30-годишна жена била убиена во Дортмунд, Германија. Насилникот кој бил од Македонија ја избодел со месарски нож и тоа пред трите малолетни деца, соопштува Билд.

Жената сакала да се раздели од насилниот сопруг, и да почне нов живот. После настанот мажот побегнал и ја оставил жената да крвари во ходникот. Малите деца го пријавиле случајот кај соседите. Децата биле на возраст од 3, 4 и 6 години.

Билд пренесува дека жената неодамна се разделила од сопругот кој бил македонски државјанин. Жената долго време трпела семејно насислтво, а на крајот на октомври се преселила со нејзините три деца во нов стан во Дортмунд.

Сторителот потоа бил фатен на автопат во Вирцбург, а се претпоставува дека тргнал да бега на пат кон Македонија. Моментално е во притвор во Нирнберг, од каде ќе биде префрлен во Дортмунд.

Децата првично биле згрижени од Канцеларијата за заштита на младите и прегледани во детска клиника.

The post Македонски државјанин во Германија избодел жена до смрт пред трите деца appeared first on Република.

Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.

По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.

The post Мајка со трите деца се фрлила в река во Албанија, не можела да го поднесе малтретирањето од сопругот appeared first on Република.

Четири лица загинаа, меѓу кои три деца, во пожар што зафати зграда во северозападна Шпанија каде што луѓето се сквотирале, соопштија денеска локалните власти.

Сквотирањето е зафаќање простори без дозвола на сопственикот, кои обично се празни и запоставени долго време.

Службите за итни случаи првично соопштија дека сите четири жртви се на возраст од 9 до 14 години, но градоначалникот на Виго, Абел Кабаљеро подоцна рече дека една жртва е возрасно лице. Други девет лица се пренесени во болница, а тројца повредени, меѓу кои и едно дете, се во тешка состојба.

Поради трагедијата, градот Виго прогласи тридневна жалост за жртвите.

The post Во пожар во зграда во Шпанија загинаа три деца и еден возрасен appeared first on Република.

Три деца кои боледуваат од ретката болест Ахондроплазија добија лек, објави на својот профил на фејсбук министерот за здравство Фатмир Меџити.

Со големо задоволство можам да информирам дека три храбри дечиња со ретка болест го добија потребниот лек кој ќе влијае на подобрување на нивниот квалитет на живот. Првпат со јавна набавка за обезбедување на лекови за ретки болести за 2023 година, набавен е лек за пациентите со ретка болест Ахондроплазија, објави Меџити.

Меџити информираше дека лекот Vosoritide е испорачан на Универзитетската клиника за детски болести и е обезбеден за три пациенти, како што било побарано од самата клиника.

За набавка на лекот Vosoritide обезбедени се дополнителни 50 милиони денари во буџетот на Програмата за лекување на лица со ретки болести.

Лекот е клучен за третманот на болеста и влијае на поттикнување на развојот на пациентите со Ахондроплазија, болест која се манифестира со џуџест раст, веднаш по раѓањето.

The post Првпат три деца кои боледуваат од ретката болест Ахондроплазија добија лек appeared first on Република.

Кризата со храна и енергија предизвикана од конфликтот во Украина предизвика натамошни последици за социјалната кохезија, економскиот развој и фискалниот простор во Македонија. Од континуираниот раст на цените кои достигнаа највисоко ниво досега најмногу се засегнати децата и семејствата, порача претставничката на УНИЦЕФ Патриција ди Џовани на презентацијата на студијата „Ефектите од кризата со храна и енергија врз децата и семејствата во Македонија, изработена од Finance Think во соработка со Канцеларијата на УНИЦЕФ во Скопје.

Во 2022 година во споредба со 2021 година цените се зголемени за 14 проценти при што цента на храната е зголемена за 22,7 отсто, а кај некои видови на храна зголемувањето е за 36 проценти. Овој ценовен шок најмногу ги засега семејствата со три и повеќе деца и оние со ниски примања кои најголем дел од семејниот буџет го трошат за храна – рече Ди Џовани.

-Во 2022 година зголемените цени на храната и на енергијата во сиромаштија доведоа нови 13.000 граѓани од кои 5.000 се деца. Во 2023 година се очекува да продолжи ценовната криза која ќе предизвика дополнителни 20 илјади луѓе да бидат на работ на сиромаштијата од кои 5.000 ќе бидат деца. Тоа значи дека 10 илјади деца ќе бидат во сиромаштија – посочи таа.

Министерот за економија Крешник Бектеши истакна дека Министерството за економија уште од почетокот на кризата носи континуирани мерки за поддршка на граѓаните.

Покрај тоа што државата субвенционираше 80 отсто од електричната енергија за домаќинствата и малите потрошувачи уште минатата година кога започна кризата креиравме посебна програма во Министерството за економија преку која се реализираше мерката за субвенционирање на сметката за електрична енергија за најранливите категории на граѓани. Мерката е продолжена и во текот на оваа година. Ја искористиле повеќе од 8.000 домаќинства кои биле поддржани со 600 до 800 денари за секоја фактура за струја, а доколку имаат заштеда на енергија повеќе од 10 отсто добиваат и дополнителни 200 до 300 денари – рече Бектеши.

-Како институција и Влада, сметаме дека се добредојдени ваквите анализи и конференции. Заклучоците од нив треба да бидат вклопени во владините програми во делот на менаџирање на енергетската и на економската криза. Повеќе од наодите, одржливите препораки и идеи кои ќе излезат од денешните дебати ќе бидат земени во предвид и ќе бидат вметнати во новите мерки за поддршка на најранливите граѓани – изјави Бектеши.

Заменик-министерот за труд и социјална политика Енвер Хусејин посочи дека Министерството за труд и социјална политика уште од време на ковид кризата со наменски и таргетирани финансиски мерки кон најранливите корисници и пензионерите делуваше на намалување или ублажување на ценовните шокови што ги наметнаа пазарите.

Сега во ек на економска криза и најавена криза за храна повторно сме исправени пред уште еден предизвик со кој треба да најдеме и спроведеме најдобри решенија и да обезбедиме заштита за сите. Ја зголемивме висината на посебниот додаток за 15 отсто за сите три подвидови на корисници. Дополнително во јануари се направени усогласувања на правата од социјална и детска заштита со трошоците на живот. Корисниците на правата за јануари добија за 14,2 отсто повисоки исплати на правата. За корисниците на посилен додаток тоа е зголемување на правото за речиси 30 отсто – рече Хусејин.

The post Семејствата со три и повеќе деца и оние со ниски примања најмногу засегнати од ценовната криза appeared first on Република.

Во Албанија за првпат почна да се реализира државна програма за социјална заштита на невработени жени со три или повеќе деца до 18 години.

Од 1 јануари мајките со три или повеќе деца, кои аплицираат во е-Албанија, ќе имаат корист од новата политика за поддршка на невработените мајки со деца до 18 години, на кои државата ќе им гарантира здравствено и социјално осигурување во првите 5 години по раѓањето на детето и тоа им се признава како работен стаж, вели албанскиот премиер Еди Рама.

Тој на социјалните мрежи сподели информативно видео за тоа како може да се аплицира преку владиниот портал е-Албанија и упати апел оние кои ги исполнуваат условите да аплицираат. Со пријавување на платформата е-Албанија, мајките со три или повеќе деца можат да аплицираат во програмата за државна поддршка за плаќање на здравствени и социјални придонеси.

Тој додава дека за оваа цел од буџетот ќе бидат издвоени средства во износ од 600 милиони лека (над 5,2 милиони евра) а ова право ќе го остварува секоја жена чие семејство има приход до 100 илјади лека (877 евра) месечно.

The post Албанија воведува посебна заштита за домаќинки со три или повеќе деца appeared first on Република.

Жена од Бруклин со историја на ментална болест признала дека ги убила своите три деца.

Полицијата пронашла 4-месечно момче, 4-годишно девојче и 7-годишно момче во Кони Ајленд, на само три блока од нивниот стан.

Како пренесува „Њујорк пост“, мајката им рекла на роднините дека ги „удавила своите три деца“, а полицијата ја нашла како боса и во наметка се шета по плажата.

Мајката беше целосно мокра. Дали од дождот или била во вода, во овој момент можеме само да шпекулираме. Беше мокра, боса и не одговараше на прашањата на полицајците, изјавил началникот на њујоршката полиција Кенет Кори.

Жената била пренесена од полициската станица во болница во Бруклин.

Полицијата започнала потрага по децата откако биле известени од член на семејството кој им кажал дека мајката им кажала дека си ги убила децата.

Децата биле пронајдени неколку часа подоцна на плажа на Кони Ајленд.

Во моментов бараме очевидци“, рече Кори. „Не знаеме што се случило овде… Ќе се обидеме да составиме слика од сѐ, додаде началникот на полицијата.

Засега не се знае дали мајката ги малтретирала или запоставувала своите деца.

Полицијата ги истражува сите околности на овој трагичен настан.

The post Мајка од Бруклин си ги удавила трите мали деца, полицијата ја нашла додека се шета appeared first on Република.