Крадците станаа чесни луѓе. И за тоа придонесе неказнивоста која стана главна одлика во нашето општество. Се чини дека колку повеќе криминалот е поголем толку повеќе има реални шанси да не се одговара и случајот да се остави во заборав за да времето го надживее. Додека неказнивоста ги нарушува основните човекови вредности за слобода, правда и правичност и делува ретроградно во развојот на нашето општество.

Неказнивоста стана главна одлика и во случајот со Еуростандард банка како најголем криминал во банкарскиот сектор во поновата македонска историја. Сторен организиран грабеж на повеќе десетици милиони евра од сметките на депонентите земени и однесени во туѓи џебови. Поминаа две и пол години од затворањето на банката без ниту еден официјален заклучок за тоа како се крадело организирано во банката ниту пак дали некој ќе одговара. Надлежните институции молчат, молчи и обвинителството. А државата пак не реагира зошто институциите молчат и го игнорираат овој високо поставен криминален случај.

Се прашуваме зошто обвинителството не реагира и на јавното признание од Трифун Костовски дека свесно сторил кривично дело. Не само што јавно призна туку и пластично објасни во неколку наврати како со негов потпис и одобрување се украдени депозитите од Еуростандард банка. И тоа, како што јавно тврди Трифун Костовски, потпишан и одобрен криминален чин во присуство на високи функционери од Народна банка, државната институција која е законски надлежна да врши контрола над работењето на банките и да ги заштити депозитите на граѓаните и фирмите. А кривичното дело на Трифун Костовски се состои во нелегално земени три милиони евра од депозитите во Еуростандард банка и префрлени во соседната Комерцијална банка за да служат како обезбедување за доделени кредити на трети правни лица во 2019 година. Нелегално земени пари од сметките на депонентите во Еуростандард банка и никогаш не вратени назад. Јасно сторен криминал на кој обинителството молчи, не реагира. Како што молчи и за украдените десетици милиони евра од депозитите во Еуростандард банка, проследени со повеќе кривични дела на одговорните раководни лица од банката како што се злоупотреба на службена должност и овластување, измама, перење пари и други приноси од казниво дело, фалсификување документи и конечно, предизвикување стечај на банката.

Минатата година поминаа и законските рокови за изјаснување на обвинителството од покренатата истрага пред повеќе од две години за организираниот криминал во Еуростандард банка. Молкот и игнорирањето продолжуваат. До кога?

Здружение на оштетени штедачи од Еуростандард банка

The post Зошто обвинителството не реагира на јавното признание од Трифун Костовски? appeared first on Република.

Трифун Костовски обвинува дека некои надворешни фактори ја уништиле Еуростандард банка и дека се виновни за организираниот криминал што со години се случувал во неа.

The post Најголем должник на Еуростандард е Феро центар и само Трифун Костовски можел да го потпише милионскиот заем appeared first on Република.

Историјата на ВМРО-ДПМНЕ и скопските градоначалници се повторува. Случајот „Данела Арсовска“ е речиси пресликан со оној на нејзините претходници Трифун Костовски и Ристо Пенов.

И тие откако ја добија поддршка од ВМРО-ДПМНЕ и станаа градоначалници на Скопје, ѝ го свртеа грбот на партијата која ги донесе на функцијата и продолжија самостојно или пак како партиски сателити да настојуваат да го продолжат патот кон повисоки политички дострели.

Но, за жал праксата покажа дека нивните одлуки биле погрешни и разелбата со ВМРО-ДПМНЕ им се врати како бумеранг. И Косотовски и Пенов после тоа ги снема од политичката сцена. Останува да се види дали истото ќе се случи и со Арсовска.

Она што подолго време се насетуваше и се случи. Соработката помеѓу „независната“ Данела и ВМРО-ДПМНЕ заврши.

Арсовска цело време се обидуваше да создаде впечаток дека е независна во својата работа и дека нема никаква врска со ВМРО-ДПМНЕ.

Да се потсетиме, така не изгледаше кога победата над Петре Шилегов со трубачи ја прослави пред седиштето на партијата која ја донесе на чело на град Скопје.

https://republika.mk/vesti/skopje/direktorot-na-gradski-parking-si-podnese-ostavka-arsovska-e-nezainteresirani/

Несоработката на Данела со директорите на јавните претпријатија предизвика првите луѓе на Градски паркинг“, „Дрисла“ и Водовод“ да си поднесат оставка. И Христовски и Перински и Мицевски имаат идентично мислење за Аровска дека таа нема слух за проблемите на градот и оти си заминуваат со крената глава.

https://republika.mk/vesti/skopje/dudush-koleshke-arsovska-ova-e-rezultatot-shto-nie-kako-gradonachalnici-nemame-vash-telefonski-broj-za-konsultacija/

Кога на тоа ќе се надоврзе протестот на жителит на Шуто Оризари на чело со градоначалникот Курто Дудуш, кој се пожали дека немаат никава соработка со Арсовска и дури дека го немаат нејзиниот број.

Затоа, неубедливо делува објаснувањето на Арсовска дека „директорите на јавните претпријатија од ВМРО-ДПМНЕ добиле понуда да си дадат оставка или да бидат разрешени.

https://republika.mk/vesti/skopje/arsovska-direktorite-dobija-ponuda-da-si-dadat-ostavka-ili-da-bidat-razresheni/

The post Арсовска по стапките на Костовски и Пенов: ВМРО-ДПМНЕ ја направи градоначалник, а сега Данела ѝ го врти грбот appeared first on Република.

За пропаѓањето на Еуростандард банка, Трифун Костовски ги обвини Народна банка, менаџментот на Комерцијална банка, јавното обвинителство, Владата и останати државни институции задолжени за истрага и борба против организираниот криминал. Ги обвини дека сите тие се учесници во организираниот криминал којшто денес владее во банкарскиот сектор, а кој безмилосно ја вшмукал и Еуростандард банка која ја имала таа несреќа да отиде во стечај пред две години.

