„Првиот предизвик со кој што се соочивме беше во делот на земјоделството, исплатата на субвенциите кои што во минатото често кажувавме дека имаме нередовна исплата. И практично тоа се потврди со самото влегување во Министерството. Субвенциите се онаа поддршка која што на земјоделците им е неминовна за да го одржат своето производство и за да го планираат наредното производство“, истакна министерот за земјоделство, шумарство и водостопанство, Цветан Трипуновски на панел дискусијата 100% посветени за тебе на тема „Мерки и политики за земјоделието, животната средина и локалната самоуправа“.

„Со самото доцнење на субвенциите имавме пад на земјоделското производство. Во овие 20 милиони евра кои што се исплатени се опфатени сите категории на земјоделци. Вкупната бројка на која е испорачана оваа сума е на над 20.000 земјоделци. Тука сакам да нотирам дека наредниот период продолжуваме со исплатата бидејќи со ребалансот на Буџетот обезбедивме дополнителни средства кои што се исто така за намена за исплата на субвенции спрема земјоделците“, појасни министерот Трипуновски.

Трипуновски истакна дека ќе се исплатат сите заостанати субвенции заклучно со 2023-та година и да останат само тековните од 2024-та кои што до крајот на годината и веќе од наредната ќе се сервисираат се со цел субвенциите редовно да бидат исплаќани спрема земјоделците.

„Веќе во тек се работат програмите за 2025-та година. Трите клучни програми на Министерството се Програмата за директни плаќања, Програмата за рурален развој и Програмата за водостопанство. Во Програмата за директни плаќања ќе се предвиди намалување на бирократијата која што досега ја имаа земјоделците како обврска, и нормално ќе има фузирање на мерките односно зголемување на сумата на субвенциите кај оние стратешки производи кои што се за нас како држава многу важни. Во делот на Програмата за рурален развој, тука се инвестициите и модернизацијата во земјоделското производство, и оваа програма ќе биде наменета кон оние помали земјоделци кои што ќе треба да ги доведеме во ситуација да ги искористуваат и европските средства кои што ни се на располагање преку ИПАРД програмата. И нормално во оваа Програма ќе има повеќе сегменти на инвестиции од модернизација во делот на механизација, во делот на модерни системи за наводнување, во делот на преработувачки капацитети итн. И со последната Програма за водостопанство планираме да ги вратиме во функција сите системи кои што досега беа запуштени и нефункционални“, нагласи министерот.

Тој во текот на панел дискусијата додаде дека со програмите на Министерството Македонија повторно ќе се врати во вистинска смисла на земјоделска држава. Сите статистички податоци говорат дека во минатото повеќе Македонија увезуваше храна.

„Нашиот план е пред се да ја вратиме довербата на земјоделците према институциите, према Владата, према Министерството. Затоа што во една таква симбиоза ќе можат да сметаат земјоделците дека имаат партнер со кој што ќе можат да разговараат за креирање на закони, програми, уредби кои што ќе значат искористување на повеќе средства или креирање на мерки кои што се од добробит на земјоделското производство“, рече министерот Трипуновски.

Трипуновски истакна дека во изработка на програмите за 2025-та година вклучени се и науката, земјоделските здруженија, Министерството, и чинителите кои што се во секторот.

„Работиме да обезбедиме сигурен пласман на земјоделското производство и нормално цени кои што се рентабилни во делот на производството за да можеме да ја зголемиме бројката на земјоделците“, додаде тој.

„Во таа насока се изработува и Програмата за саемски настани за 2025-та година, тоа значи промоција на примарни и преработки на земјоделски производи надвор од границите. Нормално како Министерство ќе продолжиме да субвенционираме настани кои што се одржуваат во рамките на нашата држава со цел промоција на квалитетни земјоделски производи. Еве ја користам и приликата да најавам дека на 2-ри ноември ќе организираме една манифестација која што е под мотото „Вкуси ја традицијата“ на која што ќе бидат изложени повеќе од 300 изложувачи на македонски производи, преработки и примарни производи“, нагласи министерот.

Тој додаде дека преку манифестациите може да се долови дека Македонија има навистина вкусна и здрава храна која што треба да биде препознатлива и надвор од границите.

