска трка со најмладите, кои ќе се натпреваруваат во пет категории од 4 до 13 години.

Организаторот посочува дека стартните пакети ќе можат да се подигнат од четврток до сабота, нагласувајќи дека на денот на трка нема да има подигање.

The post Струга се подготвува за третата „Трка на поезијата“ appeared first on Република.

Македонскиот автомобилист Виктор Давидовски ја заокружи најуспешната сезоната во кариерата со пласман на второ место во последниот настан од највисокото по ранг натпреварување во туринг трките, гран при викендот во Џеда, Саудиска Арабија.

Давидовски во првата трка стартуваше како деветти и стигна до осмо место, а во втората трка кога првите десетмина ги ротираа стартуваше како втор. Сепак, првите три круга беа исклучително турбулентни и донесоа повеќе промени на позиции, но и неколку судири и излетувања.

Направив грешка на стартот, едноставно притисокот беше преголем. За сите возачи ова беше нова патека и ново искуство со две трки во еден ден. Сите бевме принудени да тактизираме во првата, а потоа да дадеме сѐ од себе во втората, која воедно беше финале на сезоната. Знаев дека ако излезам напред ќе имам побрз автомобил, во смисла на тоа дека аеродинамиката на возилото нема да биде повлијаена, но испадна како што испадна, сите направија по некоја грешка во втората трка, па имав можност да се вратам во ритам. Како возач со „вајлд карта“ имав дополнителна тежина, а ја немав на располагање ни последната спецификација на надградби на менувачот, па затоа не очекував подиум. На крајот, сето ова делува како еден сон, кој што за среќа се оствари, но ќе ми треба време за да ми „слегне“, вели тој.

Давидовски сезонава настапуваше по петти пат во ТЦР Европа и успеа да стигне до првата победа на патеката „Пол Рикар“ крај Марсеј. Со настапот во WTCR и освоениот пехар за второ место, тој отвори нови хоризонти за својата кариера.

Денеска продолжуваме со активностите, ќе тестираме дел од надградбите кои се планирани за 2023 година. За првпат ќе имам можност да ги испробам автомобилите со најновата спецификација и да дознам повеќе за плановите на тимот во текот на следната сезона. Ова е прекрасен тим, големи професионалци и навистина има убава атмосфера за работа. Огромна благодарност за сите нив, верувам дека ја оправдав шансата што ми ја дадоа, се надевам дека заедно уште многу пати ќе ги израдуваме нашите навивачи, вели Давидовски.

The post Виктор Давидовски на подиумот по гран при викендот во Џеда appeared first on Република.

Пилотот на Ред Бул, Макс Верстапен е победник на денешната трка во Формула 1 возена за Големата награда на Абу Даби.

Втор на целта мина Шарл Леклер од Ферари со 8,771 секудни заостанување зад победникот.

Трет трката ја заврши Серхио Перез од Ред Бул кој доцнеше 10,093 секунди зад својот клупски колега.

Со трката во Абу Даби заврши сезоната 2022 во Формула 1.

Воедно, ова беше последната трка во кариерата за четирикратниот светски шампион Себастијан Фетел кој денес го освои 10. место.

Од поодамна титулата светски шампион ја обезбеди Верстапен, втор пат по ред го освои трофејот. Вицешампионското место е за Леклер, негово најголемо достигнување во Ф1. Во 2019 година, возачот од Монако беше четврти на крајот на сезоната.

The post Верстапен со победа во Абу Даби ја запечати втората титула светски шампион во Формула 1 appeared first on Република.

Во недела, 13 ноември, во период од 16.30 до 19 часот, поради одржување на улична трка по повод празникот 13 Ноември, поголем дел од линиите од јавниот превоз ќе имаат изменет режим на сообраќање од вообичаениот.