Не занемарувајќи ја улогата и вината на сите евентуални учесници во организираниот криминал во банкарскиот сектор којшто можеби владее и ден денес, останува клучно прашањето кој ја ограби Еуростандард банка. Дали учесниците наведени погоре се оние кои безмилосно потпишувале и со тоа доделувале и одобрувале ненаплатливи кредити во Еуростандард банка на фирми кои не биле кредитоспособни, дали фалсификувале документи или вршеле нереална класификација на ризикот на клиентите во банката? Или пак, тоа можеби го направиле некои вонземјани кои ја посетиле Еуростандард банка и тајно ги собрале парите од депозитите на правните и физички лица депоненти во банката?

Трифун Костовски како да заборава дека, меѓу другото, ѝ јавно призна свесно сторено кривично дело во 2019 година со незаконското префрлање на 3 милиони евра од депозитите на правните и физички лица од Еуростандард банка на сметка во Комерцијална банка, за да служат како обезбедување за кредити доделени на трети лица. Дали Трифун Костовски заборави ѝ дека во изминатиот период јавно сподели повеќе примери на нелегални дејствија кои се случувале внатре во банката, од доделување на неповратни кредити без соодветни гаранции, лажни процени на имоти за да формално служат како гаранции за кредити, раздадени кредити на несолветни фирми со меници како единствено обезбедување и низа други сведоштва за незаконски активности? Сигурно се сеќава дека таков е примерот и со фирмата на вујкото на директорот на банката Николче Петкоски, преку која фирма од Еуростандард банка биле пласирани повеќе од еден милион евра на позадински фирми како краткорочни позајмици во повеќе наврати, за да никогаш не се вратат назад во банката.

Трифун Костовски веројатно заборава и дека кредитите се одобрувале од кредитниот одбор, а одредени кредити, над одреден процент од капиталот на банката, биле предмет на одобрување на надзорниот одбор. Претседател на кредитниот одбор на Еуростандард банка бил неговиот син Коста Костовски, додека претседател на надзорниот одбор бил лично тој, Трифун Костовски.

И сега само мало потсетување за фактичката состојба на Еуростандард банка на денот на нејзиното затворање пред две години. Фактите од официјалниот извештајот за стечајот на пропаднатата банка говорат дека во неа имало нефункционални кредити од 149 фирми чиишто вкупен износ е околу 55 милиони евра или 73 отсто од кредитното портфолио за фирми во банката. Според извештајот, сите овие фирми не платиле ниту една рата од земените кредити, а повеќето од нив должат со години додека обезбедувањето на кредитите односно хипотеките кај најголем број од нив се далеку помали од износите на дадените кредити. Од нив пак, 58 фирми имаат добиено кредити во вкупен износ од 16,8 милиони евра покриени единствено со обични меници, кредити кои денес не можат да се наплатат.

Зошто е ова важно? Бидејќи повеќе од 100 физички лица и околу 2.000 правни лица, заедно со Фондот за осигурување на депозити како најголем доверител, останаа да ги побаруваат своите лични парични средства во стечајната постапка на Еуростандард банка. Тие го прашуваат Трифун Костовски и неговата дружина од Еуростандард банка дали ги препознаваат учесниците во организираниот криминал внатре во банката или тоа се сепак некои вонземјани. На повикот на Трифун Костовски да Здружението престане да функционира бидејќи членовите се обештетени, сакаме да му порачаме дека во целиот внимателно испланиран КРИМИНАЛ, единствен чин кој не бил планиран е дека оштетените ќе се обединат и заедно ќе се борат против криминалците, така да се додека има оштетени кои не се исплатени Здружението ќе постои и секакви повици да истото се расформира се залудни!

Одговорност и враќање на парите мора да има. Одговорот треба да го даде Основното јавно обвинителство за гонење на организиран криминал и корупција, коешто час поскоро се очекува да ја заврши истрагата која ја води повеќе од една и пол година и да ја објави одлуката.

Здружение на оштетени штедачи на „Еуростандард банка“

The post Дали вонземјани ја ограбија Еуростандард банка? appeared first on Република.

Најголемиот акционер во „Еуростандард банка“, Трифун Костовски денеска објави дека целосниот Извештај од истрагата за стечајот во „Еуростандард банка“ за кој информираше вчера на прес-конференција е достапен преку порталот „Човекот пред се“. Тој најавува дека во наредните денови ќе даде одговор на реакците што уследија по вчерашната објава на Извештајот од истрагата, што по негова нарачка го подготви тим предводен од Драго Кос, меѓународен експерт против корупција и организиран криминал.

– Во врска со реакциите на Народна банка, „Комерцијална банка“, Македонска банкарска асоцијација и Јавното обвинителство за гонење на организиран криминал, преку нивните официјални соопштенија, објавувам дека во наредните денови јас и тимот истражители ќе дадеме релевантен и фактографски одговор на погоре споменатите институции и банки, наведе Костовски во соопштение.

На вчерашната презентација на Извештајот, Кос и Костовски објавија дека од 2004 година во државава функионира „незаконска шема меѓу банките, а Народната банка (НБ) одбивала да го препознае и спречи постоењето на таа шема“. Помеѓу 2004 и 2011 година во шемата биле вклучени седум банки, 45 други компании и едно физичко лице. „Еуростандард банка“, според Извештајот, станала дел од незаконската шема на позајмување најрано во 2011, а тоа, тврди Костовски, било направено без негово и знаење на акционерите. Според Костовски, „Еуростандард банка“ била однесена во стечај со умисла, а Народната банка, како што посочи, ги искористила само редовните мерки и стечајот како алатки, а вонредните мерки биле делумно искористени.

Во одделни реакции тврдењата ги отфрлија и НБ и Македонската банкарска асоцијација (МБА) од каде апелираа да не се наштетува на јавниот интерес и оти македонскиот банкарски сектор бил и останува најздравото ткиво на нашата економија.

https://republika.mk/vesti/makedonija/kostovski-prashuva-dokolku-so-presot-go-zagrozivme-bankarskiot-sistem-zoshto-ne-pokrenat-krivichni-prijavi-protiv-site-uchesnici/

Советот на Народната банка, ги оквалификува како нерелевантни и неточни изнесените оценките и мислењата во како што наведоа, „приватно нарачаниот извештај од поранешниот акционер, а воедно и долгогодишен претседател на Надзорниот одбор на „Еуростандард банка“, над којашто поради несолвентност во август 2020 година беше отворена стечајна постапка“.