The post Трипуновски: Работиме земјоделските производи да бидат препознатливи надвор од границите и да го намалиме увозот на храна во Македонија, така ќе ги заштитиме и земјоделците appeared first on Република.

Министерот за земјоделство, шумарство и водостопанство, Цветан Трипуновски денеска присуствуваше на отворање на Подрачна единица при МЗШВ во општина Јегуновце.

Изминатиов период министерот Трипуновски во изјава за медиуми најави дека ќе се отвораат подрачни единици и канцеларии во речиси секоја рурална општина за да се биде поблиску до земјоделците.

Од сега Министерството преку подрачните единици ќе биде сериозен сервис на самите земјоделци.

„Земјоделците од општина Јегуновце повеќе нема да се мачат и да патуваат до Тетово за да аплицираат или пак да проверат дали нивната апликација е во ред. Министерството за земјоделство, шумарство и водостопанство од сега ќе биде поблиску до земјоделците и ќе работи за нив“, истакна министерот Трипуновски.

„Наредната година Министерството ќе инвестира во техничкиот капацитет на секоја подрачна единица и канцеларија за да се зголеми функционалноста на истите“, најави тој.

Работиме за да Министерството биде поблиску до земјоделците.

The post Трипуновски: Со отворање на подрачната единица во Јегуновце докажуваме дека Министерството е сериозен сервис на земјоделците appeared first on Република.

Министерот за земјоделство, шумарство и водостопанство, Цветан Трипуновски денеска од Свети Николе му порача на Љупчо Николовски реално да гледа на бројките во ребалансот на буџетот.

Ние со ребалансот обезбедуваме дополнителни средства за исплата на заостанати субвенции, оние субвенции кои што тие како тогашна власт требаше да ги исплатат на земјоделците“, истакна министерот.

Трипуновски додаде дека да работеше претходната власт како што требаше немаше економските показатели да бидат толку погубни во делот на земјишната политика, во делот на производство и во делот на намалување на вкупната бројка на земјоделци.

Во делот на Интервентниот фонд, во делот на буџетот на Платежната агенција практично има зголемување. Тоа е реалноста и тие бројки се лесно видливи и проверливи, посочи Трипуновски.

Мислам дека поранешниот министер ја користи позицијата пратеник за да ја искривува вистинската слика односно да манипулира со јавноста, нагласи тој.

Со овој ребаланс практично кажуваме дека наш приоритет како Влада е земјоделецот на прво место, изјави Трипуновски.

The post Трипуновски: Со ребалансот обезбедуваме дополнителни средства за исплата на заостанати субвенции, кои што претходната власт не ги исплати appeared first on Република.

Денеска министерот за земјоделство, шумарство и водостопанство, Цветан Трипуновски во општина Свети Николе додели 84 договори за закуп на земјоделско земјиште во државна сопственост со вкупна површина од околу 250 ха.

Со овој настан се означија успешно завршени 4 (четири) Јавни повици за давање во закуп на земјоделско земјиште во државна сопственост за површини дo 3 хектари.

По овие повици склучени се вкупно 967 договори за закуп на земјоделско земјиште во државна сопственост со вкупна површина од околу 2700 ха.

Во текот на денешниот ден овие 967 договори кои што се случија на ниво на Македонија се веќе поделени по подрачните единици. Најголем број на договори има во подрачната единица Свети Николе, Прилеп, Куманово, а во останатите подрачни единици има помал број на договори.

Со овој процес кој што го заокружуваме сега, даваме силен фокус и силен приоритет да земјоделското земјиште биде ставено во функција на земјоделците. Знаеме дека во минатото имаше селективност во распределбата, но тоа ќе биде веќе минато. Ние како одговорно министерство, како влада ќе работиме затоа што земјоделците се наш приоритет, истакна Трипуновски.

Во почетокот на месец септември од страна на министерството ќе бидат распишани јавни повици за преостанатото слободно државно земјоделско земјиште се со цел да се распредели и да се стави во функција за земјоделско производство.

Жалам што во минатото имало одредени злоупотреби кои што ние како Министерство ги констатиравме во изминатиот период. Меѓутоа нашата интенција е сето земјоделско земјиште да заврши кај  вистинските земјоделци и да истото се стави во функција, да биде во процес на обработка односно на производство, појасни министерот.