ТРАСИ НА ДВИЖЕЊЕ

Линиии 3, 3А и 3Б
* во насока од Аеродром кон Клинички центар и Панорама, од Југодрво ќе продолжуваат право по улица „Кирил и Методиј“, кај Дом на печат ќе вртат лево по булевар „Мајка Тереза“ до Клинички центар и Панорама

* во обратна насока, по булевар „Мајка Тереза“ према центар, ќе вртат десно по улица „Јордан Мијалков“, кај „Неуромедика“ ќе вртат лево по Јужен булевар до раскрсницата кај Тутунски комбинат, потоа лево по улица „11 Октомври“ и ќе продолжуваат по своите вообичаени траси

Линија 4
* во насока од населба 11 Октомври кон Хром, од улица „11 Октомври“ ќе врти лево по улица „Кирил и Методиј“, кај Дом на печат десно по булевар „Климент Охридски“, па лево на булевар „Партизански одреди“ и ќе продолжува по својата вообичаена траса

* во обратна насока, од булевар „Партизански одреди“ ќе врти десно по булевар „Климент Охридски“, па лево по улица „Јордан Мијалков“, кај „Неуромедика“ ќе врти лево по Јужен булевар до раскрсницата кај Тутунски комбинат, потоа десно по улица „11 Октомври“ и ќе продолжува по својата вообичаена траса

Линија 4А
* во насока од Усје кон Тафталиџе, од улица „11 Октомври“ ќе врти лево по улица „Кирил и Методиј“, кај Дом на печат ќе продолжува право и од кружнит тек кај Католичка црква ќе продолжува по улица „Митрополит Теодосиј Гологанов“ по својата вообичаена траса

* во обратна насока, од улица „Митрополит Теодосиј Гологанов“, улица „Димитрие Чуповски“, десно по булевар „Климент Охридски“, лево по улица „Јордан Мијалков“, кај „Неуромедика“ ќе врти лево по Јужен булевар до раскрсницата кај Тутунски комбинат, потоа десно по улица „11 Октомври“ и ќе продолжува по својата вообичаена траса

Линија 5
* во насока од Ново Лисиче кон Ѓорче Петров, од Југодрво ќе продолжува право по улица „Кирил и Методиј“, кај Дом на печат ќе продолжува право и од кружнит тек кај Католичка црква ќе продолжува по улица „Митрополит Теодосиј Гологанов“ по својата вообичаена траса

* во обратна насока, од улица „Митрополит Теодосиј Гологанов“, улица „Димитрие Чуповски“, десно по булевар „Климент Охридски“, лево по улица „Јордан Мијалков“, кај „Неуромедика“ ќе врти лево по Јужен булевар до раскрсницата кај Тутунски комбинат, потоа лево по улица „11 Октомври“ и ќе продолжува по својата вообичаена траса

Линија 7
* во насока од Лисиче кон Карпош, од Југодрво ќе продолжува право по улица „Кирил и Методиј“, кај Дом на печат десно по булевар „Климент Охридски“, лево на булевар „Партизански одреди и ќе продолжува по својата вообичаена траса

* во обратна насока, од булевар „Партизански одреди“ ќе врти десно по булевар „Климент Охридски“, лево по улица „Јордан Мијалков“, кај „Неуромедика“ ќе врти лево по Јужен булевар до раскрсницата кај Тутунски комбинат, потоа десно по улица „11 Октомври“ и ќе продолжува по својата вообичаена траса

Линија 15
* во насока на Ново Лисиче кон Карпош, од Југодрво ќе продолжува право по улица „Кирил и Методиј“, кај Дом на печат десно по булевар „Климент Охридски“, лево на булевар „Партизански одреди и ќе продолжува по својата вообичаена траса

* во обратна насока, од булевар „Партизански одреди“ ќе врти десно по булевар „Климент Охридски“, лево по улица „Јордан Мијалков“, кај „Неуромедика“ ќе врти лево по Јужен булевар до раскрсницата кај Тутунски комбинат, потоа лево по улица „11 Октомври“ и ќе продолжува по својата вообичаена траса

Линии 21, 21A, 21Б и 22
* во насока од Транспортен центар кон Бардовци и Волково, кај Комплекс банки ќе продолжуваат по булевар „Крсте Мисирков“, лево по булевар „Гоце Делчев“, булевар „Партизански одреди“ и ќе продолжува по својата вообичаена траса

* во обратна насока ќе сообраќа по истата изменета траса

Линија 23
* во насока од Аеродром кон Дом на печат, од Југодрво ќе продолжува право по улица „Кирил и Методиј“ до Дом на печат

*во обратна насока, од булевар „Мајка Тереза“ лево по улица „Јордан Мијалков“, кај „Неуромедика“ ќе вртат лево по Јужен булевар до раскрсницата кај Тутунски комбинат, потоа десно по улица „11 Октомври“ и ќе продолжува по својата вообичаена траса

