Глобалните воени трошоци во 2023 година се зголемиле за 6,8% на годишно ниво и достигнале ново рекордно високо ниво од 2.443 милијарди долари, при што, трите најголеми трошачи се САД, Кина и Русија, покажуваат новите податоци објавени од Стокхолмскиот меѓународен институт за истражување на мирот (СИПРИ).

Светските воени расходи пораснаа деветта година по ред на историски максимум од 2.443 милијарди долари“, соопшти СИПРИ.

Од Институтот додаваат дека покрај тоа, воените трошоци се зголемиле во сите пет географски региони дефинирани од СИПРИ.

САД остануваат најголемиот воен трошач во светот со удел од 37% од вкупниот светски износ и потрошени 916 милијарди долари во 2023 година. Следуваат Кина со 12% удел и потрошени 296 милијарди долари и Русија со 4,5% удел и потрошени 109 милијарди долари на одбраната, што е зголемување од 24 отсто во споредба со 2022 година.

Украина, осмиот најголем потрошувач во 2023 година, ги зголемила своите воени трошоци за 51% на годишно ниво на 64,8 милијарди долари, што е 58% од вкупните владини трошоци на земјата.

Блискиот Исток забележува пораст на воените трошоци за 9%, при што израелските трошоци се зголемиле за 24% до 27,5 милијарди долари во услови на неговата операција во Појасот Газа, додава Институтот.

The post Светот забрзано се вооружува: Глобалните воени трошоци достигнаа историски максимум од 2.443 милијарди долари appeared first on Република.

Вредноста на договорите за купување оружје преку американската влада во фискалната 2023 година изнесува рекордни 80,9 милијарди долари.

Тоа е највисоката годишна вредност некогаш забележана. Исто така, ова е зголемување од 55,9% во однос на 2022 година.

Во продолжение дел од склучените договори:

▪️ 48 лансери „Патриот“, стотици проектили, 12 ЛТАМДС радари за Полска - 15 милијарди долари;

▪️ 96 ударни хеликоптери „Апачи“ за Полска - 12 милијарди долари;

▪️ 486 Хајмарс МЛРС за Полска - 10 милијарди долари;

▪️ 60 транспортни хеликоптери „Чинук“ за Германија - 8,5 милијарди долари;

▪️ 20 транспортни авиони Ц-130 „Херкулес“  за Австралија - 6,35 милијарди долари;

▪️ 16 противподморнички патролни авиони П-8А „Посејдон“ за Канада - 5,9 милијарди долари;

▪️ 25 ловци Ф-35 за Јужна Кореја - 5 милијарди долари;

▪️ Систем за контрола на воздушната одбрана ИБЦС за Полска - 4 милијарди долари;

▪️ 116 тенкови М1А1 „Абрамс“ за Полска со муниција - 3,75 милијарди долари;

▪️ 183 оклопни транспортери „Страјкер“ за Бугарија - 1,5 милијарди долари;

▪️ 18 транспортни хеликоптери „Чинук“ за Јужна Кореја - 1,15 милијарди долари.

The post САД добиле рекордни нарачки за продажба на американско оружје appeared first on Република.

Во услови на зголемени геополитички тензии, нарачките на глобалните одбранбени компании растат“. Најголема финансиска корист од конфликтот во Украина имаат најголемите компании за производство оружје во САД и Велика Британија, чии приходи достигнаа рекордно ниво, се наведува во анализата на „Фајненшл тајмс“.

Анализата на 15 одбранбени компании, која ги вклучува не само најголемите американски производители, туку и британската „BAE Systems“, заедно со јужнокорејската „Hanwha Aerospace“, покажа дека заостанатите нарачки на првите петнаесет компании достигнаа 777 милијарди долари на крајот на 2022 година, пишува во американскиот весник.

Во првите шест месеци од 2023 година, пак, заостанатите нарачки достигнале 764 милијарди долари. Бројката продолжува да расте додека владите продолжуваат да даваат нарачки.