The post Склучени 967 договори за закуп на земјоделско земјиште во државна сопственост со вкупна површина од околу 2700 ха appeared first on Република.

Македонија треба да биде горда на македонскиот ориз, на работата на земјоделците на оризовите полиња, на маката и трудот треба да и дадеме убава иднина. Вака денеска Министерот за земјоделство, шумарство и водостопанство го започна разговорот со откупувачите на ориз.

На средбата присуствуваше и Васе Анакиев директорот на Државен инспекторат за земјоделство. Се разговараше за квалитетот, производната цена и иднината на македонскиот ориз. Преку темелна дискусија се постигна договор преку кој, откупните цени за крупните сорти на ориз ќе изнесуваат 35 денари за рандман од 40 проценти и за ситните сорти 30 денари за рандман од 40 проценти. Со напомена дека ова се цени на кои колку рандманот се зголемува така и цената ќе биде зголемена. Две илјади тони арпа треба да се откупат во наредните 30 дена.

Пред неколку месеци на наша иницијатива успеавме да го внесеме оризот како стратешка култура во стоковите резерви. Kако што веќе потенциравме, оваа мерка претставува гаранција за нашите оризопроизводители.

Оризот претставува една од најстарите житарици кои се одгледуваат во нашата земја. Затоа нашата цел е да ставиме акцент на препознатливиот квалитет на оризот кој важи за еден од најквалитетните во регионот потенцираше Министерот на средбата.

The post Трипуновски: Постигнат е договор за спас на оризарите appeared first on Република.

Денеска министерот за земјоделство, шумарство и водостопанство, Цветан Трипуновски оствари средба со претставниците и одгледувачите на сливи од Делчевскиот регион.

На средбата се говореше за годишниот род и квалитет на сливите, како и за актуелните теми и проблеми со кои што се соочуваат.

„Министерството е партнер на одгледувачите на сливи. Се работи земјоделецот да не биде веќе социјална категорија, го враќаме достоинството на македонските земјоделци“, истакна Трипуновски.

The post Трипуновски на средба со претставниците и одгледувачите на сливи: Го враќаме достоинството на македонските земјоделци appeared first on Република.

Министерот за земјоделство, шумарство и водостопанство Цветан Трипуновски денеска соопшти дека се исплатени субвенциите за мерките 2.12 дополнителни директни плаќања од подмерка 2.08 и 2.10 за предадено јагне и или јаре во регистриран кланичен капацитет.

Денес се исплатени 75.640.400  денари кои ќе им бидат на располагање на сметките на земјоделците. Остварено уште едно ветување дека ќе го средиме хаосот со исплатите на субвенциите, само со чесна, со одговорна и посветена работа во интерес на нашите земјоделци! - изјави Трипуновски.

The post Трипуновски: Исплатени се 75.640.400 денари субвенции кон 1.609 земјоделци appeared first on Република.

Денеска министерот за земјоделство, шумарство и водостопанство, Цветан Трипуновски оствари средба со земјоделците во општина Чешиново Облешево.

На самата средба министерот посочи дека оризот ќе биде под силна поткрепа и заштита.

„Пред неколку месеци на наша иницијатива успеавме да го внесеме оризот како стратешка култура во стоковите резерви, тоа е успех и гаранција за македонските оризопроизводители“ - потенцираше Трипуновски.

Со земјоделците се разговараше за состојбата со оризопроизводителството, проблемите кои беа присутни изминативе години, но и за овогодинешната реколта.

„Македонскиот ориз нема да остане неоткупен, домашното производство и маката на земјоделците ќе се вреднува. Заврши времето кога се увезуваше ориз од Индија и Пакистан. Го враќаме брендот „македонски ориз“ на својот препознатлив квалитет во регионот“, истакна Трипуновски.

The post Го враќаме брендот „македонски ориз“ на својот препознатлив квалитет во регионот, вели Трипуновски appeared first on Република.

Денеска министерот за земјоделство, шумарство и водостопанство, Цветан Трипуновски оствари средба со Марко Обрадовиќ, директор на Стопанската комора на Србија.