Од Македонската банкарска асоцијација (МБА), пак,  ги оценија како крајно неосновани наводите за банкарскиот сектор изнесени на прес-конференцијата и побараа да бидат отфрлени сите дезинформации и инсинуации кои се изнесуваат во јавноста за банкарскиот сектор и поединечни банки бидејќи, како што наведоа, заради остварување на некои други интереси и нечии лични битки, свесно или несвесно, се прави обид за загрозување на нешто што е од јавен интерес на секој граѓанин, секоја компанија, секоја институција во оваа земја.

Од Јавното обвинителство на Република Македонија денеска во соопштение, како што наведоа, „во врска со наводите и извештајот презентирани на прес-конференцијата од неколку лица, меѓу кои и едно осомничено лице во врска со стечајот на „Еуростандард“ банка“, нагласија дека ЈО е единствено надлежно да донесува наредба и да спроведува истражна остапка.

– Дел од наводите од оваа „приватна или независна истрага“ беа истражувани во предмети по кои постапуваше Јавното обвинителство и за кои, во согласност со доказите, донесе мериторна јавнообвинителска одлука, наводоа од ЈО.

Во врска со стечајот на „Еуростандард банка“, како што стои во соопштението, Основното јавно обвинителство за гонење на организиран криминал и корупција, соопшти дека ја испитува одговорноста за стечајот, при што по проверките кои беа направени и кои упатуваа дека банката не постапувала по бројните мерки изречени од страна на Народната банка и доставувала неточни извештаи до Народната банка, надлежниот јавен обвинител донесе Наредба за спроведување истражна постапка против четири одговорни лица од Еуростандард банка за кои постои основано сомнение дека сториле кривично дело Предизвикување стечај на банка по член 181 ст.1 од Законот за банки и продолжено кривично дело – Перење пари и други приноси од казниво дело по член 273 ст. 6 во врска со член 45 од Кривичниот законик. Истрагата, информира ЈОРСМ, во овој предмет е во тек, а по нејзиното завршување обвинителството ќе донесе соодветна јавнообвинителска одлука.

Завршување на истрагата и одговорност за случајот „Еуростандард банка“ денеска повторно побараа и од Здружението ан оштетени штедачи во банката.

The post Tрифун Костовски во наредните денови ќе им одговори на Народна банка, „Комерцијална банка“, и Јавното обвинителство appeared first on Република.

Резултатите од приватната истрага на Трифун Костовски не нѐ изненадија ниту фрапираа, тие само го потврдија тоа што го изјавувавме и објавувавме минатите две години, велат од здружението на оштетени штедачи.

Штедачите бараат спомнатите институции да не реагираат со соопштенија туку да излезат на прес-конференции, а обвинителството да ја заврши истрагата која ја води година и пол.

Од здружението велат дека станува збор за масовен организиран криминал спроведен преку низа нелегални, законски забранети шеми на позајмици за покривање на достасани обврски на клиенти, перење пари преку воспоставени деловни односи со нерезидентни клиенти, злоупотреби на службена должност и овластување, фалсификување документи, измами, незаконски манипулации и превари.

-Сите овие активности се случувале со години и биле водени од раководниот тим на Еуростандард банка, потпишани и одобрени од претседателите на одборите и потпомогнати од нивни колеги на значајни позиции во банката. Ова се фактите за пропаѓањето на Еуростандард банка, причините да таа стане несолвентна и се затвори пред две години, нагласуваат од здружението.

Осврнувајќи се и на вчерашната прес – конференција каде беше презентиран извештај за пропаѓањето на Еуростандард банка подготвен, како што велат од здружението, од еминентни експерти во банкарскиот сектор, е само потврда за фактичката состојба за масовниот организиран криминал.

-Истрагата потврдува и дека Еуростандард банка воспоставила деловни односи со нерезидентни клиенти осомничени за перење пари. Па така, во првите три квартали од 2019 година, клиенти од Венецуела биле ангажирани во трансакции во вредност од 110 милиони евра, од кои 10 милиони евра биле дадени во форма на заеми на најекспонираните клиенти во Еуростандард банка.
Исто така, во извештајот се потврдуваат и криминалните дела со нелегално префрлените 3 милиони евра земени од депозитите во Еуростандард банка во соседната Комерцијална банка за да служат како залог за кредити на трети правни лица, а кои веќе имале голема изложеност во Еуростандард банка. На основа на таа нелегална трансакција, тие пари се повлечени од Комерцијална банка на денот за затворање на Еуростандард банка, се вели во соопштението.

The post Оштетени штедачи: Kлиенти од Венецуела биле ангажирани во трансакции во вредност од 110 милиони евра appeared first on Република.

Соопштенијата на Комерцијална банка, Народна банка, замислете од Советот на Нродна банка и Асоцијацијата на банките во Македонија беа клише, вели за „Фокус“ мнозинскиот сопственик на пропаднатата Еуростандард банка, Трифун Костовски за реакциите на неговата прес-конференција на којашто со странски експерти го обелоденија извештајот за пропаѓањето на банката.

-Пресот беше фактографски. Доколку со пресот го загрозивме банкарскиот систем во Македонија зошто не покренат кривични пријави против сите учесници. Жално е сознанието дека никој, ама баш никој не е спремен да се зафати во броба против ова општествено зло. Најискрено, не можам да разберам какво општество сме ние. Моите сограѓани по се изгледа сакаат некој друг да ни го „чисти дворот“. Јас не се откажувам, одам до крај, вели Костовски во изјава за „Фокус“.

https://republika.mk/vesti/makedonija/kostovski-tehnichkata-vlada-na-spasovski-bila-stavena-vo-funkcija-za-unishtuvanje-na-eurostandard-banka/

Биснименот вчера истакна оти е убеден дека тогашниот технички премиер Оливер Спасовски и Народната банка стојат зад одењето во стечај на неговата Еуростандард банка.

