Во Владата денеска ќе се одржи дебата за мерките и политиките во здравството, социјалната политика, демографијата и младите, со учество на ресорните министри и директори на надлежните институции.

На Платформа 5: 100% посветени за тебе на тема „Мерки и политики за унапредување на здравството, социјалната политика, демографијата и младите“ ќе се обратат министрите за здравство, Арбен Таравари, и за социјална политика, демографија и млади Фатмир Лимани, како и директорите на Фондот за здравствено осигурување Сашо Клековски и на Фондот за пензиско и инвалидско осигурување Никола Мемов.

The post Во Владата дебата за мерките и политиките за здравството, социјалната политика, демографијата и младите appeared first on Република.

Промоции на книги, трибина, ликовна изложба, музички настапи беа дел од содржините што се реализираа од 4 до 7 септември 2024 година во Шибеник и Зларин во рамки на Деновите на македонската култура и Меѓународната средба на писатели, публицисти и новинари, со што беше одбележан Денот на независноста на Македонија – 8 септември.

Со синоќешната изложба „Звучни слики“ во Градската библиотека „Јурај Шижгориќ“ затворени се овогодинешните Денови на македонска култура во Шибеник (4 – 7 септември 2024 г.). Авторот Владимир Мартиновски, декан на Филолошкиот факултет во Скопје го претстави Зденка Билушиќ, раководителка на Одделението за визуелна уметност во градската библиотека, која говореше за неговиот ликовен, книжевен и музички опус.

Мартиновски читаше и своја поезија, а присутните ги изненади и со настап на стар македонски инструмент кавал. Предходно, исто така, во градската библиотека беше промовиран романот „Заборав“ на реномираниот македонски книжевник, драмски писател и новинар, Томислав Османли. Ова е прва промоција на неговиот роман, а книгата ја претстави проф. д-р. Лидија Капушевска Дракулевска од Филолошкиот факултет во Скопје.

Инаку, промоциите на новиот македонскиот роман на Османли и на ликовно поетското претставување на Мартиновски, се одржаа во присуство на бројни членови на Хрватско македонска тангента, организатор на настаните, меѓу кои беа и третиот хрватски претседател, проф. д-р Иво Јосиповиќ и македонскиот амбасадор проф. д-р Милаим Фетаи. Фрагменти од романот во превод на хрватски јазик читаше поетот, новинар и водител Никола Урукало, кој беше и модератор на настаните.

Предходните три дена поминаа во светло на одбележување на два јубиулеја: 10 години од првата Меѓународна книжевна средба на Зларин „Од остров на копно, кон остров на море“ и пет години од Деновите на македонската култура во Шибеник.

Како и претходните години и овогодинешните настани на едно место собраа угледни учесници. Од Македонија допатуваа проф. д-р. Лидија Капушевска Дракулевска, Владимир Мартиновски и Томислав Османли, од Словенија учествуваше проф. д-р. Намита Субиото од Филозоскиот факултет во Љубљана, а од Хрватска беа присутни поети од Задар и Шибеник. На Зларин, исто така, за прв пат беше претставена и книгата „Градоначалникот на Хипнополис“ од универзитетските професори Лидија Капушевска Дракулевска и Владимир Мартиновски.

Годинашната средба на писатели, публицисти и новинари беше посветена на големите зларински имиња: поетесата Весна Парун и на новинарот и писател Младен Бјажиќ, а за нив зборуваше новинарот во ХРТ, Звонко Варошанец.

Средбата се одржа во Трутини двори, кај Марина и Младен Трута, кој настојува да го сочува стариот зларински чакавски говор, барем во пишан облик. Резултат на тоа се и две објавени книги со кратки приказни на зларинска чакавица.

За десетгодишно почесно членство во невладината организација Хрватско-македонска тангента, на третиот хрватски претседател му беше врачено и посебно признание. Свеченото отварање се одржа во Музејот на Град Шибеник, каде настапија професори и среднишколци од Музичкото училиште „Иван Лукашиќ“, а поздравна порака преку видео упати македонскиот заменик министер за надворешни работи, Зоран Димитровски. Беше одржана и трибина за современите трендови во книжевноста и уметноста како дел од манифестацијата „По трагата на пишаниот збор“.

Деновите на македонската култура во Шибеник и Меѓународната книжевна средба на Зларин се одржаа под покровителство на Советот за национални малцинства на Република Хрватска и градоначалниот на Шибеник, д-р Жељко Буриќ и со подршка на туристичките заедници на Град Шибеник, Шибенско-книнската жупанија и Зларин. Бројните настани во склоп на културните манифестации се одржаа по повод Денот на македонската независност – 8 септември.

The post Со Денови на македонската култура одбележан 8 Септември во Шибеник и во Зларин appeared first on Република.

Денеска  во 13:00 часот, во црквата Св. Богородица – Калишта, Струга, ќе се одржи свеченост по повод одбележувањето на празникот на рамноапостолите Св. Кирил и Методиј.

Во рамки на свеченоста ќе се одржи трибина под наслов “Св. Кирил и Методиј, Стожер на Постоењето!” на која ќе се обратат:

-Зоран Љутков, член на ИК на ВМРО-ДПМНЕ,

-Ѓоко Ѓорѓевски, редовен професор на Православниот Богословски факултет Св. Климент Охридски – Скопје,

-Митко Панов, редовен професор на Институтот за национална историја при УКИМ – Скопје.

На настанот свечен говор пред присутните ќе има и Христијан Мицкоски, претседател на ВМРО-ДПМНЕ.

The post ВМРО-ДПМНЕ организира трибина под наслов „Св. Кирил и Методиј, Стожер на Постоењето!” appeared first on Република.