На средбата се говореше за подготовката околу винскиот саем насловен „Винска визија на отворен Балкан“ во Белград во период од 22-24 ноември.

„Заедничката соработка е приоритет на двете земји околу „Винска визија“. Винскиот саем е одлично место каде што може да се дегустира и промовира македонското вино“, истакна Трипуновски.

The post Трипуновски на средба со Марко Обрадовиќ, директор на Стопанската комора на Србија appeared first on Република.

Денеска министерот за земјоделство, шумарство и водостопанство, Цветан Трипуновски присуствуваше на состанокот на Потсекторската група за лозарство и вино.

На состанокот се разговараше за претстојната берба на винско грозје, приноси и квалитетот.

Министерот вети дека ќе се вреднува трудот на лозарите и Министерството ќе биде коректив.

Во текот на денот Министерството за земјоделство, шумарство и водостопанство ќе ја објави производната цена на килограм винско грозје за двете најзастапени сорти за 2024 година, Вранец и Смедеревката.

The post Трипуновски на состанок со Потсекторската група за лозарство и вино: ќе се вреднува трудот на лозарите и Министерството ќе биде коректив appeared first on Република.

Дополнителниот заменик министер за земјоделство шумарство и водостопанство денес одржа работен состанок со земјоделците и откупувачите на домат.

Дополнителниот заменик министер за земјоделство шумарство и водостопанство денес одржа работен состанок со земјоделците и откупувачите на домат каде што по завршувањето на состанокот даде изјава за медиумите и информираше дека е постигнат договор за минимална откупна цена на црвениот и розевиот домат.

– Она за што разговаравме денес е да ја воочиме реалната ситуација со откупот на доматот од реколта 2024 година, каде што имаме зголемено производство во одреден сегмент, но се договоривме со откупувачите дека во наредните денови откупната цена на црвениот домат нема да падне под 30 денари за килограм, додека откупната цена на розевиот домат нема да падне под 35 денари за килограм. – изјави Трипуновски.

Тој дополнително информираше и дека во текот на вчерашниот ден одржал работен состанок и со директорот на Државниот инспекторат за земјоделство.

– Во текот на вчерашниот ден разговарав со директорот на Државниот земјоделски инспекторат и во име на сите граѓани на Република Македонија дадов налог да се проверува се што влегува во Република Македонија како храна, овошје и зеленчук, се со цел да ги превенираме сите они ситуации кои ги имавме изминативе години, а тоа е влез на неквалитетна и небезбедна храна. Таа обврска веќе од денес стартува на сите гранични премини во Република Македонија. – дополни Трипуновски.

The post Трипуновски: СДСМ остави сериозни проблеми во земјоделството appeared first on Република.

Дополнителниот заменик министер за земјоделство, шумарство и водостопанство Цветан Трипуновски денеска е во општина Босилово каде што земјоделците од овој регион веќе неколку дена протестираат заради падот на откупната цена на младиот компир.

– Заедно со мене на протестот присуствуваа и неколку откупувачи и заедно со земјоделците разговаравме за можно решение и се договоривме во наредните 10 дена откупната цена на младиот компир да не биде под 20 денари за килограм, а потоа се договоривме да оствариме уште една средба се со цел да го средиме и останатиот дел од пазарот. – изјави Трипуновски.

Трипуновски успеа да ги собере откупувачите и земјоделците на едно место и заеднички да се договорат за условите и можностите за понатамошниот тек на откупот на млад компир.

– Денес постигнавме договор кој не е идеален, но е преодно решение во овие тешки моменти кои ги наследивме од Владата на СДС. Во иднина ние како Влада предвреме заедно со земјоделците и откупувачите ќе креираме мерки и стратегии за да немаме повеќе вакви несакани ситуации. – заврши Трипуновски.

The post Трипуновски: Со земјоделците и откупувачите договоривме откупната цена на младиот компир да не биде под 20 денари appeared first on Република.

Вработените од ЈП Македонски Шуми протестираат бидејќи два месеци доцни платата и теренскиот додаток.

Трипуновски вели дека Менаџментот на ЈПМШ има пари да се луксузира со набавка на нови возила и луксуз, но нема за плата за вработените. Сето ова е резултат на превработеноста во претпријатието кое што го наполнија со партиски кадри и недомаќинското работење. Тој апелира директорот на Македонски Шуми да си поднесе оставка, а Владата да обезбеди пари за платите на вработените.