The post Костовски прашува: Доколку со пресот го загрозивме банкарскиот систем зошто не покренат кривични пријави против сите учесници? appeared first on Република.

Биснименот Трифун Костовски е убеден дека тогашниот технички премиер Оливер Спасовски и Народната банка стојат зад одењето во стечај на неговата Еуростандард банка.

Ова е заклучокот по вчера презентираниот извештај од страна на двајца независни експерти од Хрватска и од Словенија, Драго Кос и Ирена Франчетовиќ.Тие детално објаснија на кој начин се уништувала банката и дека во тоа се вкучени поранешни вработени во банката на видни позиции а „заслужна“ за тоа е и Комерцијална банка на која „малата“ Еуростандард банка  и дава депозит.

Сомнежот дека и Техничката влада била ставена во функција за уништување на Еуростандард банка е уште посилен со фактот што само 3 часа пред објавувањето на стечајот од страна на госпоѓата Гувернер Бежоска на ден 12.08.2020 година, член од акционерите на Еуростандард банка имаше лична средба со тогашниот Технички премиер Оливер Спасовски-рече вчера Костовски.

Експертите пак дошле до сознанија дека од 2004 година, во Република Македонија постои добро воспоставена шема преку која неколку комерцијални банки во земјата систематски ги прекршувале важечките регулативи во областа на банкарството, со цел да можат, покрај законски дозволеното кредитирање, да вршат и законски забрането кредитирање, претежно за субјекти коишто не се подобни за добивање банкарски кредити.

Шемата функционирала на таков начин што одредена банка идентификувала компании коишто се подготвени да ги отстапат своите деловни сметки, на кои банката потоа исплаќала одредени износи врз основа на фиктивни договори за кредит, а потоа истите компании формално им ги позајмувале тие износи на други компании, исклучиво по избор и во организација на банката. На сличен начин, потоа овие средства ѝ се враќале на банката. На тој начин, банката остварувала придобивка од вештачки зголемените кредитни пласмани, платените провизии, камати, казнени камати и други трошоци, додека компаниите коишто вршеле улога на пренесувачи на незаконски стекнати пари, односноконвертирање кредити во заеми, поради исклучителниот обем на шемата којшто не дозволувал можност за вршење контрола, вообичаено претрпувале сериозни загуби-се наведува во извештајот.

Во извештајот посебно место има и за улогата на Народната банка која како што велат експеритите, „одбива да го препознае и спречи постоењето на шемата“ за уништување на банката.

НБ требало да поведе стечајна постапка  уште во август 2019 година, кога стапката на адекватност на капиталот – според сопствените наоди на НБСМ – веќе била негативна, но сепак тоа не го сторила. Очигледно, НБСМ имала многу јасно разбирање за задолжителните одредби од Законот за банките во врска со нејзиното дискреционо право на поведување стечај, но таа чекала до 12 август 2020 година за да го поведе стечајот. Строго законски и според податоците со кои располагала НБСМ за стапката на адекватност на капиталот на ЕСБ на 30 јуни 2020 година - и покрај тоа што не било јасно колкава всушност била реалната стапка на адекватност на капиталот - таа требало да поведе стечајна постапка на тој датум.
Со оглед на фактот дека во август 2019 година не била поведена стечајна постапка, постојат сериозни сомневања во однос на тоа дали моментот на поведување стечајна постапка на 12 август 2020 година бил соодветно избран-сметаат експертите.

The post Костовски: Техничката влада на Спасовски била ставена во функција за уништување на Еуростандард банка appeared first on Република.

Во банкарството одамна сме научени сопствениците на пропаднати фирми, како Златко Тодоров од Кубус, а сега и Трифун Костовски од Еуростандард банка, за своите слабости, лошо и незаконско работење да ги обвинуваат банките, реагира Комерцијална банка откако мнозинскиот сопственик на Еуростандард банка, Трифун Костовски на прес – конференција го обелодени извештајот за пропаѓањето на банката и обвини дека во Македонија функционира шема меѓу банките за незаконско финансирање на чело со Комерцијална банка.

Според нив, од долгонајавуваната кампања единственото „ново“ било повторното презентирање на наводниот „случај Кубус“ и наводна вмешаност на повеќе банки, меѓу кои и Комерцијална банка, во некаква си шема за незаконско финансирање.

-А, самите тие потврдија дека „случајот Кубус“ е процесуиран во Обвинителството (но, и со контроли на НБМ) и притоа не се утврдени неправилности и незаконитости во работењето на Комерцијална банка. Или пак за правда и законитост може да зборуваме само ако се според мислењето и волјата на Тасева и Костовски, велат од Комерцијална.

Тие тврдат дека експертите кои ги ангажирал Костовски не побарале никаква документација или состанок за да ги презентираат своите „наоди“ и да ги слушнат аргументите на банките.

-Тие само се повеле од укажувањата на сопствениците на пропаднатите фирми и на Еуростандард банка, а кои пак признаа дека ги плаќаат „експертите“ од имот кој не им бил замрзнат, за сега да бидеме наивни и да треба да веруваме во независно мислење.

Впрочем како што е наведено и во Правните напомени содржани во самиот извештај на „меѓународните експерти“, нивниот извештај „се заснова на информациите, документите и помошта обезбедена исклучиво од страна на клиентот“ и „не може да се гарантира дека тие информации се точни“, како и дека „компанијата Р.У.Р. ДОО нема да се смета за одговорна за какви било грешки, пропусти, недостатоци или погрешни толкувања на информациите или каква било загуба или штета“, додаваат од банката.

За нив овие експерти не се релевантни, а Комерцијална редовно ја контролирале меѓународни ревизорски куќи со увид во документацијата и НБМ со своите годишни и други ревизии и тие не утврдиле никакви неправилности и незаконитости во работењето на банката.

За стечајот на Еуростандард, според Комерцијална банка единствени виновници се одговорните лица во Надзорниот одбор, Управниот одбор и лицата со кредитни овластувања, кои со погрешни кредитни одлуки ја довеле банката во стечај.