Разговор на тема „Македонскиот роман и современите тенденции во светската книжевност“ ќе се одржи денеска на Филолошкиот факултет „Блаже Конески“ во Скопје.

Разговорот го организираат Фондацијата за унапредување и промоција на културните вредности „Славко Јаневски“ и Филолошкиот факултет „Блаже Конески“ и ќе учествуваат професорките Маја Бојаџиевска, Весна Мојсова-Чепишевска и Елизабета Шелева, како и писателите Владимир Јанковски и Петар Андоновски.

Разговорот ќе го модерира Ѕвездан Георгиевски.

Настанот се одржува во рамки на одбележувањето 25 години од наградата „Роман на годината“.

The post Трибина за македонскиот роман на Филолошки факултет appeared first on Република.

Богата програма од дури осум настани во Младинскиот културен центар најавува 6. Меѓународен фестивал за литература и илустрација „Литера“, што беше отворен синоќа во Младинскиот културен центар. Денот ќе започне со мастерклас посветен на Гизем Ѓозде Учар, наменета за илустратори и студенти. Два часа подоцна ќе следува средба со писателката за деца Зејнеп Севде од Турција.

[caption id="attachment_778633" align="alignnone" width="750"] Турската писателка за деца Зејнеп Севде[/caption]

Во 13 часот авторката Александра Тодоровиќ ќе одржи две работилници со наслов „Мистериозниот град под калето“, наменети за деца од 8 до 10 години. Ќе следува работилница за 2Д-анимација.

Богата програма ќе следува и во попладневните часови. Во „Експо зоната“ на фестивалот, во 17 часот авторот Никола Маџиров ќе се сретне со својата публика и ќе разговара за неговата прва книга за деца - „Рокчето“.

Во 18 часот следуваат две работилници за деца. Едната е на тема „Летаме заедно со Бони и неговата волшебна торба“ со специјален едукатор и рехабилитатор м-р Катерина Димова во Креативниот корнер на фестивалот, а другата, во организација на „Арс ламина“ е работилница инспирирана од серијалите „Мирабела“ и „Исидора Мун“ од Хариет Мункастер.

Во секое издание на „Литера“ организираме и тркалезни маси на одредена тема што е важна за издаваштвото за деца и за илустрацијата. Овојпат во 19 часот ќе разговараме на темата „Големи приказни од мали земји“. Трибината ќе ја модерира Сребра Ѓорѓијевска, а учествуваат: Никола Маџиров, Јулијана Величковска, Живко Грозданоски и Гоце Наумов.

Веднаш потоа, од 20 часот во рамките на ОФФ програмата на фестивалот следува креативна работилница за возрасни, што ќе ја види актерката Ангела Стојановска.

The post Денеска на „Литера“ трибина на тема „Големи приказни од мали земји“, средба со писателката Зејнеп Севде appeared first on Република.

Во четврток, 16 мај, во 13 часот, во просториите на Филолошкиот факултет „Блаже Конески“ (големиот амфитеатар, А3) во Скопје, ќе се одржи разговор на тема „Македонскиот роман и современите тенденции во светската книжевност“.

Учесници на разговорот што го организираат Фондацијата за унапредување и промоција на културните вредности „Славко Јаневски“ и Филолошкиот факултет „Блаже Конески“ се професорките Маја Бојаџиевска, Весна Мојсова-Чепишевска и Елизабета Шелева, како и писателите Владимир Јанковски и Петар Андоновски. Разговорот ќе го модерира Ѕвездан Георгиевски.

Настанот се одржува во рамките на одбележувањето на јубилејот 25 години од наградата „Роман на годината“.

The post Трибина „Македонскиот роман и современите тенденции во светската книжевност” на Филолошки факултет appeared first on Република.

Проекција на документарниот филм „Беласица“ (2023) на режисерката Марија Апчевска и трибина на тема менталното здравје во 21виот век на која ќе учествуваат:

• Ѓорѓе Хаџи-Анѓелковски, психијатар кој промовира нови решенија за третман на менталните растројства и промотор на процесите за де-инстуционализација.

• Анче Каевска - професор, гешталт терапевт и долгогодишен реализатор на гешталт работилници.

• Јасмина Лукановска, специјален едукатор и рехабилитатор, Арт окупационен терапевт со долгогодишно искуство во работа со деца со попреченост.

Филмот „Беласица“ го следи и го доловува богатото секојдневие на живеењето во заедница, за луѓето кои го поминале најголемиот дел од својот живот во институции.

Овој проект се реализира од месец јануари до мај во рамки на програмата Артс Хаб, на КСП Центар- Јадро, а се остварува со финансика поддршка на Фондацијата Отворено општество - Македонија.

The post Проекција на документарниот филм „Беласица“ од Марија Апчевска и трибина на тема: „Процеси, терапевтски практики и грижа во и вон институциите за ментално здравје“ во КСП Центар Јадро appeared first on Република.

„Состојбите во современиот македонски јазик: Македонскиот јазик во наставата“ е насловена трибината што по повод одбележувањето на 5 Мај - Денот на македонскиот јазик, денеска ја организира Катедрата за македонски јазик на Филолошкиот факултет „Блаже Конески“ при Универзитетот „Св. Кирил и Методиј“ во Скопје.

На трибината што ќе се одржи во Големиот амфитеатар на Филолошкиот факултет „Блаже Конески“ за воведничари се најавени Искра Пановска-Димкова и Гордана Алексова, додека за излагачи Славица Велева ‒ Филолошки факултет „Блаже Конески“, Оливера Тодороска ‒ Биро за развој на образованието, Марина Димитриева-Ѓорѓиевска ‒ Биро за развој на образованието, Ивана Лазаревска ‒ СУГС „Орце Николов“, Маријана Ѓоргиева-Ристевска ‒ СУГС „Орце Николов“, Назлие Мифтари Мемети ‒ ООУ „Лирија“ и Ивана Главичиќ-Цилкова ‒ ООУ „Петар Здравковски-Пенко“.