Додека Љупчо Николовски троши државни пари за политичка кампања и да се шета по Македонија, вработените протестираат и се молат за плата за да ги прехранат семејствата. Наскоро им доаѓа крајот на криминалот, корупцијата и непотизмот, ќе се воведе ред во сите институции, македонскиот народ не заслужува ваков третман! - изјави Трипуновски.

The post Трипуновски: Директорот на Македонски Шуми да си поднесе оставка, а Владата да обезбеди плати appeared first on Република.

Дополнителниот заменик министер Цветан Трипуновски денеска одржа работна средба со директорот на Агенцијата за храна и ветеринарство.

На средбата, како што е истакнато во соопштението, се разговарало за сите отворени ситуации за кои што во минатото јавноста не била информирана.

„Сега од позиција на технички заменик министер со десетина дописи се обратив до агенцијата каде што барав расветлување на многу случаи кои што во минатото останаа неодговорени. Иако поминаа петнаесетина дена и тие дописи не беа одговорени, денеска ги поразговаравме директно со директорот Бабовски и апелирав и укажав дека одговорот и транспарентноста мора да биде на прво место во интерес на сите граѓани на Република Македонија“, изјави Трипуновски по средбата.

Според напишаното во последниов период Трипуновски изнесе неколку случаи за влез на неквалитетна и небезбедна храна во Македонија за кои ниту АХВ, ниту директорот Бабовски не дадоа целосни информации.

„Исто така ја употебив оваа прилика да упатам сериозен апел до Бабовски, до сите сектори во Агенцијата за храна и ветеринарство, во наредниов период да биде засилена контролата и мониторингот на храната бидејќи граѓаните заслужуваат безбедна и здрава храна“, додава Трипуновски.

The post Трипуновски на средба со Бабовски: АХВ да биде транспарентна и да ги засили контролите и мониторингот на храна appeared first on Република.

МЗШВ и Љупчо Николовски наместо да се грижат за тоа каква храна јадат граѓаните, дозволуваат увоз на зеленчук со поголемо ниво на пестициди од дозволеното, обвинува Цветан Трипуновски од ВМРО-ДПМНЕ.

Откако го урнисаа македонското земјоделство и го направија увозно зависно, почнаа да увезуваат отровен зеленчук од соседството.

До мене стигнаа документи од анализи на Државната фитосанитарна лабораторија при увоз на зеленчук во Македонија од Албанија, од кои се гледа присуство на пестициди повеќе од дозволеното.

Ова се документи од МЗШВ, од државната фитосанитарна лабораторија, со документ и печат на институцијата заведени со број 10802-409/2 и 10802-372/2, од кои јасно се гледа дека Државната фитосанитарна лабораторија направила анализа на увезена крставица и домат за утврдување на присуство на пестициди. Наодот од анализата утврдува присуство на пестициди над дозволената граница.

Според наши сознанија неколку камиони со отровен зеленчук се влезени во Македонија и пуштени во промет. Ова се доказите.

Граѓаните освен што јадат скапа храна, јадат и небезбедна храна.

ЈО мора веднаш да реагира. Немаме време за комисии, работни тела и инспекции, потребни се итни мерки, брзи истраги и одговорност.

Овој штетен зеленчук може да завршил на пазарите во Скопје, Тетово, Кавадарци, Гостивар, Штип, Велес, буквално низ целата територија на Република Македонија.

Колку треба да биде профитот на некој поединец за да се дозволи труење на сопствените граѓани од страна на власта?

Ваква операција на труење на сопствените граѓани, не може да се спроведе без знаење на Љупчо Николовски и Николче Бабовски.

Бараме веднаш одговор и одговорност од директорот Николче Бабовски и министерот Љупчо Николовски.
Оставки за овој скандал мора да има.

Истовремено барам веднаш да се отвори истрага против Љупчо Николовски, како и за сите  вмешани во процедурите за испитување при увоз на храна.

Потребна е целосна ревизија и заострување на мерките при увоз на храна. Будно ја следиме ситуацијата, и порачуваме дека одговорност за ова ќе има.