-А, според член 181 од Законот за банките, „тој што со своето работење ќе ги прекрши одредбите на овој закон, со што ќе придонесе за отворање стечајна постапка кај банка и ќе предизвика штета за доверителите на банката, ќе се казни со затвор од три до десет години“, додаваат од банката.

The post КБ: Научени сме газдите на пропаднатите фирми за своите слабости да ги обвинуваат банките appeared first on Република.

Македонската банкарска асоцијација, во името на сите свои членки - банките, штедилниците, Клириншката куќа и Македонското кредитно биро изразува најoстар протест и отфрлање на сите крајно неосновани наводи за банкарскиот сектор, изнесени на прес конференцијатата одржана на 22.08.2022 година. Потенцираме дека никој нема право да изнесува небулозни наводи и обвинувања за цел банкарски сектор на една држава врз основа на некакви приватни истраги. Банкарскиот сектор е дел од севкупниот економски систем на оваа земја, дом на заштедите на македонските граѓани и компании и столб на целокупниот финансиски систем на Република Македонија.

Пропаѓањето на една банка зарaди проблеми и нерегуларности кои се случувале во самата таа банка, а за кои целата јaвност беше информирана преку средствата за јавно информирање, не смее и не може да бидат прелеани како обвинување за цел еден сектор. Македонскиот банкарски сектор бил и останува најздравото ткиво на нашата економија и никој нема право да прави обиди за поткопување на неговиот углед и негово омаловажување, како што нема право тоа да го прави со која било институција на оваа држава. Функциите кои банкарскиот сектор ги извршува во економијата се од витален јавен интерес и се јавно добро и затоа секој поединец, група, па и институции треба да бидат многу внимателни кога изнесуваат наводи со кои се квалификува цел еден систем. Како ниту еден друг сектор во економијата, нашиот банкарски сектор во изминатите 30 години помина низ повеќе реформи кои овозможија поставување на основите на она што системот е денес: здрав, сигурен, стабилен, профитабилен, со силна кредитна поддршка на економијата и домаќинствата и со највисоки оценки од сите релевантни меѓународни институции во сите претходни години, институциите на ЕУ, ММФ, Светската банка итн. Како што е истакнато и во последниот извештај на реномираната кредитна агенција Стандард и Пурс, објавен пред два дена, македонскиот банкарски сектор е стабилен и добро капитализиран, со стапка на нефукционални кредити од ниски 3% и адекватност на капиталот од 17%. Кредитната агенција го потврди рејтингот на Република Македонија од ББ- со стабилен изглед, што секако не би било можно доколку има каква било резерва во однос на здравоста на банкарскиот сектор во земјата.

Затоа, уште еднаш укажуваме на потребата од одговорно однесување и внимателност при изјави кои се однесуваат на банкарскиот сектор. Истовремено, упатуваме апел до јавноста дека дезинформации и инсинуации кои се изнесуваат во јавноста за банкарскиот сектор и поединечни банки треба да бидат отфрлени бидејќи заради остварување на некои други интереси и нечии лични битки, свесно или несвесно, се прави обид за загрозување на нешто што е од јавен интерес на секој граѓанин, секоја компанија, секоја институција во оваа земја.

The post Македонската банкарска асоцијација: Небулозни се наводите и обвинувањата на Трифун Костовски и неговата приватна истрага appeared first on Република.

Ова е долготрајна битка од која нема а отстапам ни милиметар. Сакаат да уништат се што е квалитетно. Јас сум Македонец и си ја сакам својата земја, нагласи бизнисменот Трифун Костовски на денешната презентација на извештајот за продападната Еуростандад банка кој беше изработен од експертите Драго Кос и Ирена Франчековиќ.

Мојата држава која треба да ме храна сака да ме скачка, е тоа нема да го дозволам-порачува Костовски.

Тој напоменува дека без банкарски сектор нема организиран криминал и тоа на сите треба да им биде јасно.

The post Костовски: Мојата држава која треба да ме храни сака да ме смачка, е тоа нема да го дозволам appeared first on Република.

Во однос на приватно нарачаниот извештај од поранешниот акционер, а воедно и долгогодишен претседател на Надзорниот одбор на Еуростандард банка, над којашто поради несолвентност во август 2020 година беше отворена стечајна постапка, изразуваме сериозна загриженост за леснотијата со која од различни поединци се изнесуваат неточни информации поврзани со банкарскиот систем и Народната банка, се вели во реакцијата на Советот на Народната банка на прес-конференцијата по повод нарачаниот извештај од страна на Трифун Костовски.

https://republika.mk/vesti/ekonomija/kostovski-firmi-bliski-do-sdsm-a-osobno-do-zaev-zemale-pari-od-eurostandard-banka/

Ваквото неодговорно однесување, велат од НБ, поттикнато од лични интереси и приватни побуди, може да внесе немир и непотребно и неосновано да предизвика штета на финансиските институции во земјата, а со тоа и на економските субјекти и граѓаните.

За Народната банка, оценките и мислењата, особено во делот на состојбите во банкарскиот и финансискиот систем на нашата земја и начинот на работата на Народната Банка, искажани од страна на нарачателот на овој извештај, како и лицата кои се најмени од негова страна за да го изработат и промовираат во јавноста, се нерелевантни и неточни. Народната банка е професионална и независна институција, којашто при одлучувањето ги применува највисоките меѓународни стандарди и практики, што е потврдено и со оценките на меѓународните финансиски организации и кредитни агенции. Последна во низата вакви оценки е одлуката на Европската комисија на крајот од минатата година дека банкарската регулатива и супервизијата којашто ја спроведува Народната банка е според стандардите на Европската Унија, со што Европската Комисија ја вклучи нашата земја на листата на само 26 земји во светот кои ги спроведуваат овие стандарди, се вели во рекацијата од Народна банка.

Согласно со овие стандарди, додаваат во реакцијата, Народната банка на редовна основа врши супервизија на работењето на банките и штедилниците и ја оценува нивната сигурност, стабилност, како и усогласеноста на работењето со Законот за банките и со други прописи кои го регулираат банкарското работење. Во рамки на своите надлежности презема соодветни мерки во насока на задржување на стабилноста на банкарскиот систем.