The post Катедрата за македонски јазик на Филолошки организира трибина за состојбите во современиот македонски јазик appeared first on Република.

На 2 април, вторник, во 18 часот, во Музејот на македонска борба и самостојност, ќе се одржи панел-дискусија за процесот на зборообразување во македонскиот јазик, организирана од група негови ентузијастични љубители, „современи зборци, понесени од љубовта кон нашиот јазик, неговата недокажана приказна, секојдневно соочени со потребата за негов развој“. Да им се придружиме и да бидеме дел од разговорот за иднината на македонскиот јазик.

Говорници во дискусијата ќе бидат проф. д-р Славица Велева, професорка по предметот Зборообразување на Филолошкиот факултет при УКИМ, Фросина Пармаковска, авторка, проф. д-р Илина Јакимовска од Институтот за етнологија и антропологија, кои ќе ги споделат своите истражувања, искуства и размислувања за значењето и влијанието на зборообразувањето како алатка за развој на македонскиот јазик. Настанот ќе биде модериран од новинарот Васко Попетревски.

„Ќе отвориме дискусија“, велат на Фејсбук организаторите, „ќе се запознаеме со теоретскиот и практичниот дел од процесот на создавање нови зборови и ќе го поставиме прашањето дали сме доволно продуктивни во негувањето и развојот на нашиот јазик.“

„Преку дискусијата, ќе се осврнеме на потребата од повторна кодификација на македонскиот јазик, разгледувајќи дали постојат аспекти што бараат освежување или модернизација во согласност со современите теченија. Дискусијата се надеваме ќе нѐ наведе кон размислување за зборовите што се сметаат за дел од македонската јазична средина, а сепак не се официјално признаени во речниците, истражувајќи ги нивните корени и значење.

Покрај тоа, ќе разгледаме од каде произлегува потребата за нови зборови и зошто оваа потреба е клучна за еволуцијата на јазикот.

Дали технолошкиот напредок, социокултурните промени или нешто трето е тоа што го принудува јазикот како жива материја да расте и да се развива? Но битно е и да ги поставиме и личните прашања – колкава е нашата улога во активното обликување на јазикот и дали сме мрзливи во употребата и развојот на македонскиот јазик или пак нашата креативност цвета на друг јазичен терен? На настанот ќе разговараме за овие прашања и ќе бараме начини како активно да придонесеме кон збогатувањето на нашиот јазик.

Овој настан е место каде што љубителите на македонскиот јазик, историја и култура, ќе можат да разменат идеи и да најдат сопствен начин за збогатување на нашето јазично наследство. Придружете ни се и бидете дел од разговорот за иднината на македонскиот јазик. Влезот е бесплатен“, велат организаторите Игор Антов и Виктор Бучковски.

Се надеваме дека тие со оваа и со други акции ќе успеат да му го вбризгаат насушно потребниот идеализам и оптимизам на македонскиот прекрасен, но напатен и запуштен јазик.

The post Во вторник трибина за зборообразувањето и иднината на македонскиот јазик appeared first on Република.

Претседателот на ВМРО-ДПМНЕ, Христијан Мицкоски на денешната дебата „Образовна платформа за иднина“ на тема „Нов концепт за развој на образованието“ која се одржа во Куманово спомена дека основниот фундамент е враќање на претшколското образование во рамките на министерството за образование.

Мицкоски додаде дека идната Влада на ВМРО-ДПМНЕ планира реорганизација во Владата, во самите ресори.

„Претшколската едукација односно предосновното образование треба да го вратиме онаму каде што припаѓа, а тоа е во рамките на министерството за образование и наука“, нагласи тој.

Тој рече дека е потребно и мотивација на наставно образованиот кадар.

„Потребно е да се поработи и на мотивација на наставно образованиот кадар. Како ќе се мотивираме? Ќе се мотивираме како што се мотивираат во најголем дел од случаите, многу помалку луѓето денеска се мотивираат на поинаков начин освен материјално и финансиски. ние се обидовме во нашата програма да најдеме еден вид синергија помеѓу науката и финансиското мотивирање. И што направивме? Дадовме предлог во кој што секој оној наставно образовен кадар на високо образовните институции кој што ќе објави труд во списание со фактор на влијание, а тоа списание е дел од индексираната база „Томсон Ројтерс“ позната во науката како „web of science“ тогаш следната година државата ќе одвои дополнителни 50% секој месец за неговата плата“, појасни претседателот на ВМРО-ДПМНЕ.

Мицкоски укажа дека ако за наставното образовно лице одвојува државата за неговата месечна плата нето 60.000 денари, а тој во претходната година објавил труд во списание на влијание, тогаш следната година 12 месеци државата ќе одвојува 90.000 денари за тоа образовно лице секој месец. Секој кој што ќе се занимава со наука ќе биде награден.

The post Мицкоски: Новата Влада на ВМРО-ДПМНЕ ќе ги награди сите наставно образовни лица кои се занимаваат со наука сo дополнителни 50% секој месец во неговата плата appeared first on Република.