Доколку ЈО го премолчи и ова, тогаш идната влада на ВМРО-ДПМНЕ уште во првиот ден од преземањето на власта ќе отвори постапка и ќе изврши истрага кој и зошто допуштил македонските граѓани да консумираат небезбедна храна.

The post Трипуновски: Отровен зеленчук е увезен од Албанија, ЈО да отвори истрага appeared first on Република.

Неизвесноста и стравот од можни рестрикции на струја поради енергетската криза ги натера граѓаните спас да бараат во огревното дрво. Но, поради лошото менаџирање и неспособноста на владата на СДС, огревно дрво нема ни за лек.

ЈП Македонски шуми оваа година нема ниту 20 проценти реализација на исечено огревно дрво потребно за задоволување на домашната потрошувачка. Во услови на енергетската криза кога се повеќе домаќинства кои што се грееле на струја, се ориентираат кон греење на дрва, Македонски шуми немаат доволни количини со овој енергенс.

Граѓаните наместо да бидат услужени во подружниците на ЈП Македонски шуми се препраќаат кај приватните стоваришта. Дека станува збор за смислено сценарио, односно за префрлање на големи профити кај приватни лица, наместо во ЈП Македонски шуми говори фактот што во време на ВМРО-ДПМНЕ реализацијата на годишната сеча се движела до 90 проценти, а само околу 10 проценти од потребите биле задоволувани од страна на приватните стоваришта. За разлика од сега, кога реализацијата е само над 20тина проценти.

The post Трипуновски: Огревното дрво е скапо поради слабата реализација на ЈП Македонски шуми, дали власта свесно го полни џебот на приватните стоваришта appeared first on Република.

Најостро ја демантираме изјавата на Цветан Трипуновски во врска со хакерскиот напад и наводно „исчезнати“ документи, велат од Министерството за земјоделство, шумарство и водостопанство.

Во нивното соопштение се вели:

Електронскиот систем на Министерството за земјоделство, шумарство и водостопанство на 12-ти овој месец беше цел на хакерски напад од меѓународна хакерска група Black Byte. За нападот е информирана јавноста, веднаш истиот ден, преку објава на фејсбук страната на Министерството за земјоделство, шумарство и водостопанство и испратено соопштение за јавност.

Нападот е пријавен во Министерството за внатрешни работи за понатамошно истражување и постапување, побарана е помош и од АЕК и од други меѓународни институции.

Превентивно поради сериозноста на нападот времено вон функција беа ставени сите системи на министерството. Апликациите на министерството како на пример ЕРЗС системот, ФАДАН, системот за идентификација на земјоделски парцели и други апликации не се оштетени од овој напад, но превентивно веднаш по нападот беа исклучени и сега повторно се активни. Поради превенција во моментот системот е делумно подигнат, односно како се отстрануваат проблемите етапно системот се чисти и се враќа во фунцкија.

Во однос на обвинувањето дека веб страната на министерството не работи, посочуваме дека обвинувањата се смешни и неосновани бидејќи страната на МЗШВ е активна цело време и функционира без никаков проблем.

https://republika.mk/vesti/ekonomija/tripunovski-dali-hakerskiot-napad-e-obid-za-prikrivanje-na-kriminalot-na-ministerot-nikolovski-i-vlasta/

The post Министерството за земјоделство, шумарство и водостопанство ја демантира изјавата на Трипуновски за исчезнатите документи appeared first on Република.

The post Трипуновски: Дали хакерскиот напад е обид за прикривање на криминалот на министерот Николовски и власта? appeared first on Република.

Цветан Трипуновски, претседател на комисијата за земјоделство, шумарство и водостопанство на ВМРО-ДПМНЕ денеска присустуваше на протестот во Чешиново-Облешево каде оризопрозиводителите го искажаа своето незадоволство од политиките на актуелна влада предводена од СДСМ и ДУИ. Трипуновски побара од власта уште веднаш да почнат со измена на Законот кој што пратениците на ВМРО-ДПМНЕ го поднесоа во Собранието, а тоа да е оризот стане стратешка култура и веднаш преку Агенцијата за стокови резерви да се откупи количина која што се складира за националните резерви.