Додаваат дека доколку со супервизорска контрола се констатира сомнеж или индиции за други дела во банка, Народната банка којашто е супервизорски, а не истражен орган, ги известува и соработува со надлежните истражни органи.

https://republika.mk/vesti/makedonija/i-akciite-na-amerikanskata-dea-prichina-spasovski-i-zaevi-da-se-mnogu-luti-na-ruskoska/

И во случајот поврзан со Кубус, велат од НБ, кој се однесува за период од 2004 до 2011 година, на којшто всушност се темелат и најголем дел од наводите, Народната банка оствари соработка со надлежните институции, при што ги достави сите расположиви информации.

Во однос на работењето на Еуростандард банка, пак, од Народна банка велат дека вршејќи ја својата надлежност како супервизорски орган, утврдиле значајни слабости и пропусти во работењето.

Започнувајќи од 2013 година па се до 2020 година, Народната банка во врска со констатираното, на Еуростандард Банка АД Скопје и изрече вкупно 30 правни акти, во кои беа содржани околу 120 различни мерки за подобрување на состојбата на банката. Народната банка нема да дозволи ниту една банка да продолжи да работи без исполнување на минималните законски услови, со што ја штити стабилноста на целиот банкарски и финансиски систем. Оттука, во услови на непостапување по дадените мерки, а имајќи ја предвид стапката на адекватност на капиталот и состојбата во Банката, Народната банка согласно Законот за банките ја одзеде дозволата за работа на банката.

Воедно, по констатираните состојби, Народната банка до Јавното обвинителство на натамошно надлежно постапување, поднесе кривична пријава против поранешни одговорни лица во „Еуростандард банка“ АД Скопје поради сомнение дека сториле кривично дело Предизвикување стечај на банка. Истовремено, до Јавното обвинителство, Народната банка предложи и преземање мерки коишто беа во насока на натамошна заштита на интересите на доверителите.

Професионалноста и независноста на Народната банка придонесува за континуирана стабилност и здравост на банкарскиот систем, вклучително и во пандемискиот период. Потврда за добрата поставеност и функционирањето на банкарскиот сектор се повеќето извештаи на најрелевантни институции, како на пример последниот извештај на кредитната агенција S&P, каде се наведува дека банкарскиот систем е добро капитализиран и стабилен, како и дека е потпора на стопанството за надминување на предизвиците кои ги донесе пандемијата.

Народната банка останува посветена на примената на највисоките меѓународни барања и стандарди во вршењето на банкарската супервизија и будно ги следиме движењата во банкарскиот систем, при што во рамки на вршењето на својата функција соработуваме со надлежните државни институции, велат од НБ.

The post Реакција на НБ по пресот на Костовски: Ваквото неодговорно однесување може да внесе немир и непотребно и неосновано да предизвика штета  appeared first on Република.

Трифун Костовски истакна дека не се повлекува од претходно дадената изјава дека фирми блиски до СДСМ и поранешниот премиер земале кредити од Еуростандард банка.

Сопстевеникот на Еуростандард банка Трифун Костовски на презентација на денешниот извештај за причините за пропаѓањето на банката истакна дека незаконски се искористени три милиони евра наменски даден депозот од Еуростандард банка во Комерцијална банка кој не може да биде пренаменет или користен за други потреби без сосласност на Надзорните одбори од двете банки.

Комерцијана банка – местото и улогата на Комерцијална банка е посебно истражено од господинот Драго Кос, а јас со овој мој исказ сакам само да обзнанам дека незаконски се искористени 3 милиони евра, наменски дадени депозит од Еуростандрад банка во Комерцијална банка, кој не може да биде пренаменет или користен за други потреби, без согласност на Надзорните одбори на двете банки, Во договор, кој го знаат само Управните одбори на двете банки, овие средства се исчезнати, рече Костовски.

Според него, институциите кои треба да работат во служба на интересите на правата на граѓаните се ставени во клише кое наликува на криминал.

Според извештајот, шемата функционирала таков начин што одредена банка идентификувала компании коишто се подготвени да ги отстапат своите деловни сметки, на кои баката потоа исплаќала одредени износи врз основа на фиктивни договори за кредит, а потоа иситте ккомпании формално и ги позајмувале тие изности на други компании, исклучиво по избор на банката. На сличен начин, потоа овие средства и се враќале на банката.

The post Костовски: Фирми блиски до СДСМ, а особно до Заев земале пари од Еуростандард банка appeared first on Република.

Сопственикот на Еуростандард банкаТрифун Костовски на деншната прес конференција заедно со експерти од Словенија и Хрватска ги образложи причините за носењето на банката во стечај. Костовски нема сомнеж дека банката е однесена во стечај со умисла.

Сатарот го направи Народна банка без да ги искористи сите механизми кои ги има на располагање за санирање на банката.Тоа направено во време на техничката влада на Оливер Спасовски па завршувањето на вонредната состојба кога практично не можевме нормално да работиме - објасни Костовски.

Тој изрази жалење што на оваа прес конференција биле поканети неколку институции како Антикорупциска комисија, Финансиска полиција, партии, но никој не се појавил да случшне што се случувало.

The post Костовски: Еуростанард банка е однесена во стечај наменски, во време на техничката влада на Оливер Спасовски appeared first on Република.

Прес-конференција на Трифун Костовски

За тоа каде завршувале парите кои биле повлекувани од банката како кредити без покритие, вели дека најголем дел оделе во фирми од Струмица блиски до СДСМ.

На прашањето дали има сознанија каде завршувале парите што биле земени како кредити без покритие, тој вели: Најголем дел завршувале во струмички фирми, фирмите на господинот Крмзов, кои се 18-19-20 на број и се занимаваат од игла до авион. За мене е непоимливо да имам таков партнер во банката.

За Крмзов и неговите фирми и отвореноста на банката кон неговите фирми разбрав во последните дванаесет месеци пред самиот стечај.

Сѐ уште ни ми е јасно како Крмзов стана најсилен партнер на Еуростандард банка!? Дали блискоста на Петкоски со тогашниот премиер на Владата, Зоран Заев, беше повод за масовна поддршка на секој бизнис од Крмзов, бидејќи бил близок до премиерот Заев како човек и бизнисмен.

Секако тука влегуваат повеќе фирми од Струмица блиски до СДСМ. Фирмата „Галафарм“ Скопје, исто така, е секаде присутна во таканаречените позајмици на средства што се одлевале од банката. Тие траги на одлеани пари сѐ уште не се детално откриени.

The post (ВО ЖИВО) Костовски: Парите од Еуростандард завршувале во фирми блиски до СДСМ appeared first on Република.

Реакција на Здружението на оштетени штедачи од „Еуростандард банка“ по најавата на поранешниот сопственик Трифун Костовски дека во понеделник ќе објави извештај од стручни лица за истрагата поврзана со стечајот на банката, во кој, како што кажа со кристално јасни податоци ќе биде евидентиран и обзнаен криминалот кој скоро две децении се практикува во банкарскиот систем на Република Македонија.

https://republika.mk/vesti/makedonija/kostovski-najavuva-v-ponedelnik-kje-objavam-frapantni-podatoci-za-golemite-igrachi-vo-bankarskiot-crn-biznis/

Реакцијата на штедачите ви ја пренесуваме во целост:

Во очи на 22 август, „судбоносниот ден” којшто го најавува Трифун Костовски, а гледаме дека и го промовира со платени реклами, би сакале да го поддржиме и охрабриме воедно да конечно излезе со вистината за тоа што е сторено и како е сторено. Редно е сите инволвирани во овој организиран криминал, на еден или на друг начин, да ја дознаат вистината и да се соочат со последиците.

Според неговите најави дека јавноста ќе биде фрапирана од податоците што тој ќе ги објави, би сакале да му порачаме дека нас повеќе ништо не може да не фрапира поврзано со овој случај бидејќи за нас фактите се јасни од поодамна. Нашиот став во врска со овој организиран криминал е јасен, но еве, повторно ќе го споделиме со јавноста.

Имено, мноштво индикатори, изјави, списи, извештаи и материјали упатуваат на едно заедничко за пропаѓањето на Еуростандард банка: масовен организиран криминал. Тоа е симболот за тоа што се случувало во Еуростандард банка со години. Институциите знаеле, знаела и Народна банка. Знаел и раководниот тим на банката, бидејќи од таму бил осмислен, инициран, почнат и се спроведувал организираниот криминал.

Во изминатите две години, Трифун Костовски, преку неговите колумни, не запозна со начините на кои се краделе парите од депозитите во банката со споделување на повеќе примери. Во пресрет на најавуваната објава на извештајот од неговата приватна истрага за пропаѓањето на Еуростандард банка, тој јавно сподели и дека во повеќе банки во земјата се користиле и сеуште се користат приватни трансакциски сметки на правни и физички лица за трансфери на финансиски средства без знаење на сопствениците на истите како и дека се кредитирале и сеуште се кредитираат фирми кои не биле ниту се кредитоспособни преку доделување на позајмици. Токму ваквите девијантни и криминогени појави се практикувале во Еуростандард банка, како што неодамна беше објавено од Трифун Костовски. Таа пракса на масовно одобрување на кредити за измирување на достасани обврски на клиенти, која се случувала преку трансфери на позајмици од еден на друг клиент во банката и потоа парите исчезнувале, е констатирана и како една од главните причини за пропаѓањето на банката.

Едно е заедничко за сите вакви нелегални, криминогени трансакции кои масовно се спроведувале во банката, особено во последните неколку години пред нејзиното затворање. Сите тие трансакции биле одобрени од раководниот тим на банката. Во своите објави и изјави, Трифун Костовски избегнува да признае дека тој и неговиот раководен тим се единствените потписници на одлуките и налозите со кои се одобрувани кредити, трансфери или позајмици кои не можат да се наплатат и поради тоа тие се главните виновници за пропаѓањето на банката.

Во Еуростандард банка не се почитувале интерните политики и процедури за кредитен ризик ниту одлуката за управување со кредитниот ризик и тоа кај масовен дел од кредитното портфолио кај правни лица клиенти во банката. Фактичката состојба на денот на затворање на банката говори дека 73 отсто од кредитното портфолио кај правните лица биле нефункционални кредити. Тоа ниво ни од далеку не може да се спореди со нивото на нефункционални кредити на правни лица во сите банки во земјата коешто изнесува околу 5 отсто. Сам по себе, овој индикатор покажува дека во Еуростандард банка масовно се краделе парите од депозитите преку разни форми на делување, потпишани и одобрени од главните носители на раководниот тим на банката. Трифун Костовски, како долгогодишен претседател на надзорниот одбор на банката, е несомнено еден од нив.

Ваквите криминогени практики доведоа да Еуростандард банка стане несолвентна и се затвори. Одговорност сеуште нема ниту официјално се знае каде завршиле парите од депозитите на правните и физички лица во банката.

Трифун Костовски најави дека во неговата приватна истрага се опфатени и други банки каде ваквите нелегални практики се практикувале и сеуште се практикуваат. Дали е тоа навистина така или не, би требало да утврдат надлежните истражни органи, а со цел и да спречат идни случаи на пропаѓање на банки како што тоа се случи со Еуростандард банка пред две години. Но, тоа не ја намалува ниту отстранува одговорноста на оние кои тоа го правеле во Еуростандард банка, а за кои мора да има одговорност. За тоа постои Основното јавно обвинителство за гонење на организиран криминал и корупција, коешто иако има започнато истрага уште во февруари минатата година, сеуште молчи. До кога?

Трифуне, на тебе е редот да конечно излезеш со вистината пред твоите довчерашни депоненти кои токму на твојата банка ги доверија своите лични парични средства, барем толку заслужуваат, нели?! Ако институциите молчат, биди Ти тој што нема да молчи и испочитувај ја твојата парола „човекот пред се”. Биди човек и излези со вистината без оглед колку и да е таа тешка!

The post Што избегнува да признае Трифун Костовски? appeared first on Република.

Бизнисменот Трифун Костовски во интервју за неделникот „Фокус“ открива детали од приватната истрага што ја водеше за стечајот на Еуростандард банка, која ќе ја објави во понеделник.

За тоа каде завршувале парите кои биле повлекувани од банката како кредити без покритие, вели дека најголем дел оделе во фирми од Струмица блиски до СДСМ.

На прашањето дали има сознанија каде завршувале парите што биле земени како кредити без покритие, тој вели: Најголем дел завршувале во струмички фирми, фирмите на господинот Крмзов, кои се 18-19-20 на број и се занимаваат од игла до авион. За мене е непоимливо да имам таков партнер во банката.

За Крмзов и неговите фирми и отвореноста на банката кон неговите фирми разбрав во последните дванаесет месеци пред самиот стечај.

Сѐ уште ни ми е јасно како Крмзов стана најсилен партнер на Еуростандард банка!? Дали блискоста на Петкоски со тогашниот премиер на Владата, Зоран Заев, беше повод за масовна поддршка на секој бизнис од Крмзов, бидејќи бил близок до премиерот Заев како човек и бизнисмен.

Секако тука влегуваат повеќе фирми од Струмица блиски до СДСМ. Фирмата „Галафарм“ Скопје, исто така, е секаде присутна во таканаречените позајмици на средства што се одлевале од банката. Тие траги на одлеани пари сѐ уште не се детално откриени.

Целиот текст во новиот број на Фокус

The post Костовски: Парите од Еуростандард завршувале во фирми блиски до СДСМ appeared first on Република.

Трагајќи по вистината за Еуростандард банка, се соочив со фактот дека токму во банкарскиот систем е вгнезден организираниот криминал, вели во својата последна колумна за „Плусинфо“ Трифун Костовски, кој за понеделник најавува дека ќе објави „фрапантни податоци“.

Извештајот ќе биде поставен на социјалните мрежи чија достапност ќе биде транспарентна и лесно читлива за секој поединец.

Најголемото прашање кое се поставува пред мене е како ќе реагираат најсилните институции на системот во државата, а тоа се Владата на РМ, Јавното обвинителство заедно со Финансиската полиција при Министерството за финансии, Народна банка и Собранието на РМ?

Најотворено се прашувам дали во погоре наведените институции кои го регулираат севкупниот живот во РМ ќе има доблесни и одговорни луѓе да отворат процес за сузбивање на организираниот криминал, вели Костовски.

Целата колумна тука

The post Костовски најавува: В понеделник ќе објавам фрапантни податоци за големите играчи во банкарскиот црн бизнис appeared first on Република.

Трифун Костовски јавно изјави дека свесно сторил кривично дело. Во 2019 година префрлил речиси 3 милиони евра од депозитите на Еуростандард банка во соседната Комерцијална банка, за да истите служат како обезбедување за поединечни кредити на правни лица клиенти на Еуростандард банка. Кредитите не биле вратени од тие правни лица. И на денот на затворање на Еуростандард банка во август 2020 година, овие пари депонирани на посебна сметка, Комерцијална банка ги присвојува. Значи, парите од депозитите на граѓани и фирми депоненти во Еуростандард банка се дадени како гаранција за кредити доделени на трети правни лица во друга банка. Нелегално доделени пари, потпишани и одобрени од Трифун Костовски како претседател на надзорниот одбор на Еуростандард банка и најголем акционер во истата.

Трифун Костовски јавно потврди и за низа други злоупотреби, проневери и манипулации кои се правени во рамките на организираниот грабеж на депозитите во Еуростандард банка. Па така, објави и дека проценителите на имот честопати запишувале фиктивни вредности на гаранции за кредитите делени од Еуростандард банка. И тоа се правело без тие да имаат претходен увид, а со цел само формално да се задоволат критериумите за доделување кредит. Увидот во официјалниот извештај за банката потврдува дека има повеќе десетици кредити во милионски суми кои немаат соодветно обезбедување односно гаранции, а за добар дел од нив постои и веројатност дека се фиктивни вредности. Се поставува прашање, зошто Трифун Костовски молчел и ги прикривал ваквите нелегални дејствија со години кога веќе добро знаел што се случува во банката?

Денес, резултатот на таквите нелегални дејствија е што најголем дел од фирмите должници во Еуростандард банка, сега во стечај, се веќе затворени или се во постапка на стечај. Додека, парите од депозитите во банката се префрлени на нечии туѓи сметки, на физички и правни лица, кои веруваме дека се веќе одамна познати на истражните органи и на Основното јавно обвинителство за гонење на организиран криминал и корупција.

Прашање е зошто нема одговорност и соодветна казна за сторениот организиран криминал неполни две години од затворање на банката? Банката се затвори во летото 2020 година, а сега сме веќе во пролет 2022 година.

Зошто молчи и кого заштитува Основното јавно обвинителство за гонење на организиран криминал и корупција? Зошто постојат закони? Каде е овде јавниот интерес? Зошто законите важат за едни, а не важат за други?

Време е да се дадат одговори на овие прашања.

Здружение на оштетени штедачи на Еуростандард банка

The post Трифун Костовски јавно изјави дека свесно сторил кривично дело – до кога обвинителството ќе молчи? appeared first on Република.

Доколку Мухамед Зекири беше член на aлбанската партија ДУИ дали ќе имавме случај? Ова е прашањето што Трифун Костовски го поставува околу случајот со поранешниот генерален секретар на владата, кој е втор по ред од СДСМ кој кривично се гони за злоупотреби на оваа функција.

Дека на ДУИ никој ништо не му може вчера обвини и лидерот на најголемата албанска опозициска партија, Зијадин Села, кој рече дека партијата на Ахмети во рака има десетина обвинители и судии.

https://republika.mk/vesti/makedonija/dovolen-e-povik-od-mala-rechica-za-da-se-zaprat-ili-sabotiraat-krivichnite-gonenja-obvini-sela/

The post Трифун Костовски: Ќе имавме ли случај ако Зекири беше од ДУИ? appeared first on Република.