Во РЕК Битола пристигна трансформаторот кој беше испратен на поправка во Србија, по оштетувањето настанато во пожарот во ноември 2021 година, соопшти АД ЕСМ.

Постројката ќе биде сместена во трансформаторскиот дел на Термоелектраната и ќе се чува како резерва, што е првпат во своето четириесетгодишно постоење, РЕК Битола да има резервен трансформатор кој би можел веднаш да биде ставен во функција со цел непречено производство на електрична енергија.

Трансформаторот на Блок 3 на РЕК Битола беше оштетен во пожар кој избувна заради зголемен напон кој дојде во постројката од преносната мрежа. По неуспешните обиди за негово ставање во функција од страна на стручни лица во РЕК Битола, МЕПСО и експерти од Електротехничките факултети во земјава, трансформаторот беше испратен и успешно поправен во фабриката Комел во Србија.

Во моментов, Блок 3 работи со новонабавениот трансформатор монтиран во јануари, наведуваат од АД ЕСМ.

The post Во РЕК Битола пристигна поправениот трансформатор кој изгоре во 2021 appeared first on Република.

Министерот за економија, Крешник Бектеши објави видео со конечно добредојде за трансформаторот кој долго патува од Турција преку Грција за РЕК Битола.

– Целосно подготвени за зимата… после повеќе години РЕК Битола работи на фул капацитет!- објави Бектеши.

Транспортот на 400-киловолтниот трансформатор, тежок 240 тони, се вршеше по пат низ Турција, потоа бродски и патен транспорт низ Грција, и конечно од преминот Меџитлија стигна во РЕК Битола.

https://www.youtube.com/watch?v=Zz6CsvWvyxQ&t=1s

Носечката единицa од трансформаторот за Блок 3 во РЕК Битола пристигна во кругот на комбинатот, информираат од АД ЕСМ.

-Следува фаза на монтирање и процес на пуштање во производство на блокот во следните десетина дена. Со тоа се создава можност во јануари да работат сите три блока во РЕК Битола, како и сите други електрани со максимален капацитет, соопшти ЕСМ.

Производството на АД ЕСМ, се посочува во соопштението, во моментот достигнува речиси 19.000 мегават часови електрична енергија дневно и со него се покрива целосно регулираниот пазар, односно домаќинствата и малите потрошувачи, како и најголемиот дел од дополнителните снабдувања по одлуки од Владата.

-Само мал дел електрична енергија се набавува. Со третиот блок планирано е производството уште повеќе да се зголеми, посочуваат од АД ЕСМ

The post Бектеши свечено го пречека трансформаторот за РЕК Битола appeared first on Република.

Новиот трансформатор за Блок 3 на РЕК Битола е на пат од Солун кон граничниот премин Меџитлија, информираше компанијата преку соопштение.

„Трансформаторот се изработуваше во фабриката Астор во Турција и се очекува на 22 ноември да биде во РЕК Битола. Трансформаторот е тежок 240 тони и од Турција се пренесува со специјална композиција, преку копно низ Турција, бродски до солунското пристаниште и од таму повторно по копно се движи кон крајната дестинација – РЕК Битола. За композицијата долга 60 метри преземени се специјални услови за движење, зајакнување на патната инфраструктура на одредени делови на трасата, посебна сообраќајна регулација и управување со мала брзина. Откако трансформаторот ќе пристигне во РЕК Битола, ќе бидат потребни 10-тина дена за негова монтажа и ставање во погон“, се вели во соопштението.

The post Новиот трансформатор за РЕК Битола тргна од Солун, тежок е 240 тони и долг е 60 метри appeared first on Република.

Новиот трансформатор за Блок 3 во РЕК Битола кој се изработуваше во фабрика во Турција, вчера изутрина тргна со специјален камионски транспорт кон Битола. Трансформаторот се очекува да пристигне во РЕК Битола на 22 ноември, по што ќе бидат потребни 10-тина дена за да се изврши негова монтажа.

Како што информираат денеска од ЕСМ, 400-киловолтниот трансформатор со тежина од 240 тони се пренесува со специјална композиција преку патен транспорт низ Турција, бродски и патен транспорт низ Грција, и патен од преминот Меџитлија до РЕК Битола.

Композицијата долга 60 метри побарува специјални услови за движење, зајакнување на патната инфраструктура на одредени делови на трасата, посебна сообраќајна регулација и управување со мала брзина.

Транспортот тргна со задоцнување од една седмица од предвидениот рок, поради подолгото време кое беше потребно да се осигураат сите услови и соодветни дозволи за движење во Република Грција, кои произлегуваат токму од специфичноста на овој транспорт, велат од ЕСМ.

The post Трансформаторот за РЕК Битола тргна од фабриката во Турција appeared first on Република.

Новиот трансформатор за Блок 3 во РЕК Битола кој се изработуваше во фабрика во Турција, вчера изутрина тргна со специјален камионски транспорт кон Битола. Трансформаторот се очекува да пристигне во РЕК Битола на 22 ноември, по што ќе бидат потребни 10-тина дена за да се изврши негова монтажа.

Како што информираат денеска од ЕСМ, 400-киловолтниот трансформатор со тежина од 240 тони се пренесува со специјална композиција преку патен транспорт низ Турција, бродски и патен транспорт низ Грција, и патен од преминот Меџитлија до РЕК Битола.

Композицијата долга 60 метри побарува специјални услови за движење, зајакнување на патната инфраструктура на одредени делови на трасата, посебна сообраќајна регулација и управување со мала брзина.

Транспортот тргна со задоцнување од една седмица од предвидениот рок, поради подолгото време кое беше потребно да се осигураат сите услови и соодветни дозволи за движење во Република Грција, кои произлегуваат токму од специфичноста на овој транспорт, велат од ЕСМ.

The post Трансформаторот за РЕК Битола тргна од фабриката во Турција appeared first on Република.

ЕВН Електродистрибуција испрати трансформатори за електрична енергија како донација за семејства од Украина кои се соочуваат со недостиг на струја за време на воената интервенција од страна на Русија.

Веста ја објави Енергетската заедница, а ја пренесе и министерот за економија Крешник Бектеши како помош од Македонија за Украина.

The post ЕВН Електродистрибуција донираше трансформатори за Украина appeared first on Република.