Она што сакам да го упатам како ВМРО-ДПМНЕ до власта е уште веднаш да почнат со измена на Законот кој што пратениците на ВМРО-ДПМНЕ го поднесоа во Собранието, а тоа да е оризот стане стратешка култура и веднаш преку Агенцијата за стокови резерви да се откупи количина која што се складира за националните резерви. Тоа е едно од решенијата кои што во моментот ги нудиме како опозиција до власта за да се реши овој горлив проблем, рече тој.

Трипуновски им порача на земјоделците дека доаѓаат подобри времиња и за тоа ќе се погрижи идната влада која што ќе ја предводи ВМРО-ДПМНЕ и земјоделецот нема да биде заборавен.

Меѓутоа јас морам да им посочам на сите земјоделци од цела Република Македонија дека доаѓаат подобри времиња затоа што навистина се потребни брзи предвремени парламентарни избори, додаде тој.

The post Трипуновски: Предлагаме оризот да стане стратешка култура appeared first on Република.

Имаме основано сомнение дека во Република Македонија е внесена храна од пилешко месо и преработки од месо, од држава во која што е детектиран птичјиот грип, изјави денеска Цветан Трипуновски од ВМРО-ДПМНЕ.

Во продолжение интегрален текст и видео од изјавата на Трипуновски:

Во неколку наврати, во нашата држава е дозволен увоз на пилешко месо и преработки од пилешко месо, иако во земјата од каде што потекнува оваа храна е детектиран птичјиот грип, и за тоа се информирани сите земји кои се во системот на Светскиот информативен систем, меѓи кој членува и Република Македонија. А, властите во Република Македонија не преземале ништо.

За што точно станува збор?

На сајтот на светската здравствена организација и Светскиот информативен систем за здравјето на животните, во кој како организација и ние членуваме од далечната 1993 година, на 28.12.2021 година има известување со кое се потврдува птичјиот грип во Република Словенија.

Ова е доказот од Светската здравствена организација каде што се гледа дека известуваат дека има птичји грип во Република Словенија.

Агенцијата за храна и ветеринарство (АХВ), иако има обврска на дневна основа да носи соодветни решенија кои произлегуваат од објавите на Светската здравствена организација преку Светскиот информативен систем, со задоцнување од 21 ден, повторувам со задоцнување од 21 ден, дури на 18.01.2022 носи решение за забрана на увоз на живина и производи од живина од одредени региони во Република Словенија.

Пред мене го имаме и извадокот од службениот весник, каде што се гледа датата на објавување на ова решение.

Oна што е загрижувачко и недозволиво е фактот дека директорот на АХВ, Николче Бабовски иако знаел дека има Птичји грип во Словенија во овој вакуум период дозволил влез во Македонија на три пратки на месо и преработки од месо од живина од региони во Словенија каде што е потврдено присуството овој високо патоген сој на Птичјиот. Пратките се влезени во нашата држава на 30.12.2021, на 01.01.2021 и последната, третата пратка е влезена на 11.01.2022.

Она што го имам со мене е доказ од EXIM системот, каде што се гледаат влезените пратки во Република Македонија, меѓу кои што се и овие три спорни пратки.

Почитувани, што би рекле старите, ако коза лаже рог не лаже.

Директорот на АХВ и Министерот Николовски живи се фатени и со вакви матни и коруптивни зделки го загрозуваат здравјето на нашите сограѓани и создаваат начин за влез и ширење на вирусот на Птичји грип, кој што веќе е детектиран во с.Злокуќани – Скопско.

Затоа, бараме итна и неотповиклива оставка од директорот на АХВ- Николче Бабовски, но и од првиот човек на министерството за земјоделство, Николовски. Воедно, го повикуваме и Јавното обвинителство по допрен глас согласно нивните законски задолженија и обврски, да покренат соодветно обвинение, затоа што вакви пропусти ниту се дозволени, ниту треба да и се случуваат на Република Македонија.

 

https://www.youtube.com/watch?v=z1Zrh7LBu2g&feature=emb_title

The post Трипуновски: АХВ и власта не вовеле забрана и дозволиле увоз на пилешко месо од Словенија во период кога владеел птичји грип appeared first on Република.