Јужнокорејскиот производител на оружје „Hanwha Aerospace“ забележал најзначаен раст на нарачките. Помеѓу 2020 и 2022 година, заостанатите нарачки се зголемиле од 2,4 милијарди долари на 15,2 милијарди долари - вклучително и како резултат на испораки поврзани со Украина.

Обемот на нарачки се зголемил и во германскиот концерн „Рајнметал“ - од 14,8 милијарди долари на 27,9 милијарди долари.

Според Стокхолмскиот меѓународен институт за мировни истражувања, воените трошоци во Европа го покажуваат најостриот пораст од година во година во последните 30 години, бидејќи владите во регионот објавија нови нарачки за надополнување на националните резерви исцрпени од воената помош за Украина.

The post Западните производители на оружје профитираат од војната во Украина: Брзо растат глобалните нарачки на оружје appeared first on Република.

Портпаролката на руското Министерство за надвореши работи, Марија Захарова реагираше на изјавата на шефицата на британската дипломатија Лиз Трас за „погубното влијание на Русија на Балканот“.

Таа потсети како западната коалиција, заедно со Лондон, тргувала со органи и шверцувала оружје на Косово и Метохија во 1990-тите.

The post Захарова: Лондон ја штитеше трговијата со органи и шверцот со оружје во Косово appeared first on Република.

Во последниот извештај на Стокхолмскиот меѓународен институт за мировни истражувања (СИПРИ), кој ја следи трговијата со оружје, се наведува дека од 2017 до 2021 година трговијата со оружје во Европа е зголемена, дека земјите од Персискиот залив се водечки увозници и дека Израел останува главен играч на пазарот.

Во извештајот објавен минатиот месец се вели дека Израел учествувал со 2,4 отсто во меѓународниот извоз на оружје и воена опрема (АМЕ) меѓу 2017 и 2021 година, а главни примачи се Индија, Азербејџан и Виетнам. Сепак, извозот на оружје на Израел паднал за 5,6% во тој период во споредба со претходните пет години.

Единствените други земји на Блискиот Исток меѓу 25-те најголеми извозници на AME биле Турција (12-то), Обединетите Арапски Емирати (18-то) и Јордан (25-то).

Првите пет земји кои доминираат во светската трговија со 77% од вкупниот извоз: САД со 39%, Русија (19%), а потоа следуваат Франција, Кина и Германија во многу помала мера. Други земји во првите десет добавувачи на оружје на странските пазари биле Италија, Обединетото Кралство, Јужна Кореја и Шпанија.

Според СИПРИ, кој идентификувал 60 земји извознички на оружје во тој период, Европа и Cеверна Америка учествуваат со 87% од вкупниот извоз на оружје.

Во студијата се наведува дека во наведениот период светската трговија со оружје и воена опрема паднала за 4,6 отсто. Но, испораката на оружје за Европа се зголемила за 19% поради тензиите со Русија, а тоа се случило многу пред почетокот на воената операција во Украина. Обединетото Кралство, Норвешка и Холандија биле најголемите увозници на оружје во Европа.

https://www.youtube.com/watch?v=UjiFzmYVG7w&feature=emb_title

САД го зголемиле својот удел на глобалниот пазар на оружје за 7% и се далеку пред Русија, вториот најголем извозник. Помеѓу 2017 и 2021 година,САД доставиле оружје во 103 земји, а повеќето од тие испораки биле борбени авиони, а потоа ракети и оклопни возила.

Најголем дел од американските испораки на воени производи бил на Блискиот Исток. Русија главно испорачувала оружје на Индија, Кина, Египет и Алжир, додека нејзиниот вкупен извоз на оружје е намален за 26 отсто, се вели во студијата.

Израел бил 14-ти најголем увозник на оружје со 1,9 отсто светски удел. 92% од израелскиот увоз доаѓа од САД, главно ловци од петтата генерација Ф-35 и и наведувани бомби,  а потоа следат испораките од Германија и Италија. Германија на Израел му доставува подморници.

Вкупниот израелски увоз скокнал за 19 отсто во однос на претходните пет години.

The post Испораката на оружје за Европа се зголемила многу пред војната во Украина: Ова се главните играчи на светскиот пазар appeared first on Република.