Врсничкото насилство претставува всушност форма на агресивно однесување кое што е насочено кон едно или група на ученици. Причините за врсничко насилство и воопшто една личност да стане насилник се многу, но оние кои што се најдоминантни и се најзастапени и најсилни се токму оние од основната клетка од општеството, т.ес од семејството. Едно дете кое што е растено и по модел на учење сведочело на насилство огромна е шансата дека ќе биде и самото насилник. Тоа најчесто се дечиња кои не се воспитувани во насока да ја препознаваат, да ја градат кај себе како црта на личност емпатијата, тешко ги разбираат чувствата на другите, се дечиња кои што исто така и каењето како црта на личност не име доволно развиено и се дечиња кои што имаат потреба да ги контролираат останатите. На другата страна, односно на страната на жртвата според модел на учење и тие најчесто имаат некоја улога на жртва во семејството, тоа се поинтровертни дечиња, по молчеливи, дечиња кои што имаат можеби и поголема страв и помала самодоверба, па тешко се охрабруваат да признаат дека се жртва на насилство, вели Николина Ивановска Котевска, дипломиран психолог на денешната трибина насловена „Меѓуврсничко насилство: превенција и сузбивање“ во организација на Градскиот комитет на ВМРО-ДПМНЕ.

Ивановска Котевска истакна дека постои физичко насилство преку буткање, ударање, невербално насилство кое е тесно поврзано со емоционалното, психолошкото насилство кое се манифестира преку исмевање и она што е посебно актуелно во периодот сајбер насилството со кое што екстремно тешко се справуваме како општество.

На трибината се обрати и универзитетскиот професор Денко Скаловски кој рече:

Уште пред повеќе децении и пред масовната појава и употреба на мобилните телефони и дигиталните мас медиуми и социјалните мрежи воопшто светски познати и признати аналитичари, теоретичари и хуманисти предупредуваа на оваа опасност од создавање ново големо светско зло. Една од последните форми на тоа светско зло на модерната технолошка и милитаризација цивилизација, го дефинираме како сајбер булинг или врсничко насилство кое се врши преку компјутер или мобилен телефон.

Скаловски додаде дека треба што побрзо да се донесат ригорозни закони за сузбивање и ограничување на употребата на мобилната телефонија во воспитно образовните институции.

Елементарна морална должност и задача на политичките субјекти имено политичките партии е да го спречат остварувањето на оваа негативна утопија или дистопија затоа што одговорноста за иднината на нашите деца ја имаме ние денешните генерации, без разлика на приврзаноста кон идеолошки политички и партиски програми. Со други зборови, јас лично сметам дека што побрзо треба да донесеме ригорозни закони за сузбивање и ограничување на мобилната телефонија во воспитно образовните институции. Но, треба да избегнуваме и премногу дневна, краткорочна и парцијална политика и да го гледаме општиот и долгорочен интерес на нашето општество и нашата држава, и на нашите деца и следните поколенија да им овозможиме достоинствен, убав , здрав, долг и среќен живот. Но, не таму некаде низ светот, туку пред се овде во Република Македонија, дециден е Скаловски.

Она што јас мислам е дека добар пристап е да го ограничиме дејствувањето на екстремистички и радикални групи кон децата. Да можеме колку што може нашите деца да ги заштитиме до колку може поголема возраст да не бидат жртви, бидејќи децата и младите се најранлива категорија, а овие кои се од другата страна на мониторот се лица кои се врвно обучени да ги искористат сите слабости, истакна деканот на факултетот за детективи и криминалистика при Европскиот универзитет во Скопје Александар Нацев.

Нацев нагласи дека сериозно треба како држава да се занимаваме со безбедносниот систем.

Радикализацијата може да се спречи навреме, таа не настанува преку ноќ, тоа е процес каде нема заедничка формулација и секој случај за радикализација е засебен, кажа Нацев.

Свое обраќање имаше и универзитетската професорка и пратеничката Иванка Василевска која се осврна на раната превенција на булингот и социо-економските причини за појава на агресија кај младите за што рече дека една од главните причини за ваквата негативна појава е немањето на сенс за развивање на емпатија кај младите уште од најрана возраст.

„Сите ние педагозите знаеме дека секоја индивидуа е посебна и има различен тип на развој, различно се развива емоционалната интелигенција. Некои деца се интровертни, некои екстровертни, а некои имаат комбинација од двете архетипски типологии. Секако еден особено значаен момент кој се помалку го има и кај нас повозрасните е немањето на сенс за развивање на емпатија кај младите уште од најрана возраст. Таа емпатија ние ја добивавме кога бевме помлади, тоа е мојот впечаток, од нашите баби и дедовци, но денеска во денешно време кога нив најчесто ги нема во сликата, родителите играат свесно или несвесно, голема улога во развивањето на психофизичкиот развој на секоја млада индивидуа. Тој мост помеѓу семејството, родител, старател и образовниот процес, предучилишна возраст, основно, средно, па и на факултет кога ќе дојдат е особено значајна доколку се направи хармонија помеѓу истата, во голема мера самото општество може да ги згрижи овие индивидуи или навреме да превенира во недај боже несакани последици“, истакна Василевска.

Тоа што се случува како проблематика и феномен на меѓуврсничко насилство во детството, во младоста има силна рефлексија потоа во светот и животот на возрасните, вклучително во работниот однос. Оттаму работниот однос не можеме да го гледаме само како правен феномен, како свет регулиран со правни норми, закони, колективни договори, правилници. Трудот има своја подлабока феноменологија и тоа опфаќа психолошки и социолошки аспекти. Психологијата на трудот и социологијата на трудот се би рекол дури и побитни компоненти, од правните аспекти од неговата регулација, затоа што тие се внатрешниот живот, секојдневието, објасни Лазар Јовевски, професор и претседател на Комисијата за труд и социјална политика, еднакви можности и демографија на ВМРО-ДПМНЕ.

Јовевски посочи дека какви деца ќе се градат таква слика ќе се гледа во светот на трудот, укажувајќи дека мобингот, сексуалното вознемирување на работното место и дискриминаторско однесување извира токму од младоста.

Какви деца ќе гради, такви ситуации и слики ќе гледаме потоа во светот на трудот. Психолошкото вознемирување односно мобингот, сексуалното вознемирување на работното место, дискриминаторското однесување, извира од некаде а тоа е токму од младоста од детството. И сите вие кои сте биле жртви на психолошкото однесување согласно сфаќањата на шведските психолози всушност сте се соочиле со ликови кои што се насилници и кои што вршат терор, кажа тој.

The post Трибина за меѓуврсничко насилство-превенција и сузбивање: За превенција на врсничкото насилство потребно е поголема едукација во семејството и во училиштата appeared first on Република.

На трибина во Битола вчера јасно посочивме дел од проектите кои планираме како ВМРО-ДПМНЕ и влада да ги реализираме. тука пред се мислам на оние проекти кои значат стабилен електроенергетски систем, бидејќи главниот фокус беше на електроенергетскиот систем и тоа модернизација со десулфуризација и задоволување на критериумите за здрава животна средина, а воедно производство на електрична енергија од фосилно гориво како што е јагленот, изјави претседателот на ВМРО-ДПМНЕ, Христијан Мицкоски одговарајќи на новинарско прашање на тема енергетика при денешната посета на Гази Баба.

Мицкоски истакна дека пред се тука се мисли на РЕК Битола и продолжување на нејзиниот животен век.

- Главната порака наша е дека ни треба стабилен електроенергетски систем кој ќе обезбеди развој, затоа што без стабилен електроенергетски систем ќе немаме економски развој, секој инвеститор бара ресурс за да може својот производен погон да го изгради и пушти во функција. Имаме многу проекти, модернизација на РЕК Битола, нов пристап за проектот Чебрен, стимулирање на обновливата енергија и големиот зелен договор врз основа на пазарни услови, а не загарантиран откуп за поедини инвеститори, изградба на две когенеративни гасни постројки едната во Битола, една во Скопје со што би се задоволил топлинскиот конзум, потенцираше Мицкоски.

Мицкоски најави и сериозна и темелна истрага што се случува изминативе години во РЕК Битола со акцент на последните случување каде што сега на бегање, овие од владата планираат некаде околу 150 милиони евра тендери да распишат.

- Едниот го завршија избраа омилен свој подизведувач, другиот го имаат објавено.  150 милиони евра се однесуваат на период од 18 месеци, тие треба како раководство да се погрижат за следниве 50-60 дена да обезбедат услови за надежна работа, бидејќи ако го следиме примерот на функционерите на СДС кои земаа апанажи за година дена, тие не планираат да бидат влада бидејќи јасно кажаа што планираат, на овие директорчиња никој не им го кажал тоа и се уште ги полнат торбите не неколкумина политичарчиња кои ќе избегаат после 8 мај, изјави Мицкоски

The post Мицкоски: Владата на ВМРО-ДПМНЕ со проекти за стабилен електроенергетски систем, модернизација на РЕК Битола, нов пристап за Чебрен како и стимулирање на обновливата енергија appeared first on Република.

Да се провери дали Ковачевски пред настапот на трибината, бил на вински саем. Зошто ако не бил, немаше да кажува глупоости, дека откако тој е премиер, платата скокнала на чудесни 630 евра, на портите сме пред рајот и дека новото нормално е блаженството, кое секој сака да го достигне со СДС, велат од ВМРО-ДПМНЕ.

Единствено со што Ковачевски порасна, покрај криминалот е инфлацијата, цените на производите и сиромаштијата.Во Македонија до крајот на оваа 2023-та година, веќе ќе има 600 илјади граѓани, кои ќе живеат во сиромаштија, со 150 денари на ден, што е секој трет човек во државата, а таа бројка пред само неколку години била 360 илјади граѓани.

https://republika.mk/vesti/ekonomija/gi-oseti-li-nekoj-parite-sdsm-tvrdi-deka-im-vratile-2-6-milijardi-evra-na-graganite-i-kompaniite/

Со само 80 денари на ден, преживуваат 80 илјади луѓе. Ова се поразителни и катастрофални бројки и факт е дека никогаш не било полошо.

Затоа, важно е да бидат поразени.

The post Да се провери дали Ковачевски бил на вински саем пред да ја даде изјавата дека платата пораснала на 630 евра appeared first on Република.

Граѓаните можат да веруваат во подобра иднина на државата со СДСМ затоа што оваа партија значи државотворност, им обезбедува повеќе пари и европска перспектива, затоа што се идентификува со клучните успеси на македонски народ и македонската држава, истакна претседателот на СДСМ, Димитар Ковачевски на трибината „Повеќе за сите“, што вечерва се одржа во Кочани.

- Факт е дека во најголемата светска економско-енергетска криза обезбедивме економски раст, дека имаме надолен тренд кај инфлацијата што веќе е на ниво пред кризата, а има реален раст кај платите и пензиите и куповната моќ на граѓаните. Просечната плата СДСМ ја покачи на речиси 39.000 денари, или 630 евра, што е неспоредливо со времето на ДПМНЕ кога таа беше 360 евра. Кај граѓаните и компаниите вративме 2,6 милијарди евра. Само со последниот пакет антикризни мерки 662 милиони евра насочуваме кон 120 илјади млади лица, 187 илјади пензионери, како и кон 74 илјади социјално ранливи граѓани и над 70 илјади компании. Тоа е нашата грижа за сите, затоа што кога СДСМ е на власт има повеќе за сите, истакна Ковачевски.

На трибината во Кочани се обрати и членот на Централниот одбор на СДСМ, Љупчо Николовски, при што нагласи дека со досегашните и мерките што ќе следат во наредниот период актуелната Влада покажува дека е искрен и верен партнер на земјоделците.

-За првпат во досегашната практика за финансиска поддршка, и оризопроизводителите и сите други земјоделци в понеделник ќе добијат авансни 30 отсто од субвенциите, што требаше да ги чекаат во мај или јуни следната година. Поддршката за зелена нафта за 2024 година ќе изнесува 100 отсто, односно целосно ќе ги покриваме трошоците, за што се обезбедени 10 милиони евра. Тоа значи дека заедно со сите други земјоделци и производителите на ориз сега ќе добиваат по 3.200 денари за хектар. Ги склучивме и првите 206 договори за кофинансирање на инвестициите со по десет илјади евра за земјоделците на кои тоа им е основна дејност, а радува фактот што меѓу нив има 121 млад земјоделец, истакна Николовски.

Пред присутните на трибината „Повеќе за сите“, Николовски најави дека во јануари ќе се формира и Сојузот на млади земјоделци и тоа ќе биде прв случај во регионот, со намера да се задржат младите луѓе во државата и во земјоделството.

The post Ги осети ли некој парите? СДСМ тврди дека им вратиле 2,6 милијарди евра на граѓаните и компаниите appeared first on Република.

Грижата за сите е темелот на нашите мерки и политики со кои создаваме еднакви можности и подобри услови на секој човек, рече премиерот Димитар Ковачевски во улога на претседател на СДСМ на партиската трибина „Повеќе за сите“ во Битола. Ковачевски пред битолчани рече дека над 2 милијарди евра во изминатите 3 години се насочија кон граѓаните и компаниите, „со цел да се заштити животниот стандард, да се одржи ликвидноста на компаниите и економијата во целост“.

Тоа е повеќе за сите! Историски не се случило толку голема финансиска поддршка од државата, толку пари да се вратат назад кај граѓаните, кај стопанството. Горд сум на тоа што го постигнавме и знам дека сите во оваа сала, сите македонски социјалдемократи се горди на тоа. Само со последниот, 9-ти пакет антикризни мерки, 662 милиони евра насочуваме кон граѓаните, рече Ковачевски на трибината.

Според Ковачевски, со мерките и политиките на СДСМ никој не е оставен сам. Рече дека континуирано се работило на зголемување на ученичкиот и студентскиот стандард, за основците, средношколците, студентите од ранливи семејства, дека СДСМ се грижи за нив и за нивната социјална сигурност, како и за пензионерите, граѓаните од ранливите категории. Паралелно, како што рече Ковачевски, компаниите имаат силна поддршка и директни придобивки изминативе години откако СДСМ ја предводи Владата.

Преку Законот за финансиска поддршка на инвестициите, од неговото воведување до денес поддржавме се 919 компании со 100 милиони евра. За 6 години финансиската поддршка од државата кон домашните компании е зголемена за 11 пати. СДСМ обезбедува повеќе за сите! Со СДСМ има повеќе за сите но има и за државата. Во 2016 година странските директни инвестиции изнесуваа 338 милиони евра. Во 2022, година после пандемија со КОВИД-19 и во ек на глобална економска и енергетска криза, изнесуваа речиси 754 милиони евра. Двојно повеќе од тоа што биле во 2016 година! Инвестициите во ТИРЗ во 2016 изнесувале кумулативно 600 милиони евра, додека во 2023 заклучно со она што денес е постигнато, кумулативно изнесуваат 2 милијарди евра, рече Ковачевски.

„Повеќе за сите“, продолжи тој, е „целата наша посветеност на граѓаните, нашата социјалдемократска вредност, нашата цел, огледало на нашата грижа за сите граѓани, за државата“.

Според Ковачевски, „Повеќе за сите“ не е само слоган, не е само политика, економски мерки, бројки, туку тоа е „целата наша посветеност за подобар живот на граѓаните“.

Вели дека само со последниот, 9-ти пакет антикризни мерки, 662 милиони евра насочиле кон граѓаните.

Силна финансиска поддршка за ученици, студенти, млади, пензионери, ранливи, самохрани родители, домаќинства со ниски приходи, земјоделци, компании. 120.000 млади лица поддржуваме со овие мерки, 187.000 пензионери, над 74.000 социјално ранливи граѓани, 40.000 земјоделци, 600.000 домаќинства и над 70.000 компании. Тоа е повеќе за сите. Повеќе добиваат граѓаните, работниците, пензионерите, повеќе добиваат наставниците, професорите, лекарите, негувателките, повеќе има за младите, земјоделците, ранливите, фирмите. За сите! Ние знаеме дека секој поединец заслужува повеќе. Не само да добива повеќе, туку и да напредува, да биде спокоен за иднината негова и на генерациите што доаѓаат, рече Ковачевски.

Ковачевски рече дека „дури и во време на светска и економска криза, се справивме со сите можни предизвици и успешно ја поминавме кризата, никој не беше оставен сам“.

Не дозволивме да нема струја, парно, храна, гориво. Не дозволивме економијата да застане. И во такви тешки услови, обезбедивме економски раст, ја зауздавме инфлацијата и силно ги помагаме граѓаните, младите, студентите, учениците, пензионерите, ранливите, компаниите, рече претседателот на СДСМ, Димитар Ковачевски во Битола.

The post Ја зауздавме инфлацијата, обезбедивме економски раст и силно ги помагаме граѓаните, рече вечерва Ковачевски appeared first on Република.

Општеството треба да стане свесно за потребата од инклузијата на различностите, институциите да преземат обврска и да покажат поголем активизам за да може да се постигне некаква цел која навистина ќе им го подобри животот на овие луѓе, изјави претседателката на Комисија за образование на ВМРО-ДПМНЕ, Весна Јаневска на денешната трибина на тема „Инклузивно образование во Република Македонија, состојби, предизвици и перспективи“ по повод Меѓународниот ден на лицата со попреченост

Јаневска истакна дека за да се остварат правата на луѓето со попреченост треба да се остварат неколку услови меѓу кои достапност, образование, вработување и учество во социјални и културни настани.

Една од најважните елементи за овие луѓе е образованието и затоа денес го одбележуваме овој ден, затоа што образованието на овие луѓе треба да биде рано препознаено за да им се овозможи и прилагоди. Освен еднакви можности за образование, опфаќа и достапност, но и модифицирани материјали и услови за да можат да стекнат знаење, вештини компетенции. Покрај тоа треба да им се понудат индивидуални програми и трансфер од еден во друг степен на образование, рече Јаневска.

Јаневска нагласи дека сепак, ништо од тоа не може да се направи ако нема доволно специјализирани луѓе и експерти од таа област кои се потребни да работат со овие лица.

Мора да се зголеми видливоста за потребите на овие луѓе. Свесност, разбирање, волја, поддршка и борба и желба да направиме нешто добро во ова општество. Ова што е најважно е и поддршка на хероите родители на децата без оглед на која возраст се наоѓаат за да заедно со нив направиме посреќен ден на овие деца, изјави Јаневска.

Јаневска посочи дека Македонија има направено прилично но тоа никогаш не е доволно.

Мора да се преземаат повеќе чекори. Она што сите треба да го знаат дека идната влада на ВМРО-ДПМНЕ се обврзува да направи се што можно во можностите кои оваа држава може да ги понуди на целото општество да го подобри животот и чувството на благосостојба на овие лица, истакна Јаневска.

The post Јаневска: Идната влада на ВМРО-ДПМНЕ се обврзува да направи се што е можно им го подобри животот на лицата со попреченост appeared first on Република.

На трибината „Ние сме Европа“, која започна вечерва од Скопје, од плоштадот Јадран, на темата: „ЕУ за македонската економија“, покрај премиерот Ковачевски, вицепремиерот за европски прашања Маричиќ, министерот за економија Бектеши, амбасадорот на Кралството Шпанија во земјава, Н.Е. Хозе Луис Лозано Гарсија, свое обраќање имаа и претставничката на бизнис заедницата, Ирена Јакимовска од Комфи Ангел и Благица Петрески, извршна директорка на Институт за економски истражувања, Finance Think. Сметам дека економските бенефити кои членството во ЕУ ги носи се клучни кои може да ги почувствуваат сите граѓани, бидејќи тоа секој го чувствува преку платите, пензиите, животниот стандард.

Благица Петрески од Институтот за економски истражувања рече дека економските бенефити се клучна придобивка од преговорите со ЕУ и не се прашање за треба да се зборува туку едноставно тоа може да се почувствува преку нашите плати, пензиите, животниот стандард на студентите, животниот стандард на нашите деца и условите во коишто живеат, нагласувајќи дека процесот за членство во ЕУ е тој којшто може сите овие аспекти да ги подобри.

- Овој процес на преговори ни претставува прво крајна цел и форма на регулатива која треба да ни го покаже правиот пат. За одредени структурни реформи како што се затворање на јадовите на пазарот на труд како што се зголемување на писменоста нас ни се потребни реформи кои може да траат и со децении. Ние денес треба да започнеме со реформи во образование за после 10 години да имаме кадар којшто ќе излези работна сила којашто ќе кажеме дека може да придонесе којашто е доволно продуктивна за компаниите да остварат профит или за да ја подигнеме економијата, објасни Петреска.

Таа рече дека примарниот исход од преговорите со ЕУ е дека нашето општество ќе се трансформира, ќе донесе усогласување на законите, усогласување на политиките на институциите коишто ќе нудат ист квалитет и стандарди како што се оние на Европската Унија. Како една крајните клучни цели на овој процес е конвергенција на нашиот доход со доходот на ЕУ што значи дека доходот на помалку развиените земји како нашата треба да се доближи до земјите кон коишто стремиме да се зачлениме тоа е земјите на ЕУ, додавајќи дека тој во моментов изнесува само 39% и според неа е недоволно бидејќи како што кажа Петрески имаме уште многу простор истиот да се подобри.

Јакимовска пак рече дека тие во Комфи Ангел се Европа, бидејќи нивниот купувач, а истовремено и добавувач е она нешто што е многу клучно и битно во целиот бизнис и циклус во креирањето на една компанија и нормално почитување на нивниот купувач, како едни од европските стандарди кои ги практикуваат и промовираат во оваа компанија.

- Фактот што нашите купувачи се во Европа немаме друга алтернатива освен да работиме по европските стандарди и така треба да биде во секој дом во секоја компанија во цела држава, додаде таа.

Јакимовска порача дека сака да живее во европска држава, дека си ја сака државата, родителите, компанијата бидејќи и таа е Европејка и дека ќе направи сè македонската компанија Комфи Ангел да биди пример и најдобрата компанија која извезува македонски производ во Европа.

Серијата трибини во рамки на кампањата „Ние сме Европа“ продолжува во петок со трибина во Струмица посветена на трудот и социјалната политика.

The post Бизнисите и граѓанското општество гледаат стабилност и извесност на македонската економија со членството во ЕУ appeared first on Република.

Денеска, 30 август 2023 година (среда), со почеток во 19:00 часот, на плоштадот Јадран (кај Арапска куќа) во Скопје, ќе се одржи првата отворена трибина во рамки на кампањата „Ние сме Европа, на тема: „ЕУ за македонската економија", на која обраќање ќе има претседателот на Владата на Република Македонија, Димитар Ковачевски.

Покрај претседателот на Владата, Ковачевски на отворената трибина ќе говорат и Бојан Маричиќ, вицепремиер за европски прашања, Крешник Бектеши, министер за економија, Хозе Луиз Лозано Гарсија, амбасадор на Кралството Шпанија во земјава, Благица Петрески-Finance Think, како и Ирена Јакимовска, од компанијата Комфи Ангел.

Во рамки на напорите на Владата на Република Македонија за исполнување на стратешката цел - полноправно членство во Европската Унија, Секретаријатот за европски прашања организира серија настани во повеќе општини низ државата, со цел да спроведе информативен караван на настани под мотото „Саем на европски вредности“. Во рамки на караванот ќе се презентираат можностите и придобивките од преговорите кои ги нуди членството во ЕУ.

Со овој настан официјално започнува кампањата „Ние сме Европа“ која ќе се реализира во 8 градови низ државата и тоа: Скопје, Битола, Куманово, Охрид, Прилеп, Струмица, Тетово и Штип, кои ќе имаат конкретна тематска област, односно економија, култура, енергетика, туризам, земјоделие, млади, инфраструктура и социјална политика.

The post Ковачевски ќе се обрати на првата отворена трибина од кампањата „Ние сме Европа“ appeared first on Република.

Трибина насловена „Погрешните економски политики-предизвик за преживување на стопанството и граѓаните“ ќе се одржи денеска со почеток во 11 часот во просториите на ВМРО-ДПМНЕ.

Како што е најавено на трибината ќе се обратат Гордана Димитриеска Кочоска, потпретседател на ВМРО-ДПМНЕ, Анастасија Илиеска, Дајанчо Ефтимов, пратеник во македонскиот парламент.

Модератор на трибината ќе биде Димче Арсовски, портпарол на ВМРО-ДПМНЕ.

The post Трибина на ВМРО ДПМНЕ: „Погрешните економски политики-предизвик за преживување на стопанството и граѓаните“ appeared first on Република.

На денешната трибина на ВМРО-ДПМНЕ насловена „Корупцијата и криминалот, приоритет на власта на ДУИ и СДС“, свое обраќање имаше и членот на ИК на ВМРО-ДПМНЕ и пратеник Драган Ковачки кој зборуваше за фирмите на фамилијата Ахмети и сомнителните тендери кои ги добиваат, а ги повика и државните органи да истражат бидејќи има индиции за сериозно влијание и сериозна трговија со интерес.

Поврзано со тој клан Ахмети ние имаме 4 фирми од кои што денеска ние ќе разгледаме 2. Ќе потсетам дека „Еверест ЏД“ беше фирата која што во време на СДС и на ДУИ во 2006 година доби концесија за ископ на варовник, а истата таа фирма има склучено договор пред само месец дена со државната ЕСМ за продажба на варовник во висина од 3,6 милиони денари. Значи го копаат, добиваат државна концесија, го копаат тој варовник и го продаваат повторно на државна фирма. Прашање е колку од тие пари завршуваат директно кај лидерот, односно кај шефот на тој клан. Понатаму имаме информации дека токму тој клан односно таа фирма „Еверест ЏД“ е вклучена, односно носи тампон за потребите на изградбата на инфраструктурата долж Коридорот 8 и се поставува тука прашањето дали е таа фирмата која што и во иднина со новиот изведувач на работите во Коридорот 8 на отсечката од автопатите, ќе биде таа која што ќе одредува кој ќе биде подизведувач и дали преку неа ќе оди целиот тој тампон. Понатаму фирмата „Тор индустрис“ која што ја споменавме со „Соравиа“ е фирма која што во моментов работи како подизведувач на Коридорот 8 на одредени делови и има склучено договори во вредност од околу 1,3 милиони евра. Истата фирма „Тор индустрис“ во сопственост на Дрин Ахмети од кланот Ахмети работи со изградба на делницата Извор-Гарски Мост што е во висина од 6 милиони евра. Тука се поставува прашањето дали овие фирми на кланот Ахмети се тие кои што во иднина ќе одредуваат кои ќе бидат подизведувачите на Коридорот 8, односно за потребите з изградба на автопатите и колку од тие пари ќе завршуваат кај Али Ахмети и дали тоа не е причина плус за да се ангажираат државните органи за да ги подистражат овие работи затоа што ценам дека има сериозно влијание и сериозна трговија со интерес, истакна Ковачки.

Тој исто така истакна дека од собраниската говорница го повикал премиерот да собере храброст и да побара одговорност за ваквите сомнителни зделки поврзани со фирмите на кланот Ахмети, но очигледно ништо од тоа нема да се случи бидејќи системот е корумпиран.

Поврзано со кланот Ахмети, ние во изминатиов период, дури и вчера имавме и пратенички прашањана кои што го прашувавме премиерот дали ќе побара одговорност од господинот Али Ахмети, лидерот на тој клан, дали ќе побара одговорност од јавниот обвинител за гонење на организиран криминал господинот Ислам Абази, човекот кој што го видовме во една опуштена фамилијарна атмосфера му седат на глава. Прашањето е дали ќе се покрене, а сите знаеме дека од тоа нема да има ништо затоа што системот е корумпиран, системот е заробен и се е под контрола. Не очекуваме дека нешто ќе направат од тој аспект меѓутоа го повикавме премиерот барем еднаш да се покаже дека е навистина премиер и да го повика оној јавен обвинител Јовески кој што е врвот на пирамидата и да ги спроведе тие дејствија кои што се потребни кон својот, на некој начин подреден, јавниот обвинител Ислам Абази“, потенцираше Ковачки и додаде:

„Дефинитивно на сите им е јасно и целата македонска јавност виде за каков клан станува збор за какви лица станува збор, односно за лидерот на тој клан и дека ним ништо не им е важно, не им се важни националните агенди, туку им е важно како повеќе да заработат пред падот од власт“.

The post Ковачки: Фирмите од кланот Ахмети добиваат државни тендери од ЕСM и изградба на патишта, ги интересира само како да се збогатат пред да паднат од власт appeared first on Република.