Линија 24
* во насока од Кисела Вода кон Тафталиџе, кај подвозникот ќе врти лево по улица „Кирил и Методиј“, кај Дом на печат десно по бул. „Климент Охридски“, па лево на булевар „Партизански одреди и продолжува по својата траса

* во обратна насока, од булевар „Партизански одреди“ ќе врти десно по булевар „Климент Охридски“, лево по улица „Јордан Мијалков“ и ќе продолжува по својата вообичаеена траса

Линија 27
* во насока од населба Аеродром кон Дом на печат, од Југодрво ќе продолжува право по улица „Кирил и Методиј“ до Дом на печат

* во обратна насока од булевар „Мајка Тереза“, лево по улица „Јордан Мијалков“, кај „Неуромедика“ ќе врти лево по Јужен булевар до раскрсницата кај Тутунски комбинат, потоа лево по улица „11 Октомври“ и ќе продолжува по својата вообичаена траса

Линии 50, 50А, 57 и 59
*во насока на Клинички центар, Дом на печат, Козле и Карпош, од постојка Бит пазар ќе вртат десно по булевар „Гоце Делчев“, после мост Гоце Делчев и булевар „ВМРО“ ќе продолжуваат по својата вообичаена траса

*во обратна насока ќе се движат по истата вообичаена траса

The post В недела дел од автобусите ќе возат по изменет режим appeared first on Република.

Официјално, од вчера, стартуваше пријавувањето за учество на седмото издание на Охрид трчаТ. Охрид трчаТ 2023 или Ohrid running weekend 2023 ќе се одржи првиот викенд во јуни, односно од 2 до 4 јуни 2023 .

Љубителите на трчањето и спортот имаат три опции за пријавување. Првата опција и вистински предизвик е трката на 21 километар, втората опција е трката на 5 километри и додека третата опција е штафетниот полумаратон, 2 пати по 10 километри и 550 метри. Стартен пакет на 21 километар чини 1 200 денари и е промотивна цена која ќе трае до 31 декември, за петкилометарската трка изнесува 700 денари додека за штафетниот полумаратон е 2400 денари. Во склоп на трките на 21к и 5к традиционално составен дел ќе бидат и тим билдинг трките.

Како и за секоја година и за оваа подготвуваме богат стартен пакет за сите оние кои ќе се пријават на една од нашите трки. Секако за сите учесници, гости, граѓани на Охрид подготвуваме викенд програма која ќе содржи многу активности (спортски, социјални, едукативни, промотивни) за сите возрасти.

Местата за пријавување се ограничени така што би ги повикале сите они кои сакаат да се дел од седмото издание да побрзаат и да се пријават на една од нашите трки. Посебно би ги повикале сите полумаратонци сите рекреативци кои имаат предизвик да ја трчаат полумаратонската трка да се пријават најкасно до 31 декември како би ја искористиле промотивната цена за учество на трката. За подетални информации околу се што е поврзано со пријавувањето и трката можете да најдете на интернет страната на АК Охрид трчаТ, „Ohridtrcat.mk“.

Ве молиме да ја посетите нашата веб страна www.ohridtrcat.mk како и нашите социјални мрежи на фејсбук https://www.facebook.com/ohridrunningweekend , инстаграм https://www.instagram.com/ohridrunningweekend/ и твитер https://twitter.com/OhridtrcaT како би се запознале повеќе со нас и би не пратиле како медиум во претстојните месеци околу сите активности кои ги планираме и ќе ги реализираме во име на Охрид трчаТ, соопштија организаторите.

The post Седмото издание на Охрид трчаТ од 2-4 јуни appeared first on Република.

Африканските промотери активно комуницираат со шефовите на шампионатот во Формула 1 за да се одржи Големата награда на Јужна Африка во 2023 година, објави „Моторспорт“.

Првично се веруваше дека најраниот датум за новата етапа може да биде 2024 година, но сега стана познато дека тоа би можело да се случи веќе следната сезона.

Веќе има 22 етапи во тековниот календар на Ф1, додека Катар и Лас Вегас дефинитивно ќе се вратат во 2023 година, плус речиси сигурно Кина. Во исто време, договорот предвидува лимит од 24 трки по сезона.

Тоа значи дека за да се организира африканската етапа ќе треба да бидат откажани некои од актуелните трки.

The post Јужна Африка во план да биде домаќин на Ф1 трка веќе во 2023 година appeared first on Република.