Се очекуваат потенцијални прекини поради тековниот проблем на глобалните ИТ системи, кој не зависи директно од „Виз ер“.

„Како и сите авиокомпании денес, „Виз ер“ се соочува со екстремни технички предизвици со прекинот на глобалните ИТ системи од трета страна. Патниците на „Виз ер“ може да доживеат прекини низ мрежата бидејќи услугите на вебстраната и мобилните апликации привремено се недостапни.

Следниве онлајн услуги во моментов не се достапни:

Веб-страница и мобилна апликација на Виз ер;
Систем за резервации;
Онлајн систем за пријавување и прикажување на картата за патување;
Контакт центри – нови резервации и промени на постоечките.

За време на прекинот, достапно е бесплатно пријавување на аеродромот. Затоа, ги советуваме патниците да пристигнат на аеродромот најмалку 3 часа пред закажаното време на поаѓање за да овозможат доволно време за пријавување, безбедносна контрола и здравствени и безбедносни процедури специфични за аеродромот.

Ви благодариме за разбирањето додека се справуваме со ефектите од глобалниот прекин на ИТ системите. Тимот на „Виз ер“ прави се што е можно за да се минимизираат нарушувањата за нашите патници”, велат од „Виз ер“.

The post „Виз ер“ ги предупредува патниците да пристигнат на аеродром најмалку три часа пред нивниот лет денеска appeared first